تجمع موظفات وزارة الأوقاف (تم تجميع المواضيع المتشابهه)

[رفرف]

رد: بنات اللي يشتغلون بوازه الاوقاف الرجاء الدخول

ماشالله يمدحون مكانكم يا أم حمني بنت خالي هناك اهم شي ان ماكو كراف راحة وعطله مع المدارس انا فكرت احول من التربية واروح هناك صرج فرق المعاش بس فرق الكرف بعد ....

 

[**سما**]

رد: تجمع لموظفات وزارة الاوقاف

اهلين ريما
انا دوامي صبح وانتي

 

[ريماا]

رد: تجمع لموظفات وزارة الاوقاف

انا عصر مستحيل ارضى بالصبح احس لوية الصبح يعنى انا ماانام بالليل عدل من ولدى الصغير وماعندى اطفال بالمدارس فيصير احسن لى عصر لا ودوامى يم بيت امى بالضبط يعنى بس انزل اعيالى عند امى واروح
صج سما انتى سكرتيرة او مدرسة ؟؟؟؟

 

[بنت الاجاويد @@@]

رد: تجمع لموظفات وزارة الاوقاف

بنات شلونكم شااخباركم ..ان شاء الله بخير
بغيت اسالكم عن دور القرآن شنو الشغل اللي فيه ؟؟؟لاني ان شاء الله بصير بهالمكان وحبيت استفسر منكم .....جزاكم الله خير

 

[بنت الاجاويد @@@]

رد: موظفات وزارة الاوقاف قسم ( دار القران)"

؟؟؟؟؟؟؟؟؟؟؟؟؟؟؟
يالله عطونا من خبرتكم بدار القرآن ...

 

[بنت الاجاويد @@@]

رد: بنات اللي يشتغلون بوازه الاوقاف الرجاء الدخول

الله يهنيكم ....

 

[رفايع]

رد: بنات اللي يشتغلون بوازه الاوقاف الرجاء الدخول

بنات انا شهادتي ثانويه ودي بدار القران مافي احد مثلي وتوظف هناك ؟

 

[ريماا]

رد: تجمع لموظفات وزارة الاوقاف

بنت الاجاويد من حظج اذا اشتغلتى هنى خصوصا بدار قرأن انا اول ماتوظفت بالواسطة كنت ضايق خلقى واقول لزوجى ماابى
كنت اتوقع انة البنات حييييييل متشددين بس عكس ماكنت اتوقع
يعنى تلبسين على راحتج وتسولفين على راحتج
ودوام العصر يصلح لوحدة اعيالها ماادخلوا مدارس او وحدة اعيالها اكبار معتمدين على نفسهم
ودوام الصبح مثل المدارس وقتة
اما دوام العصر يبدى الساعة اربع العصر وينتهى 7ونص وطبعا تقدرين تستأذنين اربع استإذانات بالشهر او ثلاثة مو متذكرة بس تطلعين الساعة 5ونص
وعندج عرضيين بالكورس
واعمال السكرتارية وايد وسهلة بس البريد يعقد اشوى انا عطونى اياة ومافهمتة وكنت حامل ومالى خلق فشالوة منى
طبعا يعطونج كل كورس مهمة مع صف او صفين انتى مشرفتهم مسؤلة عن غيابهم وعن كل شى يخصهم ونظام الجو مثل التربية مدرسة وطالبات وفى حريم كبار يتعلمون عندنا ناظرة ووكلتين وكيلة مدرسات ووكيلة سكرتيرات واى سؤال انا حاضرة

 

[**سما**]

رد: تجمع لموظفات وزارة الاوقاف

اهلين ريما
انا سكرتيره وقديمه بعد... شكلج يديده صح

 

[ريماا]

رد: تجمع لموظفات وزارة الاوقاف

سما صارلى سنتين بالضبط وداشة بالثالثة
يعنى مو بقراطيسى شلتهم من زمااااااااااان لوووووووووووووووووول:eh_s(9):
سما اشرايج بدوام الصبح ؟افكر فية عشان ولدى سنتين ويدخل ابتدائى بس زوجى كلش مو راضى
عاجبة العصر وانا بينى وبينج كسوووووووولة مااحب قعدت الصبح ولااحب نومة الظهر عجبنى البروقرم مالى بس كل ماافكر بولدى اشلون اذا دخل مدرسة يضيق خلقى
انا هالسنة هذى بدخلة روضة خاصة وبشوف اشلون انسق يومى عشانة

 

[ليالي الكويت]

رد: تجمع لموظفات وزارة الاوقاف

بنات الاوقاف الله يخليكم انا عنـدي ثانويـة ودبلوم ..

وصارلـي سنتين انطر الوظيفـة تنصحونـي بالاوقاف والا لا ؟؟

وهـل عندكم دوام صبح والا كلـه عصر ؟؟

 

[ريماا]

رد: تجمع لموظفات وزارة الاوقاف

هلا وغلا ليالى:eh_s(17): :eh_s(17): :eh_s(17):
شوفى حبيبتى اللى يريح بالاوقاف انة مجتمع حريم وتاخذين راحتج على الاخر
وبالنسبة للدوام اول سنة اجبارى عصر وبعدها عادى تداومين الصبح
وانا سمعت انهم طالبين زيادة للمعاش للى دوامهم عصر الانة مووايد مرغوب ماادرى صح اوغلط؟
وبالنسبة للعمل اذا ابتشتغلين بمركز يعنى بدار قران(مدرسة) فى شغل بس بتعودين علية وساعات يكون الشغل خفيف الان البنات وايد يعنى على حسب المركز

 

[**سما**]

رد: تجمع لموظفات وزارة الاوقاف

اهلين ريما... شوفي اذا الياهل يقوم الساعه 7 او قبل بشوي ويرد الساعه 12ونص تقريبا وانتي تطلعين 3ونص او اربع الا وتردين السعه 7ونص يعني وقت نومته متى بتشوفينه وتقعدين معاه وياخذ حقه.. انا ما احب اليهال ينامون الظهر عشان مايسهرون بالليل
انتي كيفج وبعدين الحين اهو بالروضه الحين .. لصار بالابتدائي منو بيدرسه يعني اول مايرد الياهل ماله خلق يدرس يبيله ساعه او اكثر على ما ياكل ويرتاح شوي الا انتي طالعه للدوام وعلى ماتردين الا اهو بطاريته خالصه وبينام... وفي نقطه مهمه واهي غيابج عن البيت في الفتره المهمه لعيالج يعني شلون تعرفينهم وتعرفين سوالفهم اذا اهم بالمدرسه الصبح وانتي بالدوام من العصر لليل
انتي كيفج في ناس مرتاحين على دوام العصر بس انا يتراوالي ما ينفع لام العيال... بس ترا اذا بتحولين لازم تقدمين طلب ويبيله سنه او اكثر عشان ينقلونج
والله يسهل امورج

 

[**سما**]

رد: تجمع لموظفات وزارة الاوقاف

اهلين ليالي الكويت
شوفي دوام الاوقاف حلو ميزته ان الشغل حلو وسهل وان الدوام قصير وعطلته مع المدارس وفيه الصبح والعصر

 

[كويتيه_حلوه]

رد: تجمع لموظفات وزارة الاوقاف

شلونكم شخباركم
عسى دوم
انا ابي اقول شئ حق ريماا
ريمااا عطيني ايميلج اوكي
خلينا نكلم بعض بالايميل يكون احسن
صح

bay من كويتيه_ حلوه

 

[ريماا]

رد: تجمع لموظفات وزارة الاوقاف

سما عدل كلامج
بس اكو وحدة بدوام معاى قالتلى اشلون منسقة وقتها مع اعيالها
تقول اول مايردون من المدرسة يتغدون وادرسهم يعنى من الساعة 2 الى 3ونص ساعة ونص
وبعدها ترد الساعة 7ونص يعنى على الثمان اهى بالبيت تدرسهم وتراجع لهم والساعة تسعة ينامون
واللى دوامها الصبح اول ماترد الظهر اكيد اتغدى وتنام وماتقعد الا الساعة خمس وياللة عالساعة 6 يتعدل المزاج وتبدى ادرس اعيالها ويمكن يصير عندها مشوار واتوهق
ماادرى جذى انا افكر احس دام الام موظفة اكيد بتاخذ من وقت اعيالها
كويتية حلوة لو بقولج تضحكين على تدرين انا وزوجى بإميل واحد هههههههههه موراضى يفج عنى:eh_s(20):
اذا تبين منى اى شى طرشيلى رسالة خاصة ومن اعيونى تاااامرين امر :eh_s(17): :eh_s(17):

 

[بنت الاجاويد @@@]

رد: تجمع لموظفات وزارة الاوقاف

يابعد عمري ياريما الله يجزاج خير عطيتيني ويه ...ماحد عبرني 000
على العموم جزاكم الله خير كلكم ....

 

[بنت الاجاويد @@@]

رد: تجمع لموظفات وزارة الاوقاف

لحظظظظظظظظظه نسييييت ...
ممكن اسألكم 00
س1 -- شنو تقصدون بالمدرسه واخذ غياب والخ يعني تابعه للأوقاف او التربيه ...
س2-- السكرتيره جم راتبها تقريبا ؟
س3 اذا اخترت الصبح وهم طلبوج في بعض المرات العصر شنو تسون يهالوقت يعني نفس شغل الصبح والا في انشطه وغيره 000
ابي منكم توضيح اكثر الله يخليكم اذا عطوكم دوام اضافي شحقه ؟؟
ادري اسئلتي كثيره جاوبوني الله يجزاكم خير ...

 

[ريماا]

رد: تجمع لموظفات وزارة الاوقاف

س1 -- شنو تقصدون بالمدرسه واخذ غياب والخ يعني تابعه للأوقاف او التربيه
شوفى دور القرأن مبانيهم مثل التربية اصفوف وادارة وبعضهم اللى دوامهم عصر مايكون عندهم مبنى فيأجرون من التربية مدرسة ويداومون فيها عصر ويصير الصبح مدرسة والعصر مركز دار قران
س2-- السكرتيره جم راتبها تقريبا ؟
راتبها الاساسى 400 ويزيد كل سنة 10دنانير تقريبا
س3 اذا اخترت الصبح وهم طلبوج في بعض المرات العصر شنو تسون يهالوقت يعني نفس شغل الصبح والا في انشطه وغيره 000
ابي منكم توضيح اكثر الله يخليكم اذا عطوكم دوام اضافي شحقه ؟؟
ادري اسئلتي كثيره جاوبوني الله يجزاكم خير ...
اذا داومتى الصبح مالج شغل بالعصر وصج ساعات تكون فى انشطة ويختار كل مركز جم سكرتيرة تمثلة واذا ماتقدرين يعفونج عادى بس اول سنة اجبارى دوامج عصر

 

[ريماا]

رد: تجمع لموظفات وزارة الاوقاف

نسيت لا اقولج عن الغياب احنا نظامنا مثل التربية يعنى الجو جو مدرسة فى غياب وحضور واستئذان ومرضيات نفس التربية
ومن مهمات السكرتيرة انها تكون مسؤلة عن فصلها وكل مايروحون مرحلة اهى تكون مشرفتهم مااتغير ولازم تاخذين غيابهم الان فى بداية العام يكون عندج كشف غياب تكتبين فية اسماء الطالبات والايام وكل وحدة متى تحضر
وعادة الصف اللى انتى مسؤلة عنة مايداوم كل يوم يا يداوم مرتين بالاسبوع او ثلاث ايام بالاسبوع
بنت الاجاويد اذا بخاطرج اى سؤال سألى عادى اعتبرينى وزيرة الاوقاف هههههههههاى شى تبينة انا حاضرة