تجمع مواليد ( مارس & ابريل ) 2014 الله يحفظهم

[عاشقة هواك]

شلونكم بنات اخيه والله اشتقت حق تجمعنا

 

[MOOON&M]

ما بغى يفتح المنتدى


اشتقتلكم

بخصوص الرداده ام احمد خذت 45 ليوم واحد بس

وجربت ام عباس ب 60 على يومين

وام علي بعد ب 60 على 3 ايام

وبخصوص الخياط انا ما تجرات اشوفه

وطاحت الخيوط بس لما المسه احس مو مرتب

شنو اسوي

 

[مآيكبرني نك]

مررحبآ وحشتؤني صديقآتي

ادري بعد يؤمين جدام مابجؤفكم

هالمنتدى مصخهآ :/

مون فيدينآ

كيف طاحت خيؤطج

شؤ تستخدمين

انا كملت 9 ايام وﻻ تحرك شي لحين

ياغير آحس بشد ف مكان الخيآط وخف الآلم

فيدوني يا بنآت

خبرؤني عن تجاربكم مع الخيآط

 

[همي رضى خالقي]

الخياط لانه متفوخ تحسونه مو مرتب بس يخف راح يصير نفس مستوى الجلد ولازم يبقى اثر خط بس خفيف يعني يبيلكم جم شهر يرد طبيعي

انا طاح خياطي بس في خيوط داخل لانه تجميلي فيمكن يبيله وقت او الدكتوره تشيله لي رحت موعدي

بس ذبحتني الحكه

 

[MOOON&M]

همي
ما قصرتي يالغاليه طمنتيني

مايكبرني انا استخدمت الغسول والميبو كل ما ادش الحمام تكرمين

واهم شي لما تغسلين تنشفين المنطقه بعدين تحطين الكريم

 

[MOOON&M]

بنات بسألكم

لازم 40 يوم ما نشرب شي بارد ونلبس الدلاغات ومدفين اعمارنا والا عادي


انا الحين لي 22 يوم والدم وقف والصراحه مليت

امي تقول غطي راسج ودفي عمرج

انا مدفيه عمري بس راسي ما اغطيه مليت

 

[دلوعة ماماتي 88]

وييييع المنتدى صااير يلووع الچبد بطلعت الروووح يالله يبطل





حبيبه


جربت اغسل (( بماي + ملح + مره )) بس الحمدلله ماحرقني


باچر ان شاءالله بروح للدكتوره عشان الخياط للحين صامد لي ٢٢ يوم من ولدت





موون


بالنسبه لي اطيع امي لانها ادرى مني بهالسوالف
بس البارد احس صعبه تشربينه

 

[دلوعة ماماتي 88]

بناات منوو جربته !!


لقيته بالانستقرام عنده ثنتين وحده تبيعه بـ ٢٠ والثانيه بـ ١٤ ~>>> فرق صراحه ~>>> غير حساب التوصيل

 

[همي رضى خالقي]

دلوعه شنو يسوي ؟

 

[دلوعة ماماتي 88]

 

[دلوعة ماماتي 88]

عاد قلت ودي اخذه حق بعد الاربعين البسه بالوقت اللي اكون فيه طالعه من بيتي

 

[حبيبة عز]

هلا بنات

وحشتوني شلونكم

اي والله هالمنتدى يغث

شي مو طبيعي صرت اتنرفز

اشتاقلكم وعندي سوالف

وكل ما ادش مسكر

لازم نشوف لنا حل

----

همي

بعد عمري حتى انا جربت ماي وملح

وداشه بقولج انه عادي مايحرق

بس المنتدى كان مسكر

بس مادري اذا طاحت الخيوط

اليوم لي 14 من الولادة

الحمدلله عوار الجرح خف

واحس يبيلي غسول ماحب ريحة الكريم

ويييع احس لايعه جبدي

غير الكآبة

طقت جبدي من ضيقة الخلق من غرفة لغرفه

ابي اطلع اشم هوا

 

[حبيبة عز]

مون

انا خيوطي قالت الدكتورة بروحها تطيب

وماعطتني مراجعه

الا اخر الاربعين عشان اركب اللولب

وخياطي تجميلي

وعادي اذا شكله مو مرتب

تالي يصير مايبين كلش

وامي بعد

كله تعصب علي تدفي ومادري شنو

وانا لا اتدفى ولا مايحزنون

ماشيه على نظام الاجانب خخخ

وان شاء الله ماكو الا العافيه

----

مايكبرني

شلونج قلبي

لا تحاتين ان شاءالله بتطيح الخيوط

دكتورتي تقول جربي ماي وملح خشن ينشف و يطيح الخيوط

-----

دلوعه

حبيبتي شلونج

اي اشوه مايحرق

وبالنسبة للكورسيه شريته من امازون

بس ليما الحين ماجربته

لابسه كورسيه عادي وفوقه مشد

متأزمة من منظر الزوائد

بس الحمدلله اخر مره وزنت كنت 61


وااايد استانست

 

[حبيبة عز]

همي

حتى انا احس بحكه

عشان جذي طلبت غسول

اسمه انتي ميت

وايد حلو .. حتى ريحته حلوووة

 

[همي رضى خالقي]

حبيبه عز انا ودي اقيس وزني بس ليلحين ماقست ههههه

الحكه خفت هاليومين الحمدلله

 

[حبيبة عز]

همي

من صجج

اول شي سويته هههه

عندي عقدة وزن واتأزم حيل

وودي انزله قبل رمضان

وحاطه ببالي برمضان اخفف

لاني برمضان ما اقاوم السمبوسه

وخبز العروق والقطايف وقيمات امي

ههههه كلها اشيا تمتن حيييل

عشان جذي واعدة نفسي برمضان هذا ماراح اخبص

وبنفس الوقت ماحرم نفسي

بس الكآبه واصله حدها وياي

متملله ياربي الصبر

 

[حبيبة عز]

بنات

انا ماسوي استقبال

لان اهلنا ماييون فيهم نحاسه ههههه

الموهييييم

سويت سوالف بسيطه حق اللي اييون وامي وخواتي

ورفيجاتي

وصورت لكم

 

[همي رضى خالقي]

ماشاءالله بس زين سويتي ماحطيتي بخاطرج انا لو منج ما اسوي شي هههه

 

[fofowa_q8]

حبيبه ماشاالله حلو شغلج مرتب وناعم وبسيط

انا سويت يوم استقبال في بيتنا وافتكيت

الحمدلله .. انا كنت ناويه اخليه بسيط واعزم القراب

بس امي حبيبتي ماشاالله بدعت سوت كل الشغل وزيادة

طلع الاستقبال روعه والكل عجبه ويسألون واللي يوني فوق

ال١٠٠ هذا وانا قايله مابي وايد ناس ههههه

بس الحمدلله خلصت اغلب الناس يوني مابي استقبل

بعد ناس وراي امتحانات فاينل والنفاس تعب

الوحده مافيها حيل كل شوي مستقبله احد

 

[fofowa_q8]

حبيبه نفس وزني اول ماولدت قسته ٦١ استانست

وايد ماتوقعت انزل هالكثر الحمدلله.. بس الحين

احس نفسي زايده شوي قاعده ايوع مع الرضاعه

ومرات آكل بالليل متاخر مع اني محافظه على اكلي

مااكل فاست فود ولا حلو ولا عيش بس كمية اكلي

زادت .. لما ارضعه وتكرمون يرجع اعصب ياربي

انا قاعده اعلف عشان يصير فيني حليب حقك

وانت بارده مبرده تشرب وترجع