تجمع مواليد ( مارس & ابريل ) 2014 الله يحفظهم

[fofowa_q8]

قلبي حساس فركي جسمج بضمير عادي كلنا

عمليات نفسج ونفرك بس الجرح لاتضغطين عليه


حمره صج انتي شلون خذيتي معاج ادوية النفاس

حق امريكا؟!! اهم وايد يدققون على هالاشياء بالمطار

 

[fofowa_q8]

والله خرعتيني حبيبه حتى انا حطيت ابالي نفس حمره

انج شاكه انه متزوج عليج او عنده علاقة الله لايقول

اذا غير جذي الحمدلله الامور الثانية مقدور عليها

ولابد من المشاكل البسيطة بين الزوجين واحنا

الله بالخير نفسياتنا كلش بنفاس مانتحمل شي

 

[fofowa_q8]

حيااااتي مايكبرني اللي ماترضا على عبود :*

بعد صج اهو دلوع ودعله بس اينن فديته

 

[glby7sas]

ههههه حمره ودي اجرأ بس خايفه هههه

بناتي مطلعين عيني امس بنتي تحن تحن مادري اشتبي تخيلي لي ثاني يوم لي درجه عطيتها مصاصه بس طبعا تقطها وتبجي تبطل حلجها تبي حليب اعطيها تبجي ماتبيه يننتني واليوم لاحظتها طلعلها حبوب صغار وايد يم بعض بيبهتها مادري شنو هذا بصراحه اخترعت

 

[glby7sas]

فوفو لما تفركين بطنج ماتحسين بشي غلط اتصدقين احس لما اضغط على جنب اللي فيه العمليه احس بفراغ ولمه اضغط ابجنب الثاني احس متروس خخخخ مادري صج وله انا اتخيل

بسألكم يا القيصريات انا الاسلوع الياي اطلع من النفاس طلعت طول المده حاسبه غلط امس انتبهت خخخخخ
الموهم الاسبوع الياي اطلع من النفاس ولي يومكم مانظفت ليلحين ينزل عليي بني عادي وله في شي غلط

 

[حمرة الورد]

مابعد كلام البنات كلام يعطيهم العافيه ويرزقهم الراحه يارب والجميع يارب

حبيبه خرعتينا عاد اطالبج كنافه دزيها لامريكا بسرعه يالله

فوفو لا كلش مايفتشون وجبت ادويه ولما ولدت امي دزت لي تقول مااثق فيج هههه لاني انا مادريت الحمل الا قبل السفره بيوم وانا ماخذتهم حق دوره يعني امي معودتنا جذي واهي تسويهم بايدها بس لو مفتشين وشامين الريحه اتوقع بينصرعون ههههههه

قلبي هههه ياحلوهم الله يعينج والله احنا واحد وتعب ماجوره انا للحين مانظفت وزوجي اتوقع يبي يحجز لي مبجر هههههه يقول متى تطلعين الستين لووووول
اللي قلتيه كله طبيعي حبيبتي واحساسج لما تفركين بالضبط جذي جنه شحمه شي غريب عادي لان زوجي يقول لما شقو شفت الطبقه الاولى متينه حيل والمنطقه اصلا راح تموت انا اقرصها ماحس شي سبحان الله

 

[glby7sas]

اي صاجه حمره ساعات افقص مكانها احس ليلحين مخدر خخخخ

عاد الله يا سواد جسمي يبيلي غسيل وتشحيم من قلب والخطوط اخ يا الخطوط صارو حفر مو خطوط انا يبيلي شغل وايد احس دربي طويل خخخخ

 

[حمرة الورد]

لا تحاتين باذن الله كل شي يرد مكانه ويتغير

 

[ام مريم ورحمة]

ياحلو سوالفكم بنات والله اشتاق لكم بس انشغل ويا البنات وعلاوي
حبيبة طوفي يا قلبي مادامت شكوك وماكو دليل صجي لا تخلينها ببالج وتوكلي على الله وعيشي حياتج
فوفو
فديته عبودي دلوع نفس علاوي ما حب المصاصة مع اني كان ودي ياخذها بس راسه ياااابس
مايكبرني
الكذب ما يفيد والله انا شعري كشة ههههههههههه وكنت كل ما اولد بنت احط ايدي على قلبي لايكون شعرهم مثلي بس ربج رحيم شعرهم طلع على ابوهم هههههههههههه
صريحة انا فديتني
ان شاء الله باروح اسوي شعري كيراتين واقصه قريب وباخذ بنتي الوسطى وياي تقص شعرها وايد تحب الشعر القصير اسم الله عليها شقرا وشعرها ناعم وتحب تلعب فيه

 

[حمرة الورد]

اهلين ام علاوي ياحلوها اللي تقص شعرها فديتها خليها على العيد قصه حلو ونيو لك حق البنوته

 

[لما ضاقت]

اهلين ام علاوي رفيقة دربي بالعمليات الانتحارية اشتقتلك

 

[لما ضاقت]

بنات كلكم تبون تقصون ما فيكم وحدة تبي تطول غيري انا قبل كان طويل و قصيته من زمان بس مفكرة اطوله و قاعدة احط حنة. صج اهو كشة بس ميخالف نيولوك كشة كبيرة. ههههههه ام علاوي انتي مثلي البنات الحمد الله ذالعين على ابوهم ربك ستر ههههههه كافي المجهود اللي اسويه لما امشط كشتي هههههه

 

[مآيكبرني نك]

مرحبآ

هل يعقل اطهر وبعدهآ مآ تييني آخت النفاس ؟

 

[لما ضاقت]

ما يكبرني انتي ترضعين اذا ترضعين مو شرط تييك اخت النفاس ممكن ما تييك نهائي

 

[لما ضاقت]

حبيبة لا تنكدين هلى نفسك سافري و استانسي و المكتوب بيصير لا تحاتين شي. عاد شوفي منو اللي ينصح هههههههههه

 

[عروسة فوشيآ]

بنات ع ططاري الرياييل


انا ريلي وايد مدلعني وومايرفض لي طلب
ويسمعني كلام حلو ع طول


طبعا سنه ونص ماعندنا عيال

وبعدها حملت

والحين بعد الولاده


كل سوالفنا عن بنتي
احسه حيييل مهملني

وبس يسأل عنها والكلام الحلو لها وهي توها نتفه ام 3 اسابيع
والحين عشتو لما نروح موعد بالطبيب يفتح لي باب السياره ويشيل جنطتي

واذا يت اشعه الشمس عليها ينط ويحط ايده ع ويهها



انا بصراحه فقدت معاملته لي
مدري اذا رديت لبيتي بيعاملني نفس قبل والا بيسحب علي

 

[مآيكبرني نك]

لما ضآقت قؤلي يآرب

الله يسخر لج ريلج وتكونين اميرة وسط قلبه ويدلعج ويدللج ولآ يبخل عليج بشي

انتي ماقصرتي معانآ من ايام الحمل ، وايد فدتيني شخصيآ ..

امي بعد قالت لي مابتييج لنج ترضعين هو احسن وفكه عشان اجابل عمري

من متى وانا اقؤل بسؤي وبسؤي ولين آحين ماتلحلحت والسبه الدؤره

 

[fofowa_q8]

حمره احنا سألونا بالمطار معاكم اكل بالجناط

انا ماكنت موديه شي بس بهارات قلت لهم بس بهارات

قالو اكيد بس قلنا لهم اي قالو اوكي وماشافو

بس اعرف ناس فتشو جناطهم وخذو كل شي ينوكل مادري ليش

 

[fofowa_q8]

وااااااي حمره ريلج شلون شاف شلون تحمل مسكين

احس انا لو اشوف يمكن يغمى علي

وانا نفسكم كنت مستغربه في مكان ببطني مااحس

فيه كلش وكنت بسألكم ونسيت صح قلبي حساس

احس مكان فاضي مادري شلون احساس غريب

بس طايحة له تفرك الله وكيلج ولا همني

 

[fofowa_q8]

اهلين ام مريم شلونج حبيبتي

فديت الصبيان الدلوعين والله

وعليكم بالعافية مقدما.. انا مااحب بنيه صغيرة شعرها طويل

بنتي غصب اوديها اقص شعرها وكله تحن علي ابي

شعري طويل مااحب احس ارتب وويهها يطلع

لاحقه اذا كبرت تطوله