** تجمع مسافرات دبـــــي 2011 **

[ليمون ونعناع]

السلام
ودي اسافر ومفكرة بدبي رحت له قبل سنه وقبل سنتين وايد حلوة

سكنت بشقي فندقيه تعبرين الشارع تلقين روحج وصلتي الاما ات مول
اسم الشقق شقق نجد الفندقيه وحت انا وريلي الشقه اعطيها ٥نجوم وانا ذوقي صعب فيها غرفه وصاله ومطبخ وحمام
المطبخ كامل مكمل وفيه غساله اتوماتيك تغسل وتنشف وتكوي ١٠٠٪
يعني احط هدومنا وانام ولمن اقعد احط غسله ثانيه ونطلع <<<راحه ومايحتاج خدامه معاج تزاحمج

وبالسطح فيه حمام سباحه

وفيه جيم على مااذكر وريوق ليم الغرفه

حجزت عن طريق booking.com السعر كان حلو بس مااذكر جم
والسفر على الجزيرة كان وايد زحمه بس مواعيدهم مضبوطه غرينتش
واذكر بمطار الكويت كانت رحله فلاي دبي ماكو زحمه نهائيا بسرعه يسوون boarding

ورحنا الامارات مول دخلنا سكي دبي عجيييب ورحنا مطاعمهم وكارفور
بدبي مول رحت امواريوم لااااازم تروحون لها روعه وماكنت ادري عن الشلالا والنافورة حسافه ماشفتهم كانت سفرتنا بعيد الفطر ووايد زحمه موووت
ورحت اتلاتنس واااااااو عجيبه اتبنن مدينه مائيه فيها نهر وزحلاقيات واكواريوم تشوفين السمج يسبح معاج واحنا طالعين لازم ايس كريم من كولد ستون وعندهم فرع بالامارت مول

ورحنا مجمع جنه اسمه اوتلت شوي بعيد
عندهم ستوكات ماركات وكله اسعار مخفضه ومافيه زحمه يمكن لان كان اخر يوم رمضان

ورحنا دبي مارينا حلو مثل ممشى علبحر وفيه كافيهات ومطاعم واجرنا قواري وسقناهم

وبس كانت هذي سفرتنا قصيرة وخفيفه

الي تستفيد يا ريت تتمنى لي الخير ولها مثل ما تتمنى لي واكثر يارب

 

[ليمون ونعناع]

عندي سؤال
منو تعرف وين القى محلات لملابس الاطفال
ابي الغالي والرخيص بس شي زين

وبالذات ابي اعرف وين كارترز carter's
شكرا
وبصراحه خوش تجمع ولو ان باقي جم يوم وتخلص٢٠١١

 

["*آآآنؤؤؤقهـ*"]

حياااج الله ليمون ونعناع

اي والله التجمع رووعه

وان شاااءالله يستمر والكل يستفيد...



هالفندق شفته في بوكنق شكلي سفرتي الجايه فييه

من مدحج لهه وشفت سعره رخييييص سعرر خيالي

 

[ليمون ونعناع]

وايد وايد حلوة الشقق جربيها وادعي لي والموقع ممتاز

انا قاعدة ادور مثل هالشقق وابي قريب من دبي مول
اذا مالقيت راح احجز بشقق نجد واروح دبي مول بالمترو وخلاص
لان ماابي اتوهق واقعد اي مكان لا هالمرة انشالله باخذ ولدي فابي اكون مرتاحه

 

[Little Swan]

بنات وين احسن محلات يبيعون فساتين سهرة بدبي؟

 

[دريم ويب]

بناااات وين القى بوتيك ايف سان لوران في امارات مول

اي دور واي جهه وشنو المحلات اللي عنده بليز

 

[ليمون ونعناع]

انا المرتين الي رحت فيهم ما رحت حق تسوق كان ترفيه وسياحه
وانشالله هالمرة حابه استفيد من المندى بسالفه السوق والمحلات خاصه للبيبي

 

[ليمون ونعناع]

تذكرت شي انشالله يفيدكم يا حلوات

انا من قبل كنت رايحه دبي وراهيه مو حاجزة فندق فلت اطب المطار واحجز والا الصدمه ان ماكو ولا حتوته صغيره بدبي كلههههه فلللللللا
وانا انصدمت قالولي في مؤتمر او معرض فعشان جذي ماكو مكان لقيت بالشارجه قلت لهم حجزةلي بس ليلتين وبعدين انا بدور قالولي ترى ماكو حجزي من عندنا حق اقامتك كلها ترى احنا ارخص من الفتدق >>>>>بس عيني قويه لااااااا ماابي انا ابي بدبي

وصج رحنا الفندق والا اسعار المكتب الي بالمطار ارخص بس كان الفندق صغييييير تقلقص وعشان نروح دبي ساعه ونص طريج من الزحمه واعمال الطرق كانوا يشتغلون بالمترو مو مخلص بعده

واول يوم مر والثاني كنا طالعين والله نسيت اي مجمع يمكن حمر عين و سكروا المحلات الظهر وقلنا خل نروح مجمع ثاني نصلي وقضينا الصلاه والا نشوف مكتب سفريات قلت له نبي اقامه ليلتين او ثلاث بدبي قام يضحك يقول ماكو ما اح تلقين غير بدل ماكو
طلعنا وشفنا شقق الخبيصي فندقيه وقالوا احنا عندنا شقه <<<<<<كلولوووش مو مصدقه
شفناها بنيانها مو يديد عادي بس نظيفه ووااااااااسعه مع انها كانت غرفه وصاله ومطيبيخ صغير ومااذكر جم حمام
والله ردت روحنا لمن شفناها
سالته اذا احجز من المكتب السياحي الي بالمجمع الي قبالكم مايكون ارخص من الحجز عندك قال بلى روحي حجزي من عندهم وتعالي
رحت للمكتب وقال ماكو قلت له انا توني رادة من عنده وشايفه الشقه فاضيه قام دق وتاكد وحجرت ورحنا شقتنا
الشقه حلوة حق الي ميزانيته متواضعه وكله يبي يطلع ويتسوق ليش يقط فلوس عل الفندق واهو ماراح يقعد الا للنوم والراحه بس
وسلامتكم
وايد قرقت وقلت قصه حياتي
بس والله ابيكم تستيفدون لا اكثر ولا اقل

 

[دريم ويب]

خلاص دليت البوتيك

 

["*آآآنؤؤؤقهـ*"]

هههههه لا ليمون حدج غلطانه

اذا ماحجزتي من هني لاتغامريييين هذي دبي

كل مواسمها فلل ...


واحنا زين المره اللي طافت لقينا فندق راقي الكل فلللللل

 

[همسات 25]

مرحبا
انووووووووووفه
بغيت اسالج فندق هوليدي ان برشا
عن اسعاره
وعن خدمته
وفيه اجانب مفاصيخ

 

["*آآآنؤؤؤقهـ*"]

هلا همسات ..

لا ابدا مافي مفاصيخ بس في اجانب لابد منه
وانتي عارفه لسهم ..
واسعاره الليله خذيناها ب٤٥
٣ ليالي طلعت ١٣٥

خدمته تنظييف غرفه كل ماطلع وارجع الاقيي غرفتي مرتبه ونظييفه

حلوووه الفندق .. عندج بولمان عجييب

 

[ليمون ونعناع]

عجبني التقرير
قلت اسدحه لكم

ادعولي الله يكتب لي واسافر
http://travel.maktoob.com/vb/travel338363/

 

["*آآآنؤؤؤقهـ*"]

يسلموووو ليموووووووون

 

[همسات 25]

هلا همسات ..

لا ابدا مافي مفاصيخ بس في اجانب لابد منه
وانتي عارفه لسهم ..
واسعاره الليله خذيناها ب٤٥
٣ ليالي طلعت ١٣٥

خدمته تنظييف غرفه كل ماطلع وارجع الاقيي غرفتي مرتبه ونظييفه

حلوووه الفندق .. عندج بولمان عجييب

مشكوره حبيبتي

بغيت اسالج حجزتي من الكويت ولا
من دبي

 

["*آآآنؤؤؤقهـ*"]

من الكويت كل شي ....

 

[همسات 25]

مشكوره حبيبتي

 

[جروح ودموع]

اخيرا حجزت لدبي ولله الحمد على الكويتيه من 8 يناير الى 16 يناير والتذكره 63 دينار للشخص والفندق للحين ما حجزنا واحتمال كبيير تاج بالاس

 

[فواصل]

بنات شرايكم بفور بوينت شيراتون شارع زايد او فندق نوفيتيل ؟؟؟؟؟؟؟؟؟؟؟؟؟؟؟؟؟؟؟؟؟

انا جربت فوربوينت شيراتون في شارع زايد

ممتاز و صالته كبيرة ولا تنسين بوفيه الريوق رووووعة


ما ينفوت

 

["*آآآنؤؤؤقهـ*"]

جرووووح الحمدلله الله يتمم علييج وتستانسييين ان شااءالله