رد: رد : تجهيزات السنـة اليديدة//غيـر عن كل سنة ^_^(دمج مواضيع راس السنه)
السلام عليكم اخواتي الغاليات ..اخواتي في ديني..
والله اني صعقت وانا اقرى كلامكم واستسهالكم لهذا الذنب العظيم ...لاحد يقول ماهو غلط ولا هو ذنب ..كلكم تعرفون قوقل روحي حطي حكم هذا الفعل وتشبهك بمن يعبد غير الله ،،واقتدائك به ...وتقليدك لشعيره عندهم وتشوفين الحكم...
لا تضحكون على انفسكم اولا قبل تضحكون على غيركم لما تقولون نبدل يوم ..هل هذا كلام عقل او منطق...
يعني شفتيهم جو اعترفوا في دينك ولا اعترفوا بعيدك وذبحوا خروف ولا قالوا بشهر شوال خلنا نسوي عيد فطر ..اتقوا الله ياناس وش هالكلام الي ما يدخل عقل...
وش الهدف من احتفالك هذا غير عصيتي الله واتبعتي من كفر واشرك به...
عصيتي ربك الي انعم عليك بما لا يعد ولا يحصي من النعم ...والله لو سلبك الله نعمه وحده لفقدتي كل متعه في هالدنيا والله لوسلبك البصر بس ...ابيك تتصورين نفسك وزوجك وعيالك وحياتك بس احرمي نفسك البصر ...بيناظرك زوجك الي جالسه تعصين ربك عشانه ...
ليش قرنتي وناستك مع زوجك بهالشعيره والاحتفال بها او تقليدهم فيها ليش ...يعني وش منعك طول السنه تستمتعين مع زوجك بكل ما احل الله لك وانعم به عليك...محد منعك سوي له كل ماهو جائز ...اما ان اربط استمتاعي مع زوجي بعيد للنصارى ...ومزامير للشيطان ..لا والله اخطأتي ....ال بالعكس تحرمين السعاده الحقيقيه والاستمتاع ولو حفرتي في الارض ..دامك تشترينها بالمعاصي ...اتقي الله في حياتك وافعالك وابشري باذن الله تعالى بالسعاده الحقيقيه والحب الحقيقي...
لا يا غاليه لا ...لا يكون هواك ورضا الخلق مقدم عندك علر رضا رب الكون ....والله لو سخط عليك الله وغضب ما نفعك كل ما في الدنيا بشي فقط جاكي غضب الله بالدنيا والاخره ولو رضي عليك الله ...فابشري سعادة الدنيا والاخره باذنه تعالى ورحمته....
غاليتي ما سمعتي عن اسيه امراة فرعون ...امراة ضرب الله بها المثل للمرأة الصالحة، الصابرة، الصامدة الثابتة على الحق رغم فساد البيئة من حولها ورغم ما حولها من الإغراءات والمساومات؛ فهي زوجة فرعون الذي اغترَّ بسعة ملكه وقوة جنده، وهي لم تغتر بكونها ملكة حولها كل كل ماتشتهي وينتظر منها الناس الامر ، لم يصرفها ذلك عن الإيمان بالله عز وجل حين رأت الآيات البينات، فآمنت بالله عز وجل وصدَّقت برسالة موسى عليه السلام، وتبرأت من فرعون وعمله، وسألت المولى عز وجل أن يبني لها بيتا في مستقر رحمته، ويعوضَها عن هذا النعيم الذي ضحَّت به بالنعيم الأبدي والسعادة الحقيقية والمُلك الحقيقي والأنسِ الحقيقيِّ في دار الخلود (( إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ )).. لقد عبرت الآيةُ الكريمة عن معاناتها ومجاهدتها وصمودها في وجه الطغيان، وصبرها الذي امتدَّ حتى آخر اللحظاتِ في عُمُرِهَا المديدِ لتتوج مسيرتها المباركة بهذا الدعاءِ المستجاب
(رَبِّ ابْنِ لِي عِنْدَكَ بَيْتًا فِي الْجَنَّة )فطلبتِ الجارَ قبل الدارِ، وهل هناك أكرمُ ولا أعظمُ من جوار رب الكون ...
وعذبت اشد اشد العذاب حتى ترجع عن الحق ولكنها صبرت واصرت على ايمانها بفضل الله عليها ...فاراها الله بيتها في جنته ..فضحكت حين رأت بيتها في الجنة....يالله صبر عظيم
وانت مو قادره تقاومين معصيه لا تقدم ولا تاخر بحياتك مو قادره تقاومين عرض الشيطان ...يالله كيف كذا سيطر علينا الشيطان واحكمت النفس على ارواحنا ...كيف اتباع الهوى سيطر علينا..
والله الدنيا زائله ،،،اشتري الجنه اشتريها ياغاليتي ....فهي الخلود والسعاده والراحه والحب وكل مالا يخطر في بالك....
لا يضحك عليك الشيطان ومايزال يوقعك في المعاصي ويقولك حتى لو دخلتي النار شوي وتطلعين ..اذا كذا روحي الحين وحطي بس يدك على النار 5 فقط 5 ثواني وعلميني احساسك ..وهذي نار الدنيا اجل كيف الاخره...
لا يا غاليه انجي بنفسك قبل ما يجي اليوم الي ما ينفع فيه لا مال ولا بنون ...يوم تشخص فيه الابصار ..انجي قبل لا تسيل العيون على الخدود ...قبل لا توضعين وحدك فقط..في قبر ياكلك فيه الدود ...احمي نفسك ...ارجعي لله ...ارجعي لله يالغاليه ...اصبري وقاومي وتوبي واحتسبي ...
اشتري الاخره ...ارجوكي اشتري الاخره ...
اللهم بلغت اللهم فاشهد
كل من كتبت هنا او غير مكان محاسبه ...محاسبه عن كل حرف ضغطته ...بتوقف قدام الله لوحدها وتتحاسب عن كل مقدار حبه من خردل...والمشجعين محاسبين ...والساكت محاسب....
انتبهوا لما ينطق به لسانكم وما تكتب اياديكم ..فهو مسجل عليكم ليوم الدين...
لا اله الا انت سبحانك اني كنت من الظالمين
انتي وجهتي كلامج حق صاحبة الموضوع وكل الل شاركوا بالموضووووووع وبما اني كتبت جم انتي تقصديني معاهم
اولا النصيحه لها اسلوبها وآدابها وذوقها اذا انتي فعلا نيتج النصح..اما النصيحه اللي fهالأسلوب والتنفير هذي تعتبر
ذم وفضيحه ولا تاخذين عليها اجر النصيحه... اذا الرسول صلى الله عليه وسلم اعظم البشر خلق ودين ورفق ولين
الله سبحانه وتعالى يوصيه بالهون على الناس ولو كنت فظا غليظ القلب لآنفض الناس من حولك
يعني الإسلوب هذا واللي هابين فيه جم عضوه غيرج مو مقبول ومارح تلقون غير انصراف الناس عنكم ولا مسموح لكم
اصلا عشان jنتقدون الناس وتجرحونهم بهالطريقه
وبعدين اذا على الفتاوي ترى كل يوم المشايخ مطلعين فتاوي على كيفهم بعد تحريم اعياد الميلاد طلع مفتي السعوديه سلمان العوده واهو يصرح بان مباح ان يهدي ابنه في عيد ميلاده@@
ووايد بنات اهني يتفلسفووووون واشوف ردودهم استعبhط ونفاق على الناس يعني تلقينها شاده حيلها وتحرم الفلنتاين
وراس السنه وحالتها حاله وبعد شوي تلقين مواضعها عن عيد ميلاد ولدها ولا بنتها..
اللي يبي يصنح ينصح روحه وقبل لا يراقب الناس وتصرفاتهم يراقب تصرفاته وتقصيره وذنوووبه
ومع كل هذا ترى انه مو من اللي يحتفلون براس السنه ولا يدرون عن الفلناتين ولا هالسوالف اصلا العام براس السنه
رحنا العمره عشان العطله
بس هالسنه مثل ما ذكرت ان في مناسبه وايد حلوه وونطرها حق زوجي وماصارت الا الحين
وما عندنا اجازه غير عطله راس السنه وحبيت نسافر فيها مو المقصود راس السنه بالذات
واكيد كل بنت عندها اسبابها الخاصه اللي يصادف طلعتها من الإربعين وووووووو
وحتى لو كنتي تبين الأجر راجعي اسلووووبج وطريقتج اول
