تجمع مواليد ( مارس & ابريل ) 2014 الله يحفظهم

[baa6aa]

قلبي حساس مشكوورة حبيبتي شكلي بسوي نفس ماقلتي شوقتيني

وكويت مشكورة حبي عالاكاونت توني ضفتهم

واليوم ان شاءالله بسوي نفس ما قلتووو بسوي الاكل و بخليه بالثلاجه و خل نشوف النتيجه

 

[لما ضاقت]

اي بطة طبخي و فرزني او حطي بالثلاجة الاشياء اللي تطول مثل الدياي اللحم حتى الحشو طبخي و قسمي بكياس و فرزني و استخدمي كل يوم واحد انا مرات اسوي جذي ما الحق من شغل البيت و خاصة بنفاسي و اذا عندك مايكررويف التسخين ما راح ياخذ منك وقت اما الحشو بس يخلص العيش و تقصرين النار عليه حطيه و اهو مثلج فوق العيش و سكري الجدر راح يسخن من بخار العيش و يصير جنه توه مطبوخ

 

[baa6aa]

خلاص شوركم و هدايه الله و اليوم اول مرة راح اسوي هالطريقه
بسوي دياي بالفرن و بخليه بالثلاجة .. وباجر وقت الغدا عالسريع اسوي عيش مشخول
يعطيكم العافيه بنات

وشخبارج لما شلون حماتج الحين و شلون ضرس العقل
عسى فاد معاج المضاد

 

[لما ضاقت]

هلا يا عمري الحمد الله بخير حماتي احسن بس على وضعها الله يعينها و المضاد مستمرة فيه و احس احسن بس يبيله ثلاث ايام بعد على ما يخلص و انشالله اروح اشلعه و افتك من هالمعاناة

 

[baa6aa]

الحمدلله اهم شي منه فايده هذا اهم شي
هانت هانت مابقى شي وترتاحين يارب

 

[لما ضاقت]

بنات منو فيكم رد لون جسمها مثل ماكان انا لي الحين حمار وحش قريت موضوع عن الكركم انه يفتح الجسم افكر استخدمه اللي سوت شي نفع معاها ختقولينا

 

[لما ضاقت]

و سمعت بعد عن الزنجبيل يستخدم ككريم للكرش اللي عندها فكرة تعلمنا

 

[لما ضاقت]

بنات بقولكم شغلة امس حسيت في حركة غريبة في البيت ما عرفت شنو اليوم لما راحوا عيالي المدرسة و الا اسحب قنفات الصالة تخيلوا اشطلع البيت اللي يمنا هدموه و قاعدين يبنون و الا يدش علينا فار هذا الحجي قبل ثلاث ايام اليوم اكتشفت انه اكثر من واحد و انهم لاعبين بقتفات الصالة مشققينهم من تحت و داخلين فيهم بصراحة لاعت جبدي فسحبتهم ودقيت على جارتنا قلتلها ابي خدامتك تقطلي زبالة اهي عاد ما ترضى بس الله هداها المهم خليتها تسحبهم و تقطهم بالزبالة عاد ما ادري لو يا ريلي بعد شوي اشبيسوي اهو ما يهون عليه شي في البيت اهم من الاساس يبيلهم تغيير الله يخلي العيال منتفينهم هالدور فار بعد عاد اشرايكم في اللي سويته

 

[baa6aa]

والله يا لما ما فاد مع كل شي الا الحمام المغربي و السنفره
بس اخر مره رحت فيها الدكتورة عشان تجيك عاللولب عطتني تحاميل خذيت بس وحده و من ثاني يوم قب جسمي كله محبب صار استغفر الله فماكملت عليهم بس انطر يخفون عشان ارد حمام مغربي اخاف اسوي الحين و يبين لهم اثر اجرحهم او شي


وبالنسبه حق الفيران اكره شي صراحه!!!!
بس تصدقين مصائب قوم عند قوم فوائد يمكن تكون حجة وحاجة ان ريلج يغير لج القنفات استغلي الوضع خصوصا هوم سنتر مسوي خصم 70% كلميه لو بس تلقون نظرة تاخذون فكره عن الموجود يمكن تلقون شي بسعر مناسب خصوصا ان اسعارهم معقولة حيل

 

[MOOON&M]

مساء الخير بنات شلونكم؟

مون قصدج زيادة هرمون الحليب تمتن؟

انا قاعدة امتن ضايق خلقي

وايد ايوع بالليل وآكل فوزني زايد

اي فوفو هرمون الحليب يتفخ

انا تفخني وحماتي بعد تفخها

 

[MOOON&M]

بطه انا لما ماكان عندي خدامه تدرين شسوي خاصه الطبخ

اجيب البارت تايم واكون قبلها منقعه الدجاج علشان تنظفهم لي واقصهم نصين لكل وجبه نص

واخليها تقصصلي ثوم وبصل اسوي الحشو واوزعه بجياس لكل وجبه واحطه بالفريزر


واسوي دقوس لاسبوع واحطه بعلب لكل وجبه واحطه بالفريزر

واذا عندي دوام بليل اطلع الدجاجه واغسلها واقصص البصل واحمسها للمجبوس واطبخها نص طبخه واصكر عليها تبرد احطها بالثلاجه

ولما ارد من الدوام قبل لا ابدل انقع العيش واطلع الجدر من الثلاجه احطه عالنار

على ما ابدل واغير لبنتي يكون استوى الدجاج اكت العيش والحشو احطه فوقه وطبعا اكون مطلعه الدقوس

ربع ساعه وانتي مخلصه كل شي

سويلج دفتر وكتبي فيه الاشياء السهله علشان يكون مرجع لج

انا جذي اسوي

 

[MOOON&M]

واللحم نفس السالفه والسمج ما اسويه بالبيت واذا مالي خلق سويت باستا

ومرات اخذ من محل النخي والباجبلا جريش ونخي لبنتي

 

[حمرة الورد]

بطه اليوم رحت المستوصف من ٩ الى ١٢ وأخر شي قالي روحي سوي أشعه وكلمي دكتور العصب شنو يقولج الله ياخذهم طلعت عشان الحق على العيال مدارسهم بحولي وزحمه شلون تحملتي بطه تعالي واسيني فيني بجيه والله من القهر شنو هذا ماكو احترام للوقت والناس خير ان شاء الله شكلي بروح خاص ادري نصابين بس اخلص وارتاح

 

[لما ضاقت]

حمرة هذي سوالف المستوصفات مالهم خلق و نفسهم طويل بس الواحد شيسوي و هم علشان التوفير اذا علاج العصب سن واحد ب٣٠او٥٠ و حسبي

 

[fofowa_q8]

صباح الخير

مون خوش شي يعطيج العافية

بس بقولج اذا بنتج تحب اليريش نفس بنتي انا اسويه

وافرزنه لها احسن لج من الجاهز.. وطريقته سهله

استخدم شوفان كوكير بدال اليريش طعمه لذيذ

اسويه مع دياي نفس طريقة اليريش العادي

واقسم لها اياه على حسب وجباتها وافرزنه وكل

مابغت طلعت وسخنت لها

 

[fofowa_q8]

امبيه شفينا اسنانا تسكربت انا بعد ضروسي

كلها تعورني مادري ليش! موقادرة اميز اهو سوس

ولا نقص كالسيوم

 

[لما ضاقت]

هههههه ضحكتيني فوفو

 

[glby7sas]

قولي احنا صرنا سكراب خخ انا احس راسي من وره جنه احد ماسكه وراعصه لي اخاف يكون فيني ضغط وله شي

انا كرشي جني حامل بدعت مادري شسوي ابي اسكر حلجي مااقدر بطني يقرصني مادري اشفيني صايره مشفوحه عالاكل احس فيني بجوه

 

[لما ضاقت]

حمرة انتو خلاص استقريتو هني و الا بتردون امريكا

 

[لما ضاقت]

بنات خقولكم اشصار يوم قطيت القنفات يوم رد ريلي من الدوام و الا يايب معاه هنود اثنين حصلهم بالشارع و خلاهم يسحبون القنفات و يردونهم و كودلي اياهم بالبيت يقولي من قالك تقطينهم قلتله ما عليهم حسافة اهم يبون تبديل و همن حصلت فار داخل علينا و منتفهم من تحت و لاعة جبدي منهم تردون شنو رد علي قالي لي صار ابوك دافع ثمنهم قطيهم بكيفك يكت و ما رديت هليه قلت دام هذا عقله مافي فايدة من الحجي اليوم طالعلي بهبة يديدة يقول بييب سايق للبيت استغربت قلتله اي زين همن اقدر اروح مكان او طبيب اخلص مشاويري و انت تقعد يم اختك على ما ارد لانه هو حاطها حجة بكل شي عاد شنو رد و منو قالك ارضى اخليك تروحين مع ريال غريب لي صار عمر ولدك فوق العشر سنين ما يخالف اخذي و روحي قلتله يعني تقريبا بعد ثمان او سبع سنين اقدر اروح قالي اي و شوراك السنين اسرع ما تخلص قلتله اوكي انت عندك سيارة و انا منت راضي اروح مع السايق اللي المفروض بتييبه زين حق شنو يايبه عاد خلاني و مشى و بصراحة ما فهمت شي عاد اشرايكم انتو