تجمع مسافرات لندن هذا الصيف <<<<<

[شمايخ]

الله يستر والله الله يشافيهم

 

[miss_heathrow]

ويييييييي مساكين الله يشافيهم طمنينه عنهم

انزين اذا صار ببنتي شي هناك او فيني وين اروح وين اعالج

 

[miss_heathrow]

قاعده احاتي يا ساتر بعيد عنا وعنكم انشالله
مو تنسين طمنينا عنهم وعن احوالهم



يقولون لندن امس مطر وبردي عندكم

يالله الله يهنيكم احنا الحراره عندنا مكرويف

 

[moone GRL]

انفلونزا الخنازير وباء مو اشاعة مهما كان مستوى خطورته وهو على فكرة مرض قاتل للي مناعته مو قوية او يعاني من مرض .. عدد الحالات اللي ماتت من انفلونزا الخنازير الشهر اللي طاف 7 تتفاوت اعمارهم فيهم ابو 70 سنه ووحده اسمها اسماء حسين شكلها عربية عمرها 9 سنين

وصرح وزير الصحة البريطاني انه متوقع اصابة 100 الف حالة يوميا مع شهر اغسطس @@

المرض موجود وخطورته تتفاوت مثل الانفلونزا العادية او تكون شديدة وقاتله


بس تدرون شنو المشكلة .. لو انه الوباء طالع بدول العربية او بوحده من الاقاليم الفقيرة مثل افريقيا او اسيا جان سوو عليهم حظر محد بيدخل عليهم ولا احد يطلع منهم .. بس لانه المرض منتشر حيل بامريكا واوروبا فالوضع عادي واكييييد بالنسبة لنا حنا اللي المغتربين ما سمعنا شي لان اعلامهم مايجيب طاري كلش للمرض وحاطين انه عااادي على الرغم من عدد حالات الوفاة لانه ما يبون اقتصادهم يتأثر

وفي المرحلة هذي المرض صار وباء عالمي

 

[Um Saud]

ريم الرشيقه ليقولاند في مدينه اسمها وندسر تبعد عن لندن ساعه تقريبا بالقطار , بس صج تسوا العنوه خوووووووووووش مكان و خوش العاب لا تطوفينها بس مادري من اي محطه تروحين لها نسيت

 

[miss_heathrow]

صدقتي والله

مشكوره على هالكلام

 

[LA TROO7]

بنات انا بلندن

اصلاا نسينا طاري المرض بس اذا كلمنا ربعنا بالكويت ذكرونا فيه

ترا خرااااااااااااااااااااااااااااابييييييييييييييييط ماله اثر كلش

شخباركم مع السيل يونس يونس يونس

خمطت مكيااااااااااااج طفحت وامي كله تزفني

والجوو برد بس موو حيل

 

[miss_heathrow]

لا تروح حبيبتي صح كلامج ما فيه مرض بره بالاسواق وجذي بس روحي دشي المستشفيااات

اختي هناك الحين تقول من دروا اني حامل وداشه افحص صار فيها نزيف شوي تقول السسترات زفوها قالولها انتي وين يايه هذي منطقه موبووءه وممنوع احد يدش فيها كلها مرض الفايروس وتقول كان زحمه حيييل

فمنشر المرض بس عندهم حل حقه وياخذونه ببساطه مو مثلنا نهول فيه بس هم عندهم مساله اقتصاديه من هالناحيه

 

[دهن العود]

يعطيكم العافية جميعا

بصراحه في مرض او ما في احنا انشاالله بحفظ الله ورعايته

يا جماعه قولو لي وين صاير كوفنت غاردن واشلون هالسوق واشلون اوصل له

تحياتي

 

[miss_heathrow]

كوفنت غاردن هذي ساحه فيها سوق ورا بيكاديللي
توصليله بالباص او بتاكس او بالقطار احسن وافضل

بس ساحه مليقه وسوق مليق مو ذك الزود يعني تحسين سوق بارد ومافي شي زايد بس روحي شوفيه

 

[miss_heathrow]

up
up
up
up
up
up
up
up
up
up
up

 

[نيلفار]

بنات انا ناويه احجز واروح اول 8 والصراحه كنت خايفه بس انتو طمنتوني والله الحافظ بس بسالكم راح الحق على السيل ولا لء خخخ =====> من الحين احاتي السوق

 

[شمايخ]

بنات منو يعرف عن الملاهي ثور بارك والتون تورز وبرايتون منو الاحلى فيهم وتصلح للكبار واليهال

 

[miss_heathrow]

انا بلندن الحين
ماكو سيل واذا كان فيه تكون مجموعه صغيره من الملابس


واذا تبين ملاهي ماكو على منطقه اسمها مارغيت
عجيبه روحي لخا بفكتوريا استيشن وربي انا كله هناك

عجيييييبه


بنات اللي يعرفها خل تتكلم عنها

 

[ام _خلودي]

بنات بغيت اعرف اكو تنزيلات اخر نوفمبر اول ديسمبر

انا مفكره اروح تاريخ 25/11 الى 5/12

راح يصاادفنى تنزيلات ولالا؟

 

[miss_heathrow]

اي حده عز ام التنزيلات

لان عندهم عطله كرسمس كله تنزيلات حيييل قويه


انا رحت بكرسمس رخص التراب امشي وخمطي بالماركات خاصه منطقه بكستر فيلج

 

[عسووولتي]

ام خلودي : حسب اعتقادي ان مافيه تنزيلات في شهر نوفمبر لان تنزيلاتهم اتكون في شهر 7

شمايخ : مدينة برايتون واااايد حلووووه انا رحت لها العام فيها مجمع تشرتشل سكوير واايد حلوو

اول ماتطلعين من المحطه اترووحين سيده وبتحصلينه على يدك اليمين والبحر بيكون امامك طبعا برايتون مدينه ساحليه

وفيه على البحر مدينة العاب واايد حلووه اسمها برايتون بيير وفيه بعد ماتطلعين من الملاهي منطقة المارينا فيها قعدات

حلووه وومحلات ( سوق + كوفي شوبات + بضاعتهم بدون ضريبه ) وفي مجمع المارينا فيه جمعية ASDA تقدرين

تاخذين الباص رقم 7 ايوديكم الين مجمع المارينا

طريقة الوصل لمدينة برايتون : من محطة فكتوريا london Victoria ومدة الرحلة 55 دقيقه سعر التذكره ذهاب

وعودة 11,55 باوند

وبعد محطة london Bridge اتودي الى مدينة برايتون بس الاكثر من محطة فكتوريا

طريقة الذهاب الى مدينة الالعاب التون تورز : تاخذين محطة Euston Rail Station وتاخذين القطار اللي

يودي الى منطقة Stoke-on-Trent Rail Station وبعد ماتوصلين للمحطة تنزلين من القطار وتتجهيين الى

محطة الباصات اللي اتروح الى مدينة التون تورز بعد ماتقطعين التكيت لها .

مدينة ثورب بارك ماعندي خلفيه عنها

Um Saud : مدينة الالعاب ليجولاند المدينة كبيره وجميله الاسعار الكبار 34 باوند الاطفال 26 باوند اللي تحت سن 3

سنوات مجان واذا عائله اتقدرون اتقولون لهم يوم تقطعون التكيت انكم عائله وتاخذين تذاكر القطار مع تذاكر دخول المحطه

طريقة الوصول الى مدينة ليجولاند : اتروحين محطة Waterloo Station واتقطعين التذاكر حق محطة

Windsor and Eton Riverside بعد ماتطلعين من محطة الوصول اتروحين سير على الاقدام لمحطة

الباص اللي اتودي الى مدينة الالعاب ليجولاند وبتشوفين على الباص اللي يودي الى مدينة الالعاب اسم مدينة الالعاب ليجولاند

دهن العود : منطقة كوفنت قاردن عباره عن سوق مسقف في بناية تاريخيه تضم العديد من الاسواق الجميله والفريده من

نوعها والمطاعم والعاب الاطفال وفي الساحات الخارجية من السوق بتشوفون الموسيقيين اللي يعزفون على الاتهم في

الهواء الطلق وفيه اخرين يقومون

بحركات رياضيةى هزلية تسلي المتسوقين من السواح يفتح هالسوق كافة ايام الاسبوع بس احسن الايام واتقدرين اتروحين له

هو يومي السبت والاحد

طريقة الذهاب الى منطقة كوفنت قاردن : من المحطه نفسها اللي هي كوفنت قاردن Covent Garden على الخط

الازرق ( خط البكاديلي )شوفي اقرب محطة من سكنك تقدر اتوصلك لها

اتمنى خواتي اني قدرت افيدكم بشئ بسيط واتمنى معلوماتي صحيحه

واذا فيه شئ خطا اتمنى احد يصحح الخطأ

انا موجوده حاليا بلندن والاوضاع عاديه جدا ولا فيه اي شئ

ويللا ننطر جيتكم

 

[نيلفار]

واااي بنات حده احباط يعني مراح الحق على التنزيلات

 

[miss_heathrow]

عسوووووولتي مشكوره وايد على افادتج للبنات

 

[الافنيوز]

التنزيلات فعلا فى الصيف وحق الكريسمس بس طبعا كله شتوى
واحنا صيفنا طويل محتاجين صيفى اكثر
بصراحه لندن بالشتا وايد احلى واحسن من الصيف لانه البضاعه بالصيف كله ستووك
وهذا عن تجربه اللى تبى الشغل الزين تنتظر يخلص الصيف وتخلص التنزيلات وينزلون البضاعه اليديده
وتقدر بعدين تقارن الفرق فى البضاعه اما الماركات فعلا فرصتج بالتنزيلات