تجمع مراجعات مستشفى رويال حياة

[لوولوو_88]

الله يطمنكم بنات و انشالله بحط لي موعد عند خالدة و بحجز غرفة ليلى أو كاميليا انشالله ..

و مبروك ما ياج كويتية حبي ♡

 

[Aloe Vera]

Q8 qt


الف مبروك و الحمدلله على سلامتج و صح شعور وايد حلو لمن تكونين واعية وقت طلعة البيبي و الحمدلله على سلامتج

 

[Q8_QT]

Aloe Vera و لوولوو_88

الله يبارك فيكم تسلمون

 

[وداعيه]

Q8


الف الحمدلله على سلاااامتج حبيبتي ومبروك ماجاج

 

[وداعيه]

ورحت لغيرها بنفس. ساعه وفحصوني قالوا كلامها جذب بجذب

خرعتيني بصرااحه ، انا استخرت والله يكتب الي فيه الخير

 

[Q8_QT]

وداعيه


الله يسلمج حبيبتي والفال لج يارب تولدين بالسلامة

 

[مناوووي]

صباح الخير
بكم ابرة الظهر عندهم بنات؟؟؟

 

[Om_Sanad]

تولدون بالسلامة

كيت كات سلامتج
شرنقه ان شاءالله عقب الولادة راح تشوفين ان راح تطيرين وتصيرين فراشه بس مو وايد لان بيبي بياخذ وقتج وانتي بتخافين عليه ماراح تطلعينه وايد

 

[Om_Sanad]

q8

الحمدالله عل سلامتج ومبروك مايااج

بس ليش قيصريه انتي الي طالبه هالشي ؟؟

 

[مسـك]

Q8 الحمدالله على سلامتج وسلامة البيبي


مناوي الحين صارت ب ١٥٠

 

[؛؛sokrrah؛؛]

كيو ايت جم طلع حسابج عندهم

لان ليلى اذا قيصري 1000
وابرة الظهر 150

فبعرف جم طلع مجموع حسابج

 

[؛؛sokrrah؛؛]

سوري قيصري 1300
وابرة ظهر 150
جم طلع مجموعج

 

[مناوووي]

مشكوره حبيبتي مسك

 

[Q8_QT]

أم سند & مسك


الله يسلمكم مشكورين والفال لكم تولدون وتقومون بالسلامة انتوا وبيبياتكم ان شاءالله



أم سند



آنا والدة قيصري لان الولادة اللي قبلها قيصري بعد وحملت عقبها ب 7 شهور وجرحي كان عليه طبقة سودة قالي الدكتور إن الحل يا تسوين ليزر يا انه تولدين قيصري مرة ثانية واخيط لج الجرح واعطيج كريم ومادة السيليكون تستعملينها وما يسود جرحج مرة ثانية ولأن عندي قيصرية سابقة قالي اذا حابة تولدين طبيعي لازم اييج طلق طبيعي مااقدر احط لج طلق صناعي ولا يصير تاخذين شغلات تحرض الطلق لأن موزين عالجرح احتمال ينفتح ولازم كل ساعة تفتحين من سانتي لي 2 وحجم البيبي وراسه مايكون كبير لان عندي ولدين اثنينهم يبتهم اقل من 3 كيلوات وانا البجر يبته طبيعي بس خذت طلق صناعي يعني ماجربت انه اولد بس عالطلق الطبيعي واهو خيرني بين الولادة القيصرية او انتظر لي ما اييني طلق واولد طبيعي وقالي انا ماافضل اجازف لا في الام ولا في البيبي افضل اكون في السيف سايد وانتي براحتج اللي مرتاحة عليه سويه فصليت استخارة وارتحت عالولادة القيصرية وهم ريلي كان رايه من راي الدكتور وقالي ليش تجازفين وممكن تنطرين الولادة الطبيعية وبالاخير تولدين قيصري وهم استشرت مجموعة من اهلي وايدوني اني اولد طبيعي فعزمت وتوكلت على الله وولدت قيصري و الحمدالله على كل حال

 

[Q8_QT]

سكرة



طلع حسابي 1586 وابرة الظهر طبيبة التخدير قالت لي انه حسابها مع حساب القيصرية لان لازم تخدير وماجيكت صراحة عالفاتورة لان ريلي اللي دافع واحنا عندنا تأمين غطى مبلغ 600 واحنا دفعنا الفرق بس في شغلة غريبة صارت لما رحت اكلم وداد قبل يوم عمليتي عشان تحجز لي غرفة الليلي قالت لي انه حسابي راح يكون 1500 شلون عرفت مادري اذكر سألتها وقالت لي هذي ادوية وشغلات جذيه بس ومادققت عالموضوع

 

[مناوووي]

كيوت حبيبتي بستفسر عن ابرة الظهر
قريت كاتبه طبيبة تخدير !!
منو الي عطاج الابره
الصراحه مابي دكتور ابي دكتووره تعطيني الابره
شسم دكتورتج ؟

 

[Q8_QT]

اهلا مناوي

الدكتورة رحت لها قبل العملية بس مااعرف اسمها سويت تحليل وقعدت معاها سألتني جم مرة سويت عملية وجم مرة خذيت بنج والاسئلة المعتادة
بس يوم العملية اللي عطاني الابرة دكتور مو دكتورة وهم مااذكر اسمه حزتها كنت متوترة وخايفة مع انه كان حليو وجنه قالي اسمه بس العتب عالذاكرة
وبالعكس مناوي عندي الدكاترة الرياييل احسن من الحريم مادري انا اشوف جذيه وعالعموم سمعت يمدحون دكاترة التخدير عندهم

 

[مناوووي]

هلا كيوت
اي ادري الدكتور احسن بس اناا مومتخيله دكتور يشوفني
الله يكتب الي فيه الخير
وبسالهم بموعدي الجاي ان شاءالله

 

[baa6aa]

الدكتور اللي بيعطيج ابره الظهر ماراح يشوف منج شي الا ظهرج مكان الابره
انا جذي رافضه ان دكتور يشوفني بس وقت الابره انا اللي طلبت دكتور
وبس عطاني الابره ومشا
ايده ماشاءالله كانت خفيفه وكان يشرح لي خطوة بخطوة عشان ماخترع

 

[مناوووي]

الله يسهل يااااااارب
لان سمعت انه يشوف ظهري كله لي تحت ويصب علي ماده بعدين يختار مكان الابره؟؟
عشان جذيه اخترعت انه دكتور يشوفني
الله يسهل يااااارب