تجمع مواليد ( مارس & ابريل ) 2014 الله يحفظهم

[fofowa_q8]

الله يبارك فيج خوخه

احسن لج والله نطري شوي لما تكبر

الحمال وعندج بيبي صغير تعب تعب

والله يعينا عالتربية والسهر بعدين

الله ياجرنا

 

[fofowa_q8]

اي والله لما عوار وحرارة من داخل صوب الجرح

وايد قاعدة احاتي شبيصير بالاشهر اليايه

موعدي مع الدكتورة بعد يومين ان شاالله

واحس ظهري بينقص من العوار

مادري ليش حاسه بضيقة اعوذ باالله وقاعدة اوسوس

 

[fofowa_q8]

احسن لج لما زين تسوين استمري عالرياضة

ان شاالله يرد جسمج مثل قبل واحسن

 

[حمرة الورد]

السلام عليكم شلونكم بنات

فوفو الف مبروك حبيبتي والله يعينج اي سؤال انا ام القيصريات اجاوبج الولاده الطبيعيه للاسف مستحيل لا تقولين بروح دكتوره شاطره وخرابيط انا بعيالي ثلاث اسنين وفوق وبالطلق اشوف الموت احس بطني بتنفتح شلون انتي ست أشهر لا تغامرين كلش واصلا مافي دكتوره راح تولدج طبيعي الا اللي مو صاحيه دربالج والعوار طبيعي الله يعينج

انا استخدم كورسيه حراري ينحت الخصر والبطن سعره 35 كورسيه كيم

 

[مآيكبرني نك]

صبآح العسل

:*

 

[حمرة الورد]

أهلين ام منوعي شلونج وشلون منوعي

 

[خوخه89]

فوفو انا بس مخليه النساه عادي اقول كم شهر وبتروح اللي خايفه منه الولاده والسهر مع البيبي اهئ اهئ

لما شسوي الدنيا مشاغل

حمره ومايكبرني اخباركم

 

[خوخه89]

الامهات اللي يداومون وين تخلون عيالكم

انا دخلتها حضانه والعالم مادري شخصهم ليش ماتخلين البنت عند يدتها ام ابوها

ياخي مابي انتو اشتبووووون فلوسي وكيفي ابي حضانه مب من جيبكم

لي متى الناس بيتمون يدتخلون فاللي مايعنيهم اففففففف

 

[fofowa_q8]

حمره شخبارج حبيبتي ؟

وشلون عيالج؟

الله يبارك فيج .. والله كل مااتذكر العوار

اللي بعد القيصرية اتمنى الطبيعي واحاتي

شلون بقوم عقب مااولد واجابل البيبي وعبود

بس اذا القيصرية اامن حقي وحق البيبي

اكيد بختارها باذن الله .. موعدي عقب باجر

مع د خالدة بشوف شتقول .. انزين حمره شرايج

اولد بخاص ولا بمستشفى الولادة؟

حيل متخوفه من الخاص عقب اللي صار ولدتي

على اخر لحظة وتقولي رحمج بغى ينفجر!!

 

[fofowa_q8]

خوخه عااادي راح يتدخلون بكل شي وراح يعلقون

ويحسسونج انج ماتعرفين شي وانج ام مهمله عادي عادي

توقعي .. انا قبل كنت اسكت احتراما لهم ماارد بس الحين

لا والله ارد وجنه العيد اي احد يتكلم ارد بجملة وحدة عيالي

ومحد ادرى بمصلحتهم اكثر مني وبس

 

[fofowa_q8]

مساء العسل ام منوعي شلونج وشلون الشيخ؟

 

[Q8_QT]

اهلا بنات شلونكم






فوفو



شدعوا تنام بالولادة شي مايدخل المخ انا مع اختي بغرفة الولادة شفتها يت حق اختي قبل العملية تقرا عليها وتسمي ولما ادخلت الغرفة هم كانت هادية وحييل اطمن ماتخرع ماعليج من الحجي صلي استخارة وشوفي شنو ترتاحين له سويه



وعالمستشفى الخاص بعد زين انا برويال حياة واااايد فرق عن السلام مع انه ماصارلي موقف مو زين بالسلام بالعكس كانوا زينين وياي بس رويال حياة بكل شي غيير حتى خدمة العملاء عندهم عجيبة ريلي يقولي خلااااص اذا حملتي تولدين برويال مع انه بالبداية عارض اني اولد فيه مستشفى الولادة زين بس عيبهم المستشفى نفسه دااااااثر وعادي تقعدين بعمومي والعمومي ضييييم جربت هناك سويت عملية فتح بطن لان معاي حمل خارجي السسترات يهبلون بس قعدوني بجناح عمومي والله لا يوريج المعاناة والحمامات اكرمج الله حدث ولا حرج من جذيه مااحبه



ما يكبرني خوخة حمرة



شلووونكم لكم وحشة شمسوين وشلون العيال

 

[fofowa_q8]

هلا كيوت

انا هذا اللي خايفة منه ان ماارتاح بحكومة مع ان

خبرتهم اكثر ودكاترتهم زينين حق الحالات الخاصة

بس على قولتج اخاف يقطوني عمومي ٤ ايام شسوي بعمري

بروح حق خالدة واشوف شتقول واشوف ارتاح لها ولا لا

بودي معاي تقرير العملية لاني طلبته من دكتورتي اللي

مولدتني طبعا نص الحجي جذب وتبرر اللي صار ان انا ماكنت

راضيه بالقيصرية كل مااقراه احتر واقول حسبي الله ونعم الوكيل

بس اهم شي ان فيه حالتي وشلون صارت العملية

 

[حمرة الورد]

أهلين الحمدلله انا ولدي كله تعبان مادري شنو الحل معاه مرات يتعب ويشوفون الأكسجين يوصل ولا لا مرات احاتي ومرات اقول فتره وتعدي الولد مايكبر كلش اوديه يقولون مافيه شي احترت والله

فوفو انا مستحيل أولد بخاص صج تعب بس أتحمل ولا يلعبون فيني الخاص هذا شي ماخذته انا عن قناعه وتجربه لاتحاتين شي ربج يسهل الأمور اهم شي صحتج وان شاء الله تولدين طبيعي

 

[حمرة الورد]

انا الحمدلله بخير بس ذبحونا كله امتحانات ورى بعض قطيعه وشلونكم مع البرد كيوت شلون ولدج مع الدراسه

صج يقولون من السنه الجايه راح يقبلون الروضه عمرهم ثلاثه اسنين

 

[fofowa_q8]

حبيبي علاوي شفيه ليش جذي

وديه حق دكتور شاطر يسوي له تحاليل

واقري عليه ارقيه حبيبي مايشوف شر ان شاالله

 

[fofowa_q8]

بنات صايرة اتنسا بولدي اشم فيه ريحة موحلوة

بس اقرب منه تقلب جبدي واحس بستفرغ

وامسك نفسي يكسر خاطري احس اني شريرة

ياربي غصبن علي واروح اسبحه واحط له عطر

ولا اكو فايدة اشم فيه شي كريه مادري شلون

مادري طبيعي اتنسا عليه !!

 

[حمرة الورد]

مادري والله فوفو حرام النتفه ههههه اتوقع انتي لايعه جبدج من كل شي الله يعينج ان شاء الله تعدي تبين اواسيج واحمل معاج لوووول

 

[Q8_QT]

هلا حمرة



انا معاج اذا وضعي صعب الحكومة احسن واذا كل شي اوك لا والله الخاص افضل كافي النفسة صراحة يوم ولدت بنتي برويال ورخصوني اقول حق ريلي اول مرة اطلع من مستشفى ونفسيتي مرتاحة ومستانسة الحمدالله تجربتي فيه ناجحة


وعالامتحانات صاجة طفرونا ولاعت جبودنا نظامهم تعباااان حدة الواحد مايمديه يرتاح والروضة مادري ماسمعت خو كل يوم يطلعون بقرار






فوفو



ههههههههه اي شكلج تنسين فيه وعليا الظاهر من كثر ماتحاتينه وتفكرين فيه

 

[fofowa_q8]

اي والله مسكين اليوم سبحته مع انه مريض

صدره ملتهب بس ماقدرت

وهم يوم سبحته ماراحت الريحة ههههه

المعفن اللذيذ