:{تجمع مسافرات تركيا صيف 2010}:

[FoOosHiia]

الله يسلمج حبيبتي زيتونة اي و الله بفضل من الله كل شي كان سهالات
ان شاء ناوين نسير عليكم ببورصة تقريباً اسبوع بس مو حاجزين فندق بنروح و بندور لنا شقة
عاد ان شاء الله نتشاوف
و على اوزنجول ما شاء الله الكل يمدحهااااااا و يقولون جنه الله بالأرض بس مشكلتها بعيدة شوي و احنا مالنا خلق طيران داخلي

 

[أبلة كويتية]

اليوم الخميس توني واصلة تركيا
الجو حده عجييييييييييييييييييب
بس الظهر شوي شمس
بس أكيد أكيد مو نفس شمسنا

بس أريح شوي وأقولكم عن تفاصيل الرحلة بالكامل

بإذن الله تعالى

الشاطرة تقول جم بس ..قلتها اليوم

خخخخخخخخخ تحسون وحده داااايخة حدي عقب الطيارة

 

[¤§ زيتونة §¤]

الحمدلله عالسلامة حبيبتي ابلة كويتية

وان شاءالله رحلة حلوة وسعيدة

انا عرفت جم بس قلتي ههههههههههههههههههههههههه ثلاث مرات صح؟؟



بانتظار التفاصيل



احنا بعد باذن الله بنحرك باجر بالسيارة يعني حسبو لنا 3 ايام وواصلين بورصة اذا ما رحنا اوزنجول لانها على طريج الدخول اقرب



وان شاءالله نلاقيكم بعدين بالحديقة








فوشيا عليج بالعافية حبيبتي

وباذن الله نتشاوف بالحديقة وبينا بلوتوث بنكاتنا بالمنتدى هههههههههههههههههههههه

 

[maryam_q8]

اليوم الخميس توني واصلة تركيا
الجو حده عجييييييييييييييييييب
بس الظهر شوي شمس
بس أكيد أكيد مو نفس شمسنا

بس أريح شوي وأقولكم عن تفاصيل الرحلة بالكامل

بإذن الله تعالى

الشاطرة تقول جم بس ..قلتها اليوم

خخخخخخخخخ تحسون وحده داااايخة حدي عقب الطيارة

الحمدلله على سلامتج
وبانتظار التقاصيل


الحمدلله على سلامتج وبانتظار الت

 

[maryam_q8]

زيتونه
تروحون وتردون بالسلامة
ديروا بالكم على الطريج
والله يحفظكم
وطمنينا عليج

 

[ورد وردي]

ابلة كويتية حمدلله على سلامتكم

واصلينا بالاخبار اول بأول

 

[كازو ترف]

شكرا عالموضوع الحلو

 

[maryam_q8]

حياج الله حبوبة
رايحه تركيا انشالله

 

[أبلة كويتية]

مشكووووورين يالغاليات والله يسلمكم إن شاء الله تعالى

زيتونة

الله يحفظكم إن شاء الله ويسر دربكم وتروحون وتردون بالسلامة

=

=

آنا ألحين في مدينة تيرمال إللي قلت لكم عنها وبالتحديد في منطقة كوكجدرا

الجو طبعا عجييييييييييييييييييييب وأمس بالليل كان برد حيل تغطيت ببطانية خخخخخ وحدة مو مصدقة عقب حر الكويت

الظهر الجو عادي وشمس شوي ...بس أكيد مو نفس شمسنا
(( بس تبون الصج يا حلو الكويت بحرها وغبارها ما كو كويتين بالدنيا ))


عدد السياح في القرية مو نفس قبل أقل بشوي ...أغلب الشقق محجوزة لأنهم بييون الأسبوع الياي إن شاء الله

يعني على الأسبوع الياي إن شاء الله إيون أغلب الناس في القرية نفس كل سنة

شكلنا يينا مبجر شوي

الأسعار نفسها ما تغيرت عن العام الماضي ...بس طبعا في بعض الأجارات زادوها شوي ..البعض مو الكل

=

=

بالنسبة للمطار حبيت أنبهكم على شغلة

أول ما توصلون إن شاء الله تعالى قبل الجوازات لازم تحطون الفيزا

راح تلاقون لافتة مكتوب عليها فيزا قبل الجوزات ...إحنا حطينا مالت 90 يوم يعني 3 شهور بـ 20 دولار للشخص الواحد

وبعدين تروحون للجوازات وعقب الجوازات تروحون للسير إللي تاخذون منه أغراضكم

هني لازم تكون عندج ليرة حديد عشان تاخذون عربانة إنتو تدزونها لأغراضكم

العربانة حاطين يمها جهاز تدخلين فيه بيرة وتاخذين عربانة

فيه واحد معاه عربانة كبيرة حيل يشيل أغراضكم بس ياخذ تقريبا 20 ليرة يعني تقريبا 4 دناينير

بالمقابل العربانة العادية ب 200 فلس تقريبا

إحنا طبعا لقينا عندنا ليرات ملوت العام فقدرنا ناخذ عربانة أم ليرة

إنتو عاد وقت الصرف حاولوا تاخذون الليرة الحديد أو أول ما توصلون اشتروا أي ي عشان تخردون ليرات

يمكن على حظكم تلاقون عربانة ناس هادينها ...يمكن ليش لا ..بس هالشي نادر

وليما تطلعون من المطار التكاسي أرخص من المكاتب إللي داخل المطار

اتفقوا مع التكسي على المبلغ وقولوا له ما نبي العداد أحسن لكم

وإذا تبون أي شي آنا بخدمتكم يالغاليات

موفقين إن شاء الله تعالى

 

[أبلة كويتية]

الله يعينكم على بدلياتي ...الكي بورد مالت الكافيه مو شي يالله اضغطت على الأحرف

المهم نسيت أقول لكم ..إللي مسافر على التركية ..إكلوا قبل لا تركبون الطيارة لأن أكلهم مو شي

وإذا عندكم يهال إخذوا معاكم كرواسون ..يعني هالشغلات المغلفة راح تخدمكم حيل

واليهال إخذوا لهم أي شي يسليهم بالطيارة لأنه ما فيها شي يسليهم ..حتى التلفزيون إللي حاطينا مشترك بين الركاب مو حلو كلش

يعني طيارتهم مو شي كلش ...بس الحلو فيها من تركبين تنامين لأن طيرانهم بالليل

بس إللي ما تنام نفسي بتلوع جبدها حيل حيل ...:lkmnkl:

هذا على الطيران التركي

بس إللي رايحين على الإماراتية والقطرية

أكيد راح تستانسون ...آنا راكبة طياراتهم عجييييييييييييبة

بس طياراتهم إللي رايحة تركيا ما ركبتها ...أتوقع كل طياراتهم نفس المستوى

:lolo:رحلة سعيدة للجميع إن شاء الله تعالى:lolo:

========
=====
==
=

 

[maryam_q8]

الحمدلله على سلامتج ابله ووافينا بالاماكن اللي تزورينها

 

[FoOosHiia]

ابلة كويتية

الحمد لله على سلامتكم
من اي كافيه تشبكين ؟؟
انا لاعت جبدي نروح لامريت انترنت كافيه بس حدة حر عندهم و مشكله شقتنا ما فيها وايرلس
و يقولون جوك شدرا يايتها موجة حر هاليومين الله يعين

 

[زبــــــــدة]

وناااااااااااااسه الحمدالله على سلامتج ابلة

احنا بنروح 10-7 اعتقد نطير 2ونص والله مو متاكده هالسوالف عند امي خخخ ...ونوصل 11-7 6 الصبح لووول

 

[زبــــــــدة]

صج بنات يصير استخدم البلاك بيري هناك ؟؟؟؟؟؟؟

خدمه الوطنية ؟؟؟؟

 

[^نواري^]

الحمدلله على سلامتج يا ابله كويتيه

شوقتينا على هالقرية والله ......

حبوبه ناوين نروح لتركيا هالسنة بشهر 8 .. واول مره نروحها و10 ايام ان شاء الله .. واحنا 4 اشخاص كبار ..

وحابين نغير جو ونبغي مطر وطبيعه ..
وين تنصحيني ااروح ....... بخاطري آمر على هالقرية ...... احجزي لي معاكم

 

[¤§ زيتونة §¤]

مرحبا بنات


شخباااااااااركم





احنا وصلنا انطاكيا اليوم قبل شوي بالسيارة

طبعا وقفنا وايد ونمنا في فندق بالسعودية على حدود الاردن



والحين شابكة من الفندق وايرلس خوش فندق كل سنة نسكنه والصبح بنمشي باذن الله الى اوزنجول بعدها بورصة



واوافيكم بعدين بالاخبار

 

[أبلة كويتية]

اللله يسلمكم يالغاليات

الجو عندنا عجيييييييييييب موطبيعي ما شاء الله

إحنا عندنا في القرية إنترنت كاااافيه

سريع وشحلاته كل سنة إحنا عنده

=

=

القرية شهر 8 ما أتوقع راح يكون فيها وااايد ناس

الأغلب بيرجعون على شهر 8 عشان رمضان

بس حلوة تيين لها زيارة




نواري

تركيا فيها وااايد أماكن

أنصحكم تزورون جزيلاة الأميرات بيوك أظا

وبعد منطقة السلطان أحمد والمساجد

والمجمعات وااايد

هذا في اسطنبول

أما في بورصة أنصحكم تزورون جبا أولداغ
وبعد مجمع جواهر
والسوق السقف كبلاجارجا

ومن بورصة تروحون يوم كامل تزورون جزيرة يلوا
ومنها تروحون للحمامات المعدنية في تيرمال وطبعا إذا وصلتوا تيرمال أكيد بتتمشون في قريتي المفضلة كوكجدرا


7

7

زيتونة


الحمدلله على سلامتج نورت تركيا بوجودج

شلون الجو عندكم

ووافينا بالأخبار ..إحنا بانتظارج

 

[ارزاق مرزوق]

رد : :{تجمع مسافرات تركيا صيف 2010}:

الحمدالله على سلامتكم كلكم
شلون الجو في بورصة؟
انا رايحه باذن الله 11/ 7

 

[زبــــــــدة]

الحمدالله على سلامتج زيتونه...


صج بنات هناك ملابسهم حلوة؟؟؟؟؟؟

هذا اللي يهمني انا السوووووووق :ggdw:

 

[تمنيتك]

رد : :{تجمع مسافرات تركيا صيف 2010}:

فديتهم اللي بتركياا وذكروني اليوم دقوا علي

حمدالله علي السلامه حبيبتي زيتونه والجميع اللي بتركياا


زيتوناا

اخييه ... اذكروني لما تروحون الجبل وو شلال الصغير >> السمج

وعليكم بالف عااافيه