تجمع مواليد ( مارس & ابريل ) 2014 الله يحفظهم

[fofowa_q8]

ماشاالله بطه زين تسوين اهتمي بعمرج توج صغيرة

وعندج بيبي واحد .. والخدامة راح تحتاجينها بعدين

اكثر نفس ماقلتي .. الحمال نصيحة اجليه لما بنتج تعتمد

على نفسها شوي انا كنت ناويه بعد ٣ سنين بس

قدر الله وماشاء فعل الحمدلله نعمة

بس قاعدة اشوف نفسي الحين تعبانة مع الحمال

وعندي بيبي صغير وبنتي عمرها ٤ سنوات صايره

متعبه وايد قامت تغار ومتغيره اطباعها يبي لها احد

يجابلها قاعدة اقول باجر ان شاالله اذا صارو ٢ صغار

مابينهم الا سنه شبسوي بيصيرون جنهم توأم الله يعينا

 

[Q8_QT]

مساء الخير بنات شلونكم



فوفو




لا تحاتين العمر انا مااقولج مافيه غيرة لا فيه بس انتي تقدرين تقللينها انا اهم شي سويته ويا ولدي عشان مااخليه يغار وايد من اخته اني مااصرخ عليه واهاوشه لي قرب منها ولا بغى يشيلها ولا يلاعبها وعلى طول اقوله انت حلو انت حبيبي و عطيته اهتمام لان غلطت في ولدي العود كنت مسوية عملية قبل لا احمل وليش حملت عقب فترة طويلة كنت اخاف على نفسي لانه اهو اسم الله عليه دفش شوية فكنت ادقره بدون قصد فماحبيت اعيد الغلطة انتي لي ولدتي سوي جذيه تلاقين الغيرة اخف وهم خلي الخدامة تساعدج شوي راح تشوفين فرق






بطة



ماشاءالله عليج زين تسوين احلى شي انج رديتي وزنج واهتميتي بنفسج انا قاعدة احاول اصير جذيه واخلي مجال حقي صج تحسين بفرق

 

[fofowa_q8]

والله كيوت كلش مو محسسينا بفرق بالعكس مدلعه

وكل الاهتمام لها لانها اول حفيده واخليها تقرب منه

وتلعبه مااوخرها عنه ولا اهتم فيه جدامها وعلى طول

الكلام الحلو ونلمها ونبوسها مادري شالحل معاها

 

[glby7sas]

برافووو عليج بطه ان شاءالله ناويه اصير مثلج لي ولدت لانه جسمي يبيله اعاده ترميم لووول


فوفوه الله يعينج انا توووم ويغارون من بعض وهذيل زعاطيط بعد

 

[baa6aa]

صبااااح الخير

مشكورين بنات رفعتو معنوياتي ههههه

فوفو اذا تغار بنتج حاولي انج تدخلينها معاج بكل شي حسسيها ان اهيا المسؤولة و ان اهيا اللي تسوي لهم كل شي عشان يروح منها حاجز الغيره وان خذو منها الشي مالها يمكن هذا يخفف من اللويه عندج

 

[fofowa_q8]

هذا اللي قاعده احاول اسويه الله يعينا

ويصلحهم ويرزقنا برهم

 

[baa6aa]

امين يارب اجمعين

وصباحكم ورد

 

[glby7sas]

بقولكم لاهل الخبره بنتي خشمها يصبصب شنو اسوي حاليا اشفطلها بس
في حل سريع وله لا خايفه ينزل لي صدرها بانه مره نزل ونوموها بالمستشفى وعطوها كمام حبيبتي صايره ماتنام بليل

 

[fofowa_q8]

قلبي حطي لها اوشن سبري وشفطي خشمها على طول

عشان ماينزل على صدرها .. ذاك اليوم وديت ولدي

المستوصف عطاني قطرة تنشف الخشم

وانا شاريه شفاط الخشم اللي على كهربا وايد

نافعني احسن من اليدوي مايعور وسريع

 

[fofowa_q8]

ونوميها على مخده مرتفعه عشان ماينزل على صدرها

 

[glby7sas]

اشلون شفاط كهربائي من وين الصيدليه
امبي لمه ابي اشفطلها بس تشوفني ماشكه الشفاط تقلب على بطنها وصراح ودموع جني ذابحتها من الطق

شنو اسم القطره ماتذكرين

 

[fofowa_q8]

كنت شاريته من امريكا بس اكيد موجود بالكويت

بالصيدليات او محلات اليهال

والقطرة ماعليها اسم تعرفين الادوية اللي يسوونها

بالمستوصف يحطونها بعلبة شفافه جذي وصلاحيتها

تقريبا شهر بس لون الدوا اصفر

 

[glby7sas]

اي عرفته فوفوه مره المستشفى عطوه حق بنتي صج كان وايد زين

بس مادري المستوصف يعطوني وله لا

 

[baa6aa]

موجود الشفاط باغلب الصيدليات ترى اذكر دكتور المستوصف قال احصله بره مو بالمستوصف

وطمنينا عنهااا و سلامتها حبيبتي

 

[fofowa_q8]

لا بطه اهي تقصد القطرة مالت الخشم انا

عطوني اياها بالصيدلية .. الشفاط تحصلينه

بالصيدلية

 

[fofowa_q8]

اقصد عطوني اياها بالمستوصف

 

[glby7sas]

زين تمام اخلي ريلي يروح يطلبها منهم
انا نازل عليي دم والياهل متحرك من مكانه وصاير عند عنق الرحم حاولت تجيك عالنبض ماكووو عطتني مهله ١٠ ايام

ب الحين عوار ذابحني يروح ويرد خلاني اصير مثل الربيانه احس مافيني شده شي

 

[fofowa_q8]

اسم الله عليج قلبي ارتاحي لاتتحركين انسدحي

ولاتشيلين شي حتى بناتج خلي احد يساعدج

انسدحي على ظهري ورفعي ريلج شوي حطي تحتها

مخده وابتعدي عن الجماع .. ماعليج شر ان شاء الله

لاتحاتين وطمنينا عليج

 

[baa6aa]

ان شاء الله ماكو الا العافيه و نفس ما قالت فوفو لا تتحركين كلش كلش هالجم يوم لين الله يطمنج يارب على الياهل

 

[glby7sas]

اي مااتحرك ممنوعه واعيالي اهلي ماسكينهم بس ليلحين ينزل مني دم