تجمع مواليد ( مارس & ابريل ) 2014 الله يحفظهم

[ghadeerq8]

في سالفه كل ما اذكرها او افكر فيها اقعد ابجي و قلبي يعورني <<<<< التطهير ): ياربي اموت كل ماتخيل احمداني الحين عمره ٤٣ يوم تقريبا و وزنه ٢،٩٠٠ حده نتففففففه الدكتور قال طهرو بعد شهر وزنه الحين مايتحمل طهاره مانمت يومين و انا بس ابجي شلون ياربي بيتحمل العوار اهو مغص و يصير ازرق و بدون نفس و يتالم يعور قلبي شلون لو طهرو يارب ترحمه برحمتك يا ارحم الراحمين والله خايفه عليه وايد

 

[ghadeerq8]

فوفو الله يوفقج يارب

 

[fofowa_q8]

صباح الخير

توني طالعه من آخر امتحان وآخر مادة لي ان شاء الله

الحمدلله يارب

 

[مآيكبرني نك]

صبآح الؤرد

الحمدلله فؤفؤ عدت ع خير

وربي يسهل عليج ^.^

 

[fofowa_q8]

اجمعين يارب ام منوعي

الحمدلله ربي سهلها

ابي فترة راحة واستجمام ونقاهه هالسنه وايد

تعبت حمل وولادة ونفاس ودراسة وامتحانات

ومسؤولية فوق راسي بروحي ابي ارتااااح بالصيف

 

[مآيكبرني نك]

بنآت امهآت خبيرآت

اليؤم لي 21 يؤم وآلده

والدم الله يعزكم ايي يؤم وينقطع يؤمين ثلآث وبكميه قليله جدآ ..

هل آستمر ع التدفي وآكل النفاس ولا خلآص ؟

 

[عروسة فوشيآ]

انا والده صار لي 11 يوم
ياربي متى تمر هالايام واطلع من ال40


طبعا النفاس مافي نوم وتعب
الله ياجرنا يارب


مايكبرني نك اي لازم تهتمين عشان مايروح شغلج ع الفاضي
حتي اخت النفاس اذا جتج اخر الاربعين تنفسي عدل

 

[fofowa_q8]

مايكبرني اي اكيد تستمرين لين تكملين ٤٠ يوم

وهم اذا يت لج اخت النفاس(دورة الاربعين)

تتنفسين عدل نفس اول ايام النفاس تتدفين

وتردين تاخذين الحسو واللهوم والاشياء الدافية

 

[Q8_QT]

شلوكم بنات شخباركم وشعلومكم



امس دشيت المنتدى وبشارك بس بنتي الحلوة ابت علي المشاركة وقالتلي جابليني يما ولا تهديني :eh_s(4):
اسم الله عليهم مايبونج تتنفسين كله مجابلتهم


يالله اشوف اللي طافني

 

[Q8_QT]

ورد



الحمدالله عالسلامة ومبروك ماياج تتربى بعزكم ان شاءالله




مايكبرني




يا حلو سوالفج ماعليه نلهى ساعات الويك اند زوارة ومايمدي وامس طلعت ورعاني يلعبون ويغيرون جو لهيت وياهم ويوم ييت ادخل بنتي قامت تصيح ماخلتني بس ولا يهمج احاول كل يوم اطل عليكم كلش ولا تزعل يا جميل




فوفو



مبروك خلصتي امتحاناتج وان شاءالله تفرحين بالنتيجة وصاجة يبيلج استجمام عقب لوية هالامتحانات والتعب يعطيج العافية
امس رحت معرض النوادي الصيفية والله شفت جم نادي اعجبوني ونويت ادخل ولدي بس يبيله اقعد على روائة واتمقل في البروشرات عدل واختار انتي جم عمر بنتج ؟




حمرة




الجنطة خطييييييرة وصاجة سعرها يعور القلب بس الغالي للغالي وتعالي منو اللي باط جبدج ومضايقج كلللش مافيني فضول ههههههههههه




خوخة


مبروك طاحت سرة بنتج والصياح كلنا بالهوا سوا عطيها دوا حق الغازات وسدحيها على بطنها سدحة البطن تريح عن الغازات




حبيبة



مايشوف شر ولدج وانا بعد حبيتكم وعدكم مثل خواتي وجان زين نتلاقى بيوم احنا وعيالنا
وع القصة وايد حلوة بس اللون هذا احسه موزود في احلى



ليالي


انا لما ولدي يحوشه امساك كنت اعطيه ماي تمر ينفع معاه ولا ماي وشكر وسويله مساج حق معدته ورفعي ريوله هالشغلات تساعد ان شاءالله والدكتور قالي اذا البيبي مايخرج كل يوم عادي ترى متى نقول فيه امساك اذا ماخرج اكثر من 3 ايام اهني معناته انه فيه امساك





مون



شلونج شخبارج قطرة غاز مااحسها تنفع ترى فيه وايد انواع غيريها احسن
وعن الاهتمام انا نفسج هالمرة اهتميت بجسمي وشعري اكثر من اللبس وسويت مساج كذا مرة وبسوي حمام مغربي بس ابي مكان حلو ويحطون كذا خلطة في بالي مكان بس بعد ابي غيره اذا تعرفين مكان حلو ولا اي وحدة من البنات جربت مكان حلو ياليت تقولون لنا وين




غدور ولما ضاقت



طالعين من الشر ان شاءالله

لما حاولي مع ريلج يعطيج والله يهديه ان شاءالله
غدور والله ارتاحي جم يوم في بين اهلج وغيري جو وياهم باجر لي رديتي شقتج راح تتعبين بروحج لاحقة عالتعب عالاقل اهلج الحين يساعدونج

 

[Q8_QT]

صج بنات اللي مخففة واللي بلشت رجيم

قولونا شنو نظامكم عطونا افكار انا لي الحين مو قادرة انظم يومي مع لوية المدارس والسهر ويا بنتي صاير نظامي وجبتين بس لان اقوم متأخر عال12 وعلى مااغسل واصلي اروح اييب ولدي من المدرسة وبعدين اتريق مااحب افج ريجي بشي ثقيل والغدا يصير غدا وعشا

 

[ليالي العاشقينه]

بنات ولدي يكح وضاااق خلقي

شسوووي

 

[ليالي العاشقينه]

اخ التربيه صعبه

 

[fofowa_q8]

الله يبارك فيج حبيبتي كيوت وامين يارب

انا قبل امس رحت المعرض خذيت لفه عالسريع نص ساعه وطلعت

المشكلة اغلبه حق كبار وبنتي عمرها ٣ ونص

لقيت بس جم نادي وجم حضانه يناسبونها

طبعا انا ابي حق فترة الصيف وفي حضانات

الصبح بالصيف عندهم دورات بس صعبه الصبح

من الساعة ٨ خصوصا ان ياينا رمضان

انتي جم اعمار عيالج وشنو اللي عجبج من نوادي

 

[fofowa_q8]

ليالي مايشوف شر وليدج

كحة بهالعمر مااقدر افيدج والله

لازم تودينه الطبيب وطمنينا عليه

 

[fofowa_q8]

فاقده مناوي صايره ماتدخل وايد

كيوت انا صايره نفسج بالاكل ماكو نوم بالليل

واقعد متاخر عالظهر واتريق واتغدا عقب المغرب اهو غدا

واهو عشا وآكل وجبات خفيفه بينهم فاكهه

او تمر وحليب او شوفان مع حليب يعني شي

صحي وعشان لا يقل حليبي

 

[MOOON&M]

شلونكم بنات

فوفو عسى الله يوفقج ان شاءالله وتخلصين رسالتج

كيوت

انا شعري قبل كنت احط ماسكات وخلطات انا اسويها بس الحين كلش ما افضى

خدامتي كبيره عمرها 43 على قولتها وبارده ما تخلص شغل البيت بسرعه مع اني انا الي اغسل الملابس للانها ما تعرف للغساله الاوتوماتك

وجبت لي خدامه بارت تايم علشان تخلص الشغل وتنظف من امس لي الحين ما خلصت >>قلت قصة حياتي هههههههه

المهم

سويت اشتراك للشعر 4 جلسات ب 20 وتجيني لي البيت اريح والله

واذا لي خلق بعدين اعتنيت بشعري بالبيت

وبعد سويت اشتراك بشره عندها

وان شاءالله هالاسبوع ببلش مغربي بسوي بعد اشتراك كل اسبوع حمام مغربي

 

[MOOON&M]

كيوت

اشتراك البشره سويته ب 32 اربع جلسات

والمغربي اتوقع ب40 بعد 4 جلسات


واذا الكسل ماراح مني بجدد اشتراكي لشعري شهر وترك

للان عقب ولادتي ببجري طاح شعري بالهبل

ما ابي المأساه تنعاد مره ثانيه





بنات شخباركم

شنو اخر التطورات معاكم


انا بنتي ما تخليني انام :eh_s(2):

ودي انام بعمق

ودايم تبجي من الغازات :eh_s(2):

 

[MOOON&M]

فوفو

بخصوص ادويه النفاس صارلي 4 ايام ما اخذها انساها

 

[Q8_QT]

هلا فوفو


ولدي الكبير بيكمل 8 سنين والثاني عمره سنة و3 شهور انا بدخل الكبير عجبني نادي مدته اسبوعين يركز على ابداعات ومواهب الطفل يعلمونهم الثقة بالنفس - اعادة تدوير - التاجر الصغير - اسعافات اولية - رحلات خارجية وشغلات ثانية وياخذون اعمار من 5-14 سنة

هذا صراحة وايد حبيته وفي ثاني بعد غريب عن تركيب المكعبات الليقو مكانهم بكيفان بس المشكلة الاثنين نفس الفترة محتارة بينهم

وهم عجبني ليتل جيم اللي بالجابرية وفيه مرونة تقدرين تشركينة باليوم او الاسبوع ولا شهر عادي وياخذون عمر بنتج بعد