تجمع مسافرات صيف 2011 إلى بلاد الاستجمام والشوبنغ..لندن الساحره

[mr000]

اهليييين ربوع..اشلونج شخبارج..عاد حسافه توني بسكر اللاب توب بروح اخذ الصغيره من الحضانه بس بكتب عالسريع..والله خوش معلومه عن الاب غريد مال الدرجه..قالت مره الدلال انها غيرت لي الدرجه الاولى بالطياره..بس مادري عن البريتش..وانه لازم مااكون مسويه جيك ان بالنت..اتنزين اشاون بالمطار اعرف ان في مجال اغير..وماعندج فكره عن القطريه..وصاجه عن الكرسي الحين ولدي قالي انه دفع 8 علشان هو وربعه يكونون يم بعض هو رايح اسبوع الياي ان شاءالله..وصح كلامج البريتش عيبهم يطشرون الناس ..يعني بعيد الفطر بالرده معانا كويتي هو وزوجته شكلهم رادين من شهر العسل مساكين وحاذفينهم كل واحد بجهه بس بنفسي السطره.. وهم في ام مره كبيره مو حاطينها يم بناتها وحاطين صبي وسط بناتها..حاولنا خليناهم يم بعض يعني كلنا راضين ...تصدقين يت المضيفه مارضت قالت ردوا كلكم اماكنكم ..لان احنا شويه مصخناها كنا سطرتين قلبناهم فوق تحت..ههههههه

 

[mr000]

ربوع والله ماعندي مشكله..اللي بيسوي موضوع حلال عليه..الفنادق كلها موجوده بالنت وفي بوكينج. ولاهي فنادق ابوي هههههه .عادي free kuwait .والدلال حاطه موضوع عن الفنادق..انتي شخبارج مع الدراسه..والوالده اشلونها بالكويت اخيرا home sweet home يلا باي ,,ربوع بدزلج رساله عالخاص بس اوصل البيت

 

[Pissy Missy]

صبااااااح الخير اشلونكم
pissy انا انصحج تحجزين حق المباراة من النت او من اهني في مكاتب تحجز لكم مبارات واماكن سنعه بس حيل غاليه بتطلع التذكره ... بس من النت ارخص وحاولي تحجزين من الحين لانه المباراة حيل قويه فماراح اتحصلين اهناك انا رحت لها بس كانت في مانشستر مافي ولا كرسي فاضي يعني اشوه انه حجزنه من اهني وعن تجربه روحي صدقيني بتستانسين حيل تجربه وايد حلوة واي سؤال ابهالخصوص انا حاضره

بنات ابي منكم طلب صغيرون اذا تقدرون ابي فندق يكون نظيف حيل بحدود ال60 حتى لو كان اشوي ابعد من اكسفورد مومشكله بس ابي حق شهر 5

حماي عطانا سايت يقول مضمون حجزهم اهو مجربهم
اذا نوينه نروح راح نحجز منه
ريلي مو متشجع يروح
يقول ما احب شعب وجمهور ليفر بول

السلام اشلونكم جميعا..بيسي البارحه ولدي رد طرشلي مسج قالي نفس كلام فونا ان حجزوا من الحين..و كنت 99% نايمه علبالي والله اني كتبت لج بس طلعت حلمانه سوووري..فونا اشلونج شخبارج ..ان شاءالله اليوم اشوفلج

لووووول نوم العوافي حبيبتي

ريلي حده مو متشجع يقولي لو برشلونه بيلعبون جان ما ترددت دقيقه بس راح اروح وانا مو مستمتع بالمباراة لاني ما اشجع الدوري الانجليزي ليش اقط فلوس على الفاضي
وقال ليفر بول ما تشجع لو مانشيستر جان احسن

 

[$$ ام فهد $$]

هلااا وغلااا يااقمر تمااام حياتي بس اسمله عليج حايشني حاااارج ويييييع :eh_s(2): المهم بشريني عنج حبيبتي ؟؟ لووول عاد على شرط بشهر 7 اعطيج البيبي وانا اساافر :krkrkr: نحيسه مووو

حبيبتي الغاليه بسومه شخبارج وشخبار البيبي اللندني شوفي الحارج هذا امر طبيبعي في الاشهر الاخيرة

انا اذكر كنت اشتري علج موجود بالصيدليه خاص للحارج وايد زين ويريح:eh_s(15):

وبالنسبة للبيبي عادي ايكم لندن شهر 7 واحطه بالعربان وافتر فيه من مكان لين مكان واخليه تخصص

استجمام من الصغر ربي يحفظه:yaaaaaarb:

 

[$$ ام فهد $$]

السلام علي جمييييييع الحلوااااااات يعرفووووون نفسهم منوووووو mr0000 حبيبتي وأم فهد خالوووووو $$ الغاليه مشكوووره تدخلين


موضوعي المطاعم وتشجعين حبيبتي ووو danawi شلوووونج وشلون ينتج وووو بسووومه الله يقومج بالسلامه يالغاليه ووو فونا fona

شنو الأخبار تقطعين وتردين بس فيج الخير تسئلين عنا هذا الأهم و miss britsh عوده حمييييييده

اللي تسأل عن الكراسي بالبرتش سعر الحجز 8 دنانير إذا بتحجزون قبل وأحسن وايد لان الناس أغلبها قامت تحجز كراسيها خصوصا

الأجانب أريح بالروحه والرده علشان مايطشرونكم داخل بالروحه 8 وبالرده 8 وكذلك الوجبه بفلوس بس ماتسوي أنا برأي لأن أكل

البرتش يعني موزود في كل الأحوال اللي تبي تجرب

والتشيك إن مثل ماقالت mr000 دايما روووعه تتحفنا بالمعلومات والسبق الصحفي لها لوووووول تسوونه قبل لاتروحون المطار أريح

بس في الأوقات اللي فيها عطل تكون زينه لان زحمه بس الأوقات الثانيه مافي زحمه

ومرات بالمطار يسون عرض علي الإيكونومي بلاس ( درجة المسافر العالمي ) نص السعر يكون تدفعون الفرق بالمطار ف ماأنصح

دايما تسوون شيك إن قبل وووووووبث

هلا وغلا بالكتكوته الغالية شخبارج حبيبتي وشلون الدراسة ربي ينجحج ويوفقج ان شاءالله

تستاهلين التشجيع والموضوع بصراح يشوق ومتعوب عليه

اكيد الوالده اوصلت بالسلامة وناطرين اتصلها

 

[$$ ام فهد $$]

مرووو حبيبتي شخبارج-----------شلون الاستعدادات!!!!!!!!!!!!!!!!!

يقولون الجو الحين بلندن عجيب حلو

 

[mr000]

السلاام اشلونكم شخباركم..ربووع سوووري امس كنت مشغوله طول اليوم..بس خل ايمع افكاري وادزلج رساله..

 

[mr000]

مرووو حبيبتي شخبارج-----------شلون الاستعدادات!!!!!!!!!!!!!!!!!

يقولون الجو الحين بلندن عجيب حلو

أهليييين ام فهد حبيبة قلبي..شخبارج..اي والله يقولون الجو روعه. بلندن.بس والله حتى احنا مر علينا يومين جو لندني بديع:rerrerek:

 

[mr000]

بسومه اشلونج حبيبتي شخبارج..فونا. اشلونج.بيسي ميسي موفقين ان شاءالله بسفرتكم..دناوي وينج..شخبارج الله يعينج لاهيه ويا البيت..

 

[mr000]

لاحظتوا ان شالوا التقييم الي تحت كل اسم..

 

[law love]

السلام عليكم لندنيات ؛)

شريكم بلندن شهر ٤ ؟

الجو + السوق ؟

صارلي سنه مو رايحه لندن و انا متعوده كل فتره اروح حييييل ولهت عليها

 

[الدلال]

السلام عليكم
شلوونكم
شكلي بعفس حجزي فوق تحت
بس اول شي ودي اجيك على دوام المعلمات بعد العيد متى؟

 

[law love]

بما اني قاعده اتصفح التجمع و اقرى سوالفكم

لازم افيدكم بخبرتي احم احم

بتكلم عن الفنادق الي جربتها و رايي فيها بشكل عشوائي


اول فندق الكمبيرلاند

مرتين جربته

اول مره عطونا الغرف دخلناهم كلشششش ما عجبونا قمته و صغار و النظافه مش ولا بد
واذكر كنا حاجزين الليله غاليه مو هينه كان عيد اذا ماني غلطانه نزلنالهم و تناجرنا و عطونا غرف واايد اشرح و انظف و وحده من الغرف كانت راااهيه

المره الثانيه نفسسس الحركه الغرف مو شي و غيرناهم !

الي ما احبه بهالفندق انه هالحركه الي يسونها لازم يعطونج غرف لج عليها عاد و يشوفون ردة فعلج

و تنظيفهم للغرف موو شي و اكره شي ريحة الزقاير بالممرات و اللي ينظفون هم اشكالهم مو ملوت تنظيف و عااادي الجوادر مقططه بالممرات على بو انهم ينظفون الغرف الصراحه منظر يغثني احس الواحد رايح يشوف مناظر سنعه و نظافه صج انه 4 ستار بس ساعات اسعاره تظرب فبالمقابل تبين خدمه !

و مره من المرات كنا ساكنين فيه و رحنا باريس ليلتين و رجعنا لندن وكان حجزنا بكمبر لاند وسوو نفس السالفه بس هالمره الغرف ارررف كلش مو شي
ولا رظو يغيرونهم بحجه انه فيه غرف زينه فاظيه بس حق vip !!
لو اصير شي طارئ يسكنونهم فيه اذكر تهاوشنا هوشه سنعه و تعاندنا و تمينا باللوبي وحاولنا نحجز فندق ثاني يوم شافنا نحجز من النت جان يسكر نت اللوبي لوووول !!

دقينا على شيرشل بالفون و حجزنا باجي الايام

مال الرسبشن اسمه سنان ياااا كرهه غثيييث

طبعا عقب هالسالفه خطينا xxx اهوه مو حييل سيئ بس لازم انتعسر اذا رحناله

 

[law love]

ثاني فندق شيرشل

طبعا الفندق 5 ستار ما عليه كلام من ناحية النظافه و الخدمه و الموقع و كل شي

لكن الشي الي ما احبه فيه وسمحولي اقولها بعض الكويتين الي فيه من ناحية الترزز و الخز من تنزلين من باب الاصنصير تلقينهم مقعدين على القنفه يطالعونج بالرايحه و الراده

و طبعا لازم يخزون الجياس

ياويلج اذا جياس بريمارك لكن الجيس الاصفر ولا الاخظر شي شي لوووول

و الشي الثاني الي ما احبه العرب الي يشتغلون فيه لازم القرقه بالرايحه و بالراده و التحيلق للبقشيش

هالشيين يكرهوني بالفندق

و

 

[law love]

ثالث فندق بتكلم عنه اهوه الملينيوم

مره وحده رحتله و ماعدتها

اهوه بالاكسفورد بس مدعووس شوي

٥ ستار بس ما يستاهل

عيوبه ستايله قدييم الاثاث على بو انه كلاسك مكرووف

اول شي عطونا غرف صغيييره

و بدلناها بغرف اكبر و اشرح ( احنا لازم هالحركه ) اتصيرلكم بنات ؟؟؟

ما افكر اسكن فيه مره ثانيه و السبه مكانه مدعوس و الفندق قديم اهوه نظيف بس قديم جنه فنادق اول مو مجدد يبيله تجديد

 

[law love]

رابع فندق مونت كالم

احببببببه هالفندق حييييل عجبنا مرتين جربنها

5 ستار اسعاره غاليه لكن يستاهل

مكانه ورا كمبر لاند

الفندق مودرن نظيييف الخدمه واايد زيينه

شرح

لكن خل اقولكم نقطه

احنا اول مره جربناه حجزنا غرفتين وحده من الغرف صغيره و سرير واحد و الثانيه اكبر بسريرين

الي بوصله انه الغرفه الصغيره اهما مصنفينها على انها لشخصين لكن الصراحه اهيا لشخص واحد السرير دبل مو كنج سايز يعني نفر ونص مو نفرين و الغرفه ما تكفي لاغراض شخصين

كنت انا و اختي بغرفه فالوظع كان عادي بالنسبه لنا لكن لو صج تبون تاخذون راحتكم تاخذون الغرفه الاكبر حق شخصين

لكن لو برد للفندق انا و اختي نحجز بالصغيره لان في فرق بالسعر و احنا ما تاذينا بالغرفه لصغيره

المره الثانيه انا ما رحت و اللي راحو 3 اشخاص كانو حاجزين غرفه عاديه و بحطون اكسترا بد ما كفت الغرفه

و عطوهم سويت اسمه سبا سويت غرفه و صاله صغيره و حمامين و حطولهم اكسترا بد

حيييييييل يمدحون السويت

و بالطلعه دفعو زياده لانهم خذو السويت بس الصراحه كانت غلطتهم مو غلطتنا كنا مبلغينهم ان احنا 3 اشخاص

لكن الخدمه و الراحه الي قدموها خلونا ندفع و احنا راااضيين و كان معاه ريوق بس ما عجب الكل لانه ما فيه تنويع

انصح بالفندق و بقوووووه

اي ونسيت اقولكم عزكم الله حمام الفندق فيه بربييش ؛)

 

[law love]

رابع فندق مونت كالم

احببببببه هالفندق حييييل عجبنا مرتين جربنها

5 ستار اسعاره غاليه لكن يستاهل

مكانه ورا كمبر لاند

الفندق مودرن نظيييف الخدمه واايد زيينه

شرح

لكن خل اقولكم نقطه

احنا اول مره جربناه حجزنا غرفتين وحده من الغرف صغيره و سرير واحد و الثانيه اكبر بسريرين

الي بوصله انه الغرفه الصغيره اهما مصنفينها على انها لشخصين لكن الصراحه اهيا لشخص واحد السرير دبل مو كنج سايز يعني نفر ونص مو نفرين و الغرفه ما تكفي لاغراض شخصين

كنت انا و اختي بغرفه فالوظع كان عادي بالنسبه لنا لكن لو صج تبون تاخذون راحتكم تاخذون الغرفه الاكبر حق شخصين

لكن لو برد للفندق انا و اختي نحجز بالصغيره لان في فرق بالسعر و احنا ما تاذينا بالغرفه لصغيره

المره الثانيه انا ما رحت و اللي راحو 3 اشخاص كانو حاجزين غرفه عاديه و بحطون اكسترا بد ما كفت الغرفه

و عطوهم سويت اسمه سبا سويت غرفه و صاله صغيره و حمامين و حطولهم اكسترا بد

حيييييييل يمدحون السويت

و بالطلعه دفعو زياده لانهم خذو السويت بس الصراحه كانت غلطتهم مو غلطتنا كنا مبلغينهم ان احنا 3 اشخاص

لكن الخدمه و الراحه الي قدموها خلونا ندفع و احنا راااضيين و كان معاه ريوق بس ما عجب الكل لانه ما فيه تنويع

انصح بالفندق و بقوووووه

اي ونسيت اقولكم عزكم الله حمام الفندق فيه بربييش ؛)

 

[الدلال]

مشكوره اختي law love

على طرح تجاربج بالفنادق وبعد ياليتج تذكرينهم بالموضوع مال الفنادق علشان يكون مرجع


والله للحين محتارة مادري متى اسافر

شكلي بغير الديره بكبرها واسافر مكان ثاني

 

[mr000]

السلام عليكم لندنيات ؛)

شريكم بلندن شهر ٤ ؟

الجو + السوق ؟

صارلي سنه مو رايحه لندن و انا متعوده كل فتره اروح حييييل ولهت عليها

الجو وايد حلو في الايستر..ومافيه زحمة الصيف..والسوق يبتدون ينزلون الصيفي

 

[miss_british]

السلام عليكم


ربوع الحلوة شخباج

مروو ,, ام فهد ,, الدلال وباقي البنات شلونكم