تجمع معلمات اللغة الإنجليزية للمرحلة المتوسطة

[أبلة مس]

و بعدين teacher's guide كل شي فيه .. ما ياخذ منج وقت عشان تحضرين درس .. يمكن بس الوسائل و أوراق العمل هي اللي تاخذ وقت , عشان جذي نحضرها أول بأول ..

 

[قلب راشد]

مساائكم وررد وانا بعد معااكم

صار لي 5 سنين

 

[عنابة4ذ]

أقول عنابة ..

انتي من صجج أو تتغشمرين ؟؟؟؟؟؟

آنا لو أدري معلمة من معلماتي تسوي جذي .. أخليها تحضر كل يوم جدامي .. )

عيال الأوادم أمانة .. شلون أدخل حصة و أشرح درس أنا ما حضرته بنفسي !!!

أو حتى عالأقل أحط لمساتي فيه ..

هههههههههههه
اي ماعليه
انا ماقلت اني انسخه والصقه
بس بصراحه انا توي لي سنتين ولا مسكتني مدرسه اولى كله مشرفه ولاتعلمنا شلون نحضر
وكل خبرتي من الميداني
فهمتي
ولما اقرا تحاضير اعرف شنو الخطوات من الاول
وحتى لو اقرا خطوة جديده راح اتعلم اكثر وابدع فهمتي
ولا شلون تحضير مطبوع مدري من وين جااااااااااااااي

 

[أبلة إنجليزي]

رد : رد: تجمع معلمات اللغة الإنجليزية للمرحلة المتوسطة

انا بعد انجليزي بنات صحيح يبيعون التحاضير مطبوعه او بسي دي؟؟؟؟؟

شقصدج حبيبتي تبين أوراق مطبوعة تحضرين عليها يعني؟

​

​

 

[* العوشزه *]

رد : رد: تجمع معلمات اللغة الإنجليزية للمرحلة المتوسطة

هههههههههههه
اي ماعليه
انا ماقلت اني انسخه والصقه
بس بصراحه انا توي لي سنتين ولا مسكتني مدرسه اولى كله مشرفه ولاتعلمنا شلون نحضر
وكل خبرتي من الميداني
فهمتي
ولما اقرا تحاضير اعرف شنو الخطوات من الاول
وحتى لو اقرا خطوة جديده راح اتعلم اكثر وابدع فهمتي
ولا شلون تحضير مطبوع مدري من وين جااااااااااااااي

ترى مافيها شي ان خذت الحلوه عنابه اي سي دي وضافت عليه من افكارها وطورت عليه ..
المسكينه مثل حالتي اول ماتوظفت معلمه انجليزي بالمتوسط .. لا مسكني احد ولا علمني , من اول ماتعينت عطوني 20 حصه , تخيلوا!!!!
اي والله .. كرهت حياتي حزتها .. وعطوني كتب تحضير قديييييييييمه وقالولي : هاااااااااااااااااااااك .. اخذي فكره من هالتحاضير .. وآآآآآآآآآخ لو تشوفونهم .. ما كان فيه تفاصيل ..
هذي كانت معاناتي لما كنت......................................................................................................................................................................................................................................................................................................................................................................................................................................................................................................................................................................................................................................................................... معلمه :sfg:!!!!!!!!!

 

[..Balsam..]

رد: رد : رد: تجمع معلمات اللغة الإنجليزية للمرحلة المتوسطة

ماشاء الله .. حياكم الله بنات بالتجمع ...

 

[..Balsam..]

رد: رد : رد: تجمع معلمات اللغة الإنجليزية للمرحلة المتوسطة

طيب بنات بسألكم ..

انا تعيين جديد ..

شنو تنصحوني أسوي أو أجهز بالفترة هذي قبل الدوام ؟؟

انا ودي أسوي شي بس مو عارفه ..

تتوقعون أبدأ أسوي وسايل الحين وبطاقات ولا تو الناس !! أسوي دفتري التحضير الحين ولا بدري ..

 

[أبلة إنجليزي]

رد : رد: تجمع معلمات اللغة الإنجليزية للمرحلة المتوسطة

و بعدين teacher's guide كل شي فيه .. ما ياخذ منج وقت عشان تحضرين درس .. يمكن بس الوسائل و أوراق العمل هي اللي تاخذ وقت , عشان جذي نحضرها أول بأول ..

أتفقج معاج دليل المعلم مهم جدا ولازم كل معلمة يكون عندها منه نسخة بداية كل سنه و أنا أول ما غيروا المناهج صورتهم كلهم و غلفتهم كاهم اشحلوهم عندي بالبيت عشان ما يكونون عهدة بذمتي

​

 

[umbarook]

رد : رد: تجمع معلمات اللغة الإنجليزية للمرحلة المتوسطة

السلام عليكم ورحمة الله وبركاته

شخباركم يالحلوين انشاالله تمام

الحمدلله على كل حال

انا والله استانست لما شفت هالتجمع قلت لازم اسجل فيه مع ان هاذي اول مشاركه لي

انا مدرسة انجليزي متوسطة خبرتي 4 سنين والحمدلله انقبلت برنامج ماجستر ادارة تربوية
وراح اودع التدريس مؤقتا
الله يوفق الجميع ويتقبل منا جميعا طاعتنا في هذه الايام الفضيلة

السلام عليكم ورحمة الله وبركاته

 

[..Balsam..]

رد: رد : رد: تجمع معلمات اللغة الإنجليزية للمرحلة المتوسطة

وعليكم السلاام ..

حياج نورت التجمع ..

وألف مبرووك قبولج ومنها للأعلى يارب ..

 

[أبلة إنجليزي]

رد : رد: رد : رد: تجمع معلمات اللغة الإنجليزية للمرحلة المتوسطة

طيب بنات بسألكم ..

انا تعيين جديد ..

شنو تنصحوني أسوي أو أجهز بالفترة هذي قبل الدوام ؟؟

انا ودي أسوي شي بس مو عارفه ..

تتوقعون أبدأ أسوي وسايل الحين وبطاقات ولا تو الناس !! أسوي دفتري التحضير الحين ولا بدري ..

تو الناس عالوسايل و البطاقات لأنج ما تعرفين المنهج اللي بتاخذينه

اشتري:

* دفترين تحضير

* أقلام لوح ملونه نطري باجر اكتبلج أسم خوش نوع

* أقلام هايلايت و أقلام حبر ملونه للكتابة

* علبة أقلام جافة حمرا للتصحيح

* اشتري أوراق بيضه و حبر لطابعتج

* دفتر صغيرون حق ملاحظاتج او المطلوب منج

* فلاشة خصصيها بس لشغل المدرسة

* دباسة و خرامة ورق و فايل

* مغناطيس للوح

* إذا لقيتي أحرف أو أرقام بالإنجليزي في المكتبة اللي من فلين و وراهم مغناطي فاشتريهم اكيد بتستفيدين منهم


و إن شاء الله إذا تذكرت شي بكتبلج :blueSmCLR:

​

 

[..Balsam..]

رد: رد : رد: تجمع معلمات اللغة الإنجليزية للمرحلة المتوسطة

بنات .. شوفوا هالموقع ..

أتمنى تستفيدون منه كلكم ..

www.eslflow.com

 

[..Balsam..]

رد: رد : رد: تجمع معلمات اللغة الإنجليزية للمرحلة المتوسطة

اشتري:

* دفترين تحضير

* أقلام لوح ملونه نطري باجر اكتبلج أسم خوش نوع

* أقلام هايلايت و أقلام حبر ملونه للكتابة

* علبة أقلام جافة حمرا للتصحيح

* اشتري أوراق بيضه و حبر لطابعتج

* دفتر صغيرون حق ملاحظاتج او المطلوب منج

* فلاشة خصصيها بس لشغل المدرسة

* دباسة و خرامة ورق و فايل

* مغناطيس للوح

* إذا لقيتي أحرف أو أرقام بالإنجليزي في المكتبة اللي من فلين و وراهم مغناطي فاشتريهم اكيد بتستفيدين منهم


و إن شاء الله إذا تذكرت شي بكتبلج

تسلمين حبيبتي ماتقصرين ..

انا أستخدم الأقلام اللي تنضغط ..بس أحس خطي موحلو فيها ..

ودفاتر التحضير أزينها الحين ولا أنطر أشوف نظام المدرسة .. انا بالميداني استخدمت الدفتر اللي مقسمين فيه كل شي Learning objectives. language focus .. ارتحت عليه .. بس بزينه من برا لأن أشكالهم مو حلوه ممله ..

القرطاسية بيوم ان شاء الله أخلصهم ..

طيب يحتاج أشتري الطابعة اللي يكون معاها سكنر وتصوير !! ولا أستخدم السكنر اللي بالمدرسه !!

<< كثرت الأسئله sorry :/

 

[Miss Nouf]

اهلين حباااااااااايبي
انا انظم معاكم
خبرتي 3 سنوات
واي اسئله انا حاضر ومن عنوني

 

[أبلة إنجليزي]

رد : رد: تجمع معلمات اللغة الإنجليزية للمرحلة المتوسطة

السلام عليكم ورحمة الله وبركاته

شخباركم يالحلوين انشاالله تمام

الحمدلله على كل حال

انا والله استانست لما شفت هالتجمع قلت لازم اسجل فيه مع ان هاذي اول مشاركه لي

انا مدرسة انجليزي متوسطة خبرتي 4 سنين والحمدلله انقبلت برنامج ماجستر ادارة تربوية
وراح اودع التدريس مؤقتا
الله يوفق الجميع ويتقبل منا جميعا طاعتنا في هذه الايام الفضيلة

السلام عليكم ورحمة الله وبركاته

ألف مبروك حبيبتي و منها للأعلى إن شاء الله :ggdw:

و تقبل الله منا و منك صالح الأعمال
​

 

[أبلة إنجليزي]

رد : رد: رد : رد: تجمع معلمات اللغة الإنجليزية للمرحلة المتوسطة

تسلمين حبيبتي ماتقصرين ..

انا أستخدم الأقلام اللي تنضغط ..بس أحس خطي موحلو فيها ..

ودفاتر التحضير أزينها الحين ولا أنطر أشوف نظام المدرسة .. انا بالميداني استخدمت الدفتر اللي مقسمين فيه كل شي Learning objectives. language focus .. ارتحت عليه .. بس بزينه من برا لأن أشكالهم مو حلوه ممله ..

القرطاسية بيوم ان شاء الله أخلصهم ..

طيب يحتاج أشتري الطابعة اللي يكون معاها سكنر وتصوير !! ولا أستخدم السكنر اللي بالمدرسه !!

<< كثرت الأسئله sorry :/

أنا بعد استخدم هذول النوع الياباني بس ديري بالج حبيبتي في منهم تقليد و أصلي واي قاعده أدورهم مو لاقيتهم

و بالنسبة لدفتر التحضير اي زينيه بس خليه ناعم مو أوفر مرة الناظرة اتضايقت من دفتر مدرسة عندنا عشان التزيين كان اوفر شوي

و طبعا اشتري أحسن نوع طابعة الي تطبع و تنسخ و تطبع الصور من كامير الديجتال بعد ترى مو غالية رخيصة أقل من 40 دينار اخذيها من الغانم شحلوهم

و طبعا لا تنسخين للبنات بطابعتج عشان لا يخلص حبرج بيوم !!!! هالأشياء تصورها لج المدرسة الأولى من ميزانية القسم أو روحي مركز طالب ترى في ناس تصور ب 10 فلوس الورقة و قريت موضوع اهني انه في واحد يصور ب 5 فلوس الورقة بعد

وولا يهمج سألي كثر ما تبين :ggdw:

​

 

[أبلة إنجليزي]

رد : رد: تجمع معلمات اللغة الإنجليزية للمرحلة المتوسطة

اهلين حباااااااااايبي
انا انظم معاكم
خبرتي 3 سنوات
واي اسئله انا حاضر ومن عنوني

حياج الله بتجمعنا إن شاء الله تفيدين و تستفيدين :ggdw:

​

 

[أبلة مس]

على طاري الاستعدادات ..

آنا قاعدة أحضر لاجتماع القسم الأول

بس إن شاءالله ما عندي معلمات جدد هالمرة .. تعبت و آنا أدرب :eh_s(11):

 

[أم أحلى البنات.]

رد: رد : رد: تجمع معلمات اللغة الإنجليزية للمرحلة المتوسطة

السلام عليكم ورحمة الله وبركاته

شخباركم يالحلوين انشاالله تمام

الحمدلله على كل حال

انا والله استانست لما شفت هالتجمع قلت لازم اسجل فيه مع ان هاذي اول مشاركه لي

انا مدرسة انجليزي متوسطة خبرتي 4 سنين والحمدلله انقبلت برنامج ماجستر ادارة تربوية
وراح اودع التدريس مؤقتا
الله يوفق الجميع ويتقبل منا جميعا طاعتنا في هذه الايام الفضيلة

السلام عليكم ورحمة الله وبركاته

ألف مبروك القبول ..

ممكن تفاصيل حبيبتي .. اذا قبولك بجامعة الكويت .. شلون قدمتي ؟؟و.....و......

ياليت تفيديني

 

[أبلة إنجليزي]

رد : رد: تجمع معلمات اللغة الإنجليزية للمرحلة المتوسطة

على طاري الاستعدادات ..

آنا قاعدة أحضر لاجتماع القسم الأول

بس إن شاءالله ما عندي معلمات جدد هالمرة .. تعبت و آنا أدرب :eh_s(11):

إذا عندج اكثر من وحده خلي مدرسة خبرتها كبيرة تساعدج بالتدريب

​