& تجمـع مراجعـات مستشفى السيـف &

[Kokosh]

للرفع

 

[Kokosh]

سلام عليكم بنات
شرايكم بدكتورة منى القناعي ؟؟
بليز بنات لأني بولّد عندها هالشهر ، وخايفة شوي ��
محد مجرب عندها


❤❤❤بلييييييز❤❤❤

 

[دقات قلب ميته]

السلام عليكم .. انا. متابعه للتجمع من زمان
والحين علي ويه. ولادة ادعولي وانشاءالله مقرره اولد بالسيف.
الي عندها اي سؤال. تسال لاني قاعده اراجع فيه. وبفيدها. بالي اعرفه :eh_s(17):

 

[دقات قلب ميته]

انا. عند. راجني. رحت. لها. من. كلام البنات هني. وبتوكل على الله

 

[كيكة عسل]

بنات السيف وينكم شخباركم ان شاء ولدتوا بالسلامه
نبي تفاعل وينكم شلون الوﻻده بالسيف وشلون الاسعار

 

[Om_il3ubed]

السلام عليكم انا ولدت بالسيف مرتين
الاولى ٢٠١٠ و الثانيه شهر ٩/٢٠١٣ والتجربتين روعه ويهبلون الحمدلله

ولادتيني قيصريه والحمدلله اموري طيبه والرعايه توب قبل وبعد واثناء الولاده
دكتورتي رائده البدر اخلاق و خفه دم و طولة بال وشاطره وماشالله عليها تهبل

ولادتي الاوليه اخذت الغرفه في في اي بي وكلفتني بالقيصريه ٢٩٠٠.. بس اهوا مفروض اقل بس لان اسم الله عليكم بنتي عندها مشكله بالقلب وانا طلبت لها استشاري ومن جذي صار اغلى

ولادتي الثانيه كلفتني ١٨٥٠.. خصموا منها ٢٠٠ (لان ثاني قيصريه) و تقريبا١٠٠ دينار فحوصات الكليه والقلب حق ولدي انا طالبتهم زياده

راجني جربتها بالمراجعات جم مره تهبل وبالها طويل واخلاقها تينن ووايد مدحولي ولادتها

عن نفسي اروح تجاربي كانت بهالمستشفى وان شاءالله ربي يسهل علي واحمل واولد هني بعد

الله يهون عليكم يارب ويسهل ان شاءالله

 

[كيكة عسل]

الحمدالله على سلامتج Om_il3ubed

مشكوره طمنتيني ناويه ان شاء الله اولد فيه حييل دكتوري يمدح بالمستشفى والستاف

بس ماعرف احد ولد فيه

 

[كيكة عسل]

الحمدالله على سلامتج Om_il3ubed

مشكوره طمنتيني ناويه ان شاء الله اولد فيه حييل دكتوري يمدح بالمستشفى والستاف

بس ماعرف احد ولد فيه

 

[دقات قلب ميته]

الحمدالله على سلامتج حبيبتي ، انا انشاءالله بولد عند راجني راجعت عندها ووايد مرتاحه منها الحمدالله وادعولي ربي يسهلي ولادتي هذي اول مرة بولد بالسيف. وثاني حمل لي وواااايد خايفه دعواتكم ، بس بقولكم شغله افتحوا. اجنحه يديده بالسيف. بأسعار ثانيه. والي فهمته الي يفرق بس الاثاث يقولون واذا تبين الاثاث القديم نفس الاسعار القديمه. ولو اعرف انزلكم الصور جان صورت الاسعارر وكاتالوج الاجنحه

 

[كيكة عسل]

الله يسهل عليج وعلينا دقات قلب انا بعد اول مره اولد فيه وهذا ثالث حمل لي

انا اللحين بالشهر السادس وانتي اي شهر ؟؟

بالنسبه للاجنحه اليديده شفتهم ماحس فيه فرق وايد للامانه ماشفت الا جناح واحد

عسى الله يسهل علينا ووفقنا فيه

 

[مذهلة2013]

حلو اسعار السيف مقارنه مع باجي المستشفيات

 

[دقات قلب ميته]

كيكه عسل الله يسهل عليج حبيبتي. انا. طايفه ١١ يوم تقريبا من الشهر التاسع. وودي اولد وارتاااااح. لان صج تعبت. شكلي باخذ خروع

مذهلة الاسعارر بصراحه غاليه. ولكل شي حسابه

 

[دقات قلب ميته]

كيكه عسل الله يسهل عليج حبيبتي. انا. طايفه 11 يوم تقريبا من الشهر التاسع. وودي اولد وارتاااااح. لان صج تعبت. شكلي باخذ خروع

مذهلة الاسعارر بصراحه غاليه. ولكل شي حسابه

 

[كيكة عسل]

دقات قلب الله يهون عليج وتبشرينا بسلامتج وسلامة البيبي

مذهله بالنسبه للاسعار انا ماعرف اسعار المستشفيات الثانيه بس اسعار السيف احسها وايد زينه لان دكتوري يمدح ستافهم واجهزتهم يقول عندهم احدث الاجهزه
وفووق هذا عنايه ونظافه ومكان شرح يفتح النفس واهم شي مافيه زحمه مثل باجي المستشفيات

 

[Om_il3ubed]

انا عن نفسي افضل الاثاث المودرن ماحبيت الاثاث اليديد... وترا بالولادتين والده قيصريه بنج ابرة الظهر وايد تهبل و الي يعطون الابره هناك شطااار ماتحسين بشي ولا حتا وخزتها

انا بالنسبه للخدمه الي يقدمونها لي احس يسوا كل فلس

الله يهون عليكم يارب

 

[دقات قلب ميته]

شلونكم بنوتات انا ولدت الحمدالله ٢٣-١١
صج ان قيصريه للاسف .... بس الحمدالله
كانت الولاده زينه الحمدالله لان اخذت ابرة الظهر وحاولوا طبيعي بس الله ماقسم
انا احس ان مساعدة دكتورتي راجني. الي اهي نيرمين اتوقع اسمها مصريه اهي الي حدتها عالعمليه
كنا ماشين تمام بمحاولات الطلق الصناعي والدريبات ووصل الرحم. ٤.٥. وكانت بتصبر زياده لكن خرعتني نيرمين ووافقتا عالعمليه
وولدت الحمدالله احلى بنوته ولله الحمد والفال لكم

اول شي اخذت ستاندر b. لان a كانوا فل وارتحت فيها ٣ ايام العمليه
وعقب اخذت جناح الريان الي اهوا. (( vip )). دور ١٥ ب250
والاكل كان يختلف بين الستاندر والجناح وماشي حاله
وسلامتكم

 

[كيكة عسل]

الحمدلله على سلامتح وتتربى بعزج البنوته

اهم شي سلامتكم سواء قيصري او طبيعي

شرايج بعنايتهم زينه وﻻ ؟؟؟ منوو اللي طقج ابرة الظهر شلون ايده خفيفه

 

[دقات قلب ميته]

كيكه عسل الله يسلمج حبيبتي والفال لج
العنايه حلوة والي عطاني ابرة الظهر د. شريف اذا مو غلطانه وايده خفيفه ماشاءالله
بس كنت خايفه لانها دقيقه وايد وكنت اطبق كل كلمه بحذر والحمدالله

 

[كيكة عسل]

يعطيح العافيه طمنتيني صج كنت احاتي سالفة ابرة الظهر

الحمدلله على سلامتج مره ثانيه

 

[عاشقة هواك]

بنات ابي رقم مستشفى السيف بليز