تجمع مسافرات لندن في صيف 2010

[mr000]

السلام عليكم اشلونكم شخباركم..جاذبيه عليج بالعافيه الاغراض اللي شريتيها..عفيه خمي السوق لاتخلين شي حق أم العيال..جوجوا وينج مختفيه..ربوع شخبارج..والله ماندري متى يفتح المنتدى وتى يعلق طقت جبدنا منه..حضاره وينج شخبارج..الدلا مابقى شي على سفرتكم من غير شر..تروحين وتردين بالسلامه..سارونه ومس بريتيش اشلونكم..عز اشلونج مع الصين..شنو عندهم بالسوق؟بسمه عروستنا ان شاءالله دوم مستانسه بشهر العسل...

 

[om-3abodey]

السلام عليكم ورحمة الله بركاته
والله اني مشتاقة لكم من ذاك اليوم بدش بسلم عليكم بس كله المتندى معلق
محد مذكرني بلندن غيركم وميتة عليها خصوصا ان بنت عمي راحت لها وتوها رادة وتسولف لي عنها احس قلبي معاها وامدحت لي مطعم وتقول عنه رخيص باخر شارع ادجور رود انا ان شاءالله مفكرة عالسنة الياية اروح لها وانا للحين ما حملت ادعولي بنات ان ربي يرزقني بالذرية الصالح يا رب

 

[كريستال]

رد : تجمع مسافرات لندن في صيف 2010


السلام عليكم

بسالكم مطعم ممتاز في له فرع قريب من الاوكسفورد ؟؟

 

[كريستال]

رد : تجمع مسافرات لندن في صيف 2010

واااو روعه السايت اللي حطيتيه مروو

مشكووووره

 

[ملح و سكر]

السلام عليكم اشلونكم بنات <<<انا الحين متواجده بلندن وزحمه وايد وايد بس الجو عجيب <<<<،بصراحه احنا الحين وايد متوهقين حيل مو لايقين غرف سنعه <<<،لا والفنادق حدها فل <<<<اذا في احد يعرف سايت غير سايت بوكنك نلاقي حجوزات عليه اكون شاكره لكم <<<<

 

[mr000]

هلا والله ام عبودي..عاد والله اليوم طريتي على بالي قلت يمكن مسافره او مشغوله..الله يكتبلج ان شاءالله الذريه الصالحه بس لاتحاتين وايد..كريستال حبيبتي آنا حاضره وكلما لقيت شي حلو ان شاءالله احط لكم السايت..ملح وسكر أكو سايت اسمه فندق دوت.كوم.. واكوhotels in londonواكو lastminute.com ...

 

[om l3yal]

مرو انتي قبلي بيوم انا طيارتي 8 وعلي البريطانيه عاد 8 اخر يوم برمضان ولا اول يوم العيد متخربطه انا ؟؟؟؟:23_asmilies-com:

مس برتش تري انتي متا سفرتج بالضبط
سفرتج يوووووووووووووووووووووم عييييييييييييييييييييييييييد ميلادي يعني مو نتسين هديتي

 

[om l3yal]

السلام عليكم شلونكم كويتيات اللندنيات يسلمون عليكم من بلاد الضباب اللي ماشفنا مطرهم هالسنة الا شوية
الجو حلو ربيعي
والسوق عجيب بس ماشريت شي وايد لما الحين كسرت خاطري مرووو قلت خل اخليلها شي من ماركس بنسر
بنات بقولكم ترا شفت ابو مرووو ماشاء الله علي صج المحقق كونان وقلت لها طلع اهو بقيت اروح اسلم عليه بس الصراحة استحيت كان يمه واحد قلت لي شفته بروحة بقوله انا رفيجة مرمورة

 

[om l3yal]

ملح وسكر انا صار فيني نفس الشي وتوهت بس ربج دبرها الحمد لله

 

[Pretty Amoola]

السلام عليكم
شلونكم لندنيات ؟ للحين ما طلعنا من الشقة ومب عارفين وين نروح بالضبط !هههه

 

[الدلال]

السلام عليكم

شلوونكم

مابقى يفتح المنتدى؟؟ بس اشوف في مشاركات امس؟شلوون؟؟ انا مايفتح معاي كلش؟!

 

[الدلال]

عقب باجر بسافر انشالله وللحين ماخلصت جناطي,احس مخي مشووش وكأني ناسيه شي,شنو مادري لوووووووووول

 

[~ عز ~]

السسسسسسسسسلام


شلونكم بنات

مروووو الصين سوقها روعه بس المشكله المقاسات .. واحنا ماشالله مقاساتنا مو شويه


وبناتي تبارك الله طواااال لو انهم صغار .. حتى الصينيين يطالعون بناتي باعجاب و السبب الطول ههههههههههههههههههههههه


يحسبون بنتي اللي عمرها 11 ان عمرها 19 .. اقول لهم شوفوا ويهها هذا مو مال 19 @@


بس جوهم خايس تكرمون .ز حر و رطوبه


اخ على جو لندن ..



الدلال هلا و الله شلونج حبيبتي ؟ ها المسافر كالمجنون



ام العيال .. شخبارج شالجديد حبيبتي ؟؟؟


ربوعه .. اخبارج ياقلبي ؟؟

 

[~ عز ~]

حضاره .. وينها شالدنيا فيها ؟؟؟

بسمه ...................... عروستنا الحلوه .. عطينا اخبارج

سارونه .ز شخبارها بعد ؟

 

[الدلال]

هلا وغلا عز

انا بخير الله يسلمج

اي والله صاجه, ادخل من هالغرفه واطلع من هالغرفه كل دقيقه يايبه شي وحاطته بالجنطه ههههههههههه

 

[~ عز ~]

ياحي لندن مايبيلها شي كل شي فيها

تعالي اهنيه ديرة فقررررررررررررر

 

[الدلال]

هههههههههههههههههههه

كل ما اقول حق ريلي خل نروح الصين هابين فيها هاليومين,يقاطعني قبل لا اكمل كلامي يقولي انسي اضرب طريج واروح ديره لا فيها جو ولا اكل مثل الناس

 

[~ عز ~]

ههههههههههههههههههههه اي والله صاااج

عاد انا ريلي يحبها .. هذي ثالث مره يسافر الصين

 

[الدلال]

انا بعد ودي اروح لها,بس ريلي مو حابها

وبالصيف ريلي يحب اوربا يدوور البراااد لوووووووول

 

[~ عز ~]

تصدقين


انا وريلي تقريبا رحنا اوربا كلها و طبعا اغلب سفراتنا بالصيف


الحين بعد مارحت لندن في ابريل قررت اني مااسافر بالصيف اوربا ابدا وبالذات لندن !!

زحمه و فنادق غاليه .... المحلات كلها كيوووو يالله يحاسبونج .. المطاعم فل !! ابد مافي راحه و لا استجمام


تحسسسسين العااالم تركض ركض