تجمع مواليد ( مارس & ابريل ) 2014 الله يحفظهم

[حمرة الورد]

العفو ياقلبي

 

[حبيبة عز]

مايكبرني

هلا وغلا بام منوع الحلو

قلبي حتى انا اعتقدت ان القمل انقرض

تصوري شي يلوع الجبد


حمرة

والله مارحت زفيت الحلاق ولا شي

اهو بالفحيحيل شغله حلو

بس يمكن مالهم ذنب من النماين اللي اتييهم



لما

اقولج طريقتي شلون تخلصت منه

يوميا سباحه وتغيير شراشف وملابس وفوط

كلهم يوميا بالغساله

وحلقت شعور عيالي

وشامبو بارا مال القمل مرتين بالاسبوع

ومشط فيه خيوط واهم يتسبحون

يسحب اي شي وياه

وتفلي اخر الليل لما ينامون

تقريبا اسبوع وغدا شرنا

وييييع

واذا بناتج كبار ويفهمون ويتحملون

في دوا انا ماشريته لان عيالي صغار

عباره عن دول تحطينه ومعاه كبوس بلاستيك

تلبسه ثلث ساعه

بعدين تغسل بشامبو مالهم ومعاه مشط اسنانه متقاربه

يقولي الصيدلي مرتين ويروح كل شي


والله يابنات كان شي متعب ومقرف

وصرت استحي اروح عند الاوادم لا يعيدونهم عيالي

 

[حبيبة عز]

فوفو

الدكتورة قالتلي ان هرمون الحمل يضل مرتفع عند المرأة

بعد الولادة وبس تكمل 6 شهور يبلش ينزل

ويبلش يتعب الجسم والشعر يطيح

وهذا شي طبيعي

عشان جذي تقولي استمري على الفيتامينات

لا تتركينهم

بس اصلا انا تركتهم عشان مايزيدون وزني

الحمدلله وزني وصل 51 وطولي 155

بس ودي اشد منطقة البطن ويروح هالكيلو

ودايتي الحمدلله مافيه حرمان كلش

بس الكميات اقل والاشيا الصحية اكثر

واحس اني وايد مرتاحه على هالنظام

حتى بالطلعات اكل وبالزوارات وحلويات

بدون لا احرم نفسي

بس احاول احسب الكالوري باليوم شكثر

وطبعا احيانا اخبص شوي

 

[حبيبة عز]

بنات

انا اشرب عواشتي حليب ابتاميل وماشاءالله قاعدة تكبر عليه

وصايرلها خدود خخخخ


------

بنات انا بسولف لكم عن اللولب

كنت خايفه اركبه بس ماعندي حل غيره

لان الحبوب تخليني عصبيه مينونه

ولما قررت اركبه خامس يوم دورة عزكم الله

دكتورتي مو مداومه .. قلت اركبه عند سونيتا

وخذيت موعد ولما رحت ولا تقول عندها قيصريه ماتستقبل

قلت خيرة

وبالصدفه كان ريلي رايح يجدد كرت الجزيرة بحولي

قالي اوديج بطريجي دار الشفا

قلت يالله

ومسلمة امري لله 100%

وقلت وين الله بيسيرني بكون مرتاحه

رحت وكنت ابي د معصومه او لاكشمي

قالي وحدة مو موجودة والثانيه عمليات

قلت هم خيرة

زين منو موجود قالي مي وفيجايا

قلت خلني عند مي

ورحت كليت كنافة الطيباوي وسوينا كرت الجزيرة

ولما ردينا المستشفى ولا ياي دورنا

دخلت عندها وبسطت لي الامور

وقالت حق ريلي اشتره من الصيدليه وتعال

طبعا دكتورة فلسطينية

وييها كله نحاسه هههه ماتريح

بس حسيتها فاهمه وواثقه من نفسها

ايدها كانت خفيفه واﻷلم خفيف جدا ويحتمل

واستمر معاي مغص نفس مغص الدورة لمدة يومين

وقالتلي تعاليلي الشهر الياي

وبعد 3 شهور وبعد 6 شهور

علشان تشييك عليه

وان شاء الله يضبط معاي وارتاح عليه

ابي اعطي عيالي وزوجي ونفسي وقت وارتب امورنا

واجابلهم

من زمان تاركة نفسي وريلي

وبيتي

ورحت الصيدليه شريت مجموعه من منتجات ببايوديرما

عشان ابلش عنايه

بما اني على مشارف ال30 سنة

 

[fofowa_q8]

هلا حبيبه شلونج حبيبتي

مايشوفون شر عيالج الحمدلله افتكيتي من القمل

نصيحة مرة ثانية اخذي معاج مشط ومقص اذا تقدرين بعد

وعليج بالعافية مشترياتج وصاجه يبي لنا نهتم بروحنا

شوي.. قولي لنا نتيجة اللولب معاج انا لي الحين مادري

شنو راح استعمل بس مابي حبوب لاني تاخرت بالحمل

اي صج اللولب اللي حطيتيه لولب عادي ولا هرموني؟

 

[# غنوجة بيبي #]

سلام بنات شلونكم

انا بالحمل حيل انتفخت

و صارلي شهر ونص طالعه من نفاس..مو مسويه رجيم و اكل طبيعي بس نزل وزني 5 كيلو الحمدلله

تهقون زين؟ انا متحبطه .. يبيلي 6 كيلو و ارجع نفس جسمي قبل الحمل

اول ما طلعت من مفاس بطه مفروشه بس الحين ينقالي وسط

ودي ارجع ضعيفه

هم قبل الحمل وزني مو ضعيف وايد بس ينقالي ضعيفه

ودي اضعف زياده

بنات بطني حيل يفشل متشقق كله خطوط غامجه ممتده لي وره عالخواصر

بس بطني زين صغير الحمدلله

اللي معقده نفسيتي الخطوط مالت التشققات جني حمار وحشي

شلون تروح

حاليا كل شهر اسوي حمام مغربي مرتين يعني كل اسبوعين اسوي

و اربط بطني و امشي بس مو حيل ملتزمه بالمشي يعني

 

[fofowa_q8]

غنوجه عادي الوزن شوي شوي ينزل لاتحاتين بس

اهم شي لاتخربطين بالاكل والجسم يرد مثل ماكان

بعد ٦ شهور من الولادة .. الخطوط اذا لونها غامج

بسرعة تروح المشكلة اذا الخطوط بيضه هذي ماتروح

اخذي كريم حق السترچ مارك واستمري بالترطيب

وفي ليزر بعد حق الخطوط الحمره يقللها حيل

عالجيها قبل لاتصير بيضه صعب تروح

 

[fofowa_q8]

انا بطني الحمدلله وايد خف قاعده امشي بس مو يوميا

واللي مضايقني اني لي الحين مااحس ببطني مادري ليش!

ودي بطني يشد ويرجع نفس قبل احس ماكو امل

عقب القيصرية

 

[حمرة الورد]

فوفو شلون تحسين مو فاهمه انا خمس قيصريات وهذي بس لي كرش بس للحين مابلشت رياضه بس صدقيني بتروح ماعليج من الي يقولج ماتروح مو صحيح

غنوجه حبيبتي لاتحاتين كل شي يرجع طبيعي بالتدريج اهم شي آكلي أكل صحي وعصاير ولا تحاتين والرياضة مهمه

 

[fofowa_q8]

حمره يعني تروح تروح يرد البطن نفس قبل؟

مادري الكل يقولي بطن القيصرية مايروح مع ان الحمدلله

خف بطني حيل يعني قولي بنسبة ٧٠٪

بس انا مجربه الطبيعي يوم طلعت من النفاس كانت

الكرشه رايحه يعني ماكو بطن كلش نفس قبل مااحمل

فحاسة بفرق بين اول ولادة وهذي..

 

[fofowa_q8]

حمره اقصد ان في مكان ابطني مااحس فيه يعني

الاحساس معدوم بمنطقة ابطني لما اجيسه مااحس فيه

مادري كلكم مثلي ولا بس انا؟

 

[fofowa_q8]

بنااااات بغيت اسالكم منو خذت حبوب فيتامينات حق الشعر

واهي ترضع؟ وشنو احسن نوع؟ اللي عندها فكرة تفيدني

 

[حمرة الورد]

حمره يعني تروح تروح يرد البطن نفس قبل؟

مادري الكل يقولي بطن القيصرية مايروح مع ان الحمدلله

خف بطني حيل يعني قولي بنسبة 70٪

بس انا مجربه الطبيعي يوم طلعت من النفاس كانت

الكرشه رايحه يعني ماكو بطن كلش نفس قبل مااحمل

فحاسة بفرق بين اول ولادة وهذي..

انا نفسج بجري طبيعي طبعا يفرق 4 شهور ماكو طبيعي كل شي بس العمليه تطول شوي بس صراحه كانت نفس الطبيعي
والمنطقة الي تقولين ماتحسين اي خلاص ماتت كلش ماحس فيها خلاص فور ايفر

 

[مناوووي]

��ٱلْسَلآإمّ عَلْيّكَمُ وٍرٍحَمُةٌ اللَّـَـَـَـْـْہ ۆبُـرٍگـآإتَهّ ��
مساء الورد
شلونكم
قطعت حييل عنكم
اشتقت لسوالفكم
حيل حيل حيل متعبتني بنتي بالغيره
وتوني مطعمتها سنه ونص واتعبت حيل ياعمري
وتطعيم نصوري ٤ شهوور ٢٢ / ٨ ان شاءالله

 

[MOOON&M]

وعليكم السلام

اهلين مناوي ولكم باك


انا باجر بطعم بنتي تطعيم ال 3 شهور

ما ادري راح يطعمونها 3 و4 شهور والا لا

لاني تاخرت بتطعيمها ورحت لهم قالوا تعالي الاحد

 

[MOOON&M]

بسالكم تطعيم ال 4 شهور ترتفع الحراره والا لا

 

[حمرة الورد]

أهلين مناوي شلونج ياقلبي والله يعينج

مون انا نفسج وقالت الدرن ناجلها وطعموه التطعيم بعد الدرن صراحه تعب وهم حراراه

 

[MOOON&M]

حمره

طعمتها اليوم مسكينه تكسر الخاطر

طعمتها تطعيم ال 4 شهور

والدرن قالوا عقب شهر تعالي

 

[حمرة الورد]

مون اي نفس ولدي اجلو الدرن شهر الله يحفظها ماتشوف شر حياتي عنونين ذبحوهم بالإبر

 

[fofowa_q8]

اهلين مناوي شخبارج؟

مون وحمره ليش ماطعمو عيالكم الدرن؟

انا بعد صارلي جم يوم مطعمه ولدي تطعيم ٤ شهور

حرارة ووايد تعب مو نفس تطعيم الشهرين.. الحمدلله