تجمع مواليد ( مارس & ابريل ) 2014 الله يحفظهم

[مآيكبرني نك]

هلآ حمرة وفؤفؤ

انا بخير الحمدلله

ومآنع تعبان فديت خشمه مزجم ويكح

وصؤته مبحوح يضحك يؤم يصيح

اتوقع طفتو شهر ع الولآده شؤ سؤيتوآ ياعرآيس ^.^

 

[fofowa_q8]

حياتي مايشوف شر ان شاالله انا بعد عبودي اليوم

خشمه مسكر مادري ليش

انا صارلي ٣٥ يوم ان شاالله ٥ ايام واخلص النفاس

بس مستغربه لي الحين مانظفت مادري شي طبيعي

ولا لا؟! وهم ما يتني اخت النفاس

اليوم ان شاالله ببدي بتحاميل البيتادين يمكن انظف

 

[حمرة الورد]

مايشوف شر حتى علاوي تعبني مع اللوعه تقول الدكتوره فيه حموضه بمعتده مسكين توقعت في شي

انا باجر موعدي واطلع الاربعين وللحيني جلحه لوووول مالي خلق حق شي وبطلع السوق باجر اوف مانخلص والله

فوفو هم انا مانظفت غريبه احسها دوره بس خفيفه يمكن من الي حطيتها بايدي المانع ما دري انا دايما اخذ حبوب من 35 يوم فا انظف على طول

 

[مآيكبرني نك]

الشر مآييج فديتهم يعؤرؤن القلب

صدق غريبه انا نفسج بعد لي 23 يؤم وﻻنظفت

والله متحرقصه ابآ اسؤي ليزر وحمام مغربي ﻻتجوفون سؤاد البطن :/

وياليتها دوره صدق كله خرابيط يؤمين تختفي وترد يؤم ع شكل ماي وردي
الله يعزج

وﻻ ادري شسؤي :|

وغيررر الكرشه وع تلؤع الجبد ربطت حزام يؤمين وماحسيت منه فآيدة

بتريا عقب ال40 اسؤي رياضه وآلبس الشؤرت الحراري

افضفض اكثر والؤع جبؤدكم ؟

 

[عروسة فوشيآ]

بنات شنو تستخدمون حبوب مانع


انا الدكتوره مدحت لي سلست تقول اخف من غيرها وواحسن ??


وابي أسالكم شالحل مع البيبي الصياح
مافي شي بس يصيح يبي الشيل ??

 

[حمرة الورد]

وي مايكبرني خليها على الله انا اصلا ماطالع نفسي بالمنظره جني عجوز والله هههههههه والكرش بتروح لاتحاتين

عروس اكيد مغص عطيه ادويه الغازات وخليج عنده ونوميه على بطنه بتشوفينه ينام عدل بس لازم احد يتابعه عشان مايختنق اسم الله عليه ومساج سوي شنو حليبه اهو ومايشوف شر

 

[لما ضاقت]

مساء الخير اشلونكم يا حلوين

 

[حمرة الورد]

اهلين لمو الحمدلله بخير انتي شلونج والبنوته

 

[لما ضاقت]

انا بعد الكرش مضيقة خلقي لا و اللون حدث و لا حرج جسمي صاير زيبرا فيكم وحدة اسمعت عن حبوب التبييض صج توحد اللون و بكم و شلون تستخدم و يصير مع الرضاعة اللي عندها خبرة تفيدنا

 

[لما ضاقت]

تمام الحمد الله بس ويها في حبوب مع ان رضاعتها طبيعي. و مع زوجي ماشية بمبدا التطنيش مابي احرق دمي معاه اكثر من جذي الصحة ما عاد تستحمل هههههه

 

[لما ضاقت]

بنات بستشيركم بشي انا ضعيفة بس جسمي عريض خاصة كتوفي وريلي دايما يعلق على شكل جسمي يقولي كانك لاعب مو مثل بنات هاليومين اشكالهم صغار بصراحة انا ما اشوف جسمي مو زين صح بنات الحيل مالهم جتوف تحسين اجسامهم ضئيلة. بس اعتقد هالشي ما يتعدل بالرياضة عدل

 

[حمرة الورد]

تمام الحمد الله بس ويها في حبوب مع ان رضاعتها طبيعي. و مع زوجي ماشية بمبدا التطنيش مابي احرق دمي معاه اكثر من جذي الصحة ما عاد تستحمل هههههه

زين تسوين اذا ماكو فايده خلاص مالج الا الدعاء

 

[حبيبة عز]

شلونكم بنات

وحشتوني

ادش اقرا سوالفكم

بس المزاج مو رايق

ريلي عنده شوية ظروف مضيقة خلقنا

الموووهيم

ولدي صار زين .. حطيتله الدوا بعصير وشربه ومالاحظ

وعايشه الحمدلله بخير

وولدي الثاني غثيث خخخ كله يتعبث

وانا حطيت موعد اسنان باجر الصبح

بعيادة بيان بالبيرق عند د حنين بوخضور

وودي انام بس كتاكيتي قاعدين ومزعجين

ووقف الدم عزكم الله بس مانظفت

البس كير فري بس في ماي بيج

بعيالي اللي قبل

نزل دم بعدين نظفت بعدين اخت نفاس

مانزل افراز بيج ومستغربه

حمرة ومايكبرني

انا بعد بفضفض

مادري شفيني مو قاعدة اضعف

خاصه بالخصر والكرش مأساااة

المنظر يلوع الجبد

حتى ادوية النفاس صرت مو ملتزمة فيهم

 

[fofowa_q8]

حبيبه نفس الحاله ابي اناااام وعبادي مومخليني

كل شوي يبجي موراضي ينام

المشكلة ان موعد تطهيره الصبح بعد ٤ ساعات

شكلي بروح مواصله

 

[Q8_QT]

هلا بنات


فوفو


تسلمين عالدعوة الحلوة حبيبتي طمنينا عن عبادين بعد النطهير



لما ضاقت


ئي الجتوف العريضة مانروح بالرياضة لان هذا عظم مابضعف



حبيبة


الحمدالله على سلامة ولدج وبنتج
والضعف حالي من حالكم مع انه اختي اليوم تقولي ضعفانة بس مااحس اني ضعفانة حيل وراي عرس الاسبوع الياي الله يستر
ودي اروح اشتري ميزان واوقف عليه اشوف وخايفة انصدم من الرقم

 

[fofowa_q8]

والله كيوت الحمدلله طهرناه اليوم بس يعور القلب

ولي الحين كل ماتحرك يبجي ان شاالله باجر

يصير احسن حبيبي بس صرت بطله اليوم

ومسكت نفسي ومابجيت لوووول

ولا انا على طريف حتى لما كنت اطعم بنتي ابجي

احس صرت قويه شويه

 

[حبيبة عز]

فوفو

مبروك المعرس والحمدلله على سلامته

----

كيوت

انا ميزاني مخلصة بطاريته وريلي معاند فيني

مايبي يحطلي بدالها لان يقول انتي مينونه

توزنين 5 مرات باليوم هههه


عاد تصدقون بنات

انا احس ان تحوشني كآبة بالاربعين

لاني اقطع السويت 100%

والسويت له علاقة بهرمون السعادة



اليوم سويت تنظيف أسناني

وشريت جل حق القوالب المنزليه

عشان أبلش تبييض

----

بنات وناسه

بلشت أحب بنتي خخخخ

أقصد كبرت شوي وتبطل عيونها

وتطالعني وتلعب

باجي 4 أيام وأكمل شهر ان شاءالله

وبيخلص ال40 الغثيث

والله يستر عيالي 3 صغار

حلو تنظيم العايله وبين كل طفل سنتين او 3

بس أنا تأخرت على ماحملت

وقربت من ال30

وانا مقررة بعد ال35 مابي احمل

عشان اجابل نفسي وعيالي وريلي

يعني ادري انه غلط .. بس اعذر نفسي شوي

وانتوا شرايكم؟ شكثر تفضلون يكون في مدة بين

البيبي والبيبي اللي بعده

 

[fofowa_q8]

الله يسلمج حبيبه

انا افضل بين كل بيبي والثاني نفس ماقلتي

سنتين سنتين ونص بس الواحد مايدري شنو

ظروفه واللي الله كاتبه له..

بنات تحسون جم عدد الاطفال المناسب هالايام

شكثر ناوين ان شاالله؟

 

[fofowa_q8]

بنات نصيحة طهرو عيالكم مبجر كل ماكانو صغار احسن

اليوم اللي شفتهم يطهرون عيالهم مبين صغااار

توهم بالايام اعمارهم ماشاالله تبارك الرحمن مابجو

وايد دقيقه وسكتو و عبود ياحياتي ظل يمكن

نص ساعه يبجي ونام شويه وقعد هم يبجي

عور قلبي بس انا مارضو يطهرونه بالمستشفى

اول ماولدت كان تعبان قالولي لازم يكمل شهر

 

[حمرة الورد]

فوفو مبروك طهور عبادي فديته الحمدلله خلص لا تحاتين خلاص هم وانزاح فعلا واهو صغير احسن بس على حسب حالته الصحيه

حبيبيه اهلين زين مبروك حبيتي عواشه هههههه الله يخليها لج

انا اعتقد خلاص كافي ولو اني ودي ببنوته بس صحتي اهم وزوجي رافض يقول كافي اللي عندنا والحمدلله اما عن جم سنه انا اشوفها على تحمل الام وضروفها العمر وجذي وانا افضل ثلاث او اربع سنين