تجمع مواليد ( مارس & ابريل ) 2014 الله يحفظهم

[حمرة الورد]

طلعتي بنت عمي والف نعم والله

 

[Q8_QT]

هههههه ئي والله حمرة هالبنت بتعفس ميزانيتي اللي اصلا معتفسة

وسالفة الاسئلة انا لعد اكتب بنوته حاطتها بجنطتي خبركم الذاكرة ميح زين في احد مثلي

 

[secret name]

الله ينعم عليكم حبيبات قلبي

همي اي انا يويت بروتين ومن العصر مالميت شعري ههه من الوناسه انا شعري موخشن يعني بس يتشبك وفيه تموجات وحيل تعب من الصبغ
بس طويل لي فخوذي بس قصته لي اخر خصري قالت اللي قصته متقصف وتعبان
وحسبته لي ب 180
وشريت منها شامبو كولاجين وبخاخ بعد الشور وسيروم باربعين
كله طلع 220

اغلب الصالونات اللي اعرفهم مواقل من 300 بالنسبه لشعري سالتها عن الي شعوره للجتف واللي وتحت الصدر قلت تقريبا سعري لكل انواع الشعر 90 بس انتي طويل حيل

حمره هههههه تصدقين عاد لمن دشت بيتنا انا قلت للخدامه تصعدها لي واخوي توه راد من الدوام وصعد قبلها قال سيكرت هاذي منو قلت الصالونه واهي وراه تصعد الدرج قال الحمدالله والشكر شهاللبس
ثلت عادي يعني هذا دينها اهي مومسلمه مانغصبها علي اللبس بس يعني مومشخلع بس حبببوبه حيييييل طقيتها سوالف معاها هههههه

 

[حمرة الورد]

اي شكلها حبوبه اذا بجيبها بقولها تتستر لاتفضحنا

مشكله كل شي غالي الدفع فينا فينا ماكو الا انقرع مع منوعي فديته

 

[حمرة الورد]

هههههه ئي والله حمرة هالبنت بتعفس ميزانيتي اللي اصلا معتفسة

وسالفة الاسئلة انا لعد اكتب بنوته حاطتها بجنطتي خبركم الذاكرة ميح زين في احد مثلي

كلنا زهايمر كبرنا

فديت البنات انا بروح ااجر لي بنت حق العيد اكشخها واردها هههههه

 

[حبيبة عز]

حمرة

ههههه اي والله بنات عم

اييييي مالومج هي تبط الجبد كله تملق خخخ

حمرة ليش تستغربين

رفيج ريلي امه ماعندها الا 3 صبيان

يقول كانت ميته عالبنت وتجمع بنات الفريج وتمشطهم

وتلعب معاهم خخخخ

---

سيكرت

اي والله وايد

الله يعوض عليج

يبيلي اشتغل بهالسوالف والله تطلع فلوس ههههه

يعني تسوي حق 2 باليوم طلع 600 معاش شهر

عجبني الموضوع

 

[حمرة الورد]

اي حدها

تخيلي هذي اخرتها عاد زين عندي بنات اخت واخو يسترون علي ههههه

انا كل ماابدى بمشروع اخليه يبيله صراحه افتح حلاق حق البيبيات بس خخخخ ماعرف غيره

 

[MOOON&M]

شلونكم بنات

النومه معتفسه زياده عن قبل والمزاج يعتفس معاها


سكرت نعيما وعليج بالعافيه القصه والبروتين

شوقتيني ودي اجرب بس شنو فايدته البروتين غير النعومه

 

[secret name]

مون تقول انه يعالج التساقط ويريح من الاستشوار ويتم معاج اقل شي 4 شهور

 

[همي رضى خالقي]

مون تقول انه يعالج التساقط ويريح من الاستشوار ويتم معاج اقل شي 4 شهور

ماشاءالله انا ناويه اروح صالون اسوي بس دام تيي البيت وارخص احسن يعني اييبها احسن تهقين؟ انا مابي يصير شكل شعري مدهن

انا شعري جاف

 

[مناوووي]

مرحبا
صباح الورد
الله يبارك فيكم فديتكم
حياتي يكسر الخاطر
اي حبيبه عطوني له واقي وكريم ميبو
وغسول
وقالي عادي اغسله بماي وملح
واحط خوا جوا ومره
وقالي انه راح يصير احمر عادي
وبعدين بتتكون طبقه بيضه
الي موطبيعي اذا شفتي دم واجد
ان شاءالله خير

 

[مآيكبرني نك]

مررحبآ ♡

فؤفؤ يآختي بتؤحشؤني ماقدر مآعآتبكم :*


حمرررة دخيلج ابؤه كل شؤي يكرر هاﻻغنيه ع رآسي

اقرع مقيرع اؤنه لوول ..

بقى بس ولدي اللي ماطهرته لحين :/ اؤفف همم ﻻزم اخلص

صبايا جهزتؤ شي للعيد *؟

 

[Q8_QT]

سيكرت


انا بعد سويت بروتين بس بالصالون اللي قالت عنه حمرة ابي اعرف شنو الفرق بينهم شلون طريقة البروتين اللي سوته لج وحسيتي فيه ريحة ولا لأ انا مافيه ريحة واهي تحطه بس لما يت تنشفه بالسشوار ريحته قوية كانت وقالت لي اذا تبينه مايخترب لازم تنشفينه بعد السباحة بالسشوار انا كللللش مااحب السشوار ولا حتى حق تنشيف ماانشف بس اضطريت انشفه بعد تعبانه عليه وعطوني شامبو من ويلا لونه برتقالي لاني صبغت شعري بعد انتي شلون شكله شامبوج ممكن تحطين صورته




حمرة




حبيبتي ان شاءالله ربي يرزقج ماتدرين وين الخيرة بس تصدقين عقب الصبيان صج فرق البنت حيييل دلوعة وبس تبي الشيل عكس اخوانها ومرات احس مااعرف اتعامل وياها كله تتفزز ومخترعة غييييير عن الصبيان






مايكبرني




يا حلوه هالاقرع يالله طهريه احسن لج واهو صغير مايتألم ولا تتعبين وياه

وعن تجهيز العيد ناوية اسافر حق ابوي ان شاءالله ماراح اعيد اهنيه فماراح اجهز بس حق الصغار بخليهم ويا ابوهم فبس بشتري لهم ومابلشت لي الحين مادري متى اشتري

 

[حمرة الورد]

كيوت اي عارفه مو عندي اخت على قولت السعوديين تفقع المراره ياساتر تكرهين البنات منها وخاصه غيرتها صج دعله

لا خلاص هونت مابي بنت بس انا البنت الوحيده بالعايله يمكن احصل دلع ههههههه على كبر عاد

مايكبرني حاضرين بنغني لمنوعي فديت قلبه احس ولد طبق السنه ماشاء الله يالله طهريه وارتاحي

 

[MOOON&M]

بنيتي صارت بنوته رسمي ههههههههه

بعد طول انتظار وعذاب وصراخ وبجي حطينا لها تراجي فديتها صارت انثى لووووووول


بس مسكينه تعورت وتركبت الترجيه غلط وشلناها وعدلناها

 

[secret name]

كيوت انا ماصبغت وشعري طبيعته جاف
اول شي حطت البروتين بعدين نشفته بهوا الاستشوار بعدين استشورته بعدين سوت استريت
والشامبو ماعرف انزل الصوره بس لونه اسود ومكتوب كولاجين بالوردي

 

[حمرة الورد]

اخيه مون يالله اهم شي صارت انثى على البركه فديتها

سيكرت انتي مو صابغه بس قص وبروتين مو جنه غالي سعرها على بالي صابغه

 

[مناوووي]

مساء الورد
شلونكم
حيلتي ولدي بس صراخ وكل شوي يون من الطهاره يارب يعدي عالايام ويطيب بسرعه
موعده الاحد الجاي على خير يشوفه الدكتور
اليوم لي 31 يوم ماجهزت ولا شي ولا سويت خلطات اهي اهي
الله يعين وجرحي للحين ماطاب ادعولي

 

[همي رضى خالقي]

فوفو مادشت اليوم عسى المانع خير

 

[همي رضى خالقي]

مساء الورد
شلونكم
حيلتي ولدي بس صراخ وكل شوي يون من الطهاره يارب يعدي عالايام ويطيب بسرعه
موعده الاحد الجاي على خير يشوفه الدكتور
اليوم لي 31 يوم ماجهزت ولا شي ولا سويت خلطات اهي اهي
الله يعين وجرحي للحين ماطاب ادعولي

مناوي جرح شنو الي ماطاب جم صارلج