تجنيس 3500 «بدون» أواخر فبراير وترقية 60 عقيداً قبل أبريل المقبل

[عادت ذكرياتي]

الله ييسر على كل معسر

 

[روح العطش]

إذا كانوا إيرانيين الله يكفي الكويت شرهم

ما أشجع تجنيس الأجانب كل خدم في ديرة خذ المقابل وزيادة

 

[Dam 3zi]

الله ييسرهآ ويكتب اللي فيه آلخير ويوفق آلجميع يآرب

 

[دمعة طفله]

بدايةالغيث قطره
و الحمدالله دام التجنيس ماشي يعني في تقدم
و في تطور بقضية المستحقين

ما يستاهل هالشي الحمد ؟

وكل مره بداية الغيث قطره
قبل لاتطيح تنشف هالقطره

 

[عندنا اجازه]

يابنات ابغي اسالكم في فنانين وفنانات ومذيعين مشهوريين عندكم جنسيتهم بدددون

 

[فطوم 84]

ويستمر. الكذب. ))) الي مالا نهايه ))بس بخاطري اقول دنيا فانيه والله فانيه والله فانيه

 

[Lost]

اقول حق الي تعلق وتقول ايران وايران

لعنه الله على التخلف هذا

حتى في قضية البدون دخلتوو ايران؟؟؟

حاربكم الله يالجهلة

خافو ربكم بس

 

[راتشيل]

بالتوفق ان شاء الله

 

[jojo.q8]

ان شاء الله يكونون من المستحقين

إذا كانوا إيرانيين الله يكفي الكويت شرهم

ما أشجع تجنيس الأجانب كل خدم في ديرة خذ المقابل وزيادة

مو بس ايرانيين

بلغ عددهم أكثر من 81 ألفا منهم 54 ألف سعودي و11 ألف عراقي و7 آلاف سوري و1800 ايراني و6700 من جنسيات أخرى

يابنات ابغي اسالكم في فنانين وفنانات ومذيعين مشهوريين عندكم جنسيتهم بدددون

فيهم عدد بسيط كويتيين بس اصل او لا .. هذا شي ثاني !! :d
و في بدون بس الاغلبيه مو كويتيين يعني في من دول الخليج
و مصر و الاردن و ايران .. و انتي ماشيه .

 

[أم خشم]

كل يجنسون ,, و بعد اسبوع يسحبونها ,,
وكل مرة يقولون نفس الكلام ,, او انهم يجنسون جم واحد و بعدين يرد الملف يتسكر ,,
انا ما اصدق هالحجي ئوو لانهم بالاول قالوا شهر 2 ,, و بعدين صار اواخر 2 و الجين صار شهر 3 ووباجر بيقولون السينة الياية
انا اقول للبدون المستحقين منهم طبعا ,, الله يعنينكم و يصبركم
وحدة عطوها الجنسية لما وصل عمرها 70 سنة ويوم قالولها مبروك ,, شنو بتسوين فيها قالت الحمدلله اذا مت يحطون اسمي باالجريدة ,,, الله يعين ,, الله يرحمها ماتت وما شافت الا جم يوم وهي كويتية

بس يا ريت الفضالة يفكر ان العمر يمشي وما راح ينطره ليما يخلص تدقيق بعد خمس سنين ,, لا مرة بلقاء شنو يقول ,, عطوني 7 اشهر علشان اشوف منو المتزوج والمطلق والارمل ,~, ,, يا رب عونك ,,
ومثل ما قال الاخ عبيد الوسمي ,, ما لقوا يحطون رئيس للجنة الا الفضالة اللي وده يسحب الجنسية من الكويتيين نفسهم ,,
تصدقون الفضالة يحسسني ان اهووا اللي بنى الكوت ,, وان اهوا اللي اسس الكويت و عند الكل مو كويتي باجر اذا خلص من البدون بيدور على الكويتيين و يطلب منهم مستندات تثبت انهم كويتيين وبيقولهم انتو من وين يايين ,, و يطلب منهم تعديل وضع ,, صج الله يعين

 

[soso.]

:eh_s(17):

وحدة عطوها الجنسية لما وصل عمرها 70 سنة ويوم قالولها مبروك ,, شنو بتسوين فيها قالت الحمدلله اذا مت يحطون اسمي باالجريدة ,,, الله يعين ,, الله يرحمها ماتت وما شافت الا جم يوم وهي كويتية

لا حول ولا قوة إلا بالله

الله يرحمها يارب والله يفرجها عالمستحقين

حرام فيه ناس انظلمت بسبة الناس اللي خاشه جناسيها




حياكم الله بنات :eh_s(17):​

 

[فـراوله]

مبروووك ان شاءالله للمستحقين وان شاءالله يطبقونه
مو بس كلام بصراحه قاموا يعورون القلب بديرتهم مو عايشين مثلنا

عندي أمل كبيــــــــر بتجنيسهم شهر فبراير الله يفرحهم ياااااارب

ومبرووووك للترقيه​

 

[فـراوله]

وحدة عطوها الجنسية لما وصل عمرها 70 سنة ويوم قالولها مبروك ,, شنو بتسوين فيها قالت الحمدلله اذا مت يحطون اسمي باالجريدة ,,, الله يعين ,, الله يرحمها ماتت وما شافت الا جم يوم وهي كويتية

الله يرحمها يااااارب حرام وايد ناس انظلمت ​

 

[Noor3]

حبيبتي مو عاجبهم وتعليقات سوداويه على قولتج لأن مايبون جذي يبون التجنيـس العشوائي وهالشي حامض على بوزهم انا ضد التجنيــــــــــس نهائيـــــــــــــــا والمفروض يصكون باب التجنيـس من زمان

 

[soso.]

أختي الغالية فراوله


منوره حبيبتي




أختي الغالية Noor3



ما ينفع يصكون باب التجنيس واكو ناس من البدون كويتيين ومستحقين فعلا للجنسية صحيح

اكو ناس تزور وتخش جناسيها وتطالب بالجنسية بس المفروض ما نظلم الكل ونعاقبهم بغلطة

بعض الناس اللي ما تخاف الله احنا مانبي نظلم احد لأن الظلم ظلمات يوم القيامة اتمنى تنحل

هالقضية باسرع وقت واتمنى يتجنس كل مستحق يارب

 

[مقمش لولو]

بصراحه اهي قضيه انسانيه

اللي يستحق المفروض يعطونه ومدام عطوا خلاص ليش هالبلبله

اما اللى جناسيهم معروفه (العراق-ايران-السعوديه-مصر- بنغلادش-سوريا) المفروض مايعطونهم

وكافى عليهم اللى خذوه واقصد(التموين- الصحه- العلاج- التعليم- جواز للعمره والحج- عقد للزواج-شهادة الوفاة)

واذا كل هالاشياء موعاجبتهم خل يروحون دولهم وايد ابرك على فكره ((( يبون الجنسيه )))

الجنسيه فيها وايد مميزات ومن وراها يستفيدون


عسي الله يحفظ الكويت

 

[جروح ودموع]

الله يكتب اللي فيه الخير ويحفظ الكويت من كل شر

 

[مايمدي !]

الله يسهلهـا عليكم أن شاء الله
بس ألاحظ وأنـا أقرأ المواضيع اللي تتعلق باالبدون بعض الردود تجـي تسوي أنهـا تدق في بعض الأصول"من العراق أو إيران أو سوريـا !؟ شيء مضحك فعلاً !؟
يعنـي أن مـاكنتوا من هاالدول المذكوره فمعروف أصلكم من وين !؟
فياليت اللي بيته من زجـاج لايرمـي النـاس من حجـارة ويسوي فيهـا أبو العريف وأني أنـا بس اللي كويتي وووتفلسف ومـادري آيش !؟ الكوييييت للكـل وإذا هم لازم يرجعون لدولهم الأصل حتى أنتوا بعد أرجعوا لدولتكم الأصل وأنتوا أبخص بهـا !؟ :eh_s(7):
وعلى فكـرة أنـا والله فوقـي ويشهد على اللي أكتبـه موب من الدول اللي ذكرتهـا عشـان لاتقولون تحيز بس حبيت أنبـه على هاالشغلـه لأنـه فيهـا أستغبـاء "مع أحترامـي " ولا متوقعين النـاس مغمضـه ومـاتدري باالبير وغطـاه !؟

 

[soso.]

حياكم الله

 

[Miss.6Mo7]

آلله يفرجهـآ إن شآءالله يآرب