امبي قاعدة اقرى كلامكم امبي صج انتو شجاعات امبي وما تخافوون
بس ديرو بالكم من العملية التجميل لازم قبل لا تسوي اي خطوة تصيرين مثل محقق كونان خخخخخخخخخخ تتاكدين من الدكتور عددل مددل عشان لا تندمون بعدين وتتحسفون
لان شنو امبي انا رفيجتي خشمها امدلقم وبعد خنافر معنها بيضة ..شنو سوت تبي يكوت شكلها احلى سافرت سوريا وسوت عملية عند دكتورة ب500 ليرا بس بالكويتي يعني ولا شي ارخيص حدة ..المهم لما اول مرة سوت العملية كان عمرها 16 سنة وامبي خربت خشمها عدل بس سوت لها من فوق سوت خشمها جنه زحلاقية من فوق وبالجمب شكله حدة مو طبيعي يعني اول ما اولحد يجوفها يقول عملييييييييييييييييية تجميل وبعد فاشلة ..
وبعدين رفيجتي تعقدت من كلام الناس وسافرت بالعطلة بعد حق نفس الدكتورة وست عملية ثانية حق خنفورتها امبي اللله لا يوريكم شنو خربووا خشمها يفشششششششل يفششششششل امبي ويهها مسكينه اخترب شوهو خشمها
وبعدين السنة الي طافت بعد سوت خشمها تعدلة جيكو كل ساع تسوي عملية تصحح الخراب الي صار ..وثالث مرة صار حلووو اصغير ومضبوط ..بس همن في مشكلة امسوية مثل غمازة وحدة ضابطة والناحية الثانية مافي غمازة
مسكينه الحين صارت مدمنه عمليات تجميل واهيا اصغيرة الحين عمرها 19 سنة وكل اشوي تسوي تصحييييييح :eh_s(1):
ديرو بالكم حييييييييييل وفكرو عدل لان الحين رفيجتي تقول جان زين ما سويت عملية اول مرة وجان زين ما تليقفت وجان زين ما طمعت وابي اصير احلى وجان زين سويت عند دكتورة زينة وجان زين بس كله كلامها جان زين ومتحسفة:0bee2e8d89: ..
