تجمع مواليد ( مارس & ابريل ) 2014 الله يحفظهم

[لما ضاقت]

صج حمرة. ويي و انا اصلي مع اني ما كنت نظفت استغفر الله الله يسامحني انا كنت فاهمة جذي ان استحاضة.

 

[لما ضاقت]

حمرة انتي عيالك كلهم اولاد مو جذي الله يخليهم لك بغيت اسالك انتي تستخدمين برامج غذائية و الا جذي كتبه رب العالمين

 

[لما ضاقت]

بنات احس اني هذرة من غير معنى كل شوي اقول سالفة غير ما ادري بس احس عندي مخزون سوالف خبركم ما اطلع و لا اروح و ارد و مني الريل الله بالخير. فمدوختكم معاي

 

[لما ضاقت]

وي حدي مشوشة. فراسي امية موضوع تدرون افكر اني ارضع بنتي سنة و احمل على رمضان اللي بعد الياي يكون عمرها سنة و اربع شهور لعل و عسى ايي اخو لولدي. اشرايكم و مرات اقول لا ماله داعي يمكن تيب بنت بعد و كافي الحجي اللي ما ينقال اللي سمعته من حمولتي اللي تخصصهم رفع الضغط انتو اشرايكم

 

[لما ضاقت]

دخن و انا اسولف بروحي ارجعلكم باجر تصبحون على خير

 

[fofowa_q8]

لما اعتقد ١٥ يوم اذا كانت دورة بس النفاس مادري عاد

ياربي استحي اسال شيخ شقول له! شكلي بقول

حق امي تسأل او ادور بموقع بن باز

وبالنسبة للهوا انا قاريه مره موضوع حق ام خالد

مالت الاعشاب تقول عادي وطبيعي المره بفترة النفاس

يصير فيها هوا من الوالده بس لازم تلتزم بالادوية

واذا خلصت النفاس كل الهوا يكون طالع من جسمها

وبالنسبة للالتهابات مااعتقد لها علاقة بالدم

انا ملاحظة القيصريات يطولون ماينظفون

قاعده استعمل الحين البيتادين يمكن انظف وافتك

والبوثيل مااعرفهم بس البيتادين يمدحونهم

وسالت كذا وحده والده قالت ان دكتورتها اخر النفاس

توصف لها البيتادين انا مارحت مراجعتي ولا راح

اروح لها خلاص توبة .. تصدقون بنات قبل يوم

مراجعات الحمال يدقون علي قبل كل موعد ويأكدون علي

واذا مارديت يظلون يدقون اكثر من مرة

بس من ولدت مادقو حق موعدي اللي عقب الولادة

انا كنت ناسيته ودقيت قلتهم مادقيتو علي جان تقول

السكرتيرة امبلا اكيد داقين وماانتبهتي طبعا جذي

والحين موعدي هذا المفروض كان قبل ٣ ايام عشان

تجيك عالخياط وتعطيني تحاميل وعلى قولتها اعطيج

مانع وهم مادقو علي استغربت قبل شكثر يحنون عالموعد!!

 

[fofowa_q8]

حبيبتي لما يحلوج وياحلو سوالفج تهبليييين

شوفي هذا الكيراتين اللي تقول عنه ام مريم تمدحه

اعتني بشعرج حطي له زيوت وحطي له افوكادو

وموز وروب ترا يلين الشعر ويعطيج لمعه

وبالنسبة حق رمضان الله يعينا وياجرنا

انا مرتاحه من الطباخ هالسنه ريلي مو هني

وقاعده ابيت اهلي الله يخلي امي تطبخ لنا

وقاعده اقول اذا قدرت بساعدها عالاقل بالسلطات او الحلو

عاد اليوم قاعده اقول حق امي شرايج برمضان

نسوي فطور صحي سلطة وشوربه خفيفه

وطبق رئيسي بس يكون مشوي بدون قلي ودهن

وعيش وخبز وباستا وكلنا نمشي على نظام صحي

قالت خوش فكرة لان العموم بالبيت بيسوون رجيم

 

[fofowa_q8]

وصج قاعده افكر بالرضاعة برمضان انا ملاحظة نفسي

اذا طوفت وجبة او ماكليت عدل مايصير فيني حليب كلش

وانا طبيعتي برمضان ما آكل الا فطور مااشتهي اكل شي عقبه

الله يستر عاد هالمرة شلون برضع وانا صايمه..

قاعده افكر اعطيه صناعي بالنهار لما اكون موماكله

وعقب الفطور ابلش رضاعه طبيعية لي عقب الفير

واكل عقب الفطور كل شوي شي.. وقاعده افكر اشفط له

من الحين واخزن له بالفريزر حق رمضان مدام الحين

ماكو صيام عشان ماينحرم من الحليب اخاف مايشبعه

صدري مع الصيام

 

[fofowa_q8]

وااااي شكثر قرقتي ههههههه

 

[همي رضى خالقي]

لما ضاقت
ليش تهتمين حق حجي الناس حجي الناس مايخلص والي يسمع حجي الناس يتعب

انتي شوفي قدرتج تقدرين على مجابل ياهل يديد مع اليهال الي عندج ولا لا


وشوفي ريلج يبي يهال بعد ولا بس مكتفي

يمكن ربج مو كاتب وخيره لج

انتي شوفي نفسج وريلج بس لا تهتمين لاحد هذا ياهل. مو لعبه حرام

 

[همي رضى خالقي]

فوفو انا ولدي ماكان يعرف ياخذ من صدري وانا تعبت كل يوم اشفط ولازم اشفط 5 او 6 مرات عشان ماينشف اخر الايام قمت اشفط مره وحده لين قطعت ونشف والحين احطه على صدري قام يعرف يمص بس مافي حليب حسافه

بس اريحلي لانه انا ظهري يعورني فيه عوار ف اتعب لمن ارضع

 

[حمرة الورد]

ام علاوي نفسي بالضبط ودي اقصه كله لافته

لما لا مااخذ شي طبيعي من الله انا ابي بنت بس مستحيل اسوي شي لاني عارفه ماراح يصير شي غير الي ربي كاتبه لي

فوفو ياحلو سوالفج وخاصه رمضان وناسه احب طاريه الله يبلغنا رمضان يارب

 

[fofowa_q8]

حمره خليها على الله واذا الله كاتب لج البنيه بتيي

وياما ناس يابو بنات وطلعو عيونهم لما كبرو وتمنو

انهم مايابوهم ماتدرين منو اللي يطلع بار فيهم


و لما مالج شغل بكلام الناس منو اللي بيحمل ويولد

ويربي ويتعب انتي ولا اهم!!!

عجيب تفكيرهم وعقليتهم المتخلفه !!

يوم حملت هالمره كل مايشوفني احد يقول يله

ان شاالله ولد هالمره !! ها شنو ان شاالله ولد هالمره!!

اهي لعبة يعني اقعد اجرب لين يطلع لي ولد!!

وشفيها البنيه واذا يبت كله بنات شبيصير بالدنيا!

ياحلو البنات وياحلو الصبيان كلهم عطيه ربي وكلهم

غالين الله يطرح فيهم البركة ويكونون صالحين هذا اهم شي

مااحب هالتفكير يقهرني وتقهرني اكثر المره اللي تتضايق

وتسمع كلامهم وتصدقه ويأثر فيها وتذبح نفسها بالتفكير

والمحاولات عشان ترضيهم! لما حبيبتي مالج شغل بأحد

ربي عيالج واستانسي بحياتج وعطيهم حقهم وخليها

على ربج اللي ايي منه حلو

 

[fofowa_q8]

همي حسافة لو مستمره بالشفط على مايكبر شوي ويقدر

يمسك الحلمة.. في ناس يستمرون بالشفط

شهور .. حاولي الحين اذا توه الحليب انقطع ترا

ممكن يرد اذا خذيتي حبوب تزيد الحليب

اذا تبين تكملين طبعا.. وفعلا الرضاعة تكسر الظهر

انا ظهري خصوصا بالليل غصب اسنده بالمخده

عشان اقدر ارضعه الله ياجرنا

 

[همي رضى خالقي]

فوفو والله ودي بس حالتي النفسيه حيل تاثر وانا حالتي النفسيه تعبانه فعشان جذي اذا تضايقت يقل حليبي ومالي خلق شي ولا شفطت ايام فانقطع ، الله يفرج همومنا ويصلح احوالنا وييسر امورنا

 

[fofowa_q8]

حبيبتي همي هونيها وتهون وخليها على ربج

الله يفرج همج ويكتب لج التوفيق وتتيسر كل امورج

وفعلا النفسيه والتعب ياثرون عالحليب وقبل يقولون

اذا الوحده رضعت ولدها واهي متضايقه حيل

يستمرض من الحليب مادري عاد عن صحة هالكلام

بس اللي اعرفه مو زين تضايقين روحج اذا كنتي ترضعين

 

[fofowa_q8]

ياناس ابي انااااام هلكت من السهر

امي تحاول فيني تاخذ عبود ينام عندها

مااخليها ماادري احس ماانام مرتاحه وكل شوي اقعد

عبالي يمي ومو حاسه فيه واذا خذته ساعتين

واتسحب شوي شوي الفير وابوقه هههه

 

[حمرة الورد]

حبيبتي همي هونيها وتهون وخليها على ربج

الله يفرج همج ويكتب لج التوفيق وتتيسر كل امورج

وفعلا النفسيه والتعب ياثرون عالحليب وقبل يقولون

اذا الوحده رضعت ولدها واهي متضايقه حيل

يستمرض من الحليب مادري عاد عن صحة هالكلام

بس اللي اعرفه مو زين تضايقين روحج اذا كنتي ترضعين

اسم الله على عيالنا امي كانت متضايقه حيل عمي توفى ورضعت اخوي وتوفى الله يرحمه سبحان الله كان عمي يموت عليه وماتو مع بعض الله يرحمهم

 

[fofowa_q8]

حمره الله يرحمهم برحمته ويسكنهم فسيح جناته

سبحان الله فعلا شي غريب

 

[MOOON&M]

شلونكم امهات


حمره عسى الله يرحم عمج واخوج ويغمد روحهم الجنه

لما انا ان شاءالله لرمضان حاطه منيو هههههههه مطعم مو بيت بس هالحركه ريحتني العام ما افكر شنو اسوي اطلع الورقه واقول لزوجي شوف شنو تبي

عاد بدور الورقه ما ادري وينها

وان شاءالله الله يقدرني واخلص لبس رمضان والقرقيعان والعيد والله ميزانيه

بنات شنو مفكرين تسوون للقرقيعان

انا اسوي للكبار والصغار

الكبار بس 30 حبه اسوي لان ما اصادف الكل بالقرقيعان لو كلهم يتجمعون ما يبقى شي لووووول

والصغار اسوي 50 حبه