تجمع مواليد ( مارس & ابريل ) 2014 الله يحفظهم

[MOOON&M]

ليالي


انا مثلج السهر صباحي


خوخه

ما عطوج قطره لبنتج لما طلعتي من المستشفى؟؟

نظفي عينها على طول وحطي لهاا كمادات


بنات
منو طلعت من الاربعين؟؟

وشنو سوت ؟؟

انا بديت بالعنايه والخلطات وهالاسبوع بسوي حمام مغربي

بس لطلعتي ما ادري شنو اسوي

صبغ ماراح اصبغ لاني قبل صبغت اشقر ودمر شعري ف بهتم فيه

وقص بعد ماراح اقص لان يبيه طويل

يعني شنو اسوي مافي مجال للنيولوك

 

[ليالي العاشقينه]

انا بعد اسبوعين انشالله بطلع
بصبغ وبحط رموش ونقش وبس

 

[ليالي العاشقينه]

بالنسبه للخلطات يوم احط ويوم لا كلش الهي مع
الياهل

 

[همي رضى خالقي]

مايكبرني ميخالف ايام وتعدي بس انتي عيشي حياتج عادي والتعب من قله النوم لازم اول الاشهر بعدين تتعودين

 

[مناوووي]

مرحبا
صباح الخير
شلونكم
اليوم لي 17
الي طبيعي ونظفت اي يوم تقريبا؟؟؟
اناا بطهر ولدي هالبومين ان شاءالله وبخليهم يشوفون سرته لانها توعي وجنها طالعه شوي بارزه وكله يصيح
استقبالي بسويه باليوم 21 و22 وافتك

 

[همي رضى خالقي]

مناوي انا طبيعي وصارلي ٢١ مانظفت عادي يوقف عليج يوم يومين ويرد ينزل

 

[MOOON&M]

مناوي همي


انا وقف تقرييا لما صارلي 16 يوم

وما نزل مره ثانيه اليوم لي 26 يوم

 

[مآيكبرني نك]

الحمدلله ولدي خفت حرآرته بس بعده يعآني من الآمساك

بنات انتو متى توقفؤن تدفي واكل نفاس متى ماطهرتؤ ؟

وغير مون منو طلع يغير جو حآسه رؤحي بتطلع من يلسه آلبيت

 

[Q8_QT]

مون




انا حق طلعتي صبغت شعري وسويت بروتين والحمدالله اعجبتني النتيجة
ورحت هربل سبا روحيله صج دلع تحسين سويت عندهم باكج حمام اللافندر ومادحيلي مسلج vip بجربه المرة الياية
وحجزنا ليلة في الجميرا وغيرت جو والحمدالله



اذا ماتبين تصبغين حطي رموش اذا رموشج خفاف وشعرج لا تقصرينه خليه على طوله دام يبيه طويل بس درجيه او قصي قذلة هم تعطي لوك وممكن تنقشين ولا تاتو

 

[Q8_QT]

خوخة



حبيبتي الاكتئاب طبيعي يحوش الوحدة حاولي ماتقعدين بروحج لان الواحد لي صار بروحه الافكار تودي وتييب فيه وهم الوسواس يشتغل وسمعي قرآن

 

[Q8_QT]

مايكبرني


شلونج وشلون منوعي ان شاءالله صار احسن

 

[secret name]

كويت طالعه من الشر

انا باجي لي اسبوعين واطلع
ومفكره بالبروتين بس خايفه علي شعري يدمره انتي شنو نوعية شعرج يعني كيرلي ولا عادي
وشلون نتيجة البروتين معاج ؟

وبنات بعد ابي مشاغل حلوه لبدل الاستقبال

 

[MOOON&M]

كيوت

عليج بالعافيه وطالعه من الشر ان شاءالله

حلوه فكرتج بقص قذله والبروتين شنو يسوي للشعر لان اول مره اسمع فيه

وهيربل سبا الي بالمهبوله عدل؟؟

 

[secret name]

اابروتين مثل ماسمعت وقريت عنه افضل من الكيراتين بس للحين مادري اذا نتيجته تنعم الشعر او بس تعطيع حيويه ولمعه

 

[secret name]

بنات اللي ترضعون
احس حليب صدري مانفع ولدي من ولدت ماعطيه صناعي
والحين لي يومين اعطيه سيميلاك حسبته صحا شوي وتختخ
واعطيه الصبح رقمين ماي تمر
وعالغازات عشان تتفادونها باليوم مرتين بابونج وينسون مره بالنهار ومره بالليل وياحبذا قبل لاتنامين وبعد رضعه حليب القوطي ينام نومه هنيه البيبي ومايتعبكم

 

[secret name]

قاعده احاول اعوده علي السيميلاك لان خاطري اسافر بس ترددت بالبدايه لان كنت احاتي رضاعه كانت ميه بالميه طبيعي
بس بسال اسبوع يخليه ينسي صدري ياريت الخبيره بالرضاعه الطبيعيه ترد

 

[Q8_QT]

سيكرت ومون



البروتين سمعت انه افضل من الكيراتين فتوكلت على الله وسويته ونتيجته اعجبتني شعري في كسرات وطبيعته نافش وجاف وفحسيته نعم وفرد والنفشة راحت بس بنفس الوقت شكله طبيعي مو مدهن ولازق على ويهي

 

[Q8_QT]

صج بنات احد منكم قاعد يسوي ريجيم ؟ ودي من باجر ابدا تخفيف

 

[secret name]

الريجيم ممنوع بالنفااس
بس عالاقل رياضة البطن والبس مشد واشرب زجبيل وقضر قهوه احس خفيت مع اني مومتينه وايد بس الزياده عندي البطن والظهر بس الظهر لعوزني احس طالعلي من الظهر زوايد وسفطات ماكانت فيني قبل مادري شلوون تروح

 

[MOOON&M]

بنات
الي اعرفه الجوع مو زين للنفاس

وانا الصراحه ساعات انشغل واجوع والحين احس داشني هوا شنو الحل؟؟؟

وجبت وحده سوتلي مساج قالتلي رحمج في دم جامد شنو الحل