&^ تجمـع مـراجعــات مستـشفــى الأمـومــه ^&

[فـراوله]

السلام عليكم ورحمة الله وبركاته


حبيت أحط لنا تجمــع للمراجعـــات في مستشفى الأمومــه ونعرف

أحسن الدكاتره فيها وشلون ولادتهم الطبيعيه والعمليات القيصريه

والخياط والأسعــار والغرف العاديه والـ vip ..


يعنـي نبي نعرف كل شيء يخص هالمستشفى لانها مستشفى جديده

ونبي نعرف عنها أكثر ..


ناطريـن مراجعـــــــات مستشفى الأمومـــه

نبي نفيـد ونستفيد من هالتجمــــــــــع



^^
^
^
^^
^
^

حيـــــــــاكـم اللــــــــــه ​

 

[فـراوله]

أنا راح أبدي أول شيء

أراجع عند الدكتوره عبيـــر مصريه

بصراحه أسلوبها حلـــو وتتكلم مع المراجعه مثل ما تبي

وما تقاطعها وتستعجل بالكشف

حتى بالسونار توريني كل شيء بالبيبي مو بس تسمع النبض ودقيقه وأقووم

لا تطول وياي بالسونار

وما تمل من كثر أسأله المراجعه لها تخليها تأخذ راحتها واهي بعد تسألها

هذا اللي أعرفه عن الدكتوره عبير

أما الولاده والخياط للحين ما جربت عندهـا ونبي اللي ولدت عندها تفيدنا


وبالنسبه للأسعار الولاده الطبيعيه 500 شامله الغرفه العاديه

والـ في أي بي 750 غير شامل الولاده

هذا اللي أعرفه عن الأسعــار

واللي تعرف أكثر تفيدنااا






​

 

[غلاي امي وزوجي]

فراوله مو قالوا 350 الولاده شامل انا خفت والله منه ففكرت اولد بالعدان لان الخاص يخرع

 

[فـراوله]

غـلاي 350 لين آخر شهر 8 بس فترة العرض

احنا ولادتنا شهر 11 يعني طافنا العرض

 

[غلاي امي وزوجي]

بس وحده توها والده عندهم وهي بفتررة العرض اخذوا منها 600 دينار

 

[فـراوله]

صج والله ؟ شلـووون ؟؟

اهي طبيعي ولا قيصريه ؟

وخذت كم يوم نايمه بالغرفه

واهي ماخذه غرفه عاديه ولا vip

 

[فـراوله]

وين البنات اللي يراجعون هناك

كل ما أروح ألقى في مراجعات

وينكـــــم ؟؟

 

[BiiShOoO]

اهلييين فراولة


انا بعد اراجع عند الدكتورة عبير


و كنت حامل بس اجضهت و كلفتني التنظيفات 398 تقريبا

 

[غلاي امي وزوجي]

هلا فراوله واله ما ادري شوفي موضوعها بالمنتدى

 

[آهات الليل]

الله يتمم عليكم وعلي ان شالله بغيت أسألكم جم السونار عندهم وشلون سونارهم واضح ولالا يعني عندهم خبره بالسونار وجنس البيبي؟انا قالولي بنوته بس هم بتاكد

 

[فـراوله]

Loooo الله يعوض عليج ان شاءالله


آهات أنا سويت عندهم سونار بالرابع والدكتوره كانت شاكه انه ولد

وقالت بتأكد شهر 7 وسافرت راح علي الموعد

وأمس رحت سويت سونار عشان أعرف جنس البيبي

وطلع ولـد

يعني كلام الدكتوره صح

 

[فـراوله]

غـلاي بسوي بحث وأشوووف موضوعها

 

[غلاي امي وزوجي]

بتسوين لنا مفاجاه بالتجمع الحين عرفت لووووووووووووووووووووووول

 

[فـراوله]

هههههههههههههههههههههه زين غلاي سكتي


لا تعلميييين

 

[آهات الليل]

الله يتمم عليج انزين بجم سونارهم ب15؟؟
اذا تحسين انهم متمكنين قوليلي عشان خاطري اسوي سونار عندهم من باب التغير

 

[فـراوله]

شوفي أنا أروح أدفع كشف وسونار بـ 12 دينار

وأنا جربت الدكتوووره عبير عجبتني بسونارها

طول فيه وتشرح وتبين لج كل شيء

أما الباقي ما أعرفهم

 

[آهات الليل]

شكلي بروح اسوي عند عبير بس عاد انا ماسوي سونار الا بليل او عال12 عاد عندهم ولا لا؟يسكرون خخخخ
لان كله اسوي بالهادي سوناري عال2الفير وتعب لان هم زحمه

 

[y3sooba]

مرحبا بنات
انا بعد اراجع بمستشفى الامومه عند الدكتور عبدالحي
خوش واحد يحب يعرف كل شي فيني ويفحص عدل وباله طويل ومو مستعجل

وانا بشهري او ودي اولد هناك .. بس ليما الحين موضوع محل جدل بيني وبين ريلي لان خايف ويبيني اولد في مستشفى معروف

انا مرتاحه مع الدكتور وهذا اهم شي

والا شرايكم بنات ؟؟

 

[فـراوله]

آهات الليل

العيادات تخلص الساعه 9 بالليل

وبعدها طوارىء


y3sooba أنا للحين مادري عن ولادتهم عشان جذي حطيت هالتجمع

نبي نعرف اللي ولدوا فيه


عاد وايد والدين فيها كل ما أدق على الدكتوره عبير أستفسر عن شغله

يقولون لي ولاده

ويوم رحت عندهم آخر مره دكتور طلع ولاده ودكتوره هنديه بعد طلعت ولاده

ودي اللي ولدوا يفيدونا

 

[آهات الليل]

الله يعطيج العافيه ياقلبي ماقصرتي
الله يتمم علينا ان شالله