## تجمع معلمات تعيين يديد##

[jen2n]

ان شاء الله يدقون علي وارتاح وافتك لان جد جد ما اقدر الغي السفره لان حجزنا كل شي مو باقي غير الفيزا

 

[jen2n]

تصبحون على خير بنات

وادعووو لي ان يتصلون فيني باااااااااااجر وارتاح من التفكير

واطمنكم باللي يسركم

 

[ج ــرح]

يااااااارب ياااكريم

انهم يتصلون فيك اليووووم


-------
آسأل الله بمنه وفضله وكرمه
آن يرزقني وآياكن رزقآ من حيث لانحتسب
ويوفقنا لما يحب ويرضى وييسر لكن آموركن ويسهلها
آآآآمييين
يااارب العالمين

 

[jen2n]

تسلمين حبيبتي جرح جزاج الله خير يا قلبي

 

[وحدة من الناس *]

واااااي وناسه مو مصدقه اني بنضم لهالتجمع الحلووو

بنات ادعووو لي انجح بالمقابله تخصصي بيولوجيا تهقون شنو الاسئله اللي بيسألونها لي

وراح يقطوني ثانوي والا ابتدائي؟؟؟

بنات صج التعيينات بشهر 8 وفي دوره بشهر 9؟؟؟

 

[jen2n]

واااااي وناسه مو مصدقه اني بنضم لهالتجمع الحلووو

بنات ادعووو لي انجح بالمقابله تخصصي بيولوجيا تهقون شنو الاسئله اللي بيسألونها لي

وراح يقطوني ثانوي والا ابتدائي؟؟؟

بنات صج التعيينات بشهر 8 وفي دوره بشهر 9؟؟؟

لوووول التجمع راح يتصكر لما نخلص من دوره المعلمين اليدد يعني اول ما نروح مدارسنا

ان شاء الله ناجحه باذن الله

امممممم لما كنت بالمقابله ما اسألوني وين تبين لان معروف فلسفه يعني ثانويه

بس انتي يمكن يخيرونج:bbbiu:

يقولون الكويتيات 7/8 والوافدات 14/8 وما يندرا عنهم :eh_s(10):

اما الدورة 5/9 مع بداية دوامات المدرسات :eh_s(7):

 

[وحدة من الناس *]

ويييه ما ابي اسوي شغلي بالرمضان بروحه دوخه

وعندي بنات ثنتين اسم الله عليهم يبي لهم مجابل!!!

 

[ذكريات عشاق]

الله يخليهم لج يله ماعليه كلها يوم واحد ونرتاح ونفتك من هاللوية

 

[وحدة من الناس *]

تسلمين ذكريات

تقول لي الموظفه اهم شي من كل هالحوسه اهيا المقابله

وسألت لكم عن التحاليل يقول مدتها شهر

لان مافي تعيين بالمنطقه الا بشهر 8

 

[ذكريات عشاق]

اي المقابله مهمة انا بعد وايد قالولي والفحوصات بالعكس البنات ما طولت وياهم اللهم تحليل الدم الى يطول 10 ايام
والتعيين صح شهر 8
يعني على مانخلص مقابله ونخلص فحوصات الا طار شهر 7

 

[وحدة من الناس *]

لا قصدي يعني عادي تسلمين التحليل لهم عقب شهر

لان الملف ما راح يودونه المنطقه الا بشهر 8

بس انتو ليش مخلين مقابلتكم شهر 7؟

انا اتصلو فيني من يومين عشان اروح لهم الاحد حق المقابله

 

[الحسن الرقيق]

بنات انا اتخرج صيفـي كان المفروض هالكووووورس بس شقول

سؤالي : اذا تخرجت صيفي اتعين معاكم يعني شهر 9 ولاااا على الكورس الياي يعني شهر 1 ؟؟؟؟؟؟
واذا تخرجت صيفي متى راح يفتحون الديوان ؟

 

[وحدة من الناس *]

يصير اتشرط عليهم بالمقابله واقول لهم اني ابي ابتدائي لووول

 

[وحدة من الناس *]

الحسن الرقيق الديوان راح يفتح 2/9 فأحتمال اسمج بيطلع بالجريده بشهر 11 على ما تسوين اجراءات قولي شهر

فأتوقع يخلونج للكورس الثاني والله اعلم

 

[ذكريات عشاق]

وحده من الناس انا قبل اسويعين رحت لهم لان اسمي طلع باخر دفعه اللي قبل اسبوعين وقالولي خلال شهر او اشبويعين بندق عليج
انتي متى قدمتي اوراقج

الحسن الرقيق انتي نفس رفيجتي تخرجت صيفي وسجلت شهر 9 وطلعت الاسامي شهر 11 وعلى ماخلصوا الاجرارءات وظفوها على بداية شهر1 يعني عالفاينل
والله يوفقج يارب

 

[الحسن الرقيق]

وييه ضاق خلقي ماا احب قعده البيت

 

[الحسن الرقيق]

يعني اتوظف عالفاينل جم يوم واعطل ثاني مره ؟؟؟؟؟؟؟؟؟

 

[ذكريات عشاق]

اي هههههههه تخيلي انا تخرجت كورس اول
وبطلوا الديوان شهر 3 وطلع اسمي شهر 6 وللحين مادقوا علشان المقابله
يعني صج صج شبعت من القعده بالبيت

 

[وحدة من الناس *]

انا معاج ذكريات طلع اسمي مع اخر دفعه وقدمت اوراقي الاثنين مو هذا اللي طاف والثلاثا الظهر اتصلو فيني عشان مقابلتي الاحد

 

[وحدة من الناس *]

تصدقون بنات يقولون لو الوزاره ما استقالت

جان احنا متوظفين الحين

بس خيره