تجمع مواليد ( مارس & ابريل ) 2014 الله يحفظهم

[fofowa_q8]

ههههههه مايكبرني ياحلوج توج صغيرة

اذا عندج بيبي واحد ماراح تحسين انج ام عدل ييبي

الثاني والثالث وشوفي


حمره شلون علاوي الحين؟ ماقالولج من شنو هذا اللي فيه؟

عبود ياحياتي مومترقع صارله اسبوع كمام حق صدره

وبخاخات كورتيزون حق خشمه ويوم خلصنا الكمام

بلش ترجيع امس طول الليل بس يستفرغ مادري شفيه

واليوم قعد من النوم عيونه حمره حيل ودموع تصب

ومايقدر يبطلها بس يبجي

 

[حمرة الورد]

لما شعور خايس اذا مانزلت مادري ودي تنزل احس أصير خفيفه

فوفو وي بلشنا سوالف الشتا مايشوف شر حبيبي لا والله ماقالو شفيه سويت أشعه وقالو اوكي بس الأكل كله يرجعه بس حليب الحين أكل لا وغير حليبه

 

[fofowa_q8]

الله يشافيه ويعافيه ويطمنج عليه يارب

 

[لما ضاقت]

ما يشوف شر الحلو. بنات امس طلع سن حق بنتي و انا مستانسة اول ياهل عندي يطلعله سن قبل لا يكمل سنة هههه

 

[لما ضاقت]

صايرة تعض وقت الرضاعة

 

[لما ضاقت]

بنات بغيت أسألكم العلاقات ملوت الملابس اللي يكونون حديد نفس اللي يستخدمونهم حق الملابس بالمصبغة وين احصلهم عرفتوهم

 

[لما ضاقت]

عيالي كلهم كحة و نشلة بلشنا مع ان البرد توه وصل

 

[fofowa_q8]

الشر مااييج لما حبيبتي

واااي يازينها اللي طلع لها ضرس العيوز

انا عيالي ٤-٥ شهور يطلع اول ضرس حدهم مستعيلين

عبادي الحين اسم الله عليه ضرسين تحت و٤ فوق

 

[fofowa_q8]

لما الحين اليهال كلهم مرضا الحين في فايروس منتشر

نشله وكحه بس ديري بالج لا ينزل على صدر الياهل

والعلاقات مااعرف وين والله انا كله استعمل البلاستك

الحديد ملوت المصبغة مااحبهم يخربون الهدوم صوب

الجتوف

 

[خوخه89]

بنات جدتي توفت ماكان فيها شي يارب صبرنا

 

[Q8_QT]

حمرة و فوفو





تسلمون الله يخليلكم حبايبكم





أنا بنتي لي الحين ولا ضرس بس قامت تحبي




خوخة



عظم الله آجركم حبيبتي والله يجعل مثواها الجنة

 

[مآيكبرني نك]

بالبركه لمآ ضاقت عقبال الشيبه اللي عندي ?

خوخه عظم الله اجركم وأحسن الله عزاكم الله يرحمها برحمته ?

 

[fofowa_q8]

حبيبتي خوخه الله يعظم اجركم

وجعل مثواها الجنة يارب

الله يصبركم

 

[حمرة الورد]

الاسنان تطلع بسرعه حق الاذيه الله يعنا

خوخه عظم الله اجركم والله يرحمها ويغفرلها ويصبركم الجده اهي الدنيا كلها ويارب ترحمها وتغفرلها وترحم جدتي ام امي وتطول بعمر جدتي ولا تحرمنا منها يارب الله يعينكم انا اموووووت عليها لو يصير اعطيها من عمري بعطيها اقعد عندها واسولف اقول شلون بعد عمر طويل ماشوفها ولا اسمع حسها وااي الله يعينكم الموت مايعرف صاحي ولا مريض

 

[fofowa_q8]

الله يطول بعمرها حمره ويخليها لكم

انا يدي توفى يوم كنت حامل بعبودي تذكرون

وهالمرة ببداية حمالي توفي يدي الثاني يعني

بسنة فقدتهم اثنينهم

مكانهم مبين والبيت مو حلو بدون الكبار

 

[حمرة الورد]

عظم الله أجرج فوفو مابيدنا شي غير الدعاء انا بامريكا توفى جدي وكان وقتها محترق فوني ولما بطلته وشفت توبيك اخوي طار قلبي والله العظيم لما بطلته كنت ادعي يارب لاتفجعني فيهم تعرفين غربه والفون أهو مقربنا واحترق وطول لما ردو علينا الشركه وكنت وقتها مسافره الله يرحمهم

 

[fofowa_q8]

الله يرحم موتانا وموتى المسلمين

 

[Q8_QT]

عظم الله اجركم فوفو وحمرة


والله يخليلنا يداتنا وكل حبايبنا يارب

 

[مآيكبرني نك]

الله يرحمهم

ياربي لا تفجع آحد بغآليه ��

 

[fofowa_q8]

اجرنا واجرج يزاج الله خير

امين يارب يخلي لنا كل غالي