تجمع مسافرات فرنسا 2009 شهر 7 و8 ..حياكم

[بدويه دمار شامل]

هااااااااااااااااي

شلونكم

رحت اليوم لمجمع لافااااييت

ايهبلللل بس حيل زحمه وعندهم تنزيلات روووووووعه

 

[Gourges]

انجل
اخذي تعرفين التونزات الطوال ؟ الي ايبيعونهم افبرشكا اكثر شي وهم زارا انا ماخذه منهم عندي 3 تقريبا او 4 طوال البسهم فوق هدومي دايما .. اااذا الجو بارد البس جم طويل تحتها والبسها فوق اذا الجو عادي البسها بروحها وتحتها حفر او نص جم وبس .. يعني وايد مستفيده منها ...
وانا عموما ستايلي هناك كله لقنز ونفانيف وفلاتات والبلايز هاذي الطوال فوق نفانيفي وبس

 

[Gourges]

اليوم الخامس

ملاحظه بنات قبل لا ابدي : ابي تفاعل وابي احس اني قاعده افيد ترى انا مو من محبين التصوير نهائيا بس قاعده اسوي جذي علشانكم ومع هذا اشوف مشاهدات وايد وتعليق تعليقين بس فا ما احس ان تعبي وايد مهم بنسبه لكم وهشي مضايقني ...
ترى اصور وساعات اطلع واتذكر اني ماصورت وارد اصور وبعدها انزلهم واصغرهم وبعدين احملهم من موقع واخر شي احطهم هني فاا عنوه الموضوع فا يليت احس ان هاللويه تفيد وفي احد يتفاعل وشكرا


بسمالله انبلش



اول شي رحنا تغدينا بشانز بمطعم هندي واكله "حلال"
اسمه : La rose du kashmir
مكانه : بالشانز يم وبسطرة ماريوت وسيفورا .. تخلونهم على يساركم وتمشون شوي جدام بتلقون هندي ماسك لافته واهوا ايدليكم لانها بمجمع وداخل مدعووس ...
اكله : حلوو وااايد ويسوا الصراحه
السعر : 77 يورو كلفنا واحنا كنا 4 اشخاص وياهل معانا .. سعر معقول يعني ..

وهاذي الصور







وهاذي المنيو




وهذا الويتر الي خدمنا






صور من الطاوله ;d





صوور خبز طلبناه بالجبن عجييب واحد بالجبن والثاني بلحم قيمه وايد حلو ولذيذ انا عجبني الجبن بس ماحبيت القيمه




]

 

[Gourges]

تابع



وعقبها رحنا الباص الاحمر حق الاماكن السياحيه ياخذ فينا فره ...
مكانه : له اكثر من محطه واكثرها شهرا افبداية الشانز يم قوس النصر وعند برج ايفل ..
السعر: سعر التذكره ب24 يورو والصغار مالهم تذكره يعني الي تحت ال5 سنوات ...
المده: التذكره بسعر 24 يورو حق يومين اقصد استخدامين ..
مدة الرحله : ساعتين ..


وهاذي الصور


في سماعات نركبها علشان تشرح لنا المعالم وفي بلغات بس ماكو عربي انجليزي وغيره وغيره وغيره




وطبعا انا شايله السماعه ومالي خلق فا بس قاعده اصور فا بوريكم الصور وطبعا وايد اماكن ماصورتها لاني مليت وزهقت من الرحله وايد طويله وملييييييييييت

شوفوها بدون تعاليق لاني مادري شسالفه اصلا ;d


هذا اعرفه قوس النصر بعد مايبيله




صور من الشانز









صور نهر السين










[/url

 

[Gourges]

تااابع

هني مسوين مظاهره يم برج ايفل مادري ليش طبعا

 

[أم جوني]

حلوة الصور وايد انا اليوم رحت نهر السين والجو وايد برد ماتوقعت جذي وملابسي حيل خفيفه بس وناسه

 

[الام الحنون]

جوووووووووووووورجيز


ياحلو تقريرج ممتعيهبللللللللللللللللللللللللللللللللللللل


توني اشوفه قاعده اجهز للسفر يوم الاثنين


واجهز الماجله عيش وبهارات وملح......الخ


واعذريني حبيبتي على التاخر في الرد

الله كريم الله يسهل سفرنا ويشافي وليدي وكل مسلم


تحياتي

 

[Gourges]

الام الحنون حبيبتي والله ...
ايي يبي الي تبينه والله امي ندمت ليش مايابت اغراض عبالها ممنوع اثاري ولا احد طل بجناطنا ولا شي فا يبي الي تبينه
ومشكوره على تشجيعج الي ايبرد القلب حبيبتي والله يشافي ولدج انشالله يارب :* وانشوفج بفرنسا لاتخلين خل نتواعد ونستانس مع بعض ;*

 

[عروووب99]

يعطببج العافيه على هالتقرير الحلو

 

[قـہۈه فـرنسيـہ™]

جوووورجيز شخباااااارج ..يالله متابعه معاج وانطرج تخلصين عشان أنزل تقريري ,,مابي أخرب عليج لووووووول...

لا تستانسين بالروحه ما يفتشون بس بالرجعه ..اهئ اهئ اهئ حرقوااااااا قلبي الله ياخذهم ...شريت طقمين من الآوت لت من مولتن براون مجموعتين ...وخفت عليهم لا يتكسرون حطيتهم بالهاند باق ,,خذووووووووها قدامي كلها و قطوها بالزباله ... بس خلوا العطر كش عليهم ليش ذكرتييييييييييييني ..

المشكله انهم هدايا ...يوووووووم جيت أوزع عطيتهم خخخخخخخخخخ قلت اسمحولي النص قطوه بالزباله

 

[Gourges]

اليوم السادس


اليوم ياجماعه طلعنا من فندق كونكورد ورحنا شقه بلاديفانس ... واايد المنطقه حلوه وهاديه ونظيفه ... وكلها مشي بمشي والجو روعه والناس حبوبين فيها وهادين ويمنا في سوبر ماركت واسعاره وااايد رخيصه وحلوو كل شي فيه .. ويمنا حديقه كبيره ... وو نمشي شوي ويبدون المجمعات جبال بعض وكافيهات ومطاعم واشياء تينن .. اليوم لمن مشينا نستكشف كل شي كان مسكر لان اليوم الاحد... وصورت لكم جزء من الشقه وبس ماسوينا شي اليوم بس رتبنا اغراضنا وقاعدين نتاقلم اخليكم مع صور الشقه حبايبي



الشقه : تتكون من غرفتين نوم ومطبخ وصاله ..


هاذي الصاله






لوحه بصاله










هاذي غرفه



هذي اطلالة الغرفه


وبس الغرفه الثانيا وايد اغراضنا ماقدرت اصور

 

[OM_CoCo]

[/حياتى والله يا جورجس ما قصرتي ربي يشافي لج والدتج و يخليها لج و يرجعكم سالمين غانمين

 

[Gourges]

حبيبتي والله ام كوكو :* ثانكس

 

[قـہۈه فـرنسيـہ™]

جورجيييييييز حبيبتي ..ياليت تزورين هالموضوع ..وتحطين كل التفاصيل وطريقة الحجز

http://www.q8yat.net/showthread.php?t=415362

 

[بنت0الصحراء]

مرحبااا بنات شلونكم.؟؟ شلونج جورجيييز انا اليوم وصلت من دزني كانت رحله روووووووعه وخيااال صج كانت متعه حدهاااااااااا واستانسنا اول يوم كان حر واليوم اللي بعده بررررد ومطر والبرد موطبيعي والاوت لت حده ابداااع الاسعار حلوه حيييل وكل يوم البضاعه تختلف وحسافه المجمع الاحد يسكر ماشفناه كله مع انه كل المحلات اللي بالكويت موجوده
جورجييز خلينا نتصادف انا 3 ايام وبروح لبنان انشالله

 

[دنيا غريبه ..!]

بنات شلون على مواعيد الصلاهـ انا نزلت البرنامج وما ضبط ممكن وحدهـ تحط لي مواعيد الصلاهـ بالضبط وضروري استعجلوا الله يخليكم ...

 

[colorfull]

يعطيك العافيه عالتقرير
وانا متابعتك/كم
لاني بسافر شهر 8

 

[bnt q8 in usa]

شلونكم بنات يعطيكم العافيه علي التقارير الحلوه انا بأذن الله مسافره فرنسا 17\9 وارجع 26\9 يعني بعيد هناك انشالله ومنكم نستفيد
ويقولون بالفتره هذي برد وحتي شهر 8 مطر وبارد الجووو ومتابعتكم ياحلوين

 

[ملكة الثلج]

جورجس حبيبتــي ممكن تجيكين لي متى اخر التنزيلااااااااااااااات
وانا ان شالله سفرتي 1-8 عالقطرييييه 10 ايام , وراح اسكن بدريم كاسل يم دزني لاند
ويبعد عن الشانز 20 دقيقه , وان شالله راح نكون مأجرين سياره ...

 

[المنسيـه]

يعطيكممم الف عآفييه ع الفكره الجونآاان وع التقاارير المفيده

والي تفتح النفسس وان شاء الله بقوول لخطيبي انو نقضي شهر العسل هنآك

وانترووا تقريري والحركااااااات عاد انا احب شي اسمه تصوير << لايكثر

وبسسس خخخخخخخخخخخخ