تجهزي لحفلتج بنفس من أ الى ي.... متجدد

[انثى عاشقة]

روووووعة مجهود حلو
وخطوات واضحة
عوافي يالغلا ​

 

[DA3LOoOLA]

يعطيج العافية حبيبتي وبالنسبة لسماش بوكس انا مجربه الاخضر وماحسيت بفرق مادري اذا في نوع زين غيره ويخفي الاحمرار

 

[bnt_mafia]

مشكوووووووووووووووووووووره

الي قصيتي فيهاا الاظفر التركيب لوونها أحمر

من وين مخذتهااا ..؟

هلا حبيبتي انا ماخذتها من بره لان دورتها هني بالكويت كنت ميته عليها مالقيتها

حبوبه هالجل يملي المسامات بنفس الوقت والا بس يخففهم ؟؟
مسامات خديدات مو اوفر بس عندي جم خندق بينهم ودي اخففهم يقتلوني لي حطيت مكياج

هلا حبوبه الجل هذا مو علاج بس جذي مؤقت وقت المكياج

جهاز البخااار مال اليشره من وين ماخذته ؟؟

حبوبه انا عندي جهاز البخار مال الشعر وفي قطعه زيادة يصير للبشرة بس تلاقينه وايد اماكن انا شفته في ستي سنتر وفي مركز السلطان

حبيبتي مشكوره على المجهود الطيب
بس بغيت اسالج من وين قلم الشمع الي في اول الموضوع :eh_s(7)::eh_s(7):

العفو ولو حبوبه من الجمعيات

حبايبي مشكورين كلكم وماقصرتوا وشجعتوني اكثر

 

[bnt_mafia]

يعطيج العافية حبيبتي وبالنسبة لسماش بوكس انا مجربه الاخضر وماحسيت بفرق مادري اذا في نوع زين غيره ويخفي الاحمرار

الله يعافيج حبوبه ماقصرتي
صج مادري في وايد يمدحونه انا ماجربته يمكن في لون ثاني احسن


مشكورين كلكم حبايبي على الردود الحلوه

 

[Roty]

مشكووووورة وايد استفدت

 

[عسوله ودلوعه]

هذا جربته للمسامات ما انصحكم فيه تراه على قلته بالزباله طوالي تكرمون

 

[Bint obouii]

يعطيج الف عافيه عالموضوع الحلو
استفدت منه اشياء وايد
متابعتج من اول شي
واصلي

 

[bnt_mafia]

هذا جربته للمسامات ما انصحكم فيه تراه على قلته بالزباله طوالي تكرمون

افا عسوله ليش كا انا استخدمه وعادي واحطه للحفلات بس وانا اصلا عندي مسامات صغار يمكن من بشره لي بشره يختلف

يعطيج الف عافيه عالموضوع الحلو
استفدت منه اشياء وايد
متابعتج من اول شي
واصلي

حبيبتي تسلمين الحمدالله ان الكل استفاد

 

[bnt_mafia]

السلام عليكم ورحمه الله وبركاته
شلونكم عزيزاتي شخباركم عساكم مرتاحين
مابي اطول عليكم بالسوالف راح ندش الموضوع على طول اليوم راح نتكلم عن فاونديشن الحفلات
طبعا بعد مابدينا الخطوات السابقه الحين نبتدي بالفاونديشن طبعا في ناس تحب تحط الفاونديشن قبل رسم العيون وفي ناس بعدها انا عن نفسي احط قبل كل شي بس البرايمر
فاونديشن الحفلات لازم يكون قوي ثابت ونختار نوعيه ممتازة علشان يظل لي اخر العرس ويبين الوجه صافي حلو وتغطيه كامله والخطا الشائع اللي يسوونه البنات تاخذ كريم اساس مو لونها تلاقينها سمره وتحط ابيض كاسبر تقلب على رمادي او بيضه تكون اوفر بياض مو لايق او اللي تبي برونز تبالغ فيه مو حلو

اكبر غلط اللي يسونه بعض البنات الوجه لون والجسم لون وهذا اكبر غلط او ان الفاونديشن غير مناسب لج

او تكون جوده الفاونديشن مو ممتازة او انج بالغتي باللون يقلب لونه على رمادي ويكون شكل المكياج بشع تكونين مبدعه برسمه العين بس للاسف يخرب عليها الفاونديشن

او انه بعض البنات الله يهديهم فاهمين البرونز غلط او حلو البرونز بس مايلوق على كل وحده او حسب درجه اللون يعني يحطون الفاونديشن الغامج او صابغه نفسها كأنها محترقه

نصيحه صغيره ( لازم لازم قبل لاتشترين الفاونديشن تجربين منطقة صغيره على الوجه ) لاتجربين على ايدج لان اختلاف بين الوجه واليد والملمس ويفضل تختارين
- نفس لون البشرة .
- افتح بدرجه واحده فقط .
- اغمج بدرجه واحده فقط .
هذا الاختار الصحيح للفاونديشن .

طبعا الانواع المشهورة في الحفلات اساس كرلاين ( يتميز ان تغطية ممتازه ) انا عن تجربه للامانه ماستعمتله
بس اشوف وايد يمدحونه

طبعا انا من محبين الفاونديشن ستيك احسه فل كفر من قلب

انا ساعات احب استخدم لونين من الفاونديشن اخذ افتح من لوني درجتين و لون الدرجه العادي تدرون ليش
اوزعه بالطريقه هذي

علشان يعطينا الافكت ( الشكل من ناحيه الاضاءة والنحت ) بهذا الشكل

تابع عدم الرد بلييييييز ياحلوين

 

[bnt_mafia]

نكمل اانواع الفاونديشن
من انواع الفل كفر القوي من حنان دشتي الفاونديشن مممم بصراحه ثقيل وحلو بس مادري ماستخدمه دايم لان يعطي شوي على وردي شريت علبه الكبيره وتحسفت
اللي يمه كفر دريم ثقيل حيل حيل حق اللي يعانون من البقع او عندج مكان تخفينه لان كفره قوي حيييل
انا ماحطه على كامل وجهي بس اوزعه على الاماكن اللي فيها بقع او ابي اخفيها

بعدها استعمل فاونديشن ماك لان في كفر ولونه مناسب وحلو او اللي بشرتها مافيها شي تستعمل اي فاونديشن تبيه بس مثل ماقلنا شلون نختار اللون وعدم المبالغه في

من انواع الفل كفر بعد استخدم هذا حق المناطق الصغيره اللي فيها بقع او اخفيها او تحت العين اللي عندهم سواد واحط فوقه الكونسيلر

الحين بوريكم طريقه حلوه هم استخدمه دايم في الحفلات وساعات بالطلعه
ناخذ هالعجله من اي منتج تبين ونختار اللون البني الداكن

نوزعه على هالاماكن وندمجه مع الفاونديشن وبعد مانخلص كل شي ونحط الكومباكت باودر ونحط فوقه الكونتور يصير واو حده

وبس هذا لليوم وان شاء الله نكمل بعدين وحياكم بأي سؤال

 

[مرت بوعلي]

:


يسسلمووووو .. ويعطيج العااافيه ..

متتتتااااابعه ..




:

 

[الأميرة ريماس]

اللهه يعططططيج العاافية بسس إناا عجلة كريولان الثلاثية مبتلشة فيها ؤلاا استخدمها يمكن لأني مإأعرف لهااا !!

 

[غلاهـا غيـر]

ابدااع ماشااء الله

خاطري بمنتج بيفنت لان عندي ندب مو مسامات
بس خايفه ماينااسبني
اشرايج تنصحيني فيه ؟





متااابعه لج يالغلا

 

[krkooora]

welcome back

حلوة طريقتج في توزيع الفاونديشن


مشكورة


متابعه

 

[عزوتي خمس صقور]

ماشاء الله خوش موضوع صراحتن
الواحد يوفر فلوسه وحلو الواحد يتفنن ويتقن شغله
ويتعلم ويكتسب مهارات محد طلع من بطن امه عالم
ياريت الموضوع يتثب وايد مهم وحلو وشامل وكامل ومتكامل
هالموضوع بيغني البنات عن الصوالين بس طايحن نهب فلوس منا
ويستغلونا وينصبون علينا واحنا وعليه علينا كل شي نصدقه
وساعات تمر عليج ماكو ميزانيه تروحين صوالين او تبين توفرين
هالموضوع ينفع ومو كل مره بقط فلوسي وبقعد

متابعه ​

 

[لعبة ايام]

يعطيكي العافية

 

[مهررته]

موووووضووووع عجججيب

حيل حلو يعطيج العافية وعساج عالقوة

 

[ياغروري]

مشالله مبدعه

طريقه الفاونديشن مثل طريقتي بالضضبط

 

[Alaly]

يعطيج العاية

 

[Roty]

يسلمو