تجمع مواليد ( مارس & ابريل ) 2014 الله يحفظهم

[لما ضاقت]

كيف الحال امس بديت استخدم معجون كرست و لصقات كرست للتبييض اللي نوعهم منو مجرب اهم امس اول يوم و حسين بفرق خفيف 3d whitestrips

 

[لما ضاقت]

نسيت اقولكم بعد الدايت و التمارين و طلعة الروح نقصت بس كيلو و نص صراحة حاشني احباط و اليوم بديت نط الحبل يقولون يخفف الوزن وايد

 

[لما ضاقت]

ما يكبرني كيف الحال و الله لك وحشة و عسى ماشر ليش متضايقة يا عمري و شلون منوعي

 

[لما ضاقت]

بنات حمرة وينها من زمان ما دخلت عاد كانت دائماً تتواجد عسى المانع خير

 

[lawyara]

هلا بنات شلونكم وشخباركم
الف مبرووك فوفو الله يتمم عليج حبيبتي ..
انا حايسه مع بنتي وماخذه كل وقتي ، ركبت لولب وناويه اشيله شهر 9 الياي

 

[مآيكبرني نك]

لما ضآقت برافو عليج استمري بهالاهتمام الله يصلح لج زوجج ويسخره يآرب ،

يآختي من بعد ولادتي وانا ع هالحآل مب مترقعه الحمدلله ع كل حآل

منوع بخير اترياه يطلع له سن لو جبر خاطر :/ شكله مطول

وآمممم مستويه يدوه اهملت نفسي وآيد بس جاري التغيير

انتي شحالج وشحآل اليهآل وبنوتتنآ الحلوة

 

[مآيكبرني نك]

واي توني انتبه ع ردي بلآني مستويه جي سلبيه لوول

ماعليه ضريبة الآمومة

 

[دلوعة ماماتي 88]

صباح الورد بناات

شلوونكم .. شخبااركم .. شعلوومكم !!


قبل فتره نزل اسمي بالديوان والحمدلله صارلي چم يوم موظفه واداوم .. قعدت الصبح مرات تكون حلووه ومرات ودي اقدم استقالتي خخخخخ


بنتي اسم الله عليها صايره عووبه ماتبي تقعد بشقتنا تبي كله تطلع تشوف الجهال والناس ماتبي الحكره داايم بچي لين تطلع


صايره بالنهار ماتبي الحليب تبي تاكل اعطيها انوااع السريلاگ وتفاح وعيش ابيض مع روب وامي تسوي لها منقوع التمر افكر اعطيها موز وللحين جاري التفكير خخخخخ


الدكتوره قالت عطيها صفار بيضه اهرسه مع حليب وللحين مادري شنطر !!!




امممممم مادري شنوو بعد نسيت خخخ كنت كاتبه كلام شكثر وطاااار بالهوااا شااشي



اهم جمله ~>> فيني فقر سوالف ههه من زماااان عنكم

 

[fofowa_q8]

صباح الورد دلوعة

يحلوها بنتج اجتماعية عاد بهالعمر يملون اذا كانو

بروحهم بالبيت حطي لها تلفزيون تطالع

وبالنسبة حق صفار البيض جنه مبجر عليها

انتي ابدي معاها بالخضار احسن بطاط جزر كوسا

وبعدين فواكه وترا الموز يحبونه اليهال جربي تعطينها

وبعدين دخلي دياي ولحم واخر شي صفار البيض

 

[fofowa_q8]

مايكبرني احساسج طبيعي لما يصير عمره

سنة جذي راح تحسين امورج بدت تستقر وكل شي

اوكي بس لاتهملين نفسج حرام



بنات النساة ذابحتني وظهري وايد يعورني

مااقدر حتى اشيل ولدي مادري شسوي

ومحد يجيسه غيري مااحب بس احس اني موقادرة

 

[fofowa_q8]

منوعي الشايب وين ضروسه ليش ماطلعو

عبودي صاير ارنوب ضرسين تحت واللي فوق

توهم شاقين شكله يونس

 

[مآيكبرني نك]

وآي فوفو شيبه من قلب بعد

عاد انتي بالذات الله يعينج نسانج ٩ شهور -.-

 

[glby7sas]

اشلونكم بنات من زمان عنكم
الف مبرووك فوفو الله يتمم عليج يارب ويعينج

بنات انا بناتي مايقعدون عادي وله لازم اروح دكتور ؟!

اي وبعد وحده من بناتي ماتحب تاكل ماتبي القفشه وله تبي كوسا وجزر وجذي تبي بس حليب شنو الحل؟!

 

[fofowa_q8]

اي والله مايكبرني احاتي النساة بس ادعي ربي

يخفف علي وهالمرة غير عندي بيبي لوية اسم الله

عليه يبي له وقت وخلق .. يوم حملت فيه كان عمر

بنتي ٣ سنين ماكنت احاتيها وايد ماتتعب نفس هالعمر

 

[fofowa_q8]

قلبي حساس الله يبارك فيج حبيبتي

بالنسبة حق القعده ماعندي فكرة والله بس اذا

بناتج كنتي يايبتهم خدج اللي اعرفه يتاخرون بالقعده والمشي

والاكل مو كل اليهال يحبون الخضار جربي تعطينها

عيش مطحون او شوفان واذا بتعطينها خضار خلي

الكمية شويه وزيدي عليها حليبها عشان تتقبل الطعم

وشوي شوي قللي الحليب

 

[fofowa_q8]

بنات محتاره وين اراجع هالمرة عقب ماانقرصت من دكتورتي

قولي لي عند منو اروح ابي دكتورة شاطرة

ودي اولد طبيعي بدون مشاكل

 

[دلوعة ماماتي 88]

صبااح الورد ?


قلبي حساس

حتى انا بنتي ماتقعد للحين ولا تحبي بس تزحف اتوقع عادي الدكتور لمن اروح مايقول انه في مشكله



فوفو


مرت اخوي وحماتي يمدحون دكتوره اسمها تستفانا اتوقع موجوده بمستشفى السيف او الامومه

وعمووماً الولاده تيسير من رب العالمين
الله يهوون عليچ وتولدين بالسلامه ان شاءالله




وصج بسالچ شلون اسوي الشوفان !! واهوو شوفان كويكر اللي نحطه بالشوربه ولا غيره !!
ودي اسوي لبنتي بس مادري شلون !!!






بنتي توها كملت 7 شهور وتو خلصت علبة المانع ناطره الدوره بس ودي اترگ الحبوب وخايفه ~>>> شرايكم !!!

اللي عندها 2 و3 شرايكم !!!


خايفه من المسئوليه تكبر علي وماتحمل:eh_s(2):

 

[fofowa_q8]

دلوعة تبين نصيحتي نطري شوي خليها تكمل

سنه ونص وحملي لان صج تعب مع النساة والدوخة

وعوار الظهر وعندج بيبي صغير انا وايد قاعدة اضغط

على نفسي واجابل ولدي غصب وانا تعبانة نصيحة

نطري شوي .. وبالنسبة للشوفان انا اخذ مال ارض الطبيعة

اهو نفسه اللي يحطونه بالشوربات سويه نفس الشوربة

حطي معاه بطاط او جزر او كوسا وتقدرين تسوينه نفس

طريقة اليريش تحميسن شوية طماط وتحطين ماي وبعدين الشوفان

 

[دلوعة ماماتي 88]

صباااااح الورد

الجووو عجيييييييييييييييييب





فوفو



الكل ينصحني ان اول اثنين تكون اعمارهم قريبه ودام اني صغيره الحمل والولاده الحين احسن لي واخف



والصج بخاطري احمل ابي يكونون مع بعض


بس


خااااااايفه



اليوم ان شاءالله بستخيير قبل لا تنزل الدوره

 

[دلوعة ماماتي 88]

اتمنى يرجع تجمعنا نفس قبل اشتقت لسوالفنا