ما خليت شي ما سألته لأني اعرف خالتي ما بتسأل عادي عندها !! وامي وياها نفس الشي !
وبالنسبة للبنج الموضعي قامو يستخدمونه موجود بامريكا و بلبنان بعد وجنه بالسعودية ويمكن عندكم انتو كم دكتور يسويها و عادي مثله مثل العام بالعكس في دكاترة يفضلونها لانه مالها مضاعفات مثل العام اذكر قريت تجربة واحد سوا خشمه بنج موضعي يقول ابد ماحسيت بألم يقول بس اسمعهم يكسرون العظم هههههههههههه و طبعا البنج الموضعي ينعطى مع مهدىء بالوريد يخليج جنج محششه ماتدرين وين الله قاطج بس واعية عالاقل ! انا بصراحه ما افضل العام والله يكتب لج اللي فيه الخير
هلا حبيبتي اسمحيلي بهالمداخله انا اللي اعرفه ان كلتا الطريقتين يأدون نفس الغرض اذا كان الدكتور متمرس كفايه بالمفتوحه يفتح كل الخشم من صوب الخط اللي بين الفتحتين وكل شي يبين فا يقدر يشتغل براحته وهاذي الطريقة اكثر الطرق انتشار وتنفع لجميع انواع الانوف اما الثانية الحلو فيها مايبين مكان الجرح يكون الشق من داخل الفتحتين والدكتور يقدر يشتغل بس مو بدقة العملية الاولى الزبده ان لكل طريقة مساوئها ومحاسنها اي ونسيت اقولج ان الطريقة المغلقة تقلل فرصة حدوث النزف ويقدر الدكتور يلعب بالعظم والغضاريق يعني حلووه
هلا حبيبتي ,,
يمكن تقولين عني نذله بس يلا بقوول الي عندي :dddds:
عملية خالتي جريبه .. أظن ثالث يوم العيد .. بتسويها عند دكتور أحمد غانم ,, بشووف كيف بتكون النتيجة وبرد عليج
لأنه أمس بس امي خلتني أكلم بنت ربيعتها عشان تقنعني اني ما اسوي العمليه ,, هي مسوتنها عند غابريال وندمانه ,,وانا حااااولت أقنع امي اني شااايله هالدكتور من راسي ويالسه ادور غيره بس الله يهديها شكلها جي اتسوي عشان اتكرهني في الفكره ههه ..
المشكله اني مب في البلاد وبرد البلاد ان شا الله أول 10 ,, ووقتها بمر على كل دكتور أعرفه ,, هاي لستت الدكاتره الي سمعت عنهم ..
* غابريال صعب - سرت له بس ما ارتحتله موول
*أحمد غانم - بنت في المنتدى هني مدحتلي اياه وخالتي سارتله وارتاحتله , وخالتي اتعرف وحده مسويه عنده اتقول حلو بس عاد انا ما شفت بعيني !! لازم اشوف بعيني عشان اتطمن
*دكتور سنجاي- هذا سمعت عنه بس ما شفت حد مسوي عنده ومكانه في جميرا
*بروفيسر أشوك غوفيلا - نفس الشي سمعت عنه بس ما جربته (بس ماعرف ليش مرتاحه حقه مع اني ما شفته ولا شي واليوم ناويه اطرشله ايميل عشان اتواصل وياه)
*دكتور صقر المعلا - ما شفت شغله
انتي مري على كل واحد فيهم اذا تبين وشووفي شو كل واحد شو بيقول ,, واستخيري واتوكلي على الله
_shh_:مرحبا يا حلوات
شكلي بنظم اليكم مع اني مسويه مرتين
بس النفس عندي بعده مب اوكي والارنبه بارزه شوي
بعدين شوووووو تبون بخشم ميسا والله مب حلو بس ف التلفزيون يبن حلو
انا خشمي حلو بس يبين انه تجميل علشان جيه ابا ارد اسويله رتوش واعدل النفس
اول شي برد عند دكتوري احمد غانم وبشوفه شو بيقول وكنت ابا اروح عند صقر المعلا بس حسيته ما يحب يشتغل على شغل غيره فبجرب تيليدو اللي في الدولي الحديث هو بروفيسور
