تجمع يومياتي مع الكيميائي

[حياة ريلي]

المهم انا كل يوم عندي عزيمة التزم طول اليوم و اخربط بالليل و اعيده ثاني يوم اليوم انا الاول مرة ثانية !!

 

[سارونه87]

الرجيم الكيمايائي لازم فيه لحووم ؟
انا نباتيه عادي بس اكل خضار وفاكهه وبقول ؟

 

[مس هنادي]

انا حاليا باديه بريجيم التمر واللبن
اسبوع بس وعقب بسوي نفس رجيمج والله تشجعت

 

[سكوتي اذلك فيه]

انا ببتدي فيه من باجر ان شاء الله لان عندي مشروع حمل لو انزل 10 كيلو راضيه لان وزني صعب ينزل

بس عادي ابدل بين الغدا والعشا

 

[¦»㋡.BЯô0ôЯa.㋡‏«¦]

السلااااام عليييكم شلوونج شخبااارج

الله يوفقج وتوصلين للوزن الي تبينه انشالله

بس بغيت اقولج

شنو الحين الرجيم بالضبط

ممكن تكتبينه

 

[حليب بالموز]

وينج ( حياة ريلي ) عسا ما شر ؟؟؟؟

 

[حياة ريلي]

حليب بالموز كاني وزنت و نزل وزني 3 كيلو صرت 70

 

[حياة ريلي]

سارونة لا يجوز التبديل او الاضافة و لكن يجوز الحذف .. بس اعتقد حقج انتي نباتية صعب كلش
لكن حياج معانا باي رجيم يناسبج

 

[حياة ريلي]

ale الرجيم يالغالية هو الاتي :
الاسبوع الأول

الفطور اليومي:- بيضتين مسلوقه+ نصف برتقاله


(السبت)

الغداء:- فاكهه صنف واحد وبأي كميه( ماعداالمناجو والتين والموز ممنوع)

العشاء:- لحم مشوي ( شرائح اومفروم)+سلطة خضروات


(الأحد)

الغداء :- دجاج مسلوق اومشوي +طماطم+برتقاله وحده

العشاء:- 2 بيضه مسلوقه+ سلطه(خيار,خس,طماطم,جزر,فلفل اخضر)+توست واحد +برتقاله


(الأثنين)


الغداء:- جبن قريش اوجبن منزوع الدسم بأي كميه+توست واحد+طماطم

العشاء:-لحم مشوي اومفروم +سلطه

(الثلاثاء)

الغداء :- فاكهه صنف واحد باي كميه
العشاء:- لحم مفروم اومشوي وسلطه


الاربعاء


الغداء:-2 بيضه مسلوقه+ خضار مسلوق
العشاء:- سمك اوجمبري اوتونه مصفاه من الزيت +سلطه+برتقاله


الخميس

الغداء:- فاكهه صنف واحد باي كميه
العشاء :- لحم مشوي وسلطه


الجمعه

الغداء :-دجاج مسلوق اومشوي+طماطم+خضار مسلوق+برتقاله


(مسموح مشروبات الدايت والقهوه والشاي والاعشاب بدون سكر)
مسموح تناول جزر اوخيار بين الوجبات(اختيار صنف واحد) ولكن قبل الوجبه بساعتين

 

[حياة ريلي]

الأسبوع الثاني


الفطور اليومي( 2 بيضه+نصف برتقاله)


السبت

الغداء:-2 بيضه مسلوقه+ سلطه
العشاء:-2 بيضه+برتقاله

الاحد

الغداء:- لحم مشوي(شرائح اومفروم بدون دهن)+سلطه
العشاء:-2 بيضه +برتقاله

الاثنين

الغداء:- لحم مشوي + خيار فقط
العشاء:- 2 بيضه مسلوقه + خضار مسلوق

الثلاثاء

الغداء:- 2 بيضه مسلوقه+جبن منزوع الدسم+خضار مسلوق
العشاء:-2 بيضه مسلوقه+ خضار مسلوق+طماطم

الاربعاء

الغداء:- سمك اوجمبري اوتونه مصفاه
العشاء:- 2 بيضه مسلوقه+ خضار مسلوق

الخميس

الغداء:- لحم مشوي+طماطم+برتقاله
العشاء:-خليط من الفواكه الطازجه

الجمعه
الغداء:- دجاج مسلوق اومشوي +طماطم+ خضار مسلوق+برتقاله
العشاء:-دجاج مسلوق+ طماطم+برتقاله

 

[حياة ريلي]

الاسبوع الثالث

السبت
طول اليوم:- اي نوع من الفاكهه وبأي كميه وفي اي وقت وبأي خليط ماعدا( العنب والمانجو والتمر والموز والتين

الاحد
طول اليوم:- اي نوع من الخضار المسلوق واي نوع من السلطه ( كل انواع الخضار مسموح بها ماعدا البطاطس والبقوليات الجافه

الاثنين
طول اليوم:-اي نوع من الفاكهه السابقه واي نوع من الخضار المسلوق في اي وقت وباي كميه

الثلاثاء
طول اليوم:-سمك اوجمبري اوتونه مصفاه باي كميه مع سلطة خس وجرجير فقط

الاربعاء
طول اليوم:- لحم مفروم اولحم مشوي اودجاج مسلوق اومشوي طول اليوم وباي كميه+خضار مسلوق

الخميس والجمعه:-فاكهه صنف واحد باي كميه في اي وقت

 

[حياة ريلي]

الاسبوع الرابع

الكميه المذكوره في كل يوم توزع على اليوم بدون موعد محدد ولكن بدون اي زياده

السبت:-
4 شرائح لحم مشوي اومسلوق اوربع دجاجه مسلوقه
3 طماطم
4 خيار
علبة تونه كبيره مصفاه من الزيت
1 توست
برتقاله


الاحد
2 شريحة لحم مشوي
3 طماطم
4 خيار
1 توست
1 تفاحه اوجوافه اوكمثري اوقطعة شمام
برتقاله


الاثنين

ملعقة جبن قريش اواي جبن ابيض منزوع الدسم
علبة تونه مصفاه من الزيت
طبق صغير خضار مسلوق
2 طماطم
2 خيار
1 توست
برتقاله

الثلاثاء
نصف دجاجه مسلوقه اومشويه
3 طماطم
4 خيار
1 توست
برتقاله



الاربعاء
ربع دجاجه مسلوقه اومشويه
2 بيضه
1 خس
3 طماطم
4 خيار
برتقاله



الخميس
2 صدر دجاجه مسلوق
ثمن كيلو جبن ابيض منزوع الدسم
1 توست
2 طماطم
2 خيار
1 زبادي
برتقاله



الجمعه
ملعقة جبن منزوع الدسم
علبة تونه مصفاه من الزيت
طبق صغير خضار مسلوق
2 طماطم
2 خيار
1 توست
برتقاله
العشاء خضاااار مسلوقه

 

[حياة ريلي]

مس هنادي : حياج الله معانا الحين و بعد ما تخلصين و علمينا ينزل لاني كاني مجربتة من قبل و ما مشى معاي

 

[حياة ريلي]

سكوتي اذلك فيه : خوش نك نيم
يالغالية ما يصير التبديل الغدا غدا و العشا عشا .

 

[سكوتي اذلك فيه]

هلا حياة ريلي

اوكي انا معاج بس بين الوجبات شنو تاكلين لاني دوام مدرسة الصبح وكرف لازم شي يبرد على قلبي عقب الحصة يبي الدايت والعصاير والنسكافيه مسموح باي وقت وسكر عادي او دايت

ومبروك النزول

انتي نزلتي باسبوع 3 كيلو ؟

 

[¦»㋡.BЯô0ôЯa.㋡‏«¦]

السلااام عليكم

مشكووره وايد حبيبتي

بس ابي اعرف السمج والدياي واللحم شنو الكميه بالضبط ؟
او التونه ايهو آخذ اي نوع؟
واللحم همن اي نوع؟

ومشكووره

 

[حياة ريلي]

سكوتي : انا نزلت 3 بخمس ايام تقريبا بس مثل ما قلت لج كل يوم ينكسر الرجيم يعني اليوم الثاني بالرجيم و لا مرة كملته !! لكن خلاص من بكرة ببدي مرة ثانية لان هالاسبوع ما عندي عزايم لذلك ان شاء الله اكمله.

 

[سكوتي اذلك فيه]

موفقه ان شاء الله