تجميع للاستفسارات حول تجميل الانف @@

[سااارا]

:eh_s(8):الســـــــلام عليكم يابنات

كيف خشومك عساها للأحسن:eh_s(6):

موعدي يابنات عند دكتور جمال جمعه يوم الاربعاء الجاي ادعولي يابنات والله خايفه

ويارب ارتاحله ويطلع ممتاااااااااااااز لان ماعندنا بالشرقيه دكاتره كثير معروفين!!!

وانشاء الله اقولكم وش بيصير معي

ادعولي يابنـــــــــــــــــــات

 

[diamonda]

السلام عليكم
اشلونكم بنات شخباركم

ما امداني اقرى كل الردود

بس بقولكم ان شفت تغيير بخشمي
صج ان بسيط بس انا مستانسه عليه

احس لو بعد شهرين يطلع احلى
و6 شهور ان شالله يكون بيرفكت

لان من الحين احسه قام يتعدل وجدامي 6 شهور بعد يعني في وايد وقت صح:eh_s(6):

بس الارنبه متفوخه للحين والعظم من الجوانب متفوخ بس اخف من قبل

العرض مال العظم بدا يخف عن قبل الحمدلله وقاعده اسويله مساج واتوصى فيه :dddds:
الفتحات ما تغيروا كل وحده غير عن الثانيه
بس انا خايفه انهم غير عشان انا كنت انظف بقطن اذون بجهة اكثر من الثانيه
الحين قاعده احاول اللمهم على بعض

وجني قريت فيرجو تقولين ان للحين متفوخ ومتشقق وشفايفج بعد ؟ حتى انا ترى

بس تدرون بنات شتسوون اذا بشرتكم وخشومكم مشققه؟؟

مسحوا بتونيك مرطب وبعدين حطوا فاونديشن خفيف

وانا استعمل تونيك oily الوردي
واستعمل كريم فيتامين E من بودي شوب وااااااااااااااااااااااايد حلو

وبعدين احط بودرة فاونديشن مو كريم حتى ..بس شويه يبقى فيه متقشر

وشفايفي شوي متقشرين بس دايما امسحهم بكلينكس عشان تنشال الطبقه المتقشره يصيرون ناعمين


وفيرجو انا بعد عندي اثار الغرز بس جهة اليسار اكثر من اليمين وكان عندي حفرة صغيره بجهة اليمين بس بعدين بدت تخف من الجل حطي طبقه عليه زياده شوي

الغرزه اللي داخل خشمي الخيط مأذيني واي لما انظف تضايقني ياربي متى يشيلها

والعظمه اللي بجهة اليسار اكثر من اليمين للحين

ومشكورين كل البنات اللي يرفعون معنوياتنا ويريحونا الله يريحكم ان شاء الله :tek:
مو قادره اعدد الاسامي لان وايد صفحات ما قريتها هخخخخخ

 

[جوريه28]

مرحبااااااااا للجميع دام كلنا نفس الحاله عيل اكيد شغل الدكتور جذي ماجدامنا غير الصبربغيت انبهكم على شي انا الغرزه اللي داخل خشمي ماتحملتها رحت حق الدكتور شالها لي لان من كثر ماكنت احوشها صارت ملتهبه وسوالي كوي مكانها وصارت مثل حبه كبير فنصييحه لحد يلمس هل غرزه عشان لا تصيرون مثليييييييييييييي

 

[ام_تريم]

بنات اشحالكن....


بنات ممكن تفيدوني كيف استخدم (((( المـــــــــــــــــــــرة))))

انا كملت 5 شهور من سويت العملية في خشمي..عمليتي كانت تصغير الارنبة...وفديت الارنبة لين الحين واااااااارمه واكبيرة..متضايجه حيل من هالشي... انا ماستخدمت شي من بعد العملية ولا سويت مساج للارنبة....

فقلت فخاطري خلني اجرب ((( المرة)) عسى ولعل تصغير خشمي اشوي واستانس


ابليززز علموني كيف استخدم ((( المرة)))

 

[جوريه28]

انا اسمحيلي ماعندي فكره بس انتي عند اي دكتور سويتيها؟

 

[ابلة روضه]

:krkrkr:هاي بنات شلونكم مشتاقتلكم ادري طولت عليكم بس شسوي لابتوبي خرف انطر ازور بيت اهلي واستخدم لابتوب اخواني انا بنات ليش جهة اليسار العظم واللحم متفوخ اكثر من اليمين مادري ليش وهالشي مظايقني اخاف مايروح بنات شسالفه شصبرني لي موعدي حتى دقيت بروح له قالولي مسافر

 

[ابلة روضه]

عروس
شلونج بشري شلون شغل الدكتور الدنف انتي فتحاتج كان فيهم مشكله من الجنب يعني انا جنب اليمين غير عن اليسار وحده قوس ووحده مقصوصه ثمانيه فاهميني بنات طبعا مو من منذر من الزفت عبدالمحسن مخربها هو منذر مسكين قال انها ما تتعدل لان قاص اللحم بس يمكن لعله وعسى عندي امل تهقون بابره تتعدل

 

[ابلة روضه]

قصدي ابرة كولاجين

 

[شرقاويه عسل]

هلا بنات...ادري تأخرت عليكم بالرد..بس الله لايراويكم حاشتنا انفلونزا بالدور الاسبوع اللي طاف ..

اليوم كملت 23 يوم من العمليه..زي ماعلمتكم سويتها عند بول عوده..بلبنان..

بيوم 21 جولاي كان عندي استشارتين الاولى عند ايلي غاريوس..الثانيه عند بول عوده..

دخلت عند ايلي غاريوس على الموعد بالضبط وتأخر علي كان عنده عمليه..انتظرته نص ساعه او اكثر الين جا..

دخلت عليه وسولفت له شنو ابي شنو ماابي..الخشم قلتله ابي تخفف العرض وتنحت الارنبه اكثر وتخفف من بروز الغضاريف الجانبيه

وايضا كنت ابي اشفط اللغلوغه اللي تحت الذقن..وابي احقن الخطوط التعبيريه حوالين الفم والانف..

علمني انه بيضبط الخشم بس مابيقدر يتحكم بالارنبه لان بعمليتي السابقه الدكتور ماخلى له غضاريف يقدر يستخدمهم لو سوى لي

العمليه..واللي ضايقني كل شوي يقول بدنا نصلح الخراب والتشويه مع ان خشمي مو لهالدرجه..وصدمني لما قالي بالنسبه للخطوط التعبيريه

ابر التعبئه ماراح تعطي نتيجه كويسه فالافضل نسوي جراحة شد كامله للوجه..حسيت حزتها ان عمري 45 ووجهي طايح وحالتي حاله خخخ

ايضا اللي وترني انه يجري عمليات الانف بالعياده..عدا العمليات الكبيره بالمستشفى..بصراحه الواحد مايضمن المضاعفات لاقدر الله شنو

ممكن يصير وقت الجراحه حتى لو البنج موضعي..حزتها مايفيد الندم..ولما سألته ابي اسويها بالمستشفى حسيت ماوده وعلمني ان العياده

اهدأ والمستشفى صجه وزجمه..بس لو مصره عالمستشفى بيسويها ب 2000$ او اكثر شوي بصراحه مو متذكره نسيت...

..عموما بنات انا مااذم فيه بالعكس هو مبين عليه شاطر ومتمكن واسعاره حلوه الانف قال بيسويه 1400 $ اللغد 600 $ شد الوجه

3000$..وعلى فكره الاستشاره كانت مجانيه مااخذ علينا رسوم..ومبين ان اسمه مشهور هناك..انا سألت وحده بمنتدى المسافرون العرب

عضوه كبيره بالمنتدى ولبنانيه..عن الاكثر شهره وقالت لي ايلي غاريوس...ومره كنت بمحل وجوه للمكياج بقسم فور ايفر وسألت اللبناني

ونفس الشي قال ايلي غاريوس..بس سبحان الله ماادري ليش احساسي كان ماودي اسويها عنده..يعني مثل ماعلمكتم الحاسه السادسه على

قولتهم ماخلتني اختاره..وساعد بهالشي الشوشره اللي صارت بالمنتدى عليه...


طلعت من عنده ورحت لبول عوده..رحت بدري عن الموعد بنص ساعه اضن..بس قلت يالله بانتظر..دخلنا البنايه وركبنا المصعد وركب معانا

واحد اصلع بالبالطو..وكانت المفاجأه انه الدكتور بول..وهو اللي فتح العياده ودخلنا وشغل الانوار والمكيفات وشغل mbc 3 لعيالي خخخخ

وقالنا تفضلوا..ودخلت قبل الموعد لانه كان فاضي..وفتح لي ملف واخذ البيانات..واسئله صحيه ..اعاني من حساسيه ؟ اتعاطي ادويه؟..الخ

وسألني شنو المشكله وسولفت له نفس ماسولفت لأيلي غاريوس..الخشم + الخطوط التعبيريه+ اللغلوغه...وسألته الخطوط التعبيريه اي احسن

ابر تعبئه او جراحة شد؟؟..سويت فيها مو فاهمه..وشهق بوجهي شو جراحة شد!!هيدي بتعمليها فوق ال50 ..وخيرني قال لي التعبئه مؤقته

وبعد فتره تروح..اما حقن الدهون راح تطول وممكن تخف بالتدريج على المدى الطويل..الذقن قال بيشفطه كله من تحت حوالين الفك وتحت

الذقن...الخشم قال بيضعفه..بيصغر الفتحات شوي..بينحت الغضاريف..بيرفعه رفعه معقوله ..بيزرع غضروف بالارنبه عشان يطولها شوي

ايضا بيزرع غضروف بالجسر من تحت اللي بين الفتحات عشان يبرزه اكثر..

الانف كلفني 2400$

اللغد 600$

حقن التعابير 600$

دخلت المستشفى يوم ثاني الصبح ..على الساعه 8 اخذت ابرة البنج العام ودخلت عالم ثاني ..صحيت الساعه 11ونص بغرفة الافاقه

وتميت بغرفتي الين 4 العصر ..ماتحملت جو المستشفى وطلعت الفندق وكانت اصعب 3 ايام مرت علي بحياتي..كنت مسخ بما تعنيه الكلمه

وجهي وارم وملون بالوان الطيف وعيوني انطمست من النقخه..ونفسيه دمار..بس الله كريم كل ماضاقت قلت يارب والحمدلله عدت

حط لي فتايل قالي يوم واشيلها بنفسي لانها صغيرونه..وثبت لي داخل الخشم شغلات بلاستك اشيلها بعد اسبوع مع الجبس ..كانت تضايق شوي

بس مو زي الفتايل اللي بعمليتي السابقه..يعني كنت اقدر اتنفس عادي..وانام عادي..

بعد 4 ايام رجعت لحياتي الطبيعيه وصرت اطلع واروح واجي..بعدها ب3 ايام رحت له يفك الجبيره ويشيل البلاستك اللي داخل ويفك

الغرز..لحظة ماشال البلاستيك ورواني اياها بغى يغمى علي ..على كثر ماكانت طويله وكلها بخشمي ااخ

بعد الجبيره لصق خشمي..وعلمني عالطريقه شلون..وقالي استمري اسبوع كل يومين غيري اللصقات..واستمري على المساج من فوق لتحت

مرتين باليوم..

شغلات كتبتها من قبل خلتني ارسى على بول عوده..برد اكتبها مره ثانيه..

1- من المشاركين في لجنة التحكيم لمس ليبانون
2- استضافه زافين في سيره وانفتحت
3_يشهد له احمد قبيسي بشطارته بالتجميل
4- احساسي اني ارتحت له خخخخ هذي من عندي عاد

نجي للنتيجه..
خشمي لاحظت بالتغيير ملحوظ فيه من ايام الجبيره بالرغم من النفخه والورم يعني طبعا كان كله مغطى بس باينه الفتحات وجزء من الارنبه
وبعد مافكيت الجبيره..شفت انه سوى كل اللي قاله..العظم بالنص نحف كثير عن اول..الجوانب نحتها عن اول..الارنبه تحددت اكثر..
رفع الارنبه رفعه حلوه مو اوفر ..المسافه من الشفه ماتغيرت بحكم انه ضبط الجسر بين الفتحات..من اول كان خشمي نازل على بعضه
ومافيه اصلا جسر باين بين الفتحات..على العكس الحين باين ومحدد ..طبعا هالكلام بالرغم من وجود الانتفاخ والورم للحين..

الذقن واللغلوغه مسحها كلها ولازال فيه ورم والم للحين..المفروض اني استمر على الضاغط طول مافيه الم وورم

التعابير اللي عن الخد اختفت بالاضافه الى ان خدودي برزوا وارتفعوا شوي وبصراحه انا مو ناقصه خدود وهالشي مضايقني..بس قالي
انه يحب يحقن اوفر لان 30%راح يذوب من كمية الحقن ومع الوقت بيصير الشكل طبيعي...

الخطين اللي حوالين الفم بس اول الايام اختفوا ومع الوقت بدت ترجع زي اول..الصراحه احس مانجحت ..

بس اقول الحمدلله يكفي الخشم اوكيه والذقن وتعابير حوالين الخشم..تخليني انسى النقطه الاخيره..

برتاح لي شوي وبعد فتره بسوي فيلر لحوالين الفم...

تقريبا هذي خلاصة تجربتي ..واي سؤال تفضلوا اسئلوا..تسعدني افادتكم..الفضل بعد رب العالمين لهالمنتدى الراقي اللي خلاني

اختار الدكتور الصحيح...

 

[sweet_popcorn]

شرقاوية عسل الحمدلله على سلامتك


والله حمستيني على بول عوده ، واسعارهم بلبنان ارخص من ايرااااااااااااااااان مع اني توقعت العكس ههههههههههههههههه


ما كنت عارفه عنه كل هالمعلومات

 

[ابلة روضه]

الحمدالله على السلامه شرقاويه
ششكثر تعطين نسبة نجاح خشمج ومنو دكتورج الاولي وشنو كان مشكلة خشمج بالضبط

 

[شرقاويه عسل]

شرقاوية عسل الحمدلله على سلامتك


والله حمستيني على بول عوده ، واسعارهم بلبنان ارخص من ايرااااااااااااااااان مع اني توقعت العكس ههههههههههههههههه


ما كنت عارفه عنه كل هالمعلومات

ربي يسلمج يالغلا..اللي شفته ان لبنان ارخص..ايران كانت رخيصه اول ..البنات يقولون العمليه كانت بيوم من الايام
600 دينار..وبقدرة قادر وصلت 1200 الى 1500 دينار..
وانا والله حبيت شغل بول عوده بالخشم وخايفه انسى روحي بالمدح واسوي له دعايه..بس من جد شغله نظيف والغرز
اللي سواها تجميليه يادوب تبان ..

 

[شرقاويه عسل]

الحمدالله على السلامه شرقاويه
ششكثر تعطين نسبة نجاح خشمج ومنو دكتورج الاولي وشنو كان مشكلة خشمج بالضبط

ربي يسلمج حبيبتي...
شوفي ماابي احط نسبه كبيره لاني توني ماخلصت شهر..
بس حاليا نسبة النجاح اكثر من 50 %...النسبه الباقيه بخليها بعد مايروح الورم والنفخه
دكتوري الاولي كان بشار البزره..
خشمي الاولي كان عريض مفروش..ماكان فيه ارتفاع بالنص كلشولا كان فيه ارنبه محدده والفتحات كبيره..
بشار صغر العظم شوي..زرع لي غضروف عشان يعطيه ارتفاع..
مشكلته سوا فتحه اكثر من الثانيه..الغضروف اللي ثبته ماثبته زين..الغضاريف مانحتها زين
الارنبه خلاها مثل ماهي..

اتمنى افدتج

 

[حياتي خيال]

كيفكم بنات ..
سارا انا سمعت عن الدكتور جمال بس انتي شفتي شغله على احد لاني ودي احجز عنده بس متردده بينه وبين كم دكتور ,,
سمعتي عند الدكتور حواري أو فواز بيدس ؟ هذولي بعد يمدحونهم ؟
حواري سمعت عنه بس مشكلته مواعيد وزحمه وغالي وفواز ماعندي معلومات عنه
طمنينا عن موعدك مع الدكتور جمال ..
تحياتي

 

[sweet_popcorn]

ربي يسلمج يالغلا..اللي شفته ان لبنان ارخص..ايران كانت رخيصه اول ..البنات يقولون العمليه كانت بيوم من الايام
600 دينار..وبقدرة قادر وصلت 1200 الى 1500 دينار..
وانا والله حبيت شغل بول عوده بالخشم وخايفه انسى روحي بالمدح واسوي له دعايه..بس من جد شغله نظيف والغرز
اللي سواها تجميليه يادوب تبان ..

صحيح ايران كانت رخيصة بس طقوا بالعلالي

والله هذا المهم ان الشغل يكون نظيف والوحده ترتاح لعملية الدكتور ، و دام النتيجة إلى الان اكثر من 50% ان شاء الله مع الوقت ترتاحين و تلقين خشمك احلى و احلى ياااااا رب

 

[جوريه28]

يارب تعبت وانا اسوي مساج حق التفخه اللي على الجنب مو راضيه تخف ياخووووووووووووووووووووووووووووفي يكون عظم يالله ستركمعقوله ماتروح والاغلبيه فيهم هل تفخه؟والدكتورمنذر ماشالله عليه شاطر انا وايد سالت عنه قبل ماسويي العمليه عنده على الله ناطرينك يادكتور متى ترد

 

[Donatilla]

يارب تعبت وانا اسوي مساج حق التفخه اللي على الجنب مو راضيه تخف ياخووووووووووووووووووووووووووووفي يكون عظم يالله ستركمعقوله ماتروح والاغلبيه فيهم هل تفخه؟والدكتورمنذر ماشالله عليه شاطر انا وايد سالت عنه قبل ماسويي العمليه عنده على الله ناطرينك يادكتور متى ترد

انا حاسة انها نتوء عظمي وسلمت امري وبعديين مو شرط الشاطر يكون شااااطر بكل شي عموما والله مادري بس الله يستر
يعني شبسوي؟؟؟ ملييت من المحاتا ه اليومية ...وعلى فكرة ما في شي اسمه بيررفكت​

 

[A.sweet]

هلا والله أم تريم​

حبيبتي المره تنقعينها بماي وتحطين الكمادات على خشمج وتمسحينها على عيووونج بعد وتشمين المره ترى تنفع حييييييييييل والله اخووي اليوم طلع من المستشفى سوى العمليه من يومين جذي ومليو:ggdw:ووم امي ذبحته بالمره:dddds: صج صج عجيبه لا تطوووووووفج حبوبه :ggdw:

 

[سارة252]

ا

ي بنات شلونكم مشتاقتلكم ادري طولت عليكم بس شسوي لابتوبي خرف انطر ازور بيت اهلي واستخدم لابتوب اخواني انا بنات ليش جهة اليسار العظم واللحم متفوخ اكثر من اليمين مادري ليش وهالشي مظايقني اخاف مايروح بنات شسالفه شصبرني لي موعدي حتى دقيت بروح له قالولي مسافر

اهلا انا ما سويت خشمي سويت فكي ومع الفك يتغير رسمه الخشم ويورم بعد .. الحين لي 6 شهور والى الان فيني هذا الشي جهه من خشمي اكبر من الثانية :"""( مادري ليه
تتوقعين يبيله صبر ؟

 

[رومنسيه بعطور فرنسيه]

بنااااااااااااات تكفون بليز انا صارلي من سويت العليه للحين اسبوعين واليوم حالوت انظف خشمي باللقاط جان يطلع دم معا انه قبل ماطلع دم بس الحين طلع دم اشوي وبعدها صار وارم اتهقون عااااادي والا انا جرحت خشمي بلييييز هل صار لكم نفس الحاله