تجمع مواليد ( مارس & ابريل ) 2014 الله يحفظهم

[Q8_QT]

فوفو




ئي سمارت ستيبس حسيت برنامجهم حلو وبشرك ولدي العود وياهم ان شاءالله ابي يتعلم شي غير ويجرب اشياء يديدة حبيت انه عندهم اسعافات اولية ويعلمونهم عن الفلوس وشلون يتصرفون فيها ووايد اشياء




لما ضاقت




الحين القيصرية ممكن تييب 6 على حسب ماسمعت وتقدر تسأل دكتور او دكتورة يفيدونها اكثر والولادة القيصرية بعد 6 شهور عادي تحمل وفيه يحملون قبل بس الافضل بعد 6 شهور




خوخة



حبيبتي والله والله يعينج الدراسة مع الياهل صعبة بس باجر لي خلصتي وتخرجتي بتحسين بالفخر وانج سويتي انجاز حلو بحياتج ماعليه فترة وتعدي شدي حيلج

 

[fofowa_q8]

كيوت انا قالت لي الدكتورة اذا تبين تولدين

طبيعي نطري سنتين عالاقل بعدين حملي

مادري عاد كلامها صج ولا تألف ماقمت اثق فيها

 

[خوخه89]

همي فوفو وكويت انا ماقدر اخليها عند امي هي بروحها وراها دوام ماعرف شسوي وطول اليوم نايمه بس تستاق فليل اتم سهرانه لين ٢ عقب تنام

انا بعد ابي انام ههههههه

الحمدلله على كل حال هاي ضريبه الامومه

الحمل اونس ياجماعه خخخخ

 

[ghadeerq8]

في سالفه كل ما اذكرها او افكر فيها اقعد ابجي و قلبي يعورني <<<<< التطهير ): ياربي اموت كل ماتخيل احمداني الحين عمره 43 يوم تقريبا و وزنه 2،900 حده نتففففففه الدكتور قال طهرو بعد شهر وزنه الحين مايتحمل طهاره مانمت يومين و انا بس ابجي شلون ياربي بيتحمل العوار اهو مغص و يصير ازرق و بدون نفس و يتالم يعور قلبي شلون لو طهرو يارب ترحمه برحمتك يا ارحم الراحمين والله خايفه عليه وايد

 

[غالية زمانها]

ااااشلونكم يامهات اشتقت لكم ووووالله
طلعت من المستشفى بعد ماقضيت شهر بالمستشفى
الحمدلله على كل حال يارررب
ودي افضفض لكم واقول لكم بس مابي اضايقكم
بخليها على الله ... دعواتكم لي عندي بعد اسبوع
موعد بالطبيب حق المسالك البوليه وووالله يسسسهل ياررب

 

[حمرة الورد]

كيوت انا قالت لي الدكتورة اذا تبين تولدين

طبيعي نطري سنتين عالاقل بعدين حملي

مادري عاد كلامها صج ولا تألف ماقمت اثق فيها

كلامها صحيح اميه بالاميه اقل من جذي ماتولدين طبيعي احتمال كبير دربالج ها الولاده الطبيعيه افضل من الطبيعي اذا كان في خيارات



لما القيصري على حسب الالتصاقات لما تولد الدكتور يقولها اذا تحمل ولا لا بنت خالي تسعه قيصريات ماشاء الله لا تحاتي بس اهم شي ترتاح ماتحمل على طول

الي يسال عن غاليه موجوده بتجمع مايو شفتها

 

[حمرة الورد]

همي فوفو وكويت انا ماقدر اخليها عند امي هي بروحها وراها دوام ماعرف شسوي وطول اليوم نايمه بس تستاق فليل اتم سهرانه لين 2 عقب تنام

انا بعد ابي انام ههههههه

الحمدلله على كل حال هاي ضريبه الامومه

الحمل اونس ياجماعه خخخخ

اهلين حبيبتي شلونج ضحكتيني اي والله الحمل اسهل الله يعينج

 

[حمرة الورد]

بنات تقولون عيالكم مع الخدم شتسوون بعد الله يعينكم انا زوجي وعيالي ماسكين ولدي الله يعينكم بعد لاتحملون انفسكم فوق طاقتها لو عندكم عيال كبار ولا احد يشوفهم زين وفتره بتعدي

حدي مشتاقه لحر وغبار الكويت فديتها

 

[ghadeerq8]

غاليه حمدلله على سلامتج

 

[ward-ward]

مرحبا بنات كل مااكتب قصة ولادتي يمسح ويعلق معاي الحمدالله ولدت بمستشفي العرف عند مارينا وبطلق صناعي وحسيت مع الكمام والمسكن بالفحص والبوش. ولدت طبيعي يالله لك الحمد الصراحة عوار الولادة تعب والطلق يذبح والحمداالله وجبت بنوتة سميناها فطومة واليوم رابع يوم ورجولي مادري شفيها متنفخة وفخوذي تعورني والخياط يذبح

 

[ward-ward]

دزتة قلت اكيد بيعلق وماترووح وعناية مستشفي العرف حلوة ودكاترتهم حلوين احسن من مستشفي الهادي ولدت مرتين مو شي الولادة عندهم والعرف اول مرة اجربة وعنايتهم حلوة واي دكتور تبينة تطلبينة انا ماكنت مراجعة عندهم بس طلبت مارينا بحزة الولادة وقالو خلاص وجتني ولدتني والحمدالله والشكر

 

[همي رضى خالقي]

غاليه و ورد الحمدلله على سلامتكم

 

[fofowa_q8]

غاليه الحمدلله على سلامتج والله نحاتيج ونسأل عنج

اهم شي طلعتي بالسلامة الحمدلله

بس طمنينا عليج عاد


حمره انا اصلا ناويه ان شاالله بعد سنتين

او ٣ او يمكن اكثر واحمل مادري عن الظروف

ودي اكمل دراستي اقدر ولا لا مع اليهال مسؤولية

ياخذون الوقت كله والصراحة اهم شي عندي

عيالي مابي اقصر بحقهم عشان الدراسة

 

[fofowa_q8]

الحمدلله على سلامتج ورد وايد اسمع يمدحون العرف

بس مشكلته درب بعيييييد

الله يخليج لج فطومه ويرزقج برها

 

[غالية زمانها]

الله يسسسلمكم حبيباتي
انا عن نفسي موقفه قيدي قبل الولاده
وحتى صيفي ماراح اخذ احس اني مقصره مع اعيالي
ومنها ابي اريح تفسي

 

[Q8_QT]

فوفو



كلام الدكتورة صح اذا تبين الولادة الطبيعية هم اختي قايليلها جذيه في بجرها قيصري قالولها بعد سنتين عالاقل عشان تولدين طبيعي والحمدالله حملت بعد سنتين الله يسهل عليها ولادتها



ورد



الحمدالله عالسلامة والله يخليلج فطومة ويجعلها من الذرية الصالحة يارب


غالية


ألف حمدالله على سلامتج غطيتي كنا نحاتيج طمنينا عنج

 

[fofowa_q8]

مساء الخير

كيوت الله يقوم اختج بالسلامة ويفرحها بضناها

 

[مآيكبرني نك]

مسآء الؤرد

شحآلكم ؟


♡ :*

 

[حمرة الورد]

اهلين مايكبرني شلونج

 

[fofowa_q8]

الحمدلله بخير شلونج وشلون الشيخ مانع؟

عليج غياب يومين مايكبرني