~ تجمع مسافرات ميلانو / جنيف / باريس صيف 2010~ حياكـــم

[توتــــه21]

السلام عليكم ..

الموضوع باين من عنوانه هالتجمع حق مسافرات ميلانو / جنيف / باريس .. صيف 2010

أحنا حجزنا انانا وريلي وولدي مع قروب الوسيط

تاريخ18/7 انا كان ودي 7/7 بس الرحله صكرت عشان العدد فل كامل حسافه يالله خيره من الله منو معاي؟؟

وهالتجمع عشان انفيد ونستفيد من بعضنا ..

كل وحده تقول متى سفرتها وجم يوم ؟

وعلى اي طيران ؟


واهم شي شنو اهم الاماكن السياحيه في هالدول الثلاثه ؟؟


ناطره تفاعلكم :eh_s(8):

 

[توتــــه21]

مافي أحد معاي؟

 

[أم@الحلوين]

نفس خط سير رحلتي
وانشاءالله من ميلانو راح اروح فنيسيا ولوغانو
وبجنيف هم راح اروح انترلاكن - لوزان -مونترو وغيرهم وباريس ليلحين ماقررت وين اروح فيها
وبنروح عالاماراتيه

 

[رافعه الحاجب]

انا ان شاء الله رحلتنا بتاريخ 15 ميلانو وجنيف وباريس .. سؤال فني نسائي من اي أوت ليت تبون تتسوقون ؟؟

 

[أم@الحلوين]

هلا فيج رافعه الحاجب على طاري الاولت لت يقولون يم دزني لاند فيه اولت لت واااايد حلووو سامعه عنه؟
وياريت البنات يفيدونااا؟؟

 

[رافعه الحاجب]

انا بنت عمي امدحت لي اللى بميلان واللى بباريس .. بس انا ودي اخلي السوق اخر شي عشان ما أتشتت لوول << إدمان سوق

 

[كوكو واوه]

بنات جم ساعه بلقطار من روما الى فينيسيا
ومن فينيسيا الى ميلانو
ومن ميلانو الى باريس
بليز ردوا علي حبايبي...انطركم

 

[أم@الحلوين]

رافعه الحاجب :حتى انا مدحولي اللي باريس يقولون روووعه وانا اول شي بالسفر عندي الوناسه واخر 3 ايام السوق لازم


كوكو :المسافه من روما الى فنيسيا 700 كيلو تقريبا

ومن فنيسيا الى ميلانو 4 ساعات

ومن ميلانو الى باريس 7ساعات

 

[رافعه الحاجب]

انا نفسج ما احب انقل جناط وثقل من ديره لى ديره مايسوى علي يضيع شي وأتحسر

 

[رافعه الحاجب]

اب

اب

 

[أم@الحلوين]

صباح الخير

 

[GIVE_ME_MORE]

السلام عليكم بنات جنيف مافيها اوت لت والسوق حلو حق الماركات لان اول مره بروحها لان كنسلنا امريكا السبه الحر نبي البراد

 

[أم@الحلوين]

وعليكم السلام ..

والله ماعندي فكره عن الاولت لت ياريت اللي يعرف يفيدنا؟؟

ونبي اهم الاماكن السياحيه في ميلانو وجنيف وباريس ؟؟

والمولات؟؟

 

[غلاي غير]

نفس رحلتي بس انا مع سفريات الفضاء تاريخ 19-7
مو اكيد بس ان شاء الله

بس منو رايحه ملانو صج يقولون حر وخيسه
ويمكن اخذ عيالي وما ادري اخاف ياذوني
فمحتاره ياهالسفره يا لندن وباريس وجنيف

 

[غلاي غير]

نفس رحلتي بس انا مع سفريات الفضاء تاريخ 19-7
مو اكيد بس ان شاء الله

بس منو رايحه ملانو صج يقولون حر وخيسه
ويمكن اخذ عيالي وما ادري اخاف ياذوني الوسيط كم حسبلكم على الياهل
فمحتاره ياهالسفره يا لندن وباريس وجنيف

 

[شموع & دافئه]

ميلانو واسبانيا واليونان ما تنبغى بالصيف
هذا رائى
حر وغلقه وضيقة خلق
تب تنحاشين ما لواهيب الكويت وتقطين فلوس روحى لديره بارده
حتى باريس العام بالصيف حررررررررر

لندن جوها خيال والمانيا وزلمسى وسويسرا وفينا هذى الدول اللى تشرح القلب

اما بلجيكا وهولندا والمجر بارده بس تضيق الخلق

وحده فااره العالم كله

انا ان شاء الله حاجزه ميونخ وباريس وزلمسى وزيورخ
بس باريس بحاول اطلع مدن فى الجنوب الفرنسى روعه المناظر وودى اروح شامونيه وديفون وكان
بنات منو زارت هالمناطق تفيدنى

 

[رافعه الحاجب]

الله يعينا على الحر

 

[LAW_GiRL]

السلام عليكم ورحمة الله وبركاته

طبعا اضع بين يديكم بعض الاماكن السياحيه في باريس ادري ان الاعضاء مو مقصرين بالتقارير الجميله عن باريس وغيرها لكن انا احب اذكر هذه الاماكن بشكل مختصر وسريع واتمنى ان اوفق في هذا التقرير البسيط

طبعا من وجهة نظري باريس تكفيها اسبوع كامل لا اكثر ولا اقل وانصح الجميع باستعمال المترو فهو افضل وسيلة للتنقل واستخدامه جدا سهل واليكم بعض الاماكن السياحيه
1_برج ايفيل الذهاب اليه بالمترو عن طريق M6 اسم المحطه bir-hakeim
2_متحف اللوفر الذهاب اليه بالمترو عن طريقM1 اسم المحطه MUSEE DU LOUVRE
3_حديقة فيها مراكب وبجانبها حدية حيوان الذهاب بالمترو M8 اسم المحطه PORTE DOREE
4_قوس النصر الذهاب بالمترو عن طريق M1 اسم المحطه CHARLES DE GAULLE
5_الحي الاتيني الذهاب اليه بالمترو اسم المحطه ST-MICHEL بس مو متاكد بالظبط
6_قصر فرساي
7_ديزني لاند وافضل شي تروحون له على يومين لانها جزئين وكل جزء منفصل عن الاخر جزء للالعاب والثاني استيديو الذهاب له بالقطار الخط الاحمر RER
8_كنيسه تقع فوق جبل صغير ومن هناك ترى منظر جميل جدا لباريس من فوق الجبل وهناك قطار صغير يأخذك الى اماكن سياحيه اسم المكان ANVERS بالمترو رقم M2
9_منطقة اللاديفانس جميله حدا وتبعد عشر دقائق عن الشانز بالمترو وربما اقل وفيها مجمعات لابأس فيها وانصح بالسكن هناك وهناك قوس اللاديفانس جدا جميل الذهاي بالمترو M1 اسم المحطه
LA DEFENSE واتمنى الاستفاده للجميع

 

[أم@الحلوين]

شموع حبطتيني يعني جم درجة الحراره بالضبط؟؟

رافعه الجاجب : شلونج وشلون تجهيزاتج؟؟


LAW_GiRL : مشكوووره ياقلبي ع المعلومات لا تحرمينا من هالمعلومات ترانا مجتاجينها

 

[رافعه الحاجب]

هلا والله حبوبه والله تجهيزاتي ماشي حالهااحاول اخلص باقرب وقت عشان ما احاتي ...

LAW_GiRL مشكوره حبوبه عالمعلومات راح اسوي لها كوبي واحطها بجنطتي