~*~تجمع مسافرات لقروب جنيف و باريس ولندن~*~ ،،،

[مس كيوت]

عاد انا بروح بقروب بس على شان ان كل شي مضمون والا انا ادل كلشي شبر شبر هههههههههههه

دلع سل حطيت عن فرنسا كل شي فيها بس اشوفها ان تسوق اكثر من سياحه

مس كيوت انتي بتروحين مع اهلج والا زوجج؟.

انا راح اخذ جناط صغار حق الطياره وما انصحج بجناط كبار لان بالكونتر يقطونها بمكان ثاني فأخذي متوسط ولا تييبن معاج ملابس وايد عشان الوزن

جيف مي مور ما قصرتي يعطيج العافيه

انا مع زوجي بروح
يعني تنصحين اخذ جناط صغار احسن؟؟؟؟وشلون اذا بييب معاي اكل خفايف ما يرضون اخذها معاي داخل الطياره صح ؟؟؟؟

 

[jen2n]

طبعا مدير مكتب الوسيط قال الروحه من فرنسا الى لندن عن طريق القطار وناااااااسه راح تستانسون حيل حيل احسن من الطياره مع ان الطياره اسرع والمسافه راح تكون بالقطار

راح نقعد في لندن 6 ليالي يعني 7 ايام في فندق هوليدي ان بصراحه ما اعرفه كل مره اقعد بفندق ماربل ارش او كمبرلاند بس قريت في المواقع ان الفندق بشارع اكسفورد بس أشوي بعيد من ادجول رود والهايدبارك يعني لو نتفق ونقوله يغيره ويحط لنا تيستل ماربل آرتش احسن بس المشي زين ومفيد والا ايشرايكم لوووووول


http://www.england.travelmall.com/images/6624.jpg

اول شي نتكلم عن شارع اكسفورد وهذا اشهر شارع في لندن واحنا فندقنا عنده في كل المحلات اللي تخطر في بالج موجوده وفيه الاسعار الغاليه والمتوسطه وفي مركز اسمه Selfridges مشهور بالماركات وفي حق اليهال العاب مثلHamleys toy store ومن المحلات الموجوده أهناك هذا الشارع حوالي 300 من المتاجر الراقية وعدد من المجمعات التجارية الكبيرة من الأسماء التي تشتهر بها بريطانيا على مستوى العالم مثل "سيلفريدج" و "جون لويس" و "مارك آند سبنسر" بالإضافة إلى "توب شوب" و "نيكست" و "لورا أشلي





شارع Edgware Road يسموونه شارع العرب كله فيه عرب وزحمه وفيه كل المطاعم العربيه والحلال قريب من Madam tussauds + Shark holms + Zoo London + Regents' park نقدر نروح لهل المكان مشي من فندقنا عادي



لأوت لت فيليج اسمها بيستر فيليج تقريبا أربعين دقيقة عن لندن يعني لازم اندر قراوند



سوق الأحد وهو سوق زين نظام بسطات و كبير حيل ويمه محلات جمله وهي رخيصه حيل حيل
واسم لمحطه الاندرقرواند اللي فيها Liverpool street


شارع Piccadilly :

رائع بمعنى الكلمه عباره عن شارع فخم بكل انواع المطاعم و آماكن التسوق الفاخرة و بكل محلات الحلويات، الشارع نظيف بدرجه رهيبه و الزهور على كل اعمدة الأنوار بالشارع. بصراحه يستاهل الزياره للإحساس بأنك في شارع بريطاني بحت. السكوير بكدلي ككاديرو نروحه له عن طريق الباصات الحمره



Shepherds Bush جنا سوق اليمعه لان عباره عن بسطات بس فيه اشياء تستاهل ورخيصه بعد نقدر نروح له عن طريق الباصات الحمره



# الباص الأحمر عجيييب لا يطوفكم يوديج كل معالم لندن مثل جسر لندن عيون لندن نهر تايمز ساعه بيغ بين وهالاشياء يفتح من 9-5


المطاعم الحلال

مطعم لبناني فتوش:

اكله ممتاز و سعره معقول تقريبا 30 باوند لشخصين المحل نظيف و خدمته رائعه. الموقع شارع العرب (( Edgware Road ))

2-مطعم صب واي:

عباره عن مطعمين داخل بعض صب واي و بيتزا طبعا هذا الفرع الوحيد اللي حلال، اكله ممتاز و سعره معقول جدا المحل نظيف. الموقع شارع العرب (( Edgware Road ))

3-مطعم Little India

يقع في شارع Kensington ما أنصح فيه و سعره غالي 43 باوند لشخصين

4-مطعم كنتاكي:
مطعم حلال يقع في شارع بيكر بالقرب من محطة بيكر.

5-داخل اي سوبرماركت


المناطق السياحية في لندن:

راح اذكر المناطق اللي رحت لها و اسفه على التقصير. بالنسبه للمناطق السياحيه مثل مدام توسو و الإكويريو و لندن اي و دنجن لندن لو اشتريتي كل التذاكر دفعه واحدة يخفضون سعر التذكرة لأنه غالي، إحنا اشترينا تذكرة مدام توسو و الإكويريوم و لندن أي بسعر 44 باوند للشخص، التذكرة London eye يسعر 70 باوند بروحها و على جذي كل ما زودت العدد يرخص السعر. طبعا نشتري التذاكر من الكشكات اللي تبي اشياء عن لندن نلقاها بشارع اكسفورد


المناطق السياحية القريبه مع بعض عشان يكون في ترتيب عشان نقدر نروح لكل المناطق في يوم واحد بدون لخبطه.

أ-madam Tussauds + shark holms + zoo London

قريبه من بعض بالقرب من حديقة regents park يمكن الذهاب لها كلها مشي في يوم واحد. و بالقرب منها Edgware Road

1-madam tussauds متحف الشمع:

متحف للشمع لكل ممثلين هوليود و بليود والسياسيين و الرياضيين و المغنيين، بعدها تركب عربه يعرضون فيها كيف بنيت لندن ثم عرض مرعب بسيط لكنه يخوف و إياكم و لمس احد الشخصيات اللي تخوفكم لأنه ممنوع و عموما هم لن يلمسوكم مجرد تخويف لكن جميل ، بصراحة يستاهل الزيارة تستغرق تقريبا ساعه و نص.



3-zoo London :
حديقة الحيوان جميله جدا و كبيرة جدا اعتقد يبي لها يوم لوحدها من كبرها سعر الشخص 19 باوند .
برأي الخاص إذا سبق للشخص الذهاب لحديقة الحيوان في أي بلد فما يستاهل الذهاب مره ثانيه لأن الهايد بارك لوحدها حديقة رائعة ،




ب‌-London eye + Big Ben + London bridge + London dungeon

كل هذه المعالم على نهر التيمز قريبه من بعض يمكن الذهاب لها كلها مشي في يوم واحد. مثل الكورنيش حوالينها مطاعم و محلات و اجمل شيء الطيور اللي تملأ المكان رااائع جدا.



4-London eye:

تجربه خرافيه يتوجب على زائر لندن زيارتها عباره عن كبسوله تشعر بها بالأمان لأنها مقفله و المنظر رائع. قبل الوصول للنهايه في مكان لأخذ صوره و أنتم داخل الكبسوله لازم تأخذون صوره فيها لأنها تطلع جميله جدا.
مهم: بعد الخروج من الكبسوله لا تنسوا تسألوا عن عرض الـ 4D رائع جدا خاص بـ London eye لايفوتكم أبدا.



6-Big Ben : ساعة لندن معلم مهم في لندن بصراحة شكله خرااااااااااافي و صوته ينسمع في كل لندن السعر

 

[jen2n]

7-London bridge:جسر لندن يمكنك الصعود اعلى الجسر إما بالدرج حوالي 200 درجة او بالمصعد





8-London dungeon :

عباره عن لعبة و مغامرة لعالم المجزرة اللي كانت تحصل في لندن ذلك الوقت بطريقة ممتعة و مشوقة جدا جدا جدا بصراحة لا يفوتكم للكبار و الصغار و لجميع الأعمار. تستغرق تقريبا ساعه و نص، سعر الشخص 22 باوند.



1- Hyde park

حديقة الهايد بارك الذهاب لهذه الحديقة متعة بذاتها منظر طبيعي خلاب على مد البصر، تدرك فيها عظمة و إعجاز الخالق و لا تردد فيها إلا كلمة سبحان الله.
داخل الحديقة بحيرة جميله وفيها ناس تتريض و ناس راكبه غواري ا و ناس تلعب كورة و الطيور في كل مكان بكل أريحيه، و زاويه للتحدث يعني كل واحد في خاطره كلمه يطلع و يتكلم بكل حريه، فعلا حديقة تستاهل الزياره.




4-Harrods:

أشهر سوق في بريطانيا بكل الماركات العالميه أنا أعتبره معلم من معالم بريطانيا لأنه فخم جدا و غالي جدا، قبل الدخول للسوق تأمل الفاترينات اللي عند الباب غايه في الروعه من أهم المناطق اللي تستاهل الزياره.




ج- قصر BUCKINGHAM PALACE:

قصر باكنجهام يوجد عندها الحرس الملكي اللي لابسين طواقي سود،للأسف ما شفتهم، لكن يوجد عرض لتغيير شفتات العسكر يوميا من الساعه 10 ص عرض جميل.







بنتكلم عن بعض أرقام الباصات المهمه ووين وجهتها عشان اتعم الفايده للجميع ..


وخلوكم معنا وحده وحده ..

بعدين بيركب الباص ايحاول ايروح فوق ويقعد في اول كرسي عشان ايصيد المنظر الحلو
وإذا ماأعجبه المكان فأتمنى محد يدعي علي


تتواجد الباصات الحمراء بكثرة في وسط لندن ولها خطوط متشابكة وعدد الباصات على الخط الواحد كبير لهذا يوجد جدول أوقات وصول أي باص لأي محطة تقف عليها أو ذاهب أليها ..
وتعتبر الباصات الحمراء وسيله سياحيه للسائح لأنه سيمر بمناطق مختلفه حسب خط سير الباص،وفي أوقات الإزدحام فهي بطيئه قياساً بالأندرقراوند..
أسعار الباصات أرخص بقليل من الأندرقراوند ..عاده هناك مواقف متقاربه للباصات في نفس المكان،عليك بالوقوف في موقف الذي يحمل رقم الباص الذي تريده وعند وصول الباص عليك الأنتظار لحين نزول الركاب بعدها يمكنك الصعود .
يمكنك معرفة أتجاه الباص والمناطق التي يمر بها من طريقتين


الأولى - عند موقف أي باص هناك لوحه فيها رقم الباص وسهم،وعاى السهم أسماء أهم المناطق التي يمر بها الباص ،أما أتجاه الباص فهو بأتجاه السهم ،ولوا انتقلت للجهه المقابله للشارع لوجدت أن اتجاه السهم قد انعكس..

الثانيه - لمعرفة أتجاه الباص والأماكن التي يمر بها يمكنك أن تجد أسم أخر محطة سيصل أليها الباص مكتوباً على بداية الباص وكذلك في مربع يذكر عدد أهم المناطق التي يمر بها الباص .

وتعمل الباصات الحمراء منذ الصباح الباكر وحتى منتصف الليل.. وبعد منتصف الليل تبدأ باصات الليل Night buses وهذه الباصات لها أوقات مختلفة وطريق مختلف لهذا يجب معرفة أي باص مناسب للمكان المقصود ويتقدم رقم الباص حرف N والذي يرمز لباص الليل ..

وأليكم بعض أرقام باصات لندن الحمراء المفيده والمناطق التي تمر بها هذه الباصات والتي تمر على الأماكن السياحيه التي يسكن بها السياح ومنها :

باص رقم 8 : محطة قطار فكتوريا،الماي فير،أكسفورد سيركس،ملبورن وبالعكس أيضاً ..

باص رقم 9 : ترافالجر سكوير( ساحة الحمام )بيكاديلي،كنزنجتن هاي ستريت،همر سميث

باص رقم10 : محطة قطارات كنجز كروس،يوستن،توتنهام كورت رود،اكسفورد سيركس،ماربل أرتش،نايتس بريدج كنزنجتن هاي ستريت،همر سميث

باص رقم 12 : ويست منستر وساعة بيق بين،ترافالجر سكوير بيكاديلي،اكسفورد سيركس،ماربل أرتش،بيزووتر،نوتنج هيل جيت

باص رقم 13: يمر بمسجد ريجنت،ترافالجر سكوير،بيكاديلي،أكسفورد سيركس،بيكر ستريت سويس كوتيج

باص رقم 14: ساوث كنزنجتن، بيكاديلي،توتنهام كورت

باص رقم15 : محطة قطارات بادنقتن،ماربل أرتش،اكسفورد سيركس،ترافالجر سكوير، تاور اوف لندن

باص رقم16 : محطة قطارات فكتوريا،الماي فير،ماربل أرتش،ادجول رود

باص رقم52: محطة قطارات فكتوريا،نايتس بريدج،كنزنجتن هاي ستريت،نوتنج هيل جيت

باص رقم 74 :محطة قطارات بيكر ستريت(متحف الشمع )،ماربل أرتش،نايتس بريدج،ساوث كنزنجتن..ايرلزكورت

باص رقم94 :ساحة الطيور(بيكاديلي)..شارع ريجنت..شارع أكسفورد..ماربل أرتش..بيزووتر..نوتنج هيل جيت
\


سوق السبت باص 6 او 16

سوق الاحد اندر قراوند يوصلج الي ليفربول ستريت

شبر بوش باص 94 من اكسفورد ستريت ويوديج المجمع اليديد بعد واسمد ويست فيلد

محل هارفي وهارودز باص 414 من اجوردروود

ومجمع الوايتليز باص 7 من اجورد روود

وسوق كوفنت جاردن باص 14 او 19 بس انا ما رحت له

سعرتذكرة الباص اليومية 3.5 جنيه تقريباً لليوم الواحد

والأسبوعية 13 جنيه استرليني

ماني متأكده بالضبط من ارقام الباصات بس اهناك اكيد في خرايط عند محطات الباصات وفيها كل شي


اوقات الصلاة في لندن

الفجر 2:26
الشروق 4:42
الظهر 1:01
العصر5:24
المغرب9:20
العشاء 11:23

 

[jen2n]

العمر كله يارب بس كنت بسالج حبيبتي انتو منو قايدكم
ولما حجزتو كان موجود بمكتب السفرياات

حبيبتي تسلمين

قايدنا مخلد الشمري

لا والله ما شفته

وانتو منو ظ

 

[jen2n]

انا مع زوجي بروح
يعني تنصحين اخذ جناط صغار احسن؟؟؟؟وشلون اذا بييب معاي اكل خفايف ما يرضون اخذها معاي داخل الطياره صح ؟؟؟؟

اهاااا

ايه حق الطياره تحطين فيها اغراضج الخاصه

اكل خفايف ما يرضون بالطياره يدخلون شي بس خليهم يدشون بالشحن واهناك بالمطار تورينهم ان معاج يعني تحطينهم بجنطه خاصه عاد اما يمشونج او ياخذونها منج لووول بس انتي جيسيهم بنايلون

 

[jen2n]

بنات احاتي الفيزا للحين ما خلصت الشينغن وما عطينا مهله اسبوع!!!!!!!!!!!!

 

[fri2010]

وانا بعد فيزتنا ما خلصت شكله ضغط اوووف

لقيت لكم هالموقع بخصوص باصات لندن بالخريطه

http://www.tfl.gov.uk/modalpages/2605.aspx

تدشووون على Bus route maps

بعدين يطلع لكم شريط ويمه سيرج وتحطون اسم المنطقه واهوا راح يقول لكم وين مكانها مع رقم المحطه

ومشكوره جيناااان عل المجهود

 

[غلاي غير]

العمر كله جنان

مشكوره خوش معلومات

ماشاء الله عليج خبره

الفيزا شنغن طلعناها بيومين 3 بس ليش طولتم

وانا ليما الحين ماطلعت فيزا لندن الله يستر

 

[غلاي غير]

الاكل داخل الجنطه الي تحطينها معاج داخل الطياره ممنوع
بس السوائل والا الكوكاو والبطاط البسكوت عادي

اما الجناط الي بالشحن عادي اخذي الي بين بس الله يعين عالشحن شلون

 

[نحيسه 1986]

حبيبتي تسلمين

قايدنا مخلد الشمري

لا والله ما شفته

وانتو منو ظ

والله مادري شسمه بس كان موجود بالمكتب وقالنا احتمال انا اكون القايد اهوا كان ثاني مكتب على اليسار :bbbiu:

 

[jen2n]

العمر كله جنان

مشكوره خوش معلومات

ماشاء الله عليج خبره

الفيزا شنغن طلعناها بيومين 3 بس ليش طولتم

وانا ليما الحين ماطلعت فيزا لندن الله يستر

:e3:

وي عيل احنا العكس لندن خلصت بسرعه والشينغن الحين طولت:bbbiu:

يمكن سوينها بوقت الزحمه والعطله

الاكل داخل الجنطه الي تحطينها معاج داخل الطياره ممنوع
بس السوائل والا الكوكاو والبطاط البسكوت عادي

اما الجناط الي بالشحن عادي اخذي الي بين بس الله يعين عالشحن شلون

والله حتى السوائل ياخذونها منج حتى الماي وكانوا اللي تشترين من عندهم سوائل عشان يمشونج والا انتي يايبته لأ

والله مادري شسمه بس كان موجود بالمكتب وقالنا احتمال انا اكون القايد اهوا كان ثاني مكتب على اليسار :bbbiu:

ما ادري والله انا رحت المكتب مره وحده عشان اوقع اوراق الفيزا

 

[fri2010]

أما أسواق خارج لندن

BICSTERVILLAGE وهو سوق يقع بالقرب من مدينه أكسفورد سيتي وهو سوق نظام OUT LET
يعني نظام الستوكات القديمه يعني مثلا ستوكات المحلات لموديلات 2004
وهو سوق يكسر الأسعر تكسير

مجمع BLUE WATER

وهو مجمع خارج لندن وكبير جدا يتكون من 6 طوابق ولا يسكر الا الساعه العاشره ليلا
التسوق فيه يبيله يوم كامل ولاتخلصونه يذكرني بمجمع بكوا لامبور اسمه الميجا مول ومجمع طوكيو ببانكوك من حيث المساحه

GUNWARF QUAESE

وهو مجمع في مدينه بورتسموث وتقدرون تطلعوله من محطه WATERLOO بالقطار وتستغرق الرحله ساعتين واسم المحطه اللي فيها المجمع PORTSMOUTH HARBOR
وهو سوق OUT LET كبير ومفتوح على البحر وهو سياحي بالاضافه الى التسوق
فيه فوق بولينج وسينمات وتقدرون منه تاجرون قارب وتفترون بالبحر ........... الصراحه متعه

TREFFORD

مجمع تريفورد في مدينه مانشستر سيتي مجمع كبير وشكله وديكوراته اشبه بسوق شرق بالكويت ولاكنه اكبر منه ولكنه يتميز بمطاعمه العديده والمتميزه
مناطق منسيه للمتسوق

في محلات بشارع اكسفورد حلوووه مثل سلفردج ماربل آرش بوند ستريت
اكسفورد سيركس
جون لويس
بري مارك بضاعته رخيصه بس فيه اشياء حلوووه

تروكيديروا مبنى كبير خاص لألعاب الأطفال ومتعدد الأدوار وهو موجود في نهاية شارع الريجنتس ستريت مع تقاطع بيكاديللي اللي يبي يشتري حق عياله شي


هذا موقع عشان تعرفون الجو أهناك
http://worldweather.met.gov.om:8000/

سويسرا كانت الدرجه الصغرى 10 والعظمى 12 بس كان هذا يوم الجمعه
امس كان بفرنسا الدرجه الصغرى 12 والعظمى 22
بلندن اليوم الصغرى 15 والكبرى 25

ليش احر شي لندن!! مع انها عاصمه الضباب وصايره بالشمال!!!

وانا بعد خلصت فيزا لندن بــ3 ايام بس فيزا الشينغن من الثلاثا اللي طافت وللحين ما اخلصت والسفاره تقول الاسبوع الياي!

 

[غلاي غير]

جنان
الي اقصده ان السوائل بجناط داخل الشحن عادي
بس داخل الطياره معاج ممنوع السوائل

 

[jen2n]

شكرا فيراري ذكرتيني ببري مارك بضاعته حلوه وكل شارع في بضاعه غير عن الشوارع الثاني وتقريبا اهوا نفس c&a وتبدي اسعاره بـ1باوند

ايه بالضبط غلاي غير

 

[jen2n]

هذا موقع حق مكان القبله

http://www.qiblalocator.com/

 

[ام شيخون]

تسلموووووووووووووووووووووووووووووووووووووووووووووووووووووووووووووووووووووووووو
على اجاباتكم الشافيه الوافيه الكامله

 

[ام شيخون]

[/b]

تسلموووووووووووووووووووووووووووووووووووووووووووووووووووووووووووووووووووووووووو
على اجاباتكم الشافيه الوافيه الكامله:hearting:

 

[jen2n]

عفوااااااا ملائكة النووور


امبي بنات تخيلووو الجوازات ما تخلص الا 4/7 واحنا سفرتنا 5/7!!!!!!!!!!!! ومو أكيد انها تخلص بعد!!!!!!!

 

[غلاي غير]

جنان

الله يعينكم
بسالج انتم جوازات والا بس فيزا
اذا جوازات هينه كلموهم يخلصونهم

 

[jen2n]

جنان

الله يعينكم
بسالج انتم جوازات والا بس فيزا
اذا جوازات هينه كلموهم يخلصونهم

امين

لا الفيزا وقايلين السفاره احنا ندري بتروحون 5/7 فراح نخلصهم 4/7