تجميع للاستفسارات حول تجميل الانف @@

[دلع_البحرين]

Donatilla

أنا صارلي 6 شهور و للحين ما طاحوا الغرز لا و بعد لما خف الورم وبانت النتيجة عدل طلع خشمي عوي

لما شالي الجبس أول مرة كنت وايد مستانسة بس الحين واضح أن خشمي فيه أنحراف لما أضحك الخشم كلة يروح صوب اليسار ولما أنام صوب اليمين خشمي من تحت يروح صوب اليمين وفي شي تحت خشمي نازل و بارز واصل للشفة و يتحرك يمين و يسار
حاجيت واحد من الدكاترة قالي أحتمال عندج أنحراف بالعضروف و ممكن أعطيج أبرة تعدل الأنحراف
و البارحة كلمت الدكتور حمود النومس بجريدة الرأي أهوا عطاني التشخيص المنطقي و أعتقد رده أهوا الأضبط قالي لا تحقنين أبر ما راح تنفعج أنا ما شفتج و لا فحصتج لكن أعتقد أن الحاجز الأنفي عندج مو مثبت عدل وهذا يخلي الخشم يتحرك معاج وتحتاجين عملية ثانية يتثبت فيها الحاجز عدل
صكيت التلفون و بجيت بجي السنة بساعة بس الحمد لله على كل حال

قدر الله و ما شاء فعل​

انتظري حبيبتي ترى وايد سمعت ان بعد العمليه لين تنامين جهة اليمين يفر شوي جهة اليمين حاولي تنامين على ظهرج اكثر شي يبي له فتره لحد مايثبت شكله وياااارب ماتحتاجين عمليه ثانيه:ch12:

 

[دلع_البحرين]

بنات انا صوتي مرررررره متغير بعد العمليه

وخشمي احسه مسكر مره مع انهم شالوا اللزقات وكل شي ..

مدري هل فيه احد صار لها مثلي ؟

ومتى رجع الصوت لطبيعته ؟

حمد الله على سلامتج وترى طبيعي يتغير الصوت انا بعد صوتي تغير اول الايام حتى حروفي ماتنفهم عاد زوجي يكرر علي الكلمه عشان يتطنز علي لووول:j013:

 

[دلع_البحرين]

اليوم موعدي يبدلون لي البلاستر وبيشوفني الدكتور صراحه ضايقني كل اسبوع اشوفه وادفع له زياره 20 دينار كفايه دفعت له 2000 دينار للعمليه بس يالله كل شي يهون للنوووز الجميل

بنات اليوم صراحه رفعت البلاستر طليت عليه احسه مضغوط واحس روحي مب آنه طالعته يمين ويسار ورجعت خشيته ادعو لي يصير حلو

 

[نمله معصبه]

اليوم موعدي يبدلون لي البلاستر وبيشوفني الدكتور صراحه ضايقني كل اسبوع اشوفه وادفع له زياره 20 دينار كفايه دفعت له 2000 دينار للعمليه بس يالله كل شي يهون للنوووز الجميل

بنات اليوم صراحه رفعت البلاستر طليت عليه احسه مضغوط واحس روحي مب آنه طالعته يمين ويسار ورجعت خشيته ادعو لي يصير حلو

يااااااااااااااااااااااارب يصير حلو ومثل ماتبين واحلى يارب..

 

[دلع_البحرين]

نمووووله توني رجعت من العياده شافتني وحده هناك تقول لي خشمج ايهبل ولبروفايل حقه فضيع دققت فيه اليوم احسه مرتب ونازل مثل رنا الابيض هذا وانا توني شهر ماكملت مستانسه عليه بعد شهرين شنو بسوي هههههههههههه اي صج عطاني جل ومره وحده خليته ينظف ويهي وعطاني غسول وكريم للصبح والليل انشاء الله استفيد عليهم والنيوو لووك ينجح

 

[maya2009]

دلع البحرين مبروك حبيتي والله اني احاتيك ان شاءالله خشمك يضبط وانا عندي احساس قوي ان بعد 6 اشهر راح يصير اكثر مما تتخيلين وتتوقعين الله يهنيك فيه وتطمنينه وانا بعد بنتظر اكمل السنه الثانيه بعد العمليه واشوف شنو سالفة الورم اللي مو راضي يروح بس الحمدلله احسن من غيري على الاقل شكله طبيعي مو مثل اول

 

[دلع_البحرين]

مايا حبيبتي ليش ماتطقين ابره شفت وحده بالعياده طقت ابره اسمها ابره القاز توخر التورم انا قال لي ماحتاجها عطاني بس جل لتحت عيوني لان منتفخ شوي لازم تروحين لدكتورج وتشوفين وضعج حبيبتي ومشكوره عمري على سؤالج عني والله لايحرمني منكم

 

[نمله معصبه]

دلع
ماشاااااء الله تبارك الرحمن الله يهنيج فيه وان شاء الله كل يوم يصير احلى من اليوم اللي قبله يارب

 

[ZaYtOoNa]

بنات انا صوتي مرررررره متغير بعد العمليه

وخشمي احسه مسكر مره مع انهم شالوا اللزقات وكل شي ..

مدري هل فيه احد صار لها مثلي ؟

ومتى رجع الصوت لطبيعته ؟

حمدلله ع سلامتك

بالنسبه للصوت ما بعرف
انا صوتي ما تغير ابدا
بس بعرف ناس تغير صوتهن بس ما طول اكتر من شهر

وبالنسبه للمنخار
انا كنت بحس مره عم بتنفس منيح ومره لا
بوقتا الدكتور حكالي للشهر وكلشي بيصير طبيعي
لانو عمليتي كانت علاجيه تجميليه
وللشهر وكلشي صار تمام الحمدلله

فما تخافي

 

[ZaYtOoNa]

نمووووله توني رجعت من العياده شافتني وحده هناك تقول لي خشمج ايهبل ولبروفايل حقه فضيع دققت فيه اليوم احسه مرتب ونازل مثل رنا الابيض هذا وانا توني شهر ماكملت مستانسه عليه بعد شهرين شنو بسوي هههههههههههه اي صج عطاني جل ومره وحده خليته ينظف ويهي وعطاني غسول وكريم للصبح والليل انشاء الله استفيد عليهم والنيوو لووك ينجح

منيح كتييير
ان شاءالله بيصير احلى واحلى

فرجينا صووووره

 

[دلع_البحرين]

زيتونه ودي بس اخاف احطها واحد يعرفني انا اشتغل في خدمة عملاء يعني كل يوم شكل يجيني اخاف انفضح

 

[أنفاس البنفسج]

بنات محتاجتكم ضروري لا تردوني

اذا سويت الحين عملية تجميل الأنف .. متى أقدر أدخل على الدوام
متى عادي أحط ميك آبوأكشخ وأروح عرس وما يبين اني توي مسوية عملية ؟


عرس أخوي بعد شهرين ومحتارة وايد .. أسويها الحين ولا لا .. وحيل مضايجة من خشمي ..
وبروح ايران بعد سبوع قلت بسويها مرة وحدة

شتشورون علي؟


بليز لا تطنشوني محتاسة بعمري وايد

 

[دلع_البحرين]

انفاس سويها عقب عرس اخوج ترى يبي لها وقت عشان يرجع شكلج طبيعي انا سويتها والحين 13 يوم ومددت اجازتي ابي شكلي يصير عادي عشان اطلع واداوم واختاري الدكتور الشاطر ولاتستعجلين

 

[نمله معصبه]

انفاس
اذا تبين نصيحتي انا لاتسوينها..اذا ماكانت علاجيه لاتسوينها ..

 

[منار123]

بنااات بسألكم الـ1000 ايراني جم كويتي ؟؟؟؟الي تعرف ياليت تفيدني

 

[دلع_البحرين]

صاجه نمووله انا لو مو علاجيه ماسويتها استخيرو بنات قبل ما تسوون اي شي صدقوني بترتاحون نفسيا

 

[أنفاس البنفسج]

انفاس سويها عقب عرس اخوج ترى يبي لها وقت عشان يرجع شكلج طبيعي انا سويتها والحين 13 يوم ومددت اجازتي ابي شكلي يصير عادي عشان اطلع واداوم واختاري الدكتور الشاطر ولاتستعجلين

شلون شكلج الحين؟

 

[أنفاس البنفسج]

انفاس
اذا تبين نصيحتي انا لاتسوينها..اذا ماكانت علاجيه لاتسوينها ..

ليش ما أسويها ؟
آنا ملامحي حييييل حيييل ناعمة بس خشمي معقدني ومخرب شوي ..

 

[دلع_البحرين]

شلون شكلج الحين؟

هلا حـبيبتي للحين ويهي متورم احسه خف واايد بس للحين شكلي فيني شي الدكترو يوم رحت له قال لي بيشيل البلاستر واحطه بس الليل قلت له اني اجازه قال لي خلاص حطيه 24 ساعه وبتستفيدين اكثر واكاني بالبلاستر 24 ساعه عطاني حبوب روكاتين عشان يفش بسرعه وفيني حرار شوي قال لي بيروح مره وحده


انتي في بالج اي دكتور يسويها لج؟

 

[أنفاس البنفسج]

آنة رحت لدكتور جانج
وهو شرحلي بالضبط اللي في بالي اسويه بس قال بيرفع الخشم شوي وقلت له ما ابي
ويوم شفت عملياته اغلبها الخشم رافعه وآنة عاجبني خشمي جذي اهو مو نازل وايد كلش شوي وحلوة النزلة مالته مثل الخشوم الخليجية
فنوع اللي خفت يرفعه لي ويبين تجميل واضح واصير كأني مايكل جاكسون

بعد سبوع بسافر ايران فقلت يمكن اسوي عند النعيمي سمعت وايد يتكلمون عنه
بروح وبشوف اذا عجبني الوضع بسوي العملية وتكون سياحة وعملية
واذا ما عجبني ما بستعيل وبرد ديرتي ابرك لي


دلوعة _ في مجال تراويني صور خشمج؟
ياترى يبين تجميل ولا طبيعي وايد ..
لأني ما ابي يلعب فيه وايد بس يصيحح العيوب فقط لا غير بدون ما يغير الشكل العام للويه