تجمع مسافرات فرنسا 2009 شهر 7 و8 ..حياكم

[Gourges]

اليوم الثالث



سوري بنات ماصورت شي لاني ناسيه موبايلي
بس رحنا مجمع جاليريا لافاييت .. وعندهم دسكاوند اينن وهم في نيو ارايف واعليه دسكاوند وكلهم ايزوووغوون وخصوصا الجناط يعني صج حلوين ...والسهره ياعيني ياالسهره والله بنات فناتق سمبل وتينن وراقيا وحلوين حيييييييييييييييييييييييل .... وجاليريا ترى يم الشانز يعني مو بعيد وايد " بس لازم تروحوله بتاكسي "
وبعدين رحنا الشانز طبعا .... وقعدنا بكافيه ماريوت ابيه بنات ترى صج صج وصخ المطعم لقينا حشره بالبطاط اييو لاعت جبدنا ...
وعقب ماتمشينا هم قعدنا بكافيه ثاني مادري شسمه وبس بعدين ردينا ...
وقعدنا بلوبي انا واختي .....وردينا الفندق وبس




وبنات الحين شغال علينا البررررق وانشالله يطق مطر عاد

 

[eng.lomi]

حبيبتي في مطعم حلال بالمجمع اللي جبال فندق لافاييت بعد الصيدلية, يحليلها الشيخة فريحة شكلها كل سنة هناك انا شفتها قبل سنتين.

بالنسبة حق مخصصات الدفاع 115 يورو حق الشخص انا الحين رايحة على حساب الدفاع علاج حق بنتي مع ريلي نستلم 230 باليوم

 

[Gourges]

مرت عاااصفا توها موو طبيعيه هواا قوي جنه اعصار واحنا بالدور ال 24 فاا قويه حيييييييييل عندنا بشكل ايخرع .. ومعاها مطر بس من قوة الهوا المطر مو قاعد ايحوش الدريشه وصورت لكم عسريع بس مو مبين حسافا

ترى التصوير واضح بس من الهواا


وهني بعد الهوا والاشياء

 

[بنت0الصحراء]

gourges
شلونج.؟؟ انا موجوده الحين بدزني وبرجع كونكورد لافاييت انشالله يوم الاحد اذا موجوده لي الاحد قوليلي علشان نلتقي .. وانصحج تروحين الاوت لت وااايد اسعاره حلوه وبولووو حده رخييييييييييييص فرق فرق عن الكويت وهم المحلات اللي فيه اسعارهم حدها رخيصه وبعد موجود مجمع كبير وايد وكل المحلات فيه
بس ديربالكم على جناطكم لأنه اليوم الوالده انباقت واحنا بالمطعم اييده حدها خفيفه اللي باقها حسبي الله عليه
وانشالله نلتقي

 

[أحلى^حياه]

مشكوووووورة جورجيز على الصووووووور

 

[أحلى^حياه]

جورجيزوو
يقولون الفندق عندهم خدمة توصيل حق الاماكن السياحيه !! صججج؟

 

[الام الحنون]

eng.lomi


الله يعطيج العافيه ويشافي بنتج ياااااااااارب


وكل مسلم

 

[الام الحنون]

جوووووورجييييييييز العاصفه معاها برد؟؟

على فكره انا مبراد يعني بسرعه استبرد


الله يستر يارب وبعدين اخاف من الهوا او العواصف ان شاء الله باذن الله يوم الاثنين اكون موجوده في باريس


تحياتي

 

[Gourges]

بنت الصحراء
انا يوم الاحد بطلع من كونكورد على اساس نطلع باجر بس مددنا يوم وبعدها بنروح شقه ماراح اشوفج
بس انشالله لي ييتي كونكورد نتواعد بمكان

انجل


هاي حبيبتي شلووونج :* العفو ماسويت شي افا عليج


بنسبه حق خدمة التوصيل انا اول مره اسمع فيها بالمنتدى امس بس ما سالت فيها الصراحه بس بقول حق امي اليوم

الام الحنون
من ناحية في برد ف برد خفيف وخصوصا بليل واذا انتي مبراد يبي معاج جاكيت خفيف فوق هدومج
شكلج نفس امي امي بليل تييب اللحاف الي يكون متين وتسفطه وتنام فيه لانها حيل تستبرد


ليلحين ماطلعنا توني طلعت هدومي وحطيت ميكاب خفيف وبنطلع لمن ايردون امي وابوي وبنجرب المترو اليوم وبنروح
حق حي شعبي ايقولون عنه في اسواق شعبيه ورسامين وهسوالف وبقولكم نطروا تقريري بليل حبايبي

 

[قـہۈه فـرنسيـہ™]

أهليييييييييييين بنات حبايبي أنا توني واصله للكويت اليوووووم ..
ياحلوووو باريس ما ودي أرجع بس بنااااات بصراحه فندق الكونكوووورد كئييييييييب والغرف صغيره ..
المهم اللي فباريس ما وصيكم ..وانتو طالعين من الأوبرا روحوا لساحة الفاندوم مشي بالطريق راح تلقون متاحف للعطور حييييييل حلوه وأسعارهم حلوه..

 

[أحلى^حياه]

ناطرين احلى التقارير من احلى البنات

 

[لميس]

الله على باريس...واجواء باريس>>قصيده راح تكتمل قريبا!!

في باريس حتى التعيس ما يصير تعيس..والنحيس يبطل يكون نحيس!!

والشيبان يردون معارييس!!هذي بااريس ..!!


مستمتعه باجواء بارييس ومو قادره اتكلم او اعبر عن هذي الزاويه الجميله من الكون!!

يكفي اني قاعده اعيش باريس.. كما هي..بأنوارها..باجوائها التي تعبث بكل مدن الحزن فتحيلها الى حدائق من الجمال..الاخاذ..يكفي انها باريسسسسسسسس!!!:eh_s(6): :eh_s(6):

 

[قـہۈه فـرنسيـہ™]

لميس انتي وينج؟

 

[Gourges]

اليوم الرابع
بونسوااار بنااات .. اليوم كان حلوو ووايد حافل انبلش التقرير ... بنات ابي اصغر الصوور ماعرف افف لاعت جبدي وانتوا تشوفونها كبار احس مو قاعده افيدكم بشي بهلطريقه فا يليت الي تعرف تعلمني .....
المهم اوريكم الي عندي الحين لين اتعلم ...





بناات اليوم اول شي رحنا تغدينا بمطعم ايراني ... وطبعا كلينا جنا مفجووعين والله لاعت جبدنا من اكلنا كل يوم ناكل بطاط وبيتزا مادري شلون صايره والسبب ان اكلهم مو حلال .. فا طحناله بمطعم ايراني كلينا عيش وشبزي وو لبن واشياء حلووه وهاذي صوره


مكانه : بالشانزليزيه .. شفتوا محل ال في ؟ جباله بضبط امشوا وتلقوون نفس سكه دشووها بتلقونه على ايدكمم اليمين
اسعاره : عاديه .. جنه طالبين من شيليز وهلمطاعم بالكويت ..

هاذي الويتر ... الي خدمتنا ..



وهذا المنيو




وعقبها ردينا الفندق وانا واختي طلعنا بروحنا نستكشف باريس لوول حده وناسه رحنا الشانز وتمشينا وكلينا برد من هاقنداز وو عقبها ردينا بس هااا موووووووو بتاكسي ....ردينا بقاري ويير عربانه .. وناااااااااسااااااااااا حيييييييييل ومطر خفيف وهواا حدا حدا ستانسنا مشا فينا من الشانز لي فندق كونكورد لافايييت ...ستانسنا



السعر : الشخص ب 5 يورو واثنينا طلع علينا ب10 يورو ...
مكانه : اهوا يوقف بين الشانز وقوس النصر ..وهاذي صور <<< تصوره وهوا يسوق ;d








وعقبها ردينا الفندق وبس

بااجر عندي تقرير حلووو انشالله اذا سويت كل الي افبالي اسويه نطروني :*

 

[Gourges]

بااااااااااااااركووووووووولي صغرتهم وضبطت معاي ابيه طلعت السالفه سهله حدهاا :ggdw:​

 

[قـہۈه فـرنسيـہ™]

مبرووووووووك ...شلون صغرتيهم ,,أنا نزلت كم صوره وطلعوا كبار مع اني مصغرتهم بالفوتوشوب

 

[أحلى^حياه]

بنات ادعووووووووولي اليووووووووووم طيارتي بليل

 

[Gourges]

قهوه فرنسيا

تقدرين تصغرينها لمن ادشين على الصوره فووق في كلمة ادت بكجر edit pic
ضغطي عليها بتطلعلج على اليمين لسته اختاري الي قبل الاخيره وحطي القياس الي تبينه << ادري مافهمتي شي دشي قوقل كتبي لتصغير الصور وتعلمي

انجلوو
حبيبتي والله انشالله توصلين بسلامه وخنشووفج عاد

 

[أحلى^حياه]

بعد عمررررري الله يسلمج ان شاء الله من عيووووووني

 

[أحلى^حياه]

اقولج جورجيز ناخذ ملابس شتوية؟