تجمع مسافرات سويسرا&بلاك فورست2011

[Samurai]

يونيك انتو كم شخص ؟

لأني ساكنه بشقه حلوه صغيره استيديو
حسافه ما معاي كمبيوتر جان دزيت لج الصور
دزيلي ايميلج وادزلج الصور ان شاءالله اهي بمتطقة Bönigen تبعد ٣ كيلومتر من سنتر انترلاكن تقريبا نص ساعه مشي او بالباص
وصاحبة الشقه تعطيج كرت تركبين الباص ببلاش
والشقه مطله على البحيره و ١٠٠ فرنك بالليله
بس تكفي شخصين ويمكن طفل صغير

 

[Samurai]

شهرزاد
اسمحيلي توني اشوف ردج والله

التكلفه 90 دينار للشخصين
تقريبا

اذا معاج السويس الباس تصير النص
ما عندي فكره عن السويس الباس بس المعلومات اللي قلتج عنها اذا ما راح تأجرون سياره انصحج فيها بس مادري اي نوع شوفي الباس العائلي

 

[شهرزاد الحكاية]

شهرزاد
اسمحيلي توني اشوف ردج والله

التكلفه 90 دينار للشخصين
تقريبا

اذا معاج السويس الباس تصير النص
ما عندي فكره عن السويس الباس بس المعلومات اللي قلتج عنها اذا ما راح تأجرون سياره انصحج فيها بس مادري اي نوع شوفي الباس العائلي

مشكورة حبيبتي الله يجزاك خييير

انتي تقصدين برحلة الثلج

قمة Jungfraujoch - Top of Europe أو زيارة جبل تيتلس mount titlis​

​

واذا عندج فكرة ايهو احسن وحده فيهم​

ويصير اجمع بينهم بيوم واحد ​

واذا لأ اختار اي رحلة فيهم ؟؟​

 

[UniquẼ ♥ ώomaN]

Samurai احنا شخصين
دزيتلج عالخاص حبيبتي
وثااانكس

 

[Samurai]

شهرزاد

رحلة الثلج كانت توب اوف يورب

وما رحت قمة تتلس بس يقولون ارخص وما دام السالفه ثلج في ثلج روحي الارخص واختاري يوم مشمس عشان الجو يكون دافي عليكم واهم شي الدسوس ما تقدرين تمسكين الثلج الا فيهم وجواتي ثقيله الرياضيه بس عشان ما تزحلقون

والله يحفظنا ويحفظج امييين

 

[شهرزاد الحكاية]

شهرزاد

رحلة الثلج كانت توب اوف يورب

وما رحت قمة تتلس بس يقولون ارخص وما دام السالفه ثلج في ثلج روحي الارخص واختاري يوم مشمس عشان الجو يكون دافي عليكم واهم شي الدسوس ما تقدرين تمسكين الثلج الا فيهم وجواتي ثقيله الرياضيه بس عشان ما تزحلقون

والله يحفظنا ويحفظج امييين

مشكورة ساموراي ... الله يجزاج خير مو عن الارخص .... انا كنت ادور الاحلى ودامج مجربه توب اوف يورب فأتوقع بخليني على المضمون انا كنت مفكره اجمع مابين اثنتين وبيوم واحد حدي راهيه ادري :krkrkr:​

على جذي بخليني على توب اوف يورب تغني عنها صح جذي ؟ :rerrerek:

انزين انا مفكرة اروح توب اوف يورب من الصبح جم ساعة يكفيني هناااك ؟ يعني مفكرة اطالع من الثلج الظهر .. وارجع الفندق اريح شوي وتالي اروح
St. Beatus Caves و Thun city

شرايج ينفع المخطط جذي ؟

بالنسبلة للجوتي مكرم السامع البس جوتي رياضة عادي صح ؟ ولا ممكن يزلق ؟؟:eh_s(10):

والدسوس لازم اييبها معاي ولا القى هناك اشتري؟ :eh_s(10):

اسفة على كثر القرقه والحنه عذريني ومشكوووووووووووورة وايد والله يعطيج الف الف عافية :eh_s(7):

 

[Samurai]

هلا شهرزاد

سألي كثر ما تبين لا تخلين بخاطرج شي 


توب اوف يورب اكيد احلى وفي محل فوق يبيع دسوس وجاكيتات
شوفي عندج طريقتين
يا انج تطلعين لها من محطة انترلاكن الشرقيه
او تروحين بالسياره لقرية قرندوالد ومن محطة القطار تطلعين لها
السعر يمكن يفرق شوي واذا خلصتي من الثلج نزلي بقرندرالد وافتري فيها شوي

مدة الرحله بالقطار ساعتين روحه وساعتين رده رقولي تقريبا ساعتين بالثلج او اقل احنا بصراحه قعدنا ساعه
اذا رحتو من الصبح اي يمديج تروحين ان شاءالله

بس تأكدي من الجو احنا لما رحنا كان مشمس ويهبل دافي لدرجة قطينا الجاكيتات
الجوتي ما يكون خام وااللبس اذا ممكن لأن الثلج اذا حاشج يبلل

 

[Dorur]

الزحليقية ومعاج يهال يعني نطره ودور وراح تتعبون يعني بتردون وتعشون ويضيع اليوم

وبالنسبة للبحيرة تعتبر رحلة اذا انتي بتسكنين بالكابرون

بصراحة زلمسي يبيلها اكثر من 4 ايام وسألي مجربة !!!!!!!

مشكورة يا مزيونة خل اقول لريلي لان كل من قايل لنا ترا مافيها شي حدها 3 او 4 ايام

 

[شهرزاد الحكاية]

مشكورررة ساموراي والله يجزاج كل خير وصحة وعافية ياااااااااارب
ماني عارفه شلون اشكرك على طيبتج ومساعدتج الله ييسر امورج يارب
انا حابه اعطيج جدولي المقترح لانترلاكن واشوف ملاحظاتج لانها ماشاء الله حيييل فادتني والله يوفقج يااااااارب ​

اليوم الاول Heimwehfluh +في احتمال الاستغناء عن هالرحلة كون المطل مرتفع جدا Harder Kulm وما رأيكم نلغيه اونبقي عليه
وافكر اجمع معاه بنفس اليوم شلالات ترومل باخ شرايج؟
اليوم الثاني: Jungfraujoch ....صباحا
بعد الظهر

وافكر بعدها الذهاب ظهرا لزيارة مصنع الشيكولا في بروك بالاضافة الي مصنع الجبنة المجاور له ؟؟ شرايج ؟
اليوم الثالث: Blausee (البحيره الزرقاء) + Kandersteg شنو عبارة عنه قرية ولا معلم سياحي شنو بالضبط + oeschinen see

شرايج بالجدول زين ولا مضغوط ومزحوووم ؟؟
الاماكن قريبة من بعض اقصد الاماكن اللي بيوم واحد؟؟ ولا تحتاج تغييير ..

ابي شورتج وماتقصرين والله يوفقج وييسر امورج ياااااااارب​

 

[جاكليت]

بنات ابي فندق او شقه بانترلاكن او مناطق قريبه

بلييييز احنا 5

انا وزوجي و عيالي 10 و 9و 4 سنوات

 

[مزيونة الهيلا]

الاخت جاكليت هذا رابط للشقق في قرية غراندوالد في انتر لاكن

http://www.grindelwald-apartments.eu/

 

[Samurai]

شهرزاد

مصنع الكاكاو والجبن تقريبا ساعه ونص من انترلاكن
هذا يوم بروح + زيارة مونترو نص ساعه من المصانع

رحلة الثلج يبيلها يوم كامل تقريبا طويله ومتعبه شوي يعني اذا رديتو مبجر ممكن تروحون المطل

ترمبل باخ خليها مع البحيرات بطريق الرده

kandersteg هذي قريه اللي فيها التلفريك اللي راح يوديج للاوشن سي قريه صغيره. هاديه

 

[شهرزاد الحكاية]

مشكورة وايد ساموراي والله يجزاج عنا كل خييير يارب ​

 

[UniquẼ ♥ ώomaN]

ساموراي .. مشكوووره عالصوووور والاستديو حلوو كيوووت
بس بسألج في انترنت وباركنق ؟؟

انا ارسلت ايميل وناطره الرد


بنااااااات وينكم ؟؟

 

[مزيونة الهيلا]

بنااااااات وينكم ؟؟[/QUOTE]


موجودين كانا:balo:بس مادري وين الباجي ؟؟؟؟؟؟؟؟؟؟؟؟

 

[UniquẼ ♥ ώomaN]

مزيونة الهيلا .. شخبارج حبيبتي
وشلووون تجهيزات السفر .. خلصتي؟؟

 

[مزيونة الهيلا]

خلصت حجوزات الفنادق بس باجي تاجير السيارة وجاري البحث

 

[جاكليت]

امبيه تصدقون السكن في انترلاكن فل

 

[مزيونة الهيلا]

امبيه تصدقون السكن في انترلاكن فل

شوفي هالرابط من بوكينج فيه شقق لقراندوايلد وكذا قريه في منطقة بيرنز اوبيرد

http://www.booking.com/searchresult...20;score_min=0;src=index;ssb=empty;region=663

 

[مزيونة الهيلا]

ساموراي اقدر اروح لشلالات تروميل باخ وبعدها لبحيرة اوشن سي بنفس اليوم !!!!!!!!!!

ولا بعيدين عن بعض ؟؟؟؟؟؟؟؟