تجمع يومياتي مع الكيميائي

[حياة ريلي]

يا بنات يا حلوات يا مو متينات
أنا قررت اني اسوي تجمع لمتبعات رجيم د. أسامة حمدي
طبعا الكل حياه الله حتى اللي تسوي رجيم عادي و تبي تشجيع
احنااا حاااضرييييييين:friends:
الرجيم موجود بكل مكان بس سوي جوجل عليه بتلاقينه
أنا كتابه عندي لذلك اللي تبيه أحطة لها
هذا الرجيم اقل شي ينزل بالشهر 10 كيلو و يصل الى 30 كيلووووو:eh_s(9):
ما نبي تخربط !! ما نبي الا التشجيع و للامااااام سر :eh_s(9):
اللي تحب تنزل صور حياها الله الوز راح يكون كل اسبوع مرة لذلك راح يكون الثلاثاء القادم
عشان نعطيكم فرصة . و ولا توقفون باليوم 15 مرة عالميزان نفسي:eh_s(16): و تتحبطون
راح ابتدي انا:
الاسم : حياة ريلي
العمر : 25
الطول : 180
الوزن : 73
المساعدات : رياضة في النادي​

​

​

​

​

 

[مدرسة طفشانة]

الله يوفقج ويا رب تنزلين بصحة وعافية

 

[حياة ريلي]

اشدعوة مافي مشاركات ؟
عموما انا تريقت نص قلاص عصير برتقال تروبيكانا و بيضتين اومليت من غير دهن
و رحت النادي سويت هذاك الجهاز اللي ما ادري شسمه اللي جنج تتزلجين و بعدين تمرنت بروحي و حرقت المجموع 450 كالوري
بعدين تغديت 4 شرائح اناناس .
يالله عاد هالله هالله بالتشجييييع مو كل ما نسوي موضوع مافي تفاعل !!

 

[Miss_Moon]

كفووو حياة ريلي كل وحده بطلت صفحة وقامت تحط رجيمها انا بلشت رجيم ثاني ومووووفقة وبشجعج وحساافة على لورا اح ماعندها اراده

 

[Miss_Moon]

عاااد دشي صفحتي وشجعيييني بليز

 

[حياة ريلي]

مس موووووون خراااابووو شلونج يالغاليه؟ وين صفحتج افاااااا علييييج شنو موضوعج و باي قسم؟

 

[Miss_Moon]

موضووعي رجيم الكيوي والاناناس شوووفي وقوليلي رااايج وشجعيني واشجعج يالله GOGOGOGOG

 

[حياة ريلي]

دخلته و حطيتلج تهديد انتي و بنتج

 

[Miss_Moon]

لوووووووووووووووووووووووول لحظة بشوف

 

[حياة ريلي]

يا عزيزاتي انا اليوم بروح السينما و الله يستر و ما اخربط لما اشوف البوب كورن و الناتشوز
لذلك بتعشى قبل لا اروح .اشدعوه محد يسوي الكيميائي ؟
وين التشجيع يا بنات ديرتي الرشيقات ؟!

 

[حياة ريلي]

انا اليوم بتعشى همبورجر مشوي .. رحت ذاك اليوم جيان و شريت لي شاورما لحم مثلجة و همبورجر ما في بقسماط عشان اتحمل اكل اللحم انا كلش ما احب اكله سادة .. المهم يا معين
كله في سبيل الرشاقة يهووون .. انا مجربة هالرجيم من قبل يمكن 4 او 5 سنين و نزل وزني اكثر من 20 كيلو بشهر و لا طاح شعري و لا شي.. لذلك انا متحمسة اني اعيده و ابي تشجييييييييييييييييييييع

 

[حياة ريلي]

قوووة
انا اليوم تريقت كالعادة بيضتين + نص قلاص عصير برتقال
بعدين رحت النادي سبحت ساعة و رديت البيت مييييتة من اليوع
تغديت دجاجة مشوية بالفرن ( طبعا مو كاملة بس الصراحة اكلت صدر الدجاجة كاااامل لاني كنت وايد يوعانة + برتقاله
و حذفت الطاط لاني ما احبة ابدا ابدا .. المهم توني خلصت الغدا الحمد لله.

 

[Miss_Moon]

كفوووو حياة ريلي استمرييي

 

[حليب بالموز]

مشكوره حبيبتي عل التجمع
انا بديت معاج من اليوم وزني 92 و طولي 166
تريقت بيضه مفيوحه مع نص برتقال - تغديت اناناس- وتعشيت لحم مشوي مع سلطه
ورحت النادي مشيت على الجهاز نص ساعه وتسبحت ساعه
وانشالله كل ثلاثا بوزن معاج
بس حبيبتي انتي متاكده نزلتي 20 كيلو اب شهر ؟؟ مو جنه وااايد ؟؟؟

 

[Miss_Moon]

حليب بالموز انا شفت وحده ضعفت عليه (شفتها بام عيني لووول ) ان شاءالله تضعفون بصحة وعافية

 

[حليب بالموز]

انشالله بس اب شهر شكثر ضعفت
لان انا مو متخيله اب شهر اضعف 20 كيلو

 

[حياة ريلي]

حليب بالموز : شوفي انا كنت اسوي رياضة و كان وزني بالتسعينات يوم خلصت الشهر صار 74 و نص بالضبط يعني اكثر من 20 و اذا كنتي متينة وايد يصير اكثر بعد بنت عمتي من امهات الثلاث ارقام نزلت عليه بشهرين 50 كيلو !! بس انا الحين لان وزني مو وايد على طولي فما اتوقع انزل 20 لان اصلا مافيني 20 كيلو دهن عرفتي ؟ انا طولي 180 ووزني اعتبارا من اليوم 71 و ابي اوصل 62-65 على حسب صراحة عمري ما وصلت الستينات اغلب حياتي بالثمانينات كنت عموما اذا التزمتي بالرياضة و غدتج اوكي ممكن تقطين العشرين اما اذا تخورينه و مافي رياضة اقل شي بالشهر حسب ماهو مكتوب بالكتاب 10 كيلو .. و 10 هم حلوين .انا بيومين نازلة كيلوين عرفتي؟
بس انتي كم حابة تصيرين ؟

 

[حياة ريلي]

انا يالغالية اليوم رديت من الاول لان بالغلط امس تعشيت مسلوق و المفروض سلطة و بيض
اليوم كليت اومليت بدون دهن و شربت نص قلاص عصير تروبيكانا
تغديت اناناس
و بتعشى يا ستيك يا شورما بسويها بالبيت

 

[حياة ريلي]

مس مون : يالغالية حياااج الله توني بموضوعج روحي شوفي وش كاتبتلك

 

[حليب بالموز]

والله انا الصراحه ودي اوصل الستينات حلمي والله
ودي ايي عيد الفطر واكون متغيره شكلي متغير