تجمع مسافرات فرنسا 2009 شهر 7 و8 ..حياكم

[Gourges]

هاااي بنات صباح الخير .. انا توني قاعده "طبعا اهلي نزلوا تحت يتريقون " بس انا قاعده على الراحه وقلت شووف ردوكم :d
انجل والله تمام والله يسلمج بس والله مادلينا شي بس جذي قاعدين نمشي على باب الله .. ماندري وين نروح ولا ندل شي ولا ندل اصلا وين المترو بس لقينا جنه امس يم الفندق شوي بس نمشي حق محطة المترو ..ووو شنو بعد شنو .. ممم مادري اذا شفت شي بصورلكم طبعا ..
انام الربيع .. انشالله حبيبتي انشووفج ونتفق والقاج ... وترى الفندق حلووووو ....توقعته مو جذي بس وااايد راقي ... وصح يمنا الشانز على كلام ابوي ... انا امس حست حوسه وعبالنا قاعدين نمشي بشانز وطلع مو اهوا عقب ماتكسرت ريلنا ههههههههه بس يالله انشالله اليوم اروح ..
يالله اخليكم الحين واعطيكم التقرير بالليل انشالله :*

 

[لميس]

ياحلوك جورجززز..احنا اذا ماا ضيعنا ..مانكون عربببب خخخخخ

بس بعد ما تفرين اكثر من مره بتلقين نفسك صرتي خبيره بالمنطقه!!

 

[أنسام الربيع]

جورجز اشوفج على خير
وانتوا يا بنات اشوفكم على خير
بستعد حق الروحه ويمكن ما اشبك
مع السلامة
استودعكم الله الذي لا تضيع ودائعه
اوووووووووورفووووووووووووارررررررررر

 

[Gourges]

:

اليوم الثاني ​

هاااي بنات ويبتلكم احداث اليوم الحين الساعه جنه 4 وشوي بفرنسا .. ومساعه طلعنا
ورحنا الشانز ولقينا قوس النصر وصورناه طبعا ...​

هناك المحلات زوووغه بس اسعارهم نار ياحبيبي نار ....
مشينا ومشينا ومشينا ... لمن تعبنا ... شرينا وقعدنا بهاقنداز " الاي سكريم زوغه الي فيه اوريو وككاو" يمي يمي ..​

وطبعا مانسيتكم وصورتلكم ​

وهذا الاي سكريم ماالي وطبعا كله ككاو بككاو ;d غراامي​

اي صج واحنا ماشين لقينا بيتزا بينو الي امسح طاح حظنا واحنا ندوره بس مادشيناه لان شبعانين فا قلنا اليوم بليل انشالله بروح نتعشا فيه وهاذي صورته








ودشينا معرض سيارات تيوتا الي طبعا سياراتهم بس للعرض مو للبيع "هذا الي سمعته " وغريبين حييل



^^
| |
انسان ملقوف طالع بصوره :eh_s(14):






يتبع ...

 

[Gourges]

ودشينا دزني ستور الي بشانز .. واايد اغراضه تشووق حق اليهال خصوصا الي اصغر من 4 سنوات لهم فناتق وايد حلوه وهاذي الصور






من داخل







وطبعا اهوا دورين .. فا هاذي الصوره انا من على الدري وصورت الي تحت من بعيد






واخيرا وليس اخرا المحل الي بسطت فيه ;d
سيفورا ... ابيه بنات مو صج مو صج في كوليكشن حاطينه البدي لوشن مع عطر وشور جل البدي لووشن بروحه فلم .. والعطره فووقه ايخلي الريحه تينن موو صج وغريبا في مجموعه على ليمون وهلخرابيط وفيه مجموعه رااقيا حيل على ريحة ككاو وفانيليا وهسوالف حدا زاغ قلبي عليهم وماخذيتهم بس انشالله راح ارد اخذهم بس لانها اول زياره لي بسيفورا فا قلت هلفتره بخليها بس نظري وبما اني قاعده شهر عرفتوا وبعدها راح اشري على راحتي وهاذي صورة سيفورا من بره








اتمنى عجبكم تقرير اليوم وانشالله اذا صورت شي بليل اعرضه
اوفروار

 

[أم جوني]

مشكوره وايد على الصور حلويين شلون الجو حر ولابراد انا باجر يايتكم عشان اذا برد احطلي جاكيت بالجنطه ومشكوره حبيبتي

 

[الام الحنون]

شلوووووووووووووون الجو؟؟؟؟

 

[colorfull]

يعطيكم العافيه يابنات

وكثروا من التقارير الطيبه...

ان شاء الله بتكون سفرتي 2/8 لمدة 9 ايام ..
بفندق hotel des champs elyeese
كاتبين عنه بالموقع انه وايد نظيف وخمس دقايق عن الشانز.. وخمس دقايق عن شارع عثمان
حجزت من موفع booking.com
رحلتنا بتكون ان شاء الله على خطوط الامارات

انطر التفاصيل والاماكن منكم .. يعطيكم العافيه

 

[لميس]

الجوو حلوووو ما يحتاج جاكيت ابداا

 

[أحلى^حياه]

جورجيزووووووووووووو
يعطييييييييييييج العااااااااااااافية عالتقريرررررررررر

بس طلبتج شوفيلي اقرب محطة متروووووووو لانه راح نستخدم المترووو
وبعد طلب ثااااااني ادري مصختهااااا
شلون نروح الشانز من الفندق مشي طبعا

 

[Gourges]

الي يسالون عن الجوو الجوو زوغه .. قبل لانروح الناس بالمنتدى يقولون حر وحر وغيرها ناس وايد يقولون حر يووم رحنا والله برااااااااد موو برد بس برااد هوا بارد خفيف منعش ...وايد حلو وبكل حزه .. جاكيت ممممم والله محد فينا لابس جاكيت بس اذا انتي من النوع الي يستبرد يبيلج تونز خفيف تلبسينه حق بليل ...

 

[Gourges]

جورجيزووووووووووووو
يعطييييييييييييج العااااااااااااافية عالتقريرررررررررر

بس طلبتج شوفيلي اقرب محطة متروووووووو لانه راح نستخدم المترووو
وبعد طلب ثااااااني ادري مصختهااااا
شلون نروح الشانز من الفندق مشي طبعا

هلوو حبيبتي .. شوفي والله انا ليلحين ماستخدمت المتروو .. بس جنه لقيت واحد ممم خل اوصفلج ...
شوفي عند باب الفندق تاخذين اول لفه يمين وتمشيين سيييده لمن تلقين مبنا زجااجي كبير .. روحي عنده "صوبه " راح تلقين محطة متروو رقمها 1 جنه ...

شلون تروحين الشانز من الفندق .. " تاكسي" لان موو قريب ... شفتي المبنه الزجاجي لو تكملين سيده سيده سيده " وايد سيده " راح تلقين قوس النصر ورا قوس النصر يصير الشانز والشانز طويل وهم يبيله تمشين بعد فا بتتكسر ريولج .. احنا مانقدر مادري عنكم يمكن تقدرون اذا رياضيين وايد:eh_s(1):

 

[أحلى^حياه]

جورجيزووووووو
يا بعد جبد جبدي مشكووووووووورة
شمقعدج بالفندق روحي طلعي استانسي
على طاري الرياضة انا وحده امووووووووت بالمشي بس تدرين ابي اسم المترو لانه بناخذ من فندقنا اللي بديزني الى كونكورد مترو علشان جذي بغيت اعرف اسم المحطة القريبة
لا تنسين اذا لقيتي شي حلو بلغينااااااااااااا ههههههههههههه

صججججججج انتي شابكة بالوايرلس ولا بالكيبل ؟؟ لا تقولين يحسبون عليج بالساعه !!!

 

[Gourges]

لا لا وايرلس وفري

 

[أحلى^حياه]

ززززززين الحمد لله
الله يردكم بالسلامه ان شاء الله

 

[بنت0الصحراء]

شلونكم بنااات شخباركم
بقولكم عن جم مطعم في مطعم ايراني بالشانز اكله حده نظييييييف وحلو يكون عند محل سواج خلي المحل على يمينج وعقب وراه لفه لفيها وتلقين محلين المطعم الايراني ومطعم ساندويشات بعد حلو واليوم رحنا جاليري لافاييت في اشياء حلوه وتعور القلب واسعارهم احسن من الكويت .. والبنات اللي ساكنين بكونكورد لافايييت سألوا عن تاكسي الفندق عندهم خدمه ابلالالالاش يودونج المكان اللي تبينه بس انتي ترجعين بتاكسي ولا مشي وهذي الخدمه منهم .. واكلت يمطعم بيتزا بينو من ذاك الزود واللحم والدياي مو حلال حده عادي ونفسهم اعووذ بالله شوي ويطققونج بس في مغربي احسن واحد نفسه شوي زينه واهوه اللي قال ان اللحم مو حلال .. خلونا نشوفكم يبيلنا نسوي تجمع باللوبي للتعارف مع الشيخه فريحه ياحلاتها كله باللوبي فديتها
وباجر انشالله بنروح دزني وانشالله اقولكم الاوضاع هناك

 

[رميحيه]

اذا تبين شي انصح فيه فندق كونكورد انا مااشفته ليلحين بس كل ما اسال احد بيروح يسكن فيه يعني كله خليجيين وعرب ... فاا حلوو وسعره حلوو وقريب من الشانز ​

مشكورة الغاليه

 

[رميحيه]

مرحبا بنات من وين اشتري تذاكر ديزني؟ وبجم ؟
من اي محطة نطلع اذا احنا ساكنين فالشانزلزية

 

[colorfull]

تقدرين تشترينهم من الفندق اللي ساكنه فيه
او من موقع دزني لاند باريس
تطلعين من المحطه اللي عند قوس النصر.. Rar

 

[Gourges]

رميحيه في بالشانز جبال مطعم بيتزا بينو محل اسمه دزني ستور اهوا مال دزني وهناك تقدرين تشترين التذاكر مالت دزني ..
او تقدرين تشترين التذاكر لمن توصلين دزني ....
انا ليلحين مارحت بس هذا الي سمعته