&^ تجمـع مـراجعــات مستـشفــى الأمـومــه ^&

[فـراوله]

رد: أفضل دكتور للـولاده المقعديــه

اللهـم آميييين

تسلمين حبيبتي وأنا مفكره اذا قيصري أروح حكومه



.




.



​

 

[ليدي دانة]

رد: أفضل دكتور للـولاده المقعديــه

الله يهون عليج

 

[هيللو كيتي]

فراوله الله يهون عليج يارب

ويسهل امورج

والله اليوم بالعيادة قاغد انطر دوري
ولا وحدة راس البيبي فوق عندها عاد نصحتها وحدة قالت لها اكلي كاكاو كثري لان الحلا يخلي البيبي يتحرگ ووسبحان الله مع الحركة يلتف..

عاد مدري صج او لااا ..واذا لاسمح الله عمليه توكلي علي الله اهم شي سلامتج وسلامة البيبي ..
والله كرريم

 

[فرفوووشة]

مشكورة شقحة عالرد.. وزين طمنتيني...
أنا قبل والدة عندة بس ما سويت تجميلي بس خياط عادي من برة..


بس ما فهمتج اتقولين بتسويين تضييج بس...


يعني شنو الفرق بينو و بين التجميلي.. اعتقد التضييج اهو ال انا قصدي عليية التجميلي

 

[فرفوووشة]

اللة يسهل عليج ولادتج فراولة اميين يارب

 

[فـراوله]

رد: أفضل دكتور للـولاده المقعديــه

اللهم آميييييين


.


.

​

 

[فـراوله]

هيلـوو أنا ودي أكل كاكاو بس أخاف البيبي يكبر وبعدها ما يلف
الله كريم ان شاءاللـه .


اللهـم آميييين فرفوشه


.


.


​

 

[فرفوووشة]

صخ السكريات تكبر البيبي و ما يلف و تكون ولادتة صعبة جدا تودي لقيصري لضيج الرحم.. انا حاليا ممنوعة من السكريات بعد

 

[الـــغـــلآ]

رد: أفضل دكتور للـولاده المقعديــه

الله يهون عليج و تولدين طبيعي و تتسهل كل أمورج يآ رب

 

[الله ياكثرعذالي]

رد: أفضل دكتور للـولاده المقعديــه

شنو يعني مقعديه مافهمت ؟؟؟


لو اقولكم شنو فهمت اتنحون عبالي لمرة تولد واهي قاعده عزكم الله نفس لحمام العربي. اخاف نفسه ،؟؟؟؟؟؟ *

 

[فـراوله]

رد: أفضل دكتور للـولاده المقعديــه

اللهـم آميـن يا الغـلا

الله يا كثر عذالي يعني البيبي يطلع من مقعدته


.



.



​

 

[raneen]

قوووه ياحلوات ....شلونكم ...

هيلو حبيبتي ...

انا هريت روحي سكريات هههههه عاد اخر فتره من حمالي ..تقريبا من الخامس وانا نساتي تايم اوت ...توقي ... مولتن مكيك...
وقي بعد كيكه ...من كوستا يمممممممم ...
بس مع الاسف مانفعي ولا شي ... و ولدت قيصريه ........


وفراوله مافي شي يخوف بالعمليه باذن الله ...<<<<طالع منو يتكلم هههههههههه
لا صج العمليه سهله ان شاءالله والتساهيل من رب العالمين ..

طبيعي ولا قيصريه كله نعمه دام الام والبيبي ابخير وسلامه ....

 

[raneen]

فراوله حبيبتي انتي الحين اي اسبوع ....؟؟؟؟

 

[Zaina-al-zaina]

رد: أفضل دكتور للـولاده المقعديــه

حبوبه انحاشي عن الولاده المقعديه !!!!


من صجج تجازفين بالياهل !!!!

نصيحه قيصري ولا ولاده مقعديه !!!

اللي اعرفه انها تضر الياهل وماتدرين حتى الولاده العاديه يحوشهم نقص اكسجين !!!

والله يحفظج ويحفظ ضناج !!!!

ترى القيصريه موووو شينه بالعكس الحين صارت رحمه من الله وانا جربت قيصريه وبالحكووومه !!!
وكبس نفس الخااااص !!! روحي الحكومه اذا قيصريه !!!

واذا ولاده طبيعيه خلج عالخاص!!!

والله يسر لج احسن ولاده ويهون عليج ويرزقج بكل خييييير !!!

 

[auoma]

رد: أفضل دكتور للـولاده المقعديــه

حبيبتي انا بواحد من عيالي كان مقعدي من السابع وفوق هذا نازل بالحوض يعني ماكو مجال يفتر
كنت عند دكتور حيان الاحمد وكان يقنعني بالولاده الطبيعيه وانه لو فيها خطوره جان ما قالي وانا رفضت قلت مستحيل اجازف باليهال لأني حملت فيه عقب اربع سنين والله لي اخر مراجعه يقولي مارا اسويلج قيصريه لاتحاولين اهو رافض
وسويت بعض الحركات ومع الصدقه والدعاء افتر الياهل واهو 35 اسبوع او 36 اسبوع
اول شي كنت اكثر من السجود
كنت احبي والله ركبي صارت سوده من الحبي لوووووول بعدين اهتموا فيهم ورط لونهم اشوه
انصحج سوي الي عليج واذا ما افتر لاتولدين طبيعي لانه فيها مجازفه ادري في ناس يولدون مقعدي بس فيها خطوره
وانتي براحتج

 

[هيللو كيتي]

ياااهلا وياامرحبا برنين
نورتينااا ..

حمدالله علي سلامتج وسلامة البيبي..
وصاجه اهم شي السلامة والصحه .. والله يهون عليج يافراوله..

عاد والله انا امس سويت سونار عند دكتور ثانيي غير دكتوري ، وهم قالي نفس كلام دكتوري البيبي كبير وانا بالاسبوع الثلاثين تو داشته..
و قالي امتنعي عن السكريات بس مااقدر .. ههههه

وبعد ضعفت حيل حيل عن اول والكل ملاحظ مادري شلون محتارة الحين حدي ومتضايقه
بسمن شوي لان ويهي رااح اختفي وماقدر اكل زيادة لان البيبي الله يسلمة كبير ..

حمدالله ياربي لك علي كل حال ...

 

["*آآآنؤؤؤقهـ*"]

رد: أفضل دكتور للـولاده المقعديــه

الله يهووووووون عليييييج

 

[raneen]

:eh_s(7):السلام عليكم ورحمة الله وبركاته....



هذي قصة ولادتي ... ادري طولت عليكم ... بس مامنعني الا الشديد القوي والله الي يشهد ...


حبايبي مثل ما انتو عاارفين كان موعد عمليتي تاريخ 9-4 ...

فتوكلت على الله وصليت العصر ...وخليت عيالي عند خالتي وطلعت رحت المستشفى ...

دشيت على الدكتوره آسيا وقعدت انا وريلي نتكلم معاها عن العمليه ..وعن وضع البيبي واحتمالية انه ممكن يلف ..
وانا كنت بالاسبوع ال 38 ويومين ...

فقالتلي انه كل شي بيد الله وانه ممكن يلف اذا الله كتب ... بس انا الماي كان قليل بالنسبه حق حجم البيبي ..

وقالتلي انها خايفه على عمليتي القديمه لانها وايد كبيره من بداية الحوض ليه نهايته ... والصراحه مادري ليش هالكبر عمليتي القديمه ...
فتخاف انه يحوشني طلق والبيبي راسه فوق مو زين عالجرح ...

فقتلها بس في احتمال انه يلف ... لاني كنت احاول ابكل الطرق اني اولد طبيعي ...لان ابقيصريتي القديمه حيييييل تأذيت ....فقالت مافي شي على الله بعيد .. بس بالنسبه لي الاحتمال ضعيف لانه العوامل ماتساعد على انه يلف بس انتي كثري من المشي والحبي ...اقل شي باليوم ساعه مشي ...

وطبعا قالتلي اذا ولدت هالمره قيصريه .. اغلب ولاداتي الياهيه رح اتكون قيصريه لان خلص مرتين ...

فقلت خلص بنطر لين ما الله كتبلي يمكن يلف .. وطلعت من المستشفى ...

رديت البيت ...والصبح وانا قاعده اتريق وله ادق علي حماتي اقولي انها اتعرف وحده كان راس البيبي فوق ولفوا لها اليهال ... فكلمت البنت وقالتلي عن الدكتور ناهض الي بالمواساة ...

فكنت بين الخايفه والمقتنعه .. فكلمت ريلي قتله عشان اكون استنفذت كل الطرق ... وباجر مالوم نفسي واقول لو كنت رايحه ممكن انه كان لفه و ولدت طبيعي ...
فقالي اوكي دقي عليهم خالناخذ موعد ...

دقيت وله اتقولي انه مسافر ويرد بعد اسبوع ...:eh_s(10):

فقتله في واحد بالامومه يمدحونه شرايك انروح ...فدقيت وقالولي انه موجود ...

وهم خليت عيالي عند خالتي ...وصليت وطلعت ...

ودشيت على الدكتور محمود السيد وإهو استشاري بالمستشفى ...
سووويت السونار وله الحلوه للحين راسها فوق بس جنب شوي ... والبتاعه مالتها بالحوض ,,,,

فقالي لا البيبي صعب انه يلف لان المقعد راكز بالحوض وانا صالي 38 و3 ايام .. واحنه دام هذا الوضع خلص نولدج لان الطلق ممكن يأثر على الجرح ... وماني الماي ينبط واتصير العمليه ابسرعه ابسرعه ...
فقتله خلص انسوي دخول ...جان يقولي تعالي باجر الصبح قتله لا ابي الحين ...
طلعت منه ودقيت على الدكتوره اسيا وقتلها الي صار ... وكان يبلش بع نص ساعه ... كان شفتها 8 بلليل ...
فقتلها خلاص انطرج ...

ويت وكلمتها ...ورحت غرفتي صليت ,,, ودقيت على امي وابوي وقتلهم يحللوني ...:eh_s(16): طبعا قلبتها مناحه ..
لاني ماشفتهم ...

ودقيت على خالتي وهم قتلها اتحللني و وصيتها على عيالي :eh_s(11):...

وصليت ...ودعيت حق تجمعنا وتجمع الامومه وكل البنات ...
\
واستغفرت ...
وتوكلت على الله وقعدت على التخطيط ... وياني دكتور البنج ...

وسالني شنو ابي ...؟؟؟

البنج الكامل وله ابرة الظهر ...

وبدوووون تردد البنج الكامل...جان يقولي ليش ..؟؟؟

قتله لاني اخاف مابي اسمع اي شي ... ولا ابي اشوف ولا احس ....لاني اهستر ان حسيت باي شي...

جان يقولي بس تدرين انه نسبه من البنج الكامل تروح حق البيبي ...:eh_s(10):

اما ابرة الظهر ماتروح للبيبي كلش ... وله ريلي يخزني وانا ابقلبي اقول لا مابي اخاف وابنفس الوقت مابي اضر بنوتي ...

فوفقت مع رعبي الشديد ...منها كنت ميته خوف منها ماحبها وكنت اول وحده اعارضها واخر شي انا الي خذيتها هههههههه

المهم وانا على التخطيط وريلي منسدح على القنفه لانه اهو الي معاي بس ...
وله يزيد العوار ويوصل 139...جان تيي السستر ومعاها الدكتوره عبير ... واتقولي بلا بعد نص ساعه اندخلج ..وهالكلام الساعه 12:30 am تاريخ 11-4 ...

طبعا لازم اكون صايمه اقل شي قبل العمليه اب 4 ساعات ...
وانا من الساعه 3 العصر ماكله يعني تميت 9 ساعات لاماكله ولا شاربه اي شي ...

ونزلوني حق غرفة العمليات ... وريلي يمشي معاي .. باسني على راسي ... وانا اطالعه .. والله جني اول مره اشوفه ..
واهو مبتسم ابوهي ... وماكنت ادري بشوفه مره ثانيه وله لا ...
و وصيته على اليهال ... وقبل لايدخلةني من الباب .. جان يقولي تره انا ناطرج اهني :eh_s(11): ... بجاني حبيبي ...

دشيت وانا خايفه ... على كل الاحاسيس الي موجوده بالعالم حسيتها ... كان شعور خايس ,,,

ياني دكتور التخدير جان يعرف عن نفسه .. وانا امبوزه ابويها لاني اصلا استحي وماحب الدكتاره بس انغصبت عليهم ...

جان يقولي اول مره تاخذينها ..؟؟ قتله اي
جان يقولي لاتخافي ... بس قعدي ولمي المخده ...

وقزني الابره :eh_s(2): شعورها خااااااااايس ههههه خلص جان يقولي ابسرعه نامي على ضهرج ...

ابسرعه نمت على ضهري :RoadRunner:

حطوا الستاره الي بيني وبينهم ... جان احرك ريلي وله تتحرك

جان الف عليه ادوره ... قتله بس ريلي تتحرك ... شلون ..
جان يقولي رفعيها ... ارتفعت شوي وطاحت ...
((( انا الي اعرفه انه تتخدر وماحس ابريلي كلش )))

جان اتصرقع ... قتله قاعده احس فيها ... جان يقولي شمي هالكمام اوكسجين ... جااااااااااااااااااااااااااااااان
انــــــــــــــــــــام ...هههههه
ماحسيت على نفسي الا لمن طلعوني من العمليات وشفت ريلي ناطرني عند الباب مثل ماقالي فديته :eh_s(7):

وصعد معاي حق غرفتي ...وعطوني ابره بالدرب ونمت لين الصبح ...

طبعا عندهم مسكن الالم ابره ... عجييييبه حدها ... يمكن اخذها باليوم مره او مرتين بالكثير لان مفعولها يطول ...

وقبل لا اطلع عطوني مسكن حبوب ومضاد حيوي ...
كان ودي اخذ الابره مالت المسكن معاي

طبعا اكلهم لــــــــــــــــذيذ ... اول يوم كله شوربات عشان لايحوشني امساك ...

وبعدين من ثاني يوم بلش الاكل ... طبعا 3 وجبات رئيسيه ..و3 وجبات خفايف ...مثل المعجنات والفواكه ...

و إييبون لج جدول اتنقين اكلج ...حق الغده ... ومتى ما دقيتي على مطعم المستشفى متوفر عنهم الاكل ...
والطباخين لبنانيين ...


خدمتهم روعه الصراحه .,,, نظيفين ومته ماتبينها اتنظف تييلج ...

ويابولي بوكيه ورد...
ويت الدكتوره اسيا الساعه 10 الصبح طلت علي ...

وخياطها الحمدلله تجميلي ... واحسن من الاولي الف الحمدلله ...

وشلت الخياط بعد اسبوع ... واهو صاير ..غرزين على الاطراف ... يقون طرف ويسحبون من الطرف الثاني ماااااااااااتحسووون ابولا شي ... كلش كلش ...


.........


انا الصراحه انصحكم بالمستشفى ...


بس من رديت بالبيت مكان ابرة الظهر ذبحني من العوار ...
ومسكني يومين صداع ...
حاشتني حراره .. وطلعتلي حبة حراره كبيره باخر لساني ابسبتها اسبوع انا ما اكل بس شوربات ...

عوار العمليه بس المسكن الي عطونياه وايد زين ويدوخ انام بالليل ...
وسلامتكم ...يارب ...
والفال حق كل الي ماولدوا للحين الله يسهل عليكم يارب ..:yaaaaaarb:
وانا ادري اني طولت عليكم ...وسوري لاني قرقت وايد عليكم ...بس حبيت افيدكم ...
واقولكم تجربتي مع المستشفى ...واي سؤال انا حاضره :eh_s(7):​

 

[raneen]

هيللو ...حبيبتي النور نورج ...والله يسلمج من كل شر يارب ....

 

[هيللو كيتي]

واااااي رنين حبيبتي حدي تأثرت بقصتج حيييل..

ولله يسعدج ويطمن قلبج دنيا واخرة ويسخر لج ريلج..

حمدالله طمنتينا عالمستشفي والسهالات من الله وصاجه افضل شي الاستخارة ..
حمدالله ماتركها انا بعد بولاداتي..

ومشكورة عالكتابه واخذنا من وقتج وانتي تعباانه ...




بس ممكن كم سؤال :-

اي غرفه اخذتي؟؟
والمستشفي زادو عليج السعر مثل مانسمع من البنات ولا نفس ماقالو لج اول شي ؟؟!

ومشكوررة ..