تجمع مواليد ( مارس & ابريل ) 2014 الله يحفظهم

[ghadeerq8]

شلونكم بنات عساكم بخير متابعتكم بصمت على قرلتهم خلصت الاربعين اول امس الحمدلله بس نفسيتي حيل تعبانه مادري من شنو استغفر الله صايره حيل وسواسيه اخاف على ولدي بشكل مو طبيعي و اتخيل شغلات كلش مو زينه مادري شلون تيي على بالي و اقعد استغفر و جسمي حدث ولل حرج ماشديت بطني الى جم يوم بس ماتحمل الحزام حييييل يضايقني و التشققات تخرع ادهنه بميبو بس مو كل يوم و وزني مانزل وايد معه انه اكلي صحي و الي مضايقني اكثر زوجي و لاااايعبر خلصت الاربعين و يقولي خلج قلعده انا عندي اشغال و طالع طول الوقت متى ماخلصت خذيتج قلت له احسن بعد مابي ابين له ميته عل رده علشان لايقول لي اهلج ملو منج

 

[حمرة الورد]

حمره متى توصلين ان شاء الله

شهر سبعه ان شاء الله

 

[حمرة الورد]

غدور زين سويتي ارتاحي ويمكن زوجج مشغول اعذريه كل شي يرد ان شاء الله لطبيعته

 

[ghadeerq8]

اذا علي انا حييييل مرتاحه فبيت اهلي و معه امي حبيبتي بس اهو احسه متغيير حيييل قبل لا اولد مايتحمل فراقي دقيقه تسع اشهر و اهو معاي نادر مايطلع و دايم يقولي تعودت عليج و الحين اساله مو مشتاقلي يقولي امبله بس اعرفه يجاملني و من ورا قلبه شافني كذه مره حتى مايحط عينه بعيني و لا احسه نفس قبل مادري محتاره ودي ارد بيتي و خايفه بنفس الوقت ابي اهو يقولي تعالي

 

[همي رضى خالقي]

اذا علي انا حييييل مرتاحه فبيت اهلي و معه امي حبيبتي بس اهو احسه متغيير حيييل قبل لا اولد مايتحمل فراقي دقيقه تسع اشهر و اهو معاي نادر مايطلع و دايم يقولي تعودت عليج و الحين اساله مو مشتاقلي يقولي امبله بس اعرفه يجاملني و من ورا قلبه شافني كذه مره حتى مايحط عينه بعيني و لا احسه نفس قبل مادري محتاره ودي ارد بيتي و خايفه بنفس الوقت ابي اهو يقولي تعالي

اساليه يمكن في شي مضايقه قوليله احسك متغير وشوفي شيقول لج

 

[همي رضى خالقي]

شهر سبعه ان شاء الله

الله يردج بالسلامه ان شاء الله

 

[مآيكبرني نك]

وحشتوني صبايآ :*

 

[ghadeerq8]

سالته قلت له شكللي مو على بالك ولا مشتاقلي قالي امبله بس مو وقت الشوق الحين المهم الولد

 

[حمرة الورد]

الله يسلمج ياقلبي

اهلين ام منوعي

غدور الله يهديه ترى شي طبيعي اول بيبي تحسين جذي شي جديد عليكم واذا رديتي بيتج بتحسين كل شي رد طبيعي صدقيني

حبيبه انا نفسج بالضبط واتوقع دوره قاعد اخذ ادويه ابيها تنزل

 

[fofowa_q8]

حبيبتي غدير والبنات الباجي اللي توهم بجر

ادري تصرفات رياييلكم بهالفترة مضايقتكم

بس صدقوني شي طبيعي حيل ان تحسون الريال

بهالفترة تغير الكل جذي لان حياة يديده ومسؤولية

يديده ونقله كبيرة بحياتكم ان صار عندكم بيبي

ويحس الريال نفسه مضغوط ومسؤول عن عايله

بعد ماكنتو بس اثنين صدقوووني والله شي طبيعي

ولاتقارنين الريال بنفسج تقولين شمعنى كا انا صار

عمدي بيبي ومتحمله ترا الريال بطبيعته غير المره

الام سبحان الله تحس بالامومة من اول لحظة تشوف

فيها بيبيها وتتحمل عشانه وتضغط على نفسها عادي

بس الريال لا الله خالقه جذي وماراح يستوعب انه

صار ابو الا بعدييين لما يتأقلم عالوضع ويتعود

ادري شي يضايق حيل بس نصيحة لاتضغطون

على رياييلكم وتزعلون منهم بهالفترة راح يكون

في توتر وضغط وتعب ويمكن يصير في برود

بالعلاقة واشياء وايد راح تتغير تحملو وكل شي

مع الوقت راح يتعدل ويصير احسن من قبل ان شاالله

 

[ghadeerq8]

فوفو كلامج درر والله كل حرف قلتي صح بس ياربي بلشت اشتاق لبيتي بس اهو يمكن يكون خايف من المسئوليه لانه قعد يتهرب وايد مثلا اقوله وناسه بنسبح احمداني انا وياك يقولي لا انا مالي شغل بكون طالع استغرب رده كل ما ابي يشاركني بشي يقول لا مالي شغل يبي يكون بس ولده بالاسم و يصرف عليه و يطالع له بس

 

[ghadeerq8]

الحمدلله على كل حال عندي احمداني بالدنيا كلها ولا اهو ماعاد يهمني كافي الي شفته معا

 

[حمرة الورد]

غدير من صجج اخاف ماخذ تركي ولا لبناني يغسل البيبي ولا يساعد ماتلقين كويتي سويها الا كويتي مهجن لوووول

 

[دلوعة ماماتي 88]

السلام عليكم ورحمة الله وبركاته



شلونكم امهات .. شخباركم !!

الحمدلله ع السلامه ورد ورد ومبروووگ ماجبتي


اسفه قطعت عنكم بس كله من المنتدى غثيييث كل ماكتبت تعليق ينمسح مادري ليش !!!



اليوم كملت شهر من ولادتي بلشت من امس تحاميل البيتادين سالت الدكتوره عنهم قبل وامدحتهم لي فـ اخذتهم ~>>> صارلي اسبوع اعاني من الافرازات عزكم الله وحدي متضايقه

امي تقول عادي التحاميل بتنظفچ زياده والله كرييم



العنايه موذاگ الزود بس كل ماتسبحت استعمل ~>> سنفرة الخوخ + سنفرة كاب + ملح الحليب اخلطهم مع بعض


واذا خلصت احط زبدة الكاكاو



ودي اسوي حمام مغربي بس مادري متى !!!




ودي اسووولف واسوولف فيني طاقة قرقره ههههههههههه

 

[دلوعة ماماتي 88]

ههههههههه حلوه حمره



غدوور


باچر ان شاءالله لمن تروحين بيتچ ويشوفه قدامه كل شي بيتغير ان شاءالله

 

[fofowa_q8]

لا غدير باجر يتعلق فيه مالج شغل وبالنسبة حق

انه يسبح معاج البيبي لاتحطين آمال وايد

مايسوونها رياييلنا بس مو معناته ان مايحبه

او مايبي يتحمل مسؤوليته لا


اهلين دلوعه شلونج فقدناج

انا امس كملت شهر الحمدلله وباجر آخر اختبار

فاينل مادرست عدل ادعوووولي هذي اخر مادة

 

[ghadeerq8]

هههههه حدي متاثره بل اجانب الظاهر و ماثره علي المسلسلات التركيه صاير فيني نقص حب و حنان حدي افشل

 

[همي رضى خالقي]

غدير كل ريال وبيئته وتفكيره لا تقارنين

فوفو شدي حيلج سهالات ان شاء الله يوفقج

بالنسبه حق الحمام. المغربي انا كنت اتفرك بالليفه المغربيه عقب اسبوع من ولادتي

وبسوي مغربي مرتين قبل طلعتي باسبوع وقبل لا اروح بيتي بيومين

 

[دلوعة ماماتي 88]

هلا فوفو

بخيير الله يسلمچ


بالتوفيييق ان شاءالله

 

[ghadeerq8]

هههههه حدي متاثره بل اجانب الظاهر و ماثره علي المسلسلات التركيه صاير فيني نقص حب و حنان حدي افشل