بسم الله الرحمن الرحيم
انا بصراحه حبيت اشاركم ...
والي حابه اني اساعدها واهي متوهقه 60307966 هذا رقم الاسم M4shop
وتقدرون اتلاقوني اب انستقرام + توتر --- > M4shop
انا انصحكم تشترون الملابس من سنتر بوينت ارخص وجوده .. مذر كير زين وحلو بس غالي بنسبه حق وحده بتكود راح اتقطين وايد وبتوصلين 1000 عادي احنا حريم وانحب التخمط ونصهم بنحطهم اب جنطه حق المولود الثاني
انا انصح تاخذون ملابس البيت الافرولات من سنتر بوينت ومذر كير مع التبانات
6-9 قطع حق New baby وايد زين
عقب بلشو جهزو 10 قطع تقريبا حق عمر 0-3 اشهر مع 10 تبانات ... لاتنسون جم بدله من 0-3 حق الطلعه و الزوارات للبنت او الولد
رحت عيد النصار لان قريت عنه وايد بالمنتدا بس للامانه خفت اخذ منه التبانات يصلح حق
ادلاغات - فوط - مهاد العملي -صدريات الصغار للمواليد - صدريات اكبر -كبابيس-ادسوس الياهل عشان مايشمخ روحه - كرفايه المتنقله - كنابل اذا الولاده بالشتا ومايمنع للصيف لان كنابلهم ناعمة اتينن- ملابس العاديه بس نصيحه لاتاخذون ميد ان جاينا
انصحكم بالهندي اتلاقون بالسرداب مال عيد النصار قليل و اب سنتر بوينت \\ انصحكم بالامريكي + الانقليزي
و H&M عنده شغلات حلوة بس ماعنده وايد حق المواليد +ستي سنتر عندهم نفس عيد النصار بس رافعين بالاسعار ونفس المحلات العاديه
انا للامانه فريت كل مجمعات الكويت من العاديه لي الكشخه لي الماركات لاحضت المجمعات العاديه مثل ( زمزم \ عيد النصار \ ستي سنتر \ محاميد ...الخ )
نفس البضاعه بس تختلف الاسعار ويعتمد عليج انتي ممكن تاخذيت بس قوليله صناعته وين اهم شي
المهادات بهل اماكن بتلاقونهم صناعة كويتيه :*
ترا انا حاليا شبه خلاص خلصت جهزت بس والله العظيم ونــــــــــــــــاسه ما تنوصف صج تمشين واتخمطين انا من التخمط جهزت لي عمر 12 شهر الي يسمعني يقول من اولد ماراح اروح سوق هههههههههه
جهزت كامل اندرويرات و بجايم و دلاغات و صدريات ...... عندكم رد تاق ملابسه هم قليله بس ايب اطقم بجايم عجيبه سواء قطعتين او كامل مع تبانتهم وصدريتهم واذا مواليد مع دسوسهم و فوطتهم حق الحليب
لاتنسون ...
1- الاجهزه الكهربائيه ............ مثل
شفاط الحليب من صدر الام
غلايت الممات حق تسخين الحليب
سماعه الصوت او اللاسلكي الي ينحط بدار البيبي والثاني عندج
مقياس حراره الطفل
ممكن اذا حابه مكينه غسل المميات حسب الرغبه
* لاتنسون تاخذون قطعه النايلون الي تنحط تحت البيبي اتلاقونها اب سنتر بوينت والاسواق الشعبيه
* لاتنسون شراشف القطن الخفيف للفرش تحت الياهل عشان ما تطرون اتغسلون كفر الياهل كل مره عقب ما يوصخه بالترجيع وانتو اب كرامة 6-9 قطع وايد زين
* لاتنسون المخده الي على حرف U اتفيدكم بالرضاعه وفي اب سنتر بوينت معاها هزاز تقدرين اتخلين البيبي ينسدح ويهتز هههههه
*العاب السرير + العضاضه + القرقاشه
* في عند مذر كير جنطه طقم وايد مفيده تحتوي ((عده الطفل كامله من مقياس حراره + مقياس حراره الرأس + طقم تقليم اظافر +قطاره +عظاظه+ والي تسحب من الانف نسيت اسمها وعسا مانسيت بعد))
الممات ...
انصحكم لاتكثرون في طقم ماركة فلبس عند مذر كير للي حابه اتفك روحها
او انج تاخذين مبدأي مفرق 2 كبار جزاز للحليب و 2 وسط جزاز للحليب حق عقب جم شهر وحده 60 ملي حق الاعشاب الينسون وهسوالف + حق الماي واخذي احلمات لهم لا اتكثرين و حمالت الممات في طعم اينن اب سنتر بوينت
الاثاث ...
تقدرون تاخذون حوض الاستحمام من سنتر بوينت اشكال وايد واحجام
كرسي الهزاز + كرسي السياره + العربانه لكم الخيار مذر كير او ماماز اند باباز سنتر بوينت الخيار راجع لكم
لاتنسون سله للملابس خاصه بالطفل ماتختلط مع ملابسكم
تب لاغراض الياهل شفته عند مذر كير لشامبوات والليفه + التب مال رش الماي فيه طبقه ربل طذلك عند مذر كير + جنطه البلاسيك لاغراض الطفل الحفاضات البودر الخ متوفره في جميع الاماكن لكنها مهمه لتجميع الاغراض
اذا ولادتج بالشتاء اشتري 2-3 جاكيتات من 0-3 شتوي حق البيبي لاتنسين الياهل يستبرد حيل
لاتنسون فوط الطفل لسباحه الي معاهم كبوس و الي بدون كبوس كلهم مفيدين
اتمنى اكون كفيت ووفيت وادري
قرقت وايد عليكم سامحوني حيل وحطيت رقمي حق اي وحده متوهقه محتاجه لاي مساعده
))
