تجمع مسافرات فرنسا 2009 شهر 7 و8 ..حياكم

[Gourges]

قاعده انطره

 

[Gourges]

بنات اليوم رحت جاليريا لافاييت للمره ال 3 على التوالي لووووول المهم وضعت من امي واختي وشويه وابجي وتلفون امي معاي فا الوضع ايخرع وافتر بالمجمع مليون مره وماكو مو لاقيتهم وسط الناس والزحمه جان شويه وابجي ولا صبيين اماراتيين جزاهم الله خير يتكلمون فرنسي فا قالوا حق الرسبشن اينادون امي وقالوا عدينا اخوانج ومادري شنو وراحوا وشوي مشيت ولا القا امي وانا عيوني مغورقه وببجي

 

[Gourges]

معلومه الخصومات وقفت بكل الاماكن تقريبا نادرا في دسكاوند

 

[Gourges]

الشانز كله وقف الخصومات لا ديفانس جم محل بس ومو كل البضايع... و جاليريا لافاييت خصم بسييط وعلى كولكشن معين مو كل شي وو بس

 

[قـہۈه فـرنسيـہ™]

هاااااااي جورجيز شخبارج ,,,؟
هاااه شلون باريس اليوم ؟؟
شلون الأجواء


بوصيج ...انزلي عند محطة Chateau de Vincennes وراح تلقين كشكات ..يسوون الأظااافر الفرنسيه ,,,روعه
اظفرج يبردونه ويسوونه فرنسي ويرسمون عليه الرسمه اللي تبينها ...شغلهم يهبل ورخيييصين ...أنا سويت ورسمت برج ايفل صغيير على واحد من أظافري وحطت عليه زري وكرستاله
الكل انهبل علييييييييييهم ...
بس حسااافه ما طولوا على ايدي

 

[Chanelle]

Gourges حسبي الله عليها قليلة الحياااا.... وترى صج المغاربه يموتون عالخليجيات اذكر تحرشاتهم فينا في النمسا ... يتغزلون الوصخين وتنصدمين منهم...

بنااات انا جايه فرنسا بكره ان شاء الله وحابه اتعرف على كويتيات.... ان شاء الله بنقعد في الكونكورد...اللي تشوفني تسلم علي عشان اعرفها هههه

 

[miss t]

فوق
فوق
فوق

هلا بنات شخباركم
جورجيز شخبارج
بس كسرتي خااطري عالتوهه
الله يستر لايصير لي مثلج انا ماعندي وقت
دوم اهلي لاضيعتهم ارد احوس ولا عالفندق خخخخ

 

[Gourges]

بنااات الي بتروح فرنسا ولي بفرنسا خل نتيعمع على يوم نشووف بعض ... والله من صجي .. انا كل ما امشي واشووف كويتيه بمكان اقول يمكن اهيا معانا بكويتيات ;d
فا خل نتيمع على يوم ونقعد بالشانز لووووووول انسميه اجتماع كويتيات بفرنسا ;d
حفل تعارف على قولتهم هاا شقلتوا؟ الي تبي تحط كومنت اناااااا واذا شفنا جم وحده تبي نتيمع نحدد يوم ومكان
عاااااااااااااشواا عاااااااااااااشوااا

 

[Gourges]

قهوه فرنسيه انا لي يومج ماركبت المترو تخيلي
والله ماعرفله ولا ادري المترو وين ايودي
كل درووبنا بهلتكاسي نهبونا والله ... اعرف المترو الي ايودي لي الشانز ابوي جربه .. بس هلمترو وين ايودي غير الشانز الله العالم @@
قوليلي هلمنطقه اقدر اروحلها بتاكسي؟؟
وشكثر بعدها عني؟؟
وبنااات ابي سوووقه غير الا ديفانس و جاليريا لافايييت وغير الشانز وين ارووح ابي اشتري حق العيد @@ ؟؟؟

 

[shakshak]

بنات اشلونكم عساكم بخير وان شاء الله تكون سفرة حلوة عليكم
بنات طلبتكم منو تعرف شقق فندقيه غرفتين نوم وصاله ومطبخ
بليز لا تردورني اهلي بيروحون علاج هناك ومحتاسين بالسكن
وجزاكم الله خير

 

[Gourges]

والله عن نفسي ماعندي فكره انشالله البنات ايساعدونج

 

[silkhair]

السلام عليكم بنات أنا هذا أول أشتراك لي في المنتدي ( يعني جديدة ) بنات أنا بروح فرنسا رحلة علاج حق أبني وهي تعتبر أول رحلة لي في فرنسا أنا حدي متوهقه ، أنا عندي أستفسارات حبيت تردون لي عليها أنا منقبه و في ناس خوفوني من فرنسا قالوا لي أنهم هذي الأيام حاطين دوبهم ودوب المنقبات ،هل هذا الشي صحيح وهل شفتم منقبات هناك ؟ وهل في المطار راح يبهذلوني لأني منقبه ؟

 

[الام الحنون]

silkhair


السلام عليكم

انا صارلي يومين من يوم لاجعت من باريس

وكنت رايحه علاج لولدي عيون وقالو ماله علاج لصغر سنه وانا منقبه ومافي اي مشاكل مريت فيها ويحترمون المنقبات حييييييييييييل

بس بتلاقين خززززززززززززز يوقفون بنصف الطريق يطالعونج بس لا تخافين عادي وخاصه الشياااااااااااااااااااااااب


وعلى فكره هذي اول رحله لباريس واذا تبين اي سؤال من عيوني




==================================================

 

[الام الحنون]

جورجيز

شخبار باريس كل مادشيت على النت في منتدى كويتات يفصل معاي كان عندي اساله وااااااااااجد بس سبحان الله ماساعدني النت



وبالنسبه للمطعم الايراني اللي مجابل ال في

شافه زوجي وقال فيه شيشه وما رضا عاد ذاك اليوم ميته من الجوع ورجعت البيت وسويت عيش مشخووووووووول وروب


ديري بالج من المغاربه والمصرييييين العرب نصابيين

ورحت جاليلاييا لافييييت يهبل والايفل ورحلة الباص الاحمر ومالقينا علاج لولدي لصغر سنه ورجعنا وان شاء الله ترجعوووووووووون بالسلامه للديرتنا

 

[Gourges]

حبيبتي الام الحنون ... ماعليه خيره وانشالله لي كبر تردون باريس وتلقوله احسن علاج والله يشافيه انشالله ...

ومسرع رديتي الكويت بس يالله دامج فريتيها زين

والله باريس حلوه حييل ووناسه بس بيني وبينج مليت من الروتين وباقيلنا اسبوعين ونرد الكويت

 

[silkhair]

الأم الحنونه
مشكورة على الرد على استفساري وتسلم عيونك .
الله يشفي ولدك إنشاء الله و يبلغك بره ، أحنا للحين ماعطونا الموعد من فرنسا وسارنا ننطر ألحين شهر و شوي يقولون في المكتب الصحي المستشفى في فرنسا نفسها إلى مسويه التأخير و أنا للحين مع ولدي في المستشفى لنا فوق الشهرين يعني ولدي راح يكون دخول مباشر للمستشفى هناك حنا رايحين على وزارة الصحه قالولي أنهم في المكتب الصحي يتأخرون على ماينزلون لنا مستحقات المرافقين و أنه لازم ناخذ معانا فلوس و خوفوني من الفنادق الغير معروفه ويقولون أنه المعيشه هناك غاليه جدا فمو عارفه شنو باخذ معاي و شكلنا بنصوم هناك ، أدري أسألتي واجد بس تحملوني .

 

[لازوردي]

Gourges موضوعج حلو و باريس وايد عليها 20 يوم و دام انكم بديتوا اتملون طلعوا بره باريس روحوا الريف في منطقة اسمها آنسي حلوه روحوا لها يومين و ردوا و هم عندكم منطقة ايفيان وايد حلوه يعني سوا لكم جدول مدته 5 ايم تفترون على مناطق فرنسا و هم عندج كان حلوه رحوا لها يومين و يمها نيس بينهم بس نص ساعه رحوا لها يومين و بعدين ردوا باريس ...​

 

[الام الحنون]

جورجيز قعدنا 10 ايام وطقتني اغلقه بس ان شاء الله تردون بالسلامه

 

[الام الحنون]

silkhair

شوفي المكتب الصحي اللي في فرنسا يطول حيييييييييل يعني اوراقنا سويناها من شهر 3 ومارحنا الا اخر 7

ومن ناحية السكن سكنت في adajio
عند برج ايفل شقق فندقيه وراقيه حيييييييييييييييييييييل وفيها امان وليلتها اذا شهر 144يورو واذا اقل يزيد السعر اذا 10 ايام اتصير الليله 190 واذااقل 230 يورو بس لازم اذا رحتي باريس وبغيتي تسكنينه اتجيبين ورقه من السفاره علشان يخصمون لج ولازم اتجيبين معاج عيش والمعلبات لان المطاعم اغلبيتهم مو حلال انا اخذت الماجله معاي كلها وذا تبين سؤال انا حاضره والله يشفي اوليدج يارب ويخليه لج

ومن ناحية الفلوس لازم يكون معاج مبلغ علشان اول ليله وبعدين من اول ماتوصلين يمرزوجج عليهم في السفاره ويعطونكم المستحقات 115 لج و115 لزوجج والمريض ماله شي طبعا يصرفون المستحقات لاول اسبوعين وان شاء الله تكفيكم باذن الله انا كان معاي 500كويتي وزوجي 1500 علشان كنا خايفين انهم يتاخرون في صرف المستحقات ولكنهم ما اتخروا يعطونكم اول ماتجونهم على فكره انا ماطولت اهناك وكنت حاطه مبلغ ثاني في البنك للضروره والله ييسر اموركم

 

[silkhair]

السلام عليكم مشكورة الأم الحنونه