تجمع مواليد ( مارس & ابريل ) 2014 الله يحفظهم

[fofowa_q8]

حياتي مايكبرني فدييييتج ياحلو هذيج الايام

وترا البنات حرام تلقينهم لاهين ماالومهم

خصوصا حمره حبيبتي الله يعينها غربه بروحها

مع العيال ماعندها خدامة .. الله يردها بالسلامة

 

[ليالي العاشقينه]

بنات انا اعاني من امساك ولدي
مابي اعوده عالتحاميل وسويتاه عودد
اذن وفاولين ولي الحين .




ويبدا العد التنازلي للطهور الله يعين

 

[fofowa_q8]

حبيبه واحنا نحبج اكثر والله احس اني اعرفكم

من سنين بخاطري اشوفكم صج

وسلامة ولدج عاد التهاب الاذن كريه الله يشافيه

وماتشوف شر عواشه حبيبتي لاتحاتين انا شيوخه

نفس الشي كان فيها فتحه من انولدت وتسكرت

بعدين وكنت اتابع عند دكتور بالسيف خوش دكتور

وبالنسبة للقصه اتينن بس اللون مو شي

مااحب هالالوان تبهت الويه ويبي لها ميك اب

على طول.. هذا رايي

 

[fofowa_q8]

حمره الجنطه اتينن لونها عذاااب وسعرها عذاب اكثر ههههه

ليالي حرام ليش فيه امساك شوفي من الحليب

يمكن

 

[ليالي العاشقينه]

فووفووو شسوي الدكتور قال مو الحين تغيرينه
لان ولدي بعده صغير

 

[حمرة الورد]

فوفو فديتج والله حاسه فيني والله يسلمج ياقلبي
الجنطه حدها عذاب هههههه ودي اخذها بس حرام غاليه مادري


ليول شكله سيميلاك يعطونه للخدج الله يعينج عطيه ماي غريب

 

[fofowa_q8]

بنات مساع رضعت عبود وسدحته مااشوف الا نافوره

قعد يرجع وايد وايد ورا بعض اللي موقادرة يتنفس

خرعني والله عاد امي نفخت بخشمه ياالله

قدر ياخذ نفس اول مرة يرجع جذي مادري

قاعده احاتيه امي تقول عادي لانه مغتث كان

يبجي وامي عطته مميه وبعدين انا رضعته

تهقون عادي ولا فيه شي؟! قاعده احاتي

 

[حمرة الورد]

لا فوفو عادي صارت مع علاوي كثير بالضبط جنه نافوره شبعان وطبيعي البيبي اذا رجع صعبه يتنفس عادي لاتحاتين

 

[fofowa_q8]

والله حمره اول مرة اشوف جذي بنتي عمرها مارجعت

هالكثر بهالعمر يمه بغى يوقف قلبي وامي تسالني

يعني تخافين عليه يعني صج تحبينه

يمه ياغلااااته هالولد النتفه اللي طلع عيني

 

[همي رضى خالقي]

والله حمره اول مرة اشوف جذي بنتي عمرها مارجعت

هالكثر بهالعمر يمه بغى يوقف قلبي وامي تسالني

يعني تخافين عليه يعني صج تحبينه

يمه ياغلااااته هالولد النتفه اللي طلع عيني

عادي تصير ويا ولدي يكون منغث وقمت اعطيه مصاصه

 

[fofowa_q8]

همي انا ماخرعني الا يوم ويهه صار احمر

وماكو نفس حدي تصروعت بس امي

نفخت بخشمه جان يرد يتنفس عاد مادري

من وين لها هالطريقة بس المهم حبيبي صار يتنفس عادي

 

[حبيبة عز]

حمره

ههههه اي والله جني سويت فلم هندي

صايره عاطفيه .. هرموناتي رادتني مراهقه

وين لقطات الرومانسية بهالافلام .. لاحقتها وأتأثر فيها

اممم وعلى الصبغه

مادري ابي شي مينون

وانا نفسج جنطة برادا اللي معذبتني

هذي

 

[fofowa_q8]

حمره عاااااادي انا امس قاعده اطالع نفانيف عرس

واقعد اتذكر عرسي وشهر العسل و اعيييييييط

صايره كلش مااتحمل جني ياهل على طريف

لون البرادا رهيييييب

 

[لما ضاقت]

هلا بنات شلونكم متابعتكم بصمت كل ما اقدر ادش. اليوم خلصت الاربعين و ما سويت شي اشحفان ما عطاني شي و لي الحين نقاشات مستمرة على فلوس الصالون ما عطاني شي المهم الحمد الله بعدني ارضع الحلوة طبيعي بس ويها كله حبوب صغيرة و تعبت من غيرة ولدي تصدقون اقعد من النوم القاه يرضع احس صدري يعورني منه اهاوشه اقوله عيب و مافي فايدة يكرر الموضوع. النفاس طبعا زفت مافي التزام باي شي و حتى. جسمي و كرشي ماساة ببدى رياضة انشالله لان الجسم يبيله شغل من قلب و خاصة الخطوط مضيقة خلقي و بس ما الي اضايقكم زيادة بمشاكلي اللي ما تخلص. و عموما مبروك لكل اللي ولدوا و ما باركتلهم سامحوني لهيت بهالبيت و اليهال و الريل و حماتي و مافيهم احد يريح القلب

 

[حبيبة عز]

بنات

أنا صارلي 22 يوم والدة

والدم عزكم الله مانقطع الا ثاني اسبوع يومين ورد

المهم ان الحين ينزل علي دم

بس ريحته دم دورة

شلون اعرف اذا اخت نفاس ولا لا

لاني بركب اللولب خامس يوم عشان جذي بعرف


----

بنات يوعانه

بس الجسم الحلو يبيله تعب

يقولون فكتوريا بيكهام بلشت رجيم ورياضه قاسيه

من ثالث يوم ولادة

وردت جسمها بشكل قياسي

 

[حبيبة عز]

فوفو

كتبت لج رد شطوله

مادري وين راح

اي ياقلبي

كنت بقولج الشر ماييج

واهو دكتور سليمان قالي روحي حق دكتور بالسيف

يتابع هالسوالف بس اهلنا مو عاجبهم الحجي

يقولون خرابيط البنت الحمدلله ماتغص ولا تشرق ولا تختنق مافيها الا العافيه

بس انا لازم اروح اتطمن

وعلى عبادي لا تخافين قلبي خالد ولدي كان كله جذي

واهو صغير والدكتور يقول عادي يكون شارب فوق طاقته

ولاعة جبده

والنفخه هذي سر من اسرار امهاتنا

خخخه حتى امي اشوفها تسوي جذي لما البيبي يفحط ولا يختنق

سبحان الله سوالف الفطرة حلوة

تحسينهم يعرفون اشياء مهمه

 

[حبيبة عز]

لما ضاقت

حبيبتي طالعه من الشر

بعد عمري ومنو قالج عاد ان كل الرياييل يعطون

والله انا مو موظفه بس من مصروفي اروح واضبط عمري

لا تضايقين عمرج وسوي على قد ميزانيتج

وبالعكس ياعمري فضفضي مانتضايق ولا شي

والحبوب انا قالي الدكتور اكزيما وغيرت الحليب

والجسم يبيله 6 شهور يالله يرجع ومايرجع نفس قبل

وطبيعي ضيقة الخلق

لان وضع يديد .. يهال اثنين ومسؤوليه

واحيانا بعض الرياييل هم اييلهم اكتئاب من تغيير

امورهم الماديه وحياته مع مرته ولاهية عنه بالبيبي

ترا يتنرفزون من قلة الاهتمام واغلب الرياييل غير متفهمين

ميخالف والله هذي امور ان شاءالله تتعدل مع الوقت

 

[همي رضى خالقي]

فوفو انا امي جذي تقول نفخو بخشم الياهل اذا شرق

بنات ودي اسولف وياكم كلكم بس يبط الجبد يعلق وياي

انا بديت ريجيم ورياضه خفيفه ابي بطني يروح

بس احس نفسي ثقيله وماكو لياقه حق الرياضه

 

[خوخه89]

هاي بنات كيفكون كلياتكون

بقول لكم بما انكم فتحتوا موضوع الرياضه والضعف

انا بطني تقريبا راح بس باقي كريشه صغيره تحت واحس بطني وايد لين شلون ارجعه يابس ومشدود نفس قبل ؟

 

[خوخه89]

واي بعد الخطوط وايد واضحه وتحكني شنو يعني بتم معاي طول العمر !!!!