تجمع مواليد ( مارس & ابريل ) 2014 الله يحفظهم

[baa6aa]

فوفو الحمدلله الله يطمن قلبج يارب صج من امس بالي معاج والحمدلله خوش خبر ان كل شي طبيعي
الله يحفظهم يارب و تفرحين فيهم معاريس

مناوي انا جذي بعد اللي عندي من اسدحها على بطنها جني طاقتها هههه

 

[fofowa_q8]

الشر مااييج مناوي شلونج؟

اي والله بطه الف الحمدلله

وبالنسبة حق نومة البطن هم عبود نفس الشي

طفارته تحطينه على بطنه مايحب يقعد يبجي

ولي الحين يقلب بس يلف وينام على جنب عادي

 

[fofowa_q8]

حمره سالت الدكتور عن الوزن قالي مدام اهو

قاعد يزيد وزنه يعنب ماينقص ولا يظل ثابت

ويرضع عدل ومافيه تكرمين اسهال مستمر

عبود شكله نفس علاوي اسم الله عليه طويل

قالي امس الدكتور ولدج طويل وصماخ وخدود فدييييته

 

[حمرة الورد]

هههههههه فوفو حلاتهم اي وديته نفس الكلام منو دكتوره ادور دكتور زين والحمدلله ع سلامته الحمدلله قلت لج وراثه لوووول فديته الدكتور عبودي

مناوئ أهلين شلونج خليه يبجي عادي بين فتره وفتره حطيه لازم يقلب بس يختلف طبعا من طفل لطفل بس لازم يتعلم وهم تقوي عضلات الرجل حق الحبي

 

[baa6aa]

انا مع حمرة يختلف من ياهل لي ياهل
بس مايمنع انج مثلا تحطين له شي يلفت انتباهه و بعدين تثبتيه على جنب عشان يحاول يدور لي صوب هالشي
منها انج تلاعبين ولدج ونفس الوقت تعلمينه

 

[fofowa_q8]

الله يسلمج حمره حياتي

انا اوديه عند دكتورين فهد المخيزيم وخالد السعيد

واثنيناتهم ممتازين بس احس كل واحد زين حق شي

دكتور خالد ممتاز حق الحساسية بانواعها واهو الوحيد

اللي عالج بنتي عرف شنو سبب حساسيتها واهو قالي

عن راس عبود

وفهد يفحص البيبي فحص دقيق حيل ويقولج اشياء

ماتطري على بالج وقالي ان بنتي فيها ثقب بالقلب

بس حط السماعة على صدرها

 

[لما ضاقت]

وي بطة ديري بالك على نفسك و طنشيهم الزم ما عليك سلامتك و صحتك. حسبي الله و نعم الوكيل تاليها نمشي نحلكي روحها الله يعين. فوفو الف سلامه عليه هالنتفة خرعنا قرصيلي اياه من اذنه فديته

 

[حمرة الورد]

اي انا بوديه يفحصه وعبودي فيه حساسيه بعد حرام يكسر الخاطر المشكله كلش مو فاضيه الصبح مافي مجال والعصر تدريس وهم ماخلصت شغل العيد وأي وامس الحمدلله سويت اول سن ابي نُون سويت سنون ههههههه

بنات بليز ابي اكاونتات حق العيد ابي بدله خيشه اي شي حطو ماعليكم امر

 

[fofowa_q8]

ههههههه لما ان شاالله

الحمدلله ياربي اكبر نعمة ان نشوف عيالنا بصحة

لاتحرون عمركم يابنات عيشو حياتكم حق نفسكم

الواحد جم مرة بيعيش وبيظل يحاتي ويحر نفسه

وينقهر ويلقى السنين مرت ولا عاشاها.. طنشو

كل شي مو مهم بس لاتتنازلون عن حقوقكم

وربكم قادر على كل ظالم صدقوني بيشوفون

اللي يسوونه بنفسهم بيوم من الايام واذا مو بالدنيا

بالآخرة.. محد بينفعكم باجر اذا الله لايقول صار فيكم شي

و اهم شي انكم بصحة وعافية الحمدلله

وحوالينكم عيالكم بصحتهم.. مادري ليش حسيت نفسي

ماماعوده وانا اتكلم ههههههه

 

[لما ضاقت]

هههههههه حلاتها ماما عود

 

[لما ضاقت]

على طاري الاسنان خلصت المضاد و كان المفروض اشلع السن السبت اللي طاف بس ريلي سحب علي كالعادة و يقول يمكن السبت الياي ياخذني بس الله يستر لا يرد علي الالتهاب و الله كريم

 

[fofowa_q8]

سلامتج لما حبيبتي ان شاالله يوديج

انا مارحت كل يوم اقول باجر بروح ويطلع لي شي

ريلي بيرجع بعد ١٠ ايام ولا شريت شي ولاتزهبت

لهيت مع الجامعة واليهال اسم الله عليهم مع هالحساسية

بسوي ليزر واسوي حمام مغربي وبقص شعري واسوي البروتين

وبعالج اسناني وبروح السوق وهم ورانا عيد ماشريت

ولا شي حقي نفس حالتج حمره اذا لقيتي شي حلو قولي لي

 

[حمرة الورد]

هههه فوفو كل هذا وين تخلصينه انا العيال خلصتهم بس عبودي مالقيت شي يليق بمقامه هههه وعندي استقبال ورى العيد اهم من العيد لان عيد الحجاج ابي شي بسيط والاستقبال ابيه شغل عدل والسعر عادي بس اخلص

 

[fofowa_q8]

فديت عبودي اللي مولاقية له شي :*

حمره روحي الافنيوز صوب محلات اليهال

اللي عقب القراند افنيو فوق في كل لحظة وجم محل

بنات ودي اغير ممية عبود انا استعمل له د. براون

شرايكم بمميات افنت ؟

 

[حمرة الورد]

انا رحت اهناك فوفو ماعجبني شي وأكثره شتوي قطيعه

انا قطعتها د براون من زمان واستخدم افنت مرتاح عليها الحمدلله وبيجون بعد

 

[قرة عيونه]

باااااك

اشتقتكم كتييير وسوري ع القطااعه بس حدي كنت لاهيه

ماتوقعت ان التجمع بيكون متفاعل لي الحين بس كلمتني اليوم بطه وقلت ادخل اسلم عليكم

شلونكم وشلون بيبياتكم

انا زوزي حَبٻبـــۍ مريض فيه احتقان ونشله وكحه وحراره ����

وع طاري العيد للحين ماسوينا شي لا انا ولا زوز حدنا باردين ��

 

[fofowa_q8]

اي شريت توني افنت بجربها معاه صاير مايبي المميه

كلش صارله شهر من صار مريض مايشرب وتلوع

جبده منها قلت اغير المميه والحلمة يمكن يحبها

وقالولي حلمة افنت نفس شكل حلمة الام فبجربها معاه

بس والله غاليه بالكويت ب٤ وشي انا شايفتها بامريكا

اذكر الوحدة مو اكثر من دينارين

 

[fofowa_q8]

قرة مايشوف شر وليدج

اغلب اليهال الحين مرضا من الجو الله يعينهم

 

[حمرة الورد]

قره أهلين حبيبتي ومايشوف شر جو الكويت استغفرالله كله أمراض بامريكا موت ثلج ومانمرض ههههههه

فوفو عبادي يكسر الخاطر حبيبي والله انا علاوي اسنانه حيل حيل شابين عليه وأهو ضعيف والأسنان راح تضعفه اكثر الله يستر ص
صاجه نفس حلمه الام جربيها وعسا ربي يشافيه الله يعينج

 

[fofowa_q8]

حبيبي علاوي الله يعينه ترا التسنين مو هين

يدتي تقول ان الياهل لما يسنن يقول: ( لو تدري امي بضريساتي

جان زهبت چفيناتي) الچفن=الكفن .. اسم الله على عيالنا يعني من الالم

الياهل جنه الموت اسم الله عليهم الله يحفظهم

انا عبادي لي الحين ماطلعو عدل مااشوفهم بس لما

اجيس اللثة منتفخه وحمره ومكان الاسنان ابيض

والانياب فيهم نقطة دم ومدببه اللثه شكلهم يعور القلب