(تجهيزات المولود) شنو الي فادني والي شريته عالفاضي.. حيـأكم

[Q6RYA]

withered flower انا من الاربعين كنت احطه في السرير العادي وماشريت السله امي قالتلي اامن لان اهيا صارت ان مره كانت تاركه اختي في سرير السله يت جافتها طايحه عالجنب استغربت وايد لانها اصغر من شهر يعني المفروض انها ماتتحرك كلش

 

[Q6RYA]

الماسه مشكوره وابدي جهزي ترا الثامن يبدا الثقل والتاسع تبدا الامنان وبتستثقلين الطلعه وايد

ريم قطر جربيهم وشوفي انا ماقلت اني جربيهم يمكن يطلعون اوكي انا للامانه ماجربتهم حسيت مالهم داعي

 

[Q6RYA]

s.o.s

رضاعات جيكو موجودين بالصيدليات بس المرضاعه الصغيره المايكرو موجوده في محلات جيكو بس

 

[Q6RYA]

عروسه حلوه انا شريت مرضاعه دكتور بروان بس ماستخدمتها لان ولدي ماكان يعاني من الغازات وايد الحمدلله وكنا نعطيه ينسون وعلي طول يطلع الي ببطنه والي ماخلاني اني اجربها اني حسيتها ثقيله ودفشه ماحبيتها ولا احتجتها

 

[Q6RYA]

باقي البنات مشكورين عالرد والله يهون عليكم يارب

 

[أمـ مبارك]

مرحباااا


استانس على هالموااضيع


ماقصرتي والله ولا تحرمونا يابنات من خبراتكم


بالنسبه أكثر شي حبيته واستفدت منه الكيس النايلون اللي تحطينه اذا بتبدلين حفاظة البيبي واهم شي اخذذو النايلون اكبررر حجم


نفس هذا

انا شريته من عيد النصار لانه كبير حيل كان واستفدت منه لي صار عمر ولدي 8 شهور يمكن بس ترى موهذي موصورتي


وطبعا اللي ماستفدت منهم كلش وماانصحكم فيها

بدلات البيبيات اللي تكون جينز ونص جم ومادري شنو

حلاته بيجامه او بدله قطنيه مريحه طويله


وهذا اللي اتذكره حاليا

ولي عودة

 

[اسبــانيــة]

امبيييه عيل انا اكبر غلطه ان كوودت الملابس

ثاني اكبر غلطة ما يبت المميات كبار ف كل جم شهر رايحه اييب اكبر

بس المميات الصغار استخدمهم لي طلعت او رحت زواره

ونصيحه لاتشترون من عمر ٣ لي ٦ كلش حرااام تيبونهم ويطلعون صغار عليه ولا يطول على ما يلبسهم

بنتي ٤ شهور ولي الحين تلبس من ٠ لي ٣

 

[Q6RYA]

أم مبارك واسبانيه مشكورين

انا تذكرت شي هم فادني هوالمهاد بو تصكيره في البدايه ماستخدمته لان ولدي كان صغير وحسيته مخبخب عليه بس عالشهرين عجبني وايد مريح وعملي باختصار منتج مفيد تحصلونه في بيبي شوب سنتربوينت وفيه كمه وايد الوان وخاماات

 

[You FOR Me Only]

ماقصرتي فديتج

بوين محلات جيكو في قطر ؟!

وياليت اذا فضيتي تنزلين لنا قصه ولادتج خصوصا ان ماشوف قصص ولاده لقطريات بالمنتدى فمحتاجين وايد لهالمواضيع

 

[Q6RYA]

في محل جيكو في الستي سنتر الطابق الثالث بس الويكند الي فات كان مغلق لان عندهم جرد وفي محل جيكو في فيلاجو ومنتجات جيكو شفتها تنباع (أغلبها) في بيبي شوب الي في الستي سنتر مادري دايما والا بس هالويكند كانو عارضينها علشان الجرد


وبالنسبه حق قصة ولادتي انشالله بكتبها اذا صار عندي وقت حياج

 

[بقلبك مكاني]

يعطيييييييييييج العافيه يالغلا

 

[Q6RYA]

يعافيج مشكوره

 

[om . alzeen]

انا بجر مثل ماسويتي سويت

يعني جهزت اغلب الهدوم ( بربتوزات ) الي تصير بجايم كامله قطنيه فقط ماشريت بدل ولاشي قطعتين لانه الكامل اريح للمولوود الجديد

وسوالف البدل والكشخه اشتريها بذن الله بعد ما اطلع من الاربعين يكون الطفل شوي كبر


بنات لاتنسون تكثرون من الصدريات القطن المبطنه من ورا ببلاستك لانه الطفل احتمال يكون يرجع وايد فما تتوهقين وقت طلعتج وزوارتج اذا توصخو يكون عندج كميه

وشي مهم اغلب البنات ينسونه دسوس الايد الي تلبسينها بايد الياهل عشان مايمخش نفسه ولا يستبرد

واغلب الملابس الي شريتهم قياس نيو بورن + من 0 _3 فقط

والمميات ناويه اشتري ماركة جيكوو حيل زينيين والصغار ماركة معروفه ناسيه اسمها الي كلهم قزاز تنباع بالجمعيات والصيدليات اتوقع عرفتوهاا

ولاتنسون كنابل تلفون فيها البيبي فوق المهاد

ايييي صح نسيت اقولكم الي ترضع طبيعي ترى بتحتاجين شفاطة الحليب او مادري شنو مسماهاا عشان تسحبين الحليب من صدرج وتحطينه للطفل بالرضاعه اذا كنت طالعه هذي شريتها من سنتر بوينت مادري شنو ماركتها تلاقون كذا ماركه


ولاتنسون عدت تنضيف الطفل ( المقراضه _ جهاز قياس الحراره _ شفاطة الخشم الي تنضف الخشم وانتو بكرامه ) هذي تجيكم ست كامل بجنطه صغيره شريتها من سنتر بوينت

 

[Q6RYA]

مشكوره ام الزين حبيبتي ةانا ماكنت ابي احط الاساسيات مثل الملابس والمهادات وعده التنظيف وغيره لان هذي متوفره بكل مكان وكلها تقريبا انواع زينه بغيت احط الكماليات وابين مستوي فايدتهم من تجربتي

بس بالنسبه للملابس افضل شي نكست اشكالهم حلوه ونوعيتهم وايد زينه ولا تتغير مع الغسيل (مذكير يتمطط وبي اتش اس يضيج)

 

[noo7a]

يعطيج العافيه،للموضوع

بس،بالنسبه لطاوله التبديل
بالعكس
انا حيل حيل مرتاحه معاها كل ماشفت وحده،على ويه ولاده انصحها فيها لووول

لان لمن ببدله احطه عالطاوله وانا واقفه ابدله،من غير ما اجندس و اتعب ظهري و مثل ماقلتي اهي،مثل كبت فاغراضه كلها حولي مايحتاج ادور كل شي يمي

 

[سمراء كويتية]

يعطيج العافيه

 

[هامش الطيف]

مشكوره و ماااقصرتي

 

[Q6RYA]

حياكم بنات مشكورين

 

[نور دنياه]

مرحبا

بالنسبه لي الاشياء الي فادتني :

• طاولة التبديل وااايد نفعتني، ماحب ابدل حق بنتي على السرير ولا الارض ينقص ظهري، حتى بنتي تستانس لي سدحتها عليها.

• شفاط الصدر، ماركه "ميدلا" وايد زينه الكهرباىيه خذيتها من بوتس

• ومكينه التعقيم مالت مذركير بعد زينه بدال لااسوي الطريقه التقليديه اغليها هذي وايد اريح
• والسخان الي عندج نفسه الي عندي بالعكس واايد زين ونفعني بس بشي واحد لما اكون شافطه لبنتي وحاطته بالثلاجه اسخنه فيه لانه لو حطيته بقلاص ماي يسخن من برا ومن داخل يتم بارد ، اما السخانه تسخنه كله من داخل وبرا ، والي بترضع صناعي مابتحتاج هالجهاز الا بعد ال6 شهور تسخن فيه الاكل المهروس
• بالنسبه للمراضيع ماخليت ماركه ماخذتها خخخخ دكتور براون حلوه بس يقولون ماتسوي غازات لليهال وانا بنتي كله غازات ماحس تفرق عن الباقي، وشيكو جربتها حلوه بعد

والاشياء الي مافادتني:
الملابس الماركات لاتاخذونها لطفل النفاس لانه مايطلع وخسارتهم انا ماخذت لبنتي بس ريلي الله يهداه شاري لها وكاهم على حطتهم مالبستها اياه وصغروا !!
وحوض السباحه مال م\ركير ماستخدمته لانه صغير ومااخد راحتي اخرتها شريت سطل من الجمعيه البلاستك واسبحها فيه لانه كبيير وزين خخخخ

 

[Somii_90]

الله يعطيج العافية عالموضوع :eh_s(7):