تجمع مراجعات مستشفى رويال حياة

[درة التاج]

كان استقبالي بسيط بس ما صورته
طلبت خدمة الضيافة من المستشفى (سيرفس, شاي قهوة فطاير ماي عصير واستكانات وقلاسات وكل شي منهم )
طلبت حلو من لي روا ويابو الحلو لغاية باب الغرفة بالمستشفى

 

[درة التاج]

اكلهم ماشاء الله وايد حلو
ضيوفي استانسوا علا الفطاير والحلو
الدكتورة منى ابو طعام ماشاء الله ربي يعطيها العافية
تعاملها حلو وانسانة رائعة وخياطتها ممتازة

 

[Aloe Vera]

ماشاء الله قصتج حلوة
و الاستقبال البسيط احلى و ارقى
انا ان شاء الله ناوية على جذي

 

[درة التاج]

احس قرقت وايد
ان شاء الله تبشرينا بولادتك بهون وسلامة يارب

 

[Aloe Vera]

و انا نفسج باخذ طقم الضيافه من عندهم
لان مااااالي خلق اشيل معاي اغراض
اخذ من عندهم اريح لي بوااااايد

 

[درة التاج]

احب انبه البنات
في شي مهم ان الكمام وقت طلعة راس البيبي خذوه مني السسترات
هذا احسن الف مرة انك تشفطين الكمام وقت طلعة راس البيبي لان ممكن البيبي مايطلع حزتها

 

[Aloe Vera]

يا رب آميييين

انا صايرة وايد افكر بالولادة باقي عالتاسع ٣ اسابيع
الله يسهل و يتمم على خير
متحمسة و خايفة بنفس الوقت

 

[درة التاج]

في وحدة من العضوات كانت حاطة رابط عن يوم الولادة لرولا قطامي
احلى شي فيه تمارين التنفس شهيق من الانف وزفير من الفم يعطي اكبر كمية اكسجين لعضلة الرحم وتشتغل بالشكل الصحيح
لا تاخذون نفس من الفم وزفير من الفم لان راح يسكر الرحم

 

[درة التاج]

يا رب آميييين

انا صايرة وايد افكر بالولادة باقي عالتاسع ٣ اسابيع
الله يسهل و يتمم على خير
متحمسة و خايفة بنفس الوقت

اقري سورة الزلزلة
اكلي سبع تمرات وراح تشوفين انها احلى ولادة :eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[Aloe Vera]

ان شاء الله بولادتي هالمرة اتذكر تمارين التنفس
لان بولاداتي قبل كله انسى
معني اتدرب عليهم قبل

 

[Aloe Vera]

مشكووووووورة عالنصايح يا درة التاج و ان شاء الله اقرا سورة الزلزلة كل يوم

 

[درة التاج]

مشكووووووورة عالنصايح يا درة التاج و ان شاء الله اقرا سورة الزلزلة كل يوم

حياك الله يا احلى Aloe:eh_s(17):

 

[Aloe Vera]

الله يحييح حبيبتي درة

 

[om.malak]

دره ماشاء الله ولادتج حلوه يعني تنصحين ما اخذ ابره الظهر
حدي محتاره مابين اخذها او لا؟

 

[Aloe Vera]

دره ماشاء الله ولادتج حلوه يعني تنصحين ما اخذ ابره الظهر
حدي محتاره مابين اخذها او لا؟

حبيبتي مو من الحين تقررين عالابرة
انتي شوفي ولادتج يمكن سهله و ميسرة مانحتاجين ابرة الظهر
خليها عالله وقت الولادة بتعرفين

انا بولاداتي مافكرت اخذ ابرة الظهر سبحان الله نسيتها و كان الوضع عادي محتمل
و الحين مقررة نفس الشي حسب قدرتي بشوف نفسي بس ان شاء الله ماراح احتاجها

 

[om.malak]

تهقين جي ؟ الله يسر عيل
مشكوره حبيبتي وان شاء الله ماتحتاجينها

 

[Aloe Vera]

يا رب الله يسمع منج

 

[درة التاج]

دره ماشاء الله ولادتج حلوه يعني تنصحين ما اخذ ابره الظهر
حدي محتاره مابين اخذها او لا؟

هلا حبيبتي
للأمانة ترا الممرضة حطت لي مسكن في المغذي وارتحت
حتا الكمام ما طلبته الا لما زاد الألم
الكمام أخذته ونمت ما قمت الا لما خذوه مني
بدا راس البيبي يطلع
ان شاء الله تولدين بهون وسلامة

 

[درة التاج]

ترا راح تسالك دكتورة الطوارئ تبين ابرة ظهر ولا لا
ان شاء الله ما تحتاجين تاخذينها
بس اذا حصل واخذتبها حطي في بالك انك لازم
تمشين وتسوين مساج حق ريولك

 

[om.malak]

انا قع احاتي ابره الظهر بشي واحد انا ادرس بدنيه واخاف يحوشني اعراضها
واتوهق وماقدر اكمل دراستي
من جي افكر بالكمام معنه من اول ما حملت والابره فبالي