تجميل الأنف بإيران (( دمج مواضيع مشابهه))

[بنوتة الامارات]

...........................................................

 

[بعد عمري]

هلا ام حمودي انة بعد ابي اسوي عملية تجميل حق خشمي ولو ماعليج امر ممكن تعطيني اسمه ورقمه
مشكورة حبوبة

 

[Mubeena]

انا ودي اسوي بس زوجي مب رااااااااااااااااضي ..
قال بردج بيت ابوووووج اذا فكرت مجرد التفكييير في الموضوع...
اش هالحركات يعني !!!

 

[شمس 20]

بنات المشكلة بخشمي ان عريض لما اضحك ينفرش ابي اصغر الفتحات .. مابي تخدير كلي ابي موضعي لاني اخاف من هالسوالف ..

ياليت اللي تعرف تفيدني

 

[Edrak]

صباح الخير بنات

حبيت اسأل بور صادق او لطفي زادة يضبطون تصغير الارنبة

انا ابي نفس سلمى حايك شلون عمليتها كانت ناجحة

لان الغضروف والعظمة عندي ممتازين لكن الارنبة كبيرة ودايما صوري فاشلة بسببها للاسف

 

[أم هيونة الحلوة]

والله يبيلة عملية وناسة

 

[بنوتة الامارات]

^______________________^

 

[شرقاويه عسل]

مرحبا كويتيات قمرات

في حد سو العمليه هالفتره عند الدكتور بور صادق؟؟..كم وصل سعر العمليه؟؟

يعطيكم الف عافيه..........

 

[سارونه الاماراتيه]

نفس السؤال

 

[magd_q8]

اختي ترا حرام
وثانيا بعض الحالات سببت لهم ضيق تنفس

 

[hmama]

لا تعليق

 

[انتظر]

شوقوتني اسوي خشمي
اذا سويته اقولكم ^_^

 

[أميرة الحزن:)]

السلام عليكم

انا الحين محتاره بين دكتورين مدحوهم البنات

لطفي زاده و بور صادق

انا سويت عمليه تجميل في الكويت وبالتحديد عند عبدالمحسن جعفر وللاسف خرب خشمي وفتحه اكبر من الثانيه والتنفس صفر وعوي وكل بلاوي الدنيا فيه
وقالي مثل ماقال حق غيري بعد سنه تعالي اسويلج اياه
فقلت بسوي بايران لان مو مستعده حق تجربه فاشله ثانيه بالكويت

فعند اي دكتور متخصص تنصحوني يعدل تنفسي ؟؟؟

ايران - طهران - مشهد - شراز
وابي بهالمناطق
واكون شاركتلكم حبايبي

 

[sweet_popcorn]

يسعد مسااااااااااااااااااااكم



انا كلمت الدكتور بور صادق من 8 ايام تقريبا او اقل والله ما اذكر

قال لي ان العملية ب 3.500 دولار
ولطفي زاده 3.400 دولار

السعر شامل العملية وفحوصات المستشفى والليله اللي بتقضينها في المستشفى وكل التحاليل و المراجعات و و و و و و إلخ

وانا اقول اذا الاسعار من 2001 كانت 800 دينار يعني ما رفعوا السعر كثير
وبالشتا الاسعار تنزل

اللي تبي تروح تصبر للشتا



لأن الوحده ما راح تلعب بخشمها مع اي دكتور و هالدكاترة مضمونين و الكل يمدح فيهم

 

[سـمراء حـلوه]

يا جماعه فيه وحده تشتغل بالمهلب قسم عطور والمكياج تناغرا اسمهت سوزان ايرانيه اصل شوفوا خشمها
ايين سج بمعنى الكلمه...
الفتت نظري اول ماشفتها
اهيا جميله ..ياربي على طول رحت لخشمها كان مرسوم عدل بدون اخطاء ولا شي..اهووو مو مبين مسويه تجميل بس انا جكيتها وانا ناويه اسوي تعديل بسيط حق خشمي يمكن بالمستقبل..وقالتلي انا مسويه بالايران اصفهان عن دكتور اسمه العلوي..تقولي انا سويتها قبل ثلاث سنين 400 او 300 دينار..اكيد الحين اغلى..تقولي زحـــــــــــــــــــــــــمـــــــــــــــــــــــــــــــــــه عنده وشغله نظيف .......


قالتلي لي بغيت تروحين قوليلي واهيا تعرفني وخذيت رقمها..

 

[سـمراء حـلوه]

up
up
up

 

[miss t]

بناات الي سوت بايران هالفتره تخبرنا شصار معاها

 

[فراشتي تووووتو]

السلام عليكم ام الفهد حبيبتي توني اشو ف الموضوع صورة اختج مو طالعة عندي فياليت اطرشينها لي عالخاص اكون شاكرتلج لان بروح بإذن الله شهر 2 وللحين مترددة باي دكتور وابي اقتنع اكثر تفاعلت لما شفت ردود البنات لما شافو الصورة بس للاسف مو طالعة عندي

 

[XblondeyaX]

رفيجاتي اثنينه سوو في ايران الله لا يراويج والله خشوومهم تلوع الجبد ويييييييييييييييييييييييع وردو سويها مره ثانيه بالكويت يعني صرفو مرتين

 

[المزووحية]

هلا بنااااااات شخباااركم ..ام حمودي فديتج يمكن اتحطين لنا الصورة مرة ثانية مب ظاهرة عندي ...
وابغي اسئلج شنو اللي يخفف الورم والزراق اللي بالويه ..بعد العملية واذا المرة كيف اسويها ...وع سالفة الخياط اللي ع الجوانب الخشم كيف يروووحن ... بالمرة ولا جل خاص بالاثار ...

تسلمييين حبيبتي وربي يعطيج العافية ويوفقج ..​