تجمع مسافرات لندن في صيف 2010

[miss_british]

الدلال مشكوووووووووووووووووووره ياقلبي وماقصرتي يزاج خير والله

 

[miss_british]

الدلال توني سالت لازم تبدلون القطار في برمنغهام وتروحون المصنع يعني

تروحين من لندن euston الى برمنغهام new street station و منها لـBournville

 

[ملح و سكر]

سووووري غلطه مطبعيه..اختي ملح وسكر هذا عنوان مصنع بربري Burberry Factory

29 Chatham Place
Hackney
London
E9 6LP

lمشكوره وايد حياتى صج ماقصرتى ...وايد استفدت من المعلومات ....:aha:

 

[mr000]

العفو حبيبتي واي شي تبين آنا حاضره...دلول آنا ماأعتقد اروح مصنع الككاو لأن سفرتي قصيره مايمدي بس ضروري أبي الآوت لت مال بربري بس مو عارفه اشلون بالقطار..إذا رحتي قوليلي..يلا باي اقوم حق الفطور..رحت أموت سويت في نفسي دقه صايمه وآنا أمس مو متغديه ولامتعشيه..بس شاربه قهوه بالليل..الحمدلله مويوعانه بس أحس بهبوووووووووووط. مو طبيعي ...الله يتقبل ان شاءالله...

 

[miss_british]

اهليييين مروو تقبل الله

 

[حضاره]

مساءالورد على اللندنيات الحلوات 00شخباركم بنات ولهت عليكم

المنتدى للحييييييييييييين ماضبط 00

اشلونكم00 الدلال 00الله يحفظكم ان شاءالله وتوصلون بالسلامه وتستانسون بسفرتكم يارب

ربوعه 00اشلونج ياحلوه00انا ماعندي شي ربوعه بس المنتدى يعلق فمااقدر اشبك00حياتي تحمشتي من الحر00الله يجيرنا وياج من حر جهنم

يارب

على مانشستر ان شاءالله بطرش لج اللي عندي00ابشري ياقمر

فراولة قطر ومس برتش00االتسوق في مانشستر مومثل لندن ونااااااااااسه لأ الااماكن محدوده00

يعني اهم مركز للتسوق في مانشستر هو ((ترافورد سنتر))مجمع كبييييييييييييييير وفيه سيلفرجز وفيه جون لويس ومحلات اشكثر بعد

وفيه سيلفرجز وهارفي نيكلز صوب عجلة مانشستر ويمهم مجمع (الارندال) مجمع عاااااااادي مافيه زود

والاماكن السياحيه وااااايد 00ومانشستر مشهوره بمتاحفها الحلوه اذا تحبون هالاماكن !!

واهم الباركات فيها ال((هيتون بارك))و((الايم بارك))

وفي مناطق حوالين مانشستر تروحون لها بالقطار مووووبعيده اهمها العاب (بلاك بول ) والليك دستريكت والعاب التون تاورز

بس انا شخصيا انصح ببلاك بول افضل من التون تاورز00واذا تبون تفاصيل ابشروا ان شاءالله

مرووو 00ياعسل اشلونج 00انا مااشبك ماسنجر لان هالوقت اللي عقب ال12 يكون ابونا عندي ويناجرني طول الوقت

فماقمت افتحه هالحزه00ولا سوالفج عسل وماينمل منها 00اليوم بشبك معاج ابونا مسافر من غير شر وباخذ راحتي

جوجوا سلامتها وماتشوف شر وام العيال عليج بالعافيه تعيشين وتشرين ياحلوه

 

[ربوع الحلوة]

ربوع بلييييييز شرحيلي اكثر مافهمت اشلون يعني اشتري وزن ماقط سمعت بهالطريقه؟ أي والله العام عالكويتيه ودفعوني يمكن 250 باوند بعد كان 300 بس بالغصب طيحلي 50 وعلى شنو على 15 كيلو

شوفي بشرح لج علي خطوات :

1- دخلي النت البرتش إشتري وزن جنطه زايده ب 32 باوند دفعي بالنت أو جنطتين إنت وبنتج

2- إذا شريتي جنطه خلاص يصير لج إنت وبنتج 3 جناط من حقكم بالمطار والوزن كل جنطه 23 كيلو

وإذا شريتي وزن جنطتين يصير لج 2 وبنتج 2
يعني وحده بلاش من حقكم ووحده دافعين فيها فلوس
3- تودين معاج جنطه داخل جنطه وهناك خلاص تستعملينها تحطين فيها أغراض بس مايزيد وزنها عن اللي بالبرتش
23 كيلو
4- يعني إنت تشترين وزن جنطه 23 كيلو بس والجنطه وإلأا تاخذينها معاج فاضيه من الكويت أوتشترين هناك كيفج
بس بالمطار تكونين دافعه فلوس وزنها بالنت اللي هو 32 باوند
5-إذا ماقدرتي تشترين وزن الجنطه بالنت واللي هو أفضل تقدرين تاخذين جنطه المطار وبنتج بعد بس عند الكاونتر
وإنتوا تسوون البوردنغ قولي أبي أدفع وزن جنطه يعطونج ورقه تروحين تدفعين 40 باوند بالمطار وترجعين تعطيج البوردنغ
ولكم حق جنطتين لأن إنت وبنتج تقدرون ترجعون ب 4 جناط بس شرط وزن الجنطه مايزيد عن الوزن المعتمد بالبرتش
اللي هو 23 كيلو


ها فاهمه علي هذي معروفه الكل يسويها يعني ممكن ترجعين بجنطه زايده دافعه فلوس وزنها علي البرتش بس مايزيد وزنها عن 23 كيلو بس تدفعين وزن جنطه بالنت 32 باوند 17 دينار يعني كل واحد له حق بس وزن جنطه وحده
ولج حق بعد تدخلين الطياره بهاندباق إنت وبنتج

يعني تقدرون ترجعون ب 4 جناط بالطياره ب 32 دينار دافعه وزنهم بالنت / غير 2 هاندباق بيدكم


هههها فاهمه علي سئلي عيالج يعرفون هالشيء

 

[حضاره]

الدلال توني سالت لازم تبدلون القطار في برمنغهام وتروحون المصنع يعني

تروحين من لندن euston الى برمنغهام new street station و منها لـbournville

بالضضضضضضضضضضضضضبط مس برتش لازم تبدلون القطار وتنزلون تحديدا في برمنجهام نيوستريت مدة الرحله

ساعتين وبعد التبديل ساعه ليما برونفيل !

 

[ربوع الحلوة]

يابنات أمانه أمانه بقولكم شيء اللي بيروحون مصنع البربري لازم تخلون تاكسي ينطركم بره أو قولي للسيكيورتي الريال اللي واقف حارس

يطلب لكم تاكسي لاخلصتوا المنطقه فيها وايد سود خطره صج يقولون الله الحافظ أنا لما رحت ماكنا نعرف المنطقه عدل بس خذينا تاكسي

هناك وصلنا لما الباب وعطانا رقمه قال لماتخلصون دقوا علي ولمارجعت الكويت قريت في منتدي إ، المنطقه خطره بس الله حفظنا يعني

روحوا بتاكسي وهناك لاخلصتوا طلبوا تاكسي يرجعكم إذا ماتعرفون ترجعون بالأندرقراوند
لأن أنا رحت بالأندرقراوند بس من المصنع رجعني تاكسي للمحطه ورجعت لندن

 

[ربوع الحلوة]

حضاره حضاره شالغيبه تري مومتعودين منج جذي شالأخبار يالله ناطره رحلتج لمانشستر بالتفصيل بس شنو الأماكن الحلوه موكلها يعني اللي

ترشحينها لي ويالله دام بوالعيال من غيرشر موهني الله يرده لج سالم غانم ياررررب تسلي فينا

 

[حضاره]

حضاره حضاره شالغيبه تري مومتعودين منج جذي شالأخبار يالله ناطره رحلتج لمانشستر بالتفصيل بس شنو الأماكن الحلوه موكلها يعني اللي

ترشحينها لي ويالله دام بوالعيال من غيرشر موهني الله يرده لج سالم غانم ياررررب تسلي فينا

هلا ربوعه حبيبة قلبي والله الله يسلمج من كل شر00خلاص وهو كذلك ياقمر

 

[~ عز ~]

هلا والله حضاره .ز وينج ماشفتج من زمااان

شخبارج ؟

عز 00شلونج شخبارج00ان شاءالله تستانسين بالصين 00


بنات بسمه تسلم عليكم كلللللللللللللللللكم 00موقادره تشبك المنتدى بط جبدها 00

باقي البنات عساني مانسيت احد منكم00شخباركم كلكم

^
^

توني اشوف هالرد لج

انا بخير و الصين لابأس بها ..

بنرجع بعد بكرا ان شالله


ادعوا لنا

 

[جوجوا]

السلام عليكم اشلونكم شخباركم..جاذبيه عليج بالعافيه الاغراض اللي شريتيها..عفيه خمي السوق لاتخلين شي حق أم العيال..جوجوا وينج مختفيه..ربوع شخبارج..والله ماندري متى يفتح المنتدى وتى يعلق طقت جبدنا منه..حضاره وينج شخبارج..الدلا مابقى شي على سفرتكم من غير شر..تروحين وتردين بالسلامه..سارونه ومس بريتيش اشلونكم..عز اشلونج مع الصين..شنو عندهم بالسوق؟بسمه عروستنا ان شاءالله دوم مستانسه بشهر العسل...

مسالخير عليكم يابنات لندن شلونكم شخباركم مر دلال وربوع حضارة وجاذبية وكل البنتا اليوم الجو حار وايد بس طحت لكم على سوق مو طبيعي في شغلات تهبل ووايد ذربدة المهم هذا السوق اذا انتو من الاكسفورد او الاجدورود صعدوا باص 23 راح يمر عند البادنقتون وبعدها عند الوايتليت بعد الوايتليز ابمحطة راح تكونون عند السوق نصيحه روحوه لان شغلاته غريبة ومو مكررة بس ترا غالي مو رخيص وفي شغلات مسوي عليها سيل

 

[الدلال]

السلام عليكم

مروو تقبل الله منج

حضاره شلوونج ياقلبي

جوجوا شلوونج وشخبارج

مسس بريتش مشكووره ياقلبي, وجن المشوار وايد طويل لي المصنع!

عز ,ربووعه, ام العيال وباقي البنات شخباركم

بسوومه فاقدينها ربي يتمم عليها

 

[حضاره]

هلا بعز00اشلونج ياقلبي 00انا موجوده بس المنتدى لج عليه00الله يجيبكم بالسلامه ويحفظكم يارب

جوجوا 00ياسلام عليج وعلى اكتشافاتج ياسلام 00رديت اسجل بالنوته

الدلال 00هلا فيج يالغاليه 00ترى على مشوار المصنع صج طويل بس والله يسوى العنوه بس طلعي مبجر وقبلها بيوم سئلي الكونسيرج

مال الفندق عن الرحلات المباشره واوقاتها يعطيج فيها برنت وتنظمين وقتج !!

وبسومه عروس00الله يهنيها ماظن بتشبك هالفتره00

 

[الدلال]

ماكو اللي جذي حضاره

علشان اشوف الوقت اللي يناسبني وارتب قبل لا اروح

 

[om l3yal]

هالو جيرلز هاو ار يو اي مس يو تو مج
توها طالعة من عندي جوجوا وطبعا زفيتها لانها قالت لكم عم السوق وانا يا خبر خير يعني لو مو داشة المنتدا جان مادريت عنه
باجر انا من الصبح هناك وبخلص كلشي عنكم حرة مرة

 

[$$ ام فهد $$]

شلونكم يا احلى بنات


انا ان شاء الله رايحة لندن شهر سبتمبر تحديدا يا اخر يوم رمضان او اول يوم العيد 8/9

وان شاءالله احصل على سكن مناسب تسهل من رب العالمين وبمساعدة اخت الجميع سارنة

ما عندكم فكرة شلون راح يكون الجو واذا في تنزيلات ولا خلصت

 

[الدلال]

ام العيال صبر لا تروحين علشان اروح معاج هههههههههههههههههه

ام فهد انشالله الله يتمم سفرتج على خير يارب

 

[om l3yal]

ام العيال صبر لا تروحين علشان اروح معاج هههههههههههههههههه

ام فهد انشالله الله يتمم سفرتج على خير يارب

دلول انا باجر اروح استكشف واحط حراسة تالي عقب باجر اوديج شرايج